ليه بتفكري في الانفصال حتى في الأوقات اللي بتكونوا تمام؟

Question

كنت حابة اقول حاجة  بصراحة   واتمنى اتسأل ليه 
 عارفة لما  تبدأ  الفجوة بمشكلة  صغيرة و بعدين  الموضوع ميتقفلش  و تيجي مشكلة اكبر   وبعدين  مشكلة اكبر  و اكبر واكبر   و حوار شمال ع حوار يمين   وانتي تهتي مبقتيش عارفة  امتى تفوتي وامتى تقولي  لا كفاية  .. وبسبب صعوبة الانفصال  بتفضلي تفوتي لحد ما  تبقي مش عارفة   انتي  مين ولا اي اللي جابك هنا   وازاي انتي مستحملة كل ده  و حد تاني جواك  يرد عليكي ويقولك  بس انتي لازم  تستحملي  انتي مكبرة الموضوع اوي  ليه كدا   عادي  فوتي مانتي فوتِّي كتييير  .. 
لحد ما  تبلعك  فجوة المشاكل  وحتى لو مفيش  مشكلة او حوار  انت دايما بتفكري ف الانفصال  حتى ف الاوقات  اللي بتكونوا فيها تمام   
عارفة ؟!

Croissant_65335 🇪🇬 · Accepted Answer

تقريبا انا كنت فنفس الحوار بتاعك وفي الاخر وصلت لمرحه انه لا كفايه وجع دماغ لحد كدا وانا علمتها كذا وكذا وكذا وبرضوا مفيش فايده وكل مره افوت وافوت واجي ع نفسي عشان الدنيا تمشي بس خلاص قولت انا هفضل كدا لحد امتا وانا هنا ليه ومستحمل ليهو هي اصلا مش شايفه حاجه ف بالتالي قولت كفايه لحد كدا وبدات مشكله ومنها نهيت كل حاجه والحقيقه ارتحت بعدها ارتحت جداً ونفسيا كنت احسن بكتر

Watermelon_63493 🇪🇬 · Answer

اقطع دراعي لو كنت فاهم حاجة

Mango_65867 🇪🇬 · Answer

ابعدى عن العلاقات المرهقه والمتعبه، وامسكى فى العلاقات الواضحه وهدفها معروف

Chilli_61759 🇪🇬 · Answer

بقالكم كام سنة سوا

Tofu_65349 🇪🇬 · Answer

7

Tofu_65349 🇪🇬 · Answer

للاسف في اولاد

Tofu_65349 🇪🇬 · Answer

ياريت ينفع

Chilli_61759 🇪🇬 · Answer

مش سهل تفركش لو دخلتوا العلاقة بشكل حلال ممكن تكون دى نغزات شيطانك

Tofu_65349 🇪🇬 · Answer

للاسف  لا   الامر مش مشاكل  دي مواقف

Chilli_61759 🇪🇬 · Answer

وليه صابرة

Croissant_65335 🇪🇬 · Answer

نسيتي تكملي ولا ايه

Tofu_65349 🇪🇬 · Answer

ولادي

Chilli_61759 🇪🇬 · Answer

هو زوجك وانت كام سنة وهو كام سنة

Banana_65522 🇪🇬 · Answer

طبيعه المشاكل تافهه ولا انتم بتتسلطوا لبعض ولا في حد في حياتكم مسيطر علي علاقتكم

Tofu_65349 🇪🇬 · Answer

نفس السن   زوجي ايوة

Tofu_65349 🇪🇬 · Answer

مفيش حد  مسيطر  غيره هو متسلط شويتين  ..

Chilli_61759 🇪🇬 · Answer

كلمينى خاص لو أمكن

Tofu_65349 🇪🇬 · Answer

المشاكل  مش مشاكل هي مواقفه  من حجات  كتير  .. زي انه ممكن  ياخد فلوسي كلها  .. دهبي   ..  بصرف انا ع البيت وهو يرجع  يبعت لي الفلوس دي ع اجزااء  لو بعتها كلها  لو جبت حاجة لنفسي مبيشيلهاش هو  بشيلها انا  ولو حتى  شيكولاتة

Banana_65522 🇪🇬 · Answer

طيب قربي منه حسسيه انك ضعيفه من غيره حاولي تناقشي معاه بأسلوب حضاري وبلاش صوت عالي  بصيله بحب حاولي تنجحي العلاقه بينكم حاولي تحسسيه مره انه صح حتي لو علي غلط وبعد كده اديله اسبابك براحه جربي مش آخر الدنيا

Tofu_65349 🇪🇬 · Answer

المشكلة ان هو اللي بيعمل كدا بعد ما  يبقا عمل كل اللي عايزه  ..  
هو بيعرف ياخد حقه  واللي مش حقه  كويس جدا  بالطريقة  المناسبة ليه  ويجي بالحب يلطف  
 حتي مش يصلح  اللي عمله  لا  يلطف ويتعامل عادي  ولو انت قالبة وشك او لسة  زعلانة  بسمع كل ما لا يرضيني

Tofu_65349 🇪🇬 · Answer

في حجات كتير اوي اوي تتحكى  مش عارفة اقول اي ولا اي

Banana_65522 🇪🇬 · Answer

انت لسه في البيت معاه ولا في مشاكل

Tofu_65349 🇪🇬 · Answer

معاه

Banana_65522 🇪🇬 · Answer

لو اعرف اكلمك برايفد كنت عملت بس انتي حاولي تفرضين اسلوبك بالشكل الناعم الي بيحبه الرجاله وهو باين عليه طيب

Croissant_65335 🇪🇬 · Answer

اعتقد دا هدف الابليكشن ان الشخص يحكي يقول اللي عنده اكيد في ناس بتمر بنفس المشكله واكيد ناس عندها حل للمشكله لانها مرت بيها قبل كدا

Pineapple_65871 🇪🇬 · Answer

يحتاج الانسان الي الهدوء عشان يقدر يشوف الصوره صح .. الهدوء بيجيب حكمه وساعتها بنسبه كبيره القرار بيكون موفق.. كل الدعم والتوفيق

Mango_65905 🇪🇬 · Answer

المشكلة اننا بنسيب الفجوة تكبر بسبب مشاكل بسيطة لازم اي مشكلة تحصل حتي لو صغيرة نقعد ونتكلم ونحلها مش نسيبها لحد ما تتكون مشكلة ورا التانية فنعمل فجوة

Potato_64725 🇪🇬 · Answer

طالما العلاقه وصلت لحيطة سد انهيها وخلاص كدا

Banana_65522 🇪🇬 · Answer

اتهد بقا حرام عليك