طول عمري معنديش صحاب كتير او بمعنى أصح مبعرفش أتفاهم مع الكل، بس الموضوع مكنش فارق معايا اوي بس بردو الواحد بيجي عليه فترات بيبقا محتاج حد نفس دماغه، خلصت ثانوية ودخلت الكلية الي عاوزها على امل اني هلاقي مجتمع مختلف، ناس مش كل قعداتهم كلام على بنات وشوفت الي كذا وكذا، بردو لقيت نفس المجتمع الي بشوفه طول حياتي ناهيك عن العيال الي داخلة بالغش وطريقة تعاملهم مش أحسن حاجة، سنة اولى كلها جاريت الكل في الحوار دة وبقيت بتعامل بشخصية مش شخصيتي لمجرد اني اندمج معاهم مع ذلك بردو حاسس اني بعيد ان دي مش شخصيتي ولا دة تعاملي الواحد حاسس انه هيفضل طول عمره بدون ما شخص يفهمه بجد، للعلم اني بالفعل عرفت كم شخص محترم لكن زي ماتقولوا كلهم عارفين بعض من ثانوي حاجات زي كدة بقا، غير اني حاسس ان الحياة خلاص بتروح مني، لازم اشتغل على نفسي ٢٤ ساعة علشان سوق العمل مبيرحمش بالاضافة الي توجه الدولة الحالي، بقيت واحد عايش في الماضي مش راضي أتخطى ان خلاص كدة مبقاش فيه مساحة لنفسي ولا وقت أفكر فيه يدون هموم.

5

8