ضياع الهوية

Strawberry_67003 🇪🇬

منذ 3 أيام

شعور مرهق

أنا مش عارفنى أنا توهت منى أنا مش أنا حرفيا دا احساسي طول الوقت ، بقيت نسخة من نفسي معرفهاش ، طول الوقت فى الشغل مش عارفة اعمل اى حاجة تانية غير الشغل وحاسة انى مكبوتة ومش عارفة اتكلم اقول اى أو هتكلم مع مين ، أنا ساكتة وماشية مع التيار وخلاص ، هوصل لفين أو امتا معرفش

Carrot_65356 🇪🇬 خلاص اتكلمي الكل هيسمعك أو شوفي اقرب حد ليكي هيكون عرفك اكتر المهم متشليش حاجه جواجي

عرض الكل 3 نصيحة

Blueberry_66729 🇪🇬

منذ 3 أيام

شعور متعب

أنا بدأت أتكسّر من وأنا صغير… طفولتي ماكنتش بريئة زي باقي الناس. كنت دايمًا حاسس إني لازم أبقى عاقل، لازم أستحمل، لازم أعدي. محدش قالّي: “براحتك”، أو “عيط لو عايز”، أو حتى “أنا جنبك”. كل ما أحس بخوف، أو ضيق، أو حتى فرح… كنت بكتم. اتعودت على الكتمان، لدرجة إني نسيت أنا حاسس بإيه. اللي حواليا كانوا س

عبّر عن شعورك بشكل مجهول

أنا بدأت أتكسّر من وأنا صغير…
طفولتي ماكنتش بريئة زي باقي الناس.
كنت دايمًا حاسس إني لازم أبقى عاقل، لازم أستحمل، لازم أعدي.
محدش قالّي: “براحتك”، أو “عيط لو عايز”، أو حتى “أنا جنبك”.
كل ما أحس بخوف، أو ضيق، أو حتى فرح… كنت بكتم.
اتعودت على الكتمان، لدرجة إني نسيت أنا حاسس بإيه.

اللي حواليا كانوا ساعات قاسيين،
مش قسوة الضرب بس… لأ، قسوة التجاهل، المقارنة، التقليل، عدم الاحتواء.
كبرت وأنا متراقب، مفيش مساحة أكون فيها “أنا”.
كنت بحاول أرضي الكل، أبقى المثالي، أبقى الشاطر، أبقى اللي ما يغلطش…
بس مفيش حد بصلي بعين حقيقية وقالّي: “أنا فخور بيك”.

فيه حاجات محددة محفورة فيا:
كلمة اتقالتلي وأنا صغير ولسعتني سنين،
نظرة فيها احتقار، لحظة حسيت فيها إني لوحدي ومش هينجدني حد.
ده ساب علامات…
علامات مش على جسمي، لكن محفورة جوا عقلي ونظرتي لنفسي.

وجيت على صدمة المرض…
كنت فاكر إن أسوأ حاجة حصلتلي في الطفولة…
لحد ما جه المرض فجأة،
مرض مش بسيط، فضل معايا فترة طويلة،
بدون إنذار، وبدون حد يطبطب بجد.

سنتين كاملين من التعب، الخوف، عدم الفهم،
أوقات كنت بفكر… هو أنا هموت؟
أوقات كنت بحاول أتمسك بأي حاجة… بس حتى اللي حواليّا كانوا تايهين زيي.
مكنش في حد حقيقي “مسنود عليه”.
أنا اللي كنت دايمًا بعمل إن الدنيا تحت السيطرة لدرجة ان الناس كانوا بيتعاملوا معايا اني قوي وعارف اتعامل مع كل ده… بس الحقيقة؟
كنت منهار من جوا.

في لحظة كنت محتاج حد يشوفني وأنا بنهار،
حد ياخدني في حضنه ويقولّي:
“أنا شايفك، مش لازم تتماسك، مش لازم تمثّل”.
بس للأسف، ماكنش فيه حد

بعد المرض ده… أنا اتغيرت.
مش نفس الشخص.
فيه حاجة اتكسرت جوايا ومصلحتش.
حتى لما اتقال إن المرض راح…
الوجع ما راحش.
الحالة النفسية اللي سبها وراه كانت أصعب بكتير من أي أعراض عضوية.

من ساعتها وأنا حاسس إني بقيت أضعف من أي وقت،
وأقسى على نفسي من أي حد،
ومش قادر أرجع أعيش ببراءة،
ولا حتى أثق فحد،
ولا حتى أحس إني أستاهل أعيش مرتاح.

بعد الصدمة دي…
أنا مابقتش أنا.
فيه حاجة انطفأت جوايا ومارجعتش تنوّر تاني.
الناس حواليا بيقولوا “أهو خف وبقى تمام”،
بس محدش شاف العتمة اللي جوا دماغي.
محدش سألني: “إنت لسه عايش جواك؟”

بقيت بخاف من الارتباط،
مش بس العاطفي… حتى العلاقات العادية بقيت مرهقة.
بقيت دايمًا حاسس إن أي حد هيقربلي،
يا إما هيسيبني،
يا إما هيشوفني عبء،
يا إما هيكسّر فيا أكتر من اللي اتكسر.

وبدأت أتساءل… هو أنا بعيد؟
ولا أنا اتأذيت أوي لدرجة إني ماعدتش عارف أرجع؟
أنا فقدت حتى القدرة إني أصدق إن في راحة جاية.

بقيت بصحى الصبح بسأل نفسي:
“هو أنا عايز إيه من اليوم ده؟”
والإجابة غالبًا: “ولا حاجة”.

كل حاجة بقيت تقيلة…
الخروج، الشغل، حتى الكلام.
كلمة “عامل إيه؟” بتتردلي كل يوم،
وكل يوم بجاوب: “الحمد لله”،
بس الحقيقة؟
أنا مش تمام… ومش عارف أرجع تمام.

مابقاش عندي حلم واضح…
كنت زمان بشوف المستقبل وأخططله،
دلوقتي؟
أنا بس عايز أعدّي اليوم ده… وأشوف بكره هيعدي ولا لأ.

وفي النص ده كله…
كنت بجاهد أبان قوي،
بضحك، بهزر، بنصح الناس، بشيل همهم…
بس ماكنش فيه حد بيشيلني.

أنا دلوقتي وصلت لمرحلة…
مش عايز أبقى مثالي،
ولا عايز أبقى اللي بيعتمدوا عليه،
أنا بس عايز أتبصلي كإنسان بيتوجع… ومش عيب.

انا هنا مش عشان حل سريع،
ولا عشان حبة أو وصفة.
أنا هنا عشان حد يفهمني،
حد يسمعني من غير ما يصلّحني،
حد يصدقني لما أقول:
“أنا تعبت من كتر ما قلت أنا كويس… وأنا مش كويس”.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_65349 🇪🇬

منذ 6 أيام

شعور ضائع

كنت حابة اقول حاجة بصراحة واتمنى اتسأل ليه عارفة لما تبدأ الفجوة بمشكلة صغيرة و بعدين الموضوع ميتقفلش و تيجي مشكلة اكبر وبعدين مشكلة اكبر و اكبر واكبر و حوار شمال ع حوار يمين وانتي تهتي مبقتيش عارفة امتى تفوتي وامتى تقولي لا كفاية .. وبسبب صعوبة الانفصال بتفضلي تفوتي لحد ما تب

Croissant_65335 🇪🇬 تقريبا انا كنت فنفس الحوار بتاعك وفي الاخر وصلت لمرحه انه لا كفايه وجع دماغ لحد كدا وانا علمتها كذا وكذا وكذا وبرضوا مفيش فايده وكل مره افوت وافوت واجي ع نفسي عشان الدنيا تمشي بس خلاص قولت انا هفضل كدا لحد امتا وانا هنا ليه ومستحمل ليهو هي اصلا مش شايفه حاجه ف بالتالي قولت كفايه لحد كدا وبدات مشكله ومنها نهيت كل حاجه والحقيقه ارتحت بعدها ارتحت جداً ونفسيا كنت احسن بكتر

عرض الكل 29 نصيحة

Chilli_63580 🇪🇬

منذ أسبوع واحد

شعور مستنزف

عبّر عن شعورك بشكل مجهول

هو طبيعي ان الناس كلها تبقا شايفه انك كويس و انت الوحيد ال شايف نفسك شيطان خليني اوضحلكم اكتر و اتمني لو حد مر بفتره زي كدا ينصحني اعمل ايه انا الابن الاكبر و الحفيد الاكبر من ناحية عيلة والدتي دايما القرايب و المعارف كانوا بيضربوا بيا المثل في الادب و الاخلاق و انا فعلا محترم قدامهم عندي 18 سنه قعدت في فتىة من حياتي بين 13 ل 17 سنه كنت بعرف بنات و بنزل مع اصحاب سوء كتير شفت كل حاجه ممكنه ممكن تتخيلها في سن صغير جدا انا عمري ما جربت اي حاجه كان دايما حاصرني توقعات اهلي عني و اني مش عاوز اشوه صورتي قدامهم مدخلتش ثانويه هامه دخلت اكاديميه تعليم مزدوج في التلت سنين دول ابتدي موضوع اني بقا عندي شخصيات متعدده في دماغي هما حاليا تلاته شخصيه محترمه و راقيه و دي مع اهلي انما شخصيتي المتمرده و العصبيه دي بتبقا مع اي حد خارج نطاق الشغل و العيله و الشخصيه التالته و دي ال اتخلقت في اخر فتره شخصيه بارده بدون هويه ولا ملامح المهم اني حاليا شايف اني بكرهني بكل شخصيات دايما عندي جلد ذذات غير مبرر وصلت لمرحلة كاتينج في فتره و بطلت و حاليا لازلت بكره نفسي بشكل غير مبرر و بكره كل شئ بيدور عني حتي اسمي لدرجه اني ممكن لو قابلت حد معرفهوش مبعرفوش اسمي الحقيقي او هويتي عموما فا لو امكن ممكن تنصحوني لو حد حصله شيء قريب من كدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_59874 🇪🇬

منذ أسبوعين

شعور ضائع

"من أنا؟ لم أعد أعرف." أصبحت غريبًا عن نفسي، وكأنني أنظر في مرآة لا تعكس وجهي، بل شخصًا آخر... غريبًا، مشوه التفكير، غارقًا في ظلال لم أعرفها من قبل. قديماً، كنت أؤمن أن غايتي أن أكون محبوبًا، أن أساعد الناس دون أن أطلب شيئًا في المقابل. كنت أتعلق بكل من حولي... أتمسك بهم بشدة، كأنهم طوق نجاتي من

Biscuit_42107 🇩🇿

منذ 3 أسابيع

شعور ضائع

حاليا قاعدة أمر بفترة غريبة كل شي فيها غريب وهاد الحالة جاتني من تقريبا سنتين كلشي كان مألوف وظنيت إني عارفته ومحددته صار غريب علي وكأنه فجأة اختلف كل الي كنت احبه صرت اكرهه لدرجة ماصرت اعرف نفسي صرت افاجئني مرة بالسلب ومرة بالايجاب وبعدما كنت اظن اني اعرف نفسي وعندي علم بكل شي يخضها اكتشفت اني أبدا

Peanut_56462 🇪🇬 حاولى متسلميش تفكيرك للتفكير الزيادة والمفرط وابعدى نفسك عن الوحده وانك تبقى لوحدك كمان رتبى اولوياتى وهتلاقى الامور بتظبط معاكى متقلقيش

عرض الكل 3 نصيحة

Coffee_58610 🇪🇬

منذ شهر واحد

شعور متوتر

طول عمري معنديش صحاب كتير او بمعنى أصح مبعرفش أتفاهم مع الكل، بس الموضوع مكنش فارق معايا اوي بس بردو الواحد بيجي عليه فترات بيبقا محتاج حد نفس دماغه، خلصت ثانوية ودخلت الكلية الي عاوزها على امل اني هلاقي مجتمع مختلف، ناس مش كل قعداتهم كلام على بنات وشوفت الي كذا وكذا، بردو لقيت نفس المجتمع الي بشوفه

Apple_53375 🇪🇬 انت مش محتاج تعيش دور مش دورك خليك علي طبيعتك بلاش تغير نفسك عشان حد لانه في الاخر هيتغير هو كمان بالعكس خليك واثق من نفسك و شجاع و ابقي علاقات كتير و اشتغل علي نفسك و قرب من ربنا و خليك مع الشخص اللي انت عايزه حتي لو مش عارفه من زمان بالعكس دا قدامك فرصه تعمل عمر معاه و ذكريات و اشتغل برضو هتلاقي نفسك عرفت ناس كتير و بقي عندك اصحاب اكتر

عرض الكل 8 نصيحة

Marshmallow_56278 🇪🇬

منذ شهر واحد

شعور ضاق ذرعًا

حزينة و قلبي مكسور ، مش على حد ، لكن على نفسي على الحال اللي وصلتله ، انا بقيت شخصية مقرفة و التحول ده مش من امبارح التحول ده من سنين، انا بقيت بنى ادمة انا مش طريقتها ولا في يوم توقعت اني ممكن اكون الشخصية دي ، و مش عارفة ارجع ، و كل يوم ببقي مضطرة امثل قدام اهلي و كل الناس اني البني ادمة النضيفة ا

Blueberry_56240 🇪🇬 ربنا يوفقك في حياتك يارب ويكرمك وينجحك ويحققلك كل اللي في نفسك ويسهلك كل صعب معاكي ويريح بالك ويجبر بخاطرك ويفرحك ويسعد قلبك ويحلي ايامك ويجعلك راضية ومرضية عنك ويجعلك جابرة لخواطر الناس وسبب فرحتهم ويديم فرحتك وضحكتك علي وشك ويديم استخدامك في الخير وتفضلي دايما يارب الضهر والسند والونس والامان والاحتواء لكل اللي حواليكي ويجعلك النور اللي بينور الطريق للي حواليه واشوفك دايما مجبورة الخاطر

عرض الكل 16 نصيحة

Mushroom_55872 🇪🇬

منذ شهر واحد

شعور مكسور القلب

مش عارفة رقمي التعريفي ايه و انا زي مانا مجهوله عن الي بيقرأ ده فانا صدقوني غريبة قصاد نفسي يمكن لان الحياه بتكسر فينا حاجات و تموت حاجات اكتر بس علي كلا خلونا نبدأ من لما اتخرجت بمجموع يضحك ودخلت كليه كل يوم الصبح كنت بعيط منها انه مش مكاني مش عاوزة يكون ده اخري عمري مهتميت بالماديات بس وقتها حسيت

Strawberry_55445 🇪🇬 و عسي أن تكرهوا شيئاً وهو خير لكم يمكن ربنا حطك في المكان ده لسبب انتي مش عارفاه لسا بعد ثانوية عامة دخلت معهد و كملت كلية و الحمد لله ده افضل سيناريو لحياتي ممكن اتخيله ربنا جميل اوي و خططه لينا و قدره افضل شئ هتعيشه تقبل الأمر و ارضي بقضاء ربنا و شوف ازاي تقدر تطور من نفسك في مكانك ده

عرض الكل 26 نصيحة

Strawberry_25987 🇪🇬

منذ 7 أشهر

شعور عاطفي

مش عارفه هعرف أوصف بالكلام ولا لا بس هحاول الأول أنا كنت حد ملتزمة صلاة وحفظ قران وبعد ما دخلت الجامعه بدأت اتلهي ومكملتش حفظ في حاجات كتير وقفت بعدت اوي بس الصلاة لا الحمد لله بس في حاجات كتير اتغيرت ف شخصيتي مش دي أنا اللي كنت عاوزه ابقي هي مع أني بدرس التخصص اللي عاوزاه وبنجح وبتقدير وهتخرج وهبق

Marshmallow_35015 🇩🇿

منذ 8 أشهر

شعور مرتبك

احيانا بحس نفسي مش عارفة نفسي... ممكن انا نتيجة المجتمع.. قراراتي ستايلي حياتي اهتماماتي كلها نتيجة المجتمع لي حولي و الاشخاص لي حولي.. حتى افكاري احيانا بناقض نفسي... و اوافق الاشخاص كلهم عافكارهم كانها افكاري بس بعدين ما اعرف اذا ذا صح او غلط...... و لما تتضرب افكار الاشخاص اللي حولي ما اعرف احس

Chilli_21099 🇪🇬

منذ 11 شهرًا

شعور مرهق

مش عارفه كل الناس اتغيرت ولا انا الاتغيرت اوي و شايفه الناس كلها متغيره و كمان في اسله كتير اوي في دماغي و مش لاقيه اجابات ليها و دماغي واجعاني اوي من كتر الاسئله و حاسه اني مخنوقه اوي و مش عارفه أنا مين و مش مبسوطه ليه في حياتي هو أنا نمت يوم زعلانه صحيت لاقيت نفسي معرفنيش و خايفه من كل حاجه حواليا

Olive_18360 🇪🇬

منذ سنة واحدة

شعور لا مبالٍ

انا الي ياما قولت انا وانا وانا نسيت في يوم الي قولت كام سنة وانا الي يعرفني من بعيد شافني يومها معرفنيييش

Pear_12205 🇪🇬

منذ سنة واحدة

شعور Okay 😐

إلي نفسي التي تكبرني بخمسة أعوام .. لو أنني ما زلت حيًا .. ٢٨ أغسطس ٢٠٢٣ السيارات المُندفعه تمر بجانبي وكأني لا أحد .. تكاد تصدمني واحده أو اثنتين .. لو أنك تراني كما أفعل مع ذواتي الأصغر عمرًا .. الرابعه عصرًا غادرت كما لو لم أكن موجودًا .. أسير مُحاولًا لفت انتباه الناس .. علّ أحدهم يراني .. مر

عبّر عن شعورك بشكل مجهول

إلي نفسي التي تكبرني بخمسة أعوام .. لو أنني ما زلت حيًا ..

٢٨ أغسطس ٢٠٢٣
السيارات المُندفعه تمر بجانبي وكأني لا أحد .. تكاد تصدمني واحده أو اثنتين .. لو أنك تراني كما أفعل مع ذواتي الأصغر عمرًا ..

الرابعه عصرًا
غادرت كما لو لم أكن موجودًا .. أسير مُحاولًا لفت انتباه الناس .. علّ أحدهم يراني ..
مرتديًا زيًا لا يُمثلني .. يجعل وجهي مجرد .. تعابير لا تهم أحد ..

القلق .. الألم .. الحزن الذي يشتد في ساعات متأخرة من النهار .. حيث العالم كله صخب .. حيث صوتي لا يسمعه أحد .. أصرخ بأغنيات عِده ولا أجد من يُشاركني اللحن ..
يرى الناس الزي العسكري .. غير أن لا أحد يرى عظام وجهي البارزة من نقص الطعام .. أو أعيني التي ذابت في ليلٍ مُضجر بين أحلامٍ لم تكن أحلامي .. وواقع لا يُناسبني ..

من أنا ؟
أبحث في كُتب التاريخ .. الدول التي عَلتْ 
والدول التي لم يسمع بها أحد 
الأشخاص الذين ذكرهم التاريخ كثيرًا
الأشخاص الذين لم يذكرهم أحد 
الرجل الذي جاء من أقصى المدينة وأنقذ موسى .. الرجل الذي لا إسم له

من أنا ؟
في هذه المدينة التي تأكل نفسها

من أنا ؟
في هذه الأرض التي لا تتحملني فوقها ..
وقلبي البليد المُثقل بِحُب فتاة تسكن بين ذراعي رجل آخر ..
الفتاة ذات الشعر الأسود والعيون التي قبلهما ما عرفت أبدًا أن العيون قد تخون .. بجسدِها الممشوق كإلهه إغريقية .. الفتاة التي حتى وأنا بجانبها لم تكن تراني

من أنا ؟
في هذا العام
بذراعي التي لا تخلو من القلم أو لفافة التبغ أو السلاح الفاسد .. كم وددت لو صَوبته نحوي .. لكن أنا الذي ضِعت .. أظل ضائعًا حيًا كنت أو جُثه هامدة تأكلها المدينة .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_11964 🇪🇬

منذ سنة واحدة

شعور Okay 😐

عموما وحشتني النسخة الشاطرة الفراكة مني اللي كانت بتحب المذاكرة وبتحب النجاح وبتمارس كل مواهبها بشغف، أما النسخة اللي أنا عليها دلوقتي تندرج تحت بند "أنا مش عارفني أنا توهت مني أنا مش أنا".🫠

التجربة أفضل عبر التطبيق

حمّل تطبيق توهيل على هاتفك لتجربة أسرع