رهاب اجتماعى

Kiwi_27850 🇪🇬

منذ شهر واحد

شعور محبط

Hazelnut_52786 🇪🇬 انتي تستاهلي كل خير في الدنيا وربنا شايف قلبك وبيحبك حتى لو انتي مش حاسة بكده دلوقتي. ابدئي بخطوة صغيرة، خدي كورس طبخ بسيط أو اتعلمي أكله بتحبيها، النجاح بيبدأ من حتة بسيطة. الصاحبة الحقيقية هتيجي لما تكوني نفسك من غير تمثيل، خليكِ على طبيعتك وهتلاقي اللي يحبك كده

عرض الكل 8 نصيحة

عبّر عن شعورك بشكل مجهول

هو ليه بجد طول حياتى معنديش بسيت فريند حتى لو واحدة بس🙂🙂 
بجد نفسى يكون عندى بيست تشاركنى كل تفاصيل حياتى ونفضل سوا نعمل تيك توك نتصور نرغى سوا نعمل كل حاجة سوا💔💔  
عندى صحاب كتير بس معنديش بيست 😭😭💔
نفسى بجد يبقى عندى صاحبة هى كل حياتى معظم صوري سيلفى و ميش دايمااا بتطلع احسن حاجه عشان معنديش بيست تصورنى وبتكسف اقول لاى حد يصورنى فى أوت فيت بلبسها لحس انى عايزة اتصور بيها بس بتكسف اقول لحد صورنى لو كان بيست ماكنتش هتكسف منها
هو انا اه انطوائية وعندى رهاب اجتماعى بس ده مش سبب كافى أن ميكونش عندى فى ناس كتير انطوائين وعندهم صحاب 
وانا مبحبش افرض نفسى على حد لو حيست ذرة إنى مفروض على الشخص إلى قدامي ببعد من المكان إلى انا فيه 
الوحدة حلوة بس في محتاجين حتي لو صاحبة واحدة فى حياتنا
فى ناس مش عندها صحاب بس عندها حاجات تانى تعوضها عن الصحاب زى الانجازات إلى عمولها فى حياتهم
انا معنديش اي انجازات فى حياتى
يعنى معنديش إنجازات ومش بعرف اتعامل مع الناس و مش بعرف ومش بعرف اتكلم انجليزي ولا أفهمه ومفروض أن في سياحةو فنادق ونفسى ابقى شيف ناجح ده حلمى ونفسى افتح مطعم خاص بيا بس انا مبعرفش اعمل اكل يعنى فاشلة فى كل حاجة فى حياتى وشكلى مش حلو وفاشلة دراسياً 
انا نفسى بس ربنا يجبر بخاطرى ويبقى عندى صحاب بجد وحياتى تتحسن وابقى ناجحة فى حياتى
واعيش الحياة إلى نفس اعيشها بدعى ربنا كتير نفسى يتقبل معرفش ممكن يتقبل من واحده زيي ولا لا ومعرفش انا تستاهل فعلا ولا لا ومعرفش ربنا بيحبنى ولا لا بس انا بحبه اووى🥺🥺🥺💔💔💔💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_53393 🇪🇬

منذ شهرين

شعور مرتبك

بقالى فترة حاسس ان عندى رهاب اجتماعى مبقتش عارف افتح مواضيع مع حد (ولد او بنت)حتى صحابى حاسس ان ديما عاوز ابقى قاعد ساكت مش عارف اخش علاقة جديدة مش عارف افرض رأى فى اى مناقشة ساعات وانا قاعد مع صحابى بحس انى مش فاهمهم بحس انهم مش زى دماغى بقالى فترة كبيرة على الحال ده ومش عارف اى الحل بقيت بسرح ك

Apple_53375 🇪🇬 اللي بيحصل معاك دا عشان انت مش مدي نفسك التقدير الصح لازم تقدر نفسك صح و مش مهم الناس اتعرف علي صحاب غيرهم و اتعرف علي ناس كتير كل دول مواقف في حياتك هتعلمك دروس عشان تكون احسن بلاش تستسلم من دلوقتي و فكر مع نفسك صح

عرض الكل 4 نصيحة

French Fries_34132 🇪🇬

منذ 8 أشهر

شعور مرهق

موضوع:

ازاي بتتعاملو مع الرهاب الاجتماعي ؟

قاضى على حياتى بمعنى الكلمة بخاف أدخل أى مكان بخاف أنزل لوحدى بخاف أعمل أى حاجة فيها تجمع أو أقعد فى تجمعات دايما فى أى تجمع بحاول على قد ما أقدر ما أحضروش أو أقعد معاهم مبحبش أتكلم مع أى حد لو فى سوبر ماركت أو أى محل لوحدى مش قادرة أتخطى رهابى وأبقى واثقة فى نفسى ولو حبة صغيرين لكن صعب أنا خجولة جد

Mushroom_34267 🇪🇬 عيشي يحببتى الحياه مش مستهله عيشى حياتك و افرحى و خليكى وثقه ف نفسك و خليكى مقتنعه انك جميله و انزلى متحبسيش نفسك مش هتخدى منها غير التعب و انك تكونى لوحدك و محدش هيحس بوجعك ولا ب انت فيكى ايه الدنيا مش مستهله عيشى سنك و عيشى حياتك و افرحى الله اعلم في بكرا ولا لا

عرض الكل 7 نصيحة

Apple_19291 🇪🇬

منذ سنة واحدة

شعور ضائع

عبّر عن شعورك بشكل مجهول

خلينى اقول الحقيقه انا مش هقعد اخبى كتير ان انا شخصيتى ضعيفه لاكن بحاول مبينش ده و بتاثر بكلام الناس لاكن مبينش ده و معنديش ثقه فنفسى لاكن مبينش ده و عندر رهاب اجتماعى لاكن مبينش ده و بفكر الف مره قبل ما اعمل حاجه علنى او انى اقول حاجه خوفا من ان الحوليا يفكرو انى تافهه و مليش لازمه و دايما بشوف نفسى شكلى وحش و ان غيرى واثق من نفسه و حلو و كويس و كل الناس بتحبه و انا محدش بيحبنى و ولا حد عمره ما هيحبنى مع ان الى انا عايشه فيه عكس ده تماما لاكن انا بحس بكده و دايما لما بعمل حاجه غلط مش بقول لماما عليها او معنتش باخد راي ماما فحاجه انا عملاها او موقف حصل معايا او اى حاجه بحكيها لماما عن حد مضايقنى خوفا من انها تقولى الى انت عملتيه ده غلط و دايما باخد ائذنها قبل ما بعمل حاجه خوفا من انها تعاتبنى و دايما احساس الخوف ملازمنى دايما بحس انى غلط و دايما جوايا احاسيس بمعرفش احكيها لحد وبستغرب اوى لما بلاقى بنت مثلا بتحكى عن موقف حصل معاها و بتحكى بجراه فبقعد اقول هى بتجيب الجراه دى منين و الكلام ده فدايما بحس انى ضعيفه بس مش بيبين اعمل ايه بجد نفسى اعيش مرتاحه و اخلص من كده و كمان بقيت بخاف ادى راي لحد او فتجمع دايما بكون المستمع اكتر عن المتكلم خوفا من انى اغلط انا شبه حياتى كلها بخاف من كلام الناس و لما بيحصل معايا موقف مش لطيف مبحكيش لماما عليه عشان بكون عارفه ردت فعلها ايه و خوفا من انها تطلعنى غلطانه فبجد ده بقى ماثر عليا نفسيا و فكل خطوه فحياتى بكون متوتره انى اعملها او اخد راي حد و دايما لما بيحصل معايا موقف مش حلو و حد ماما تعرف كان فالموقف بقعد اقول ده هيقول لماما و بتاع و ماما هتيحى تقولى انت مقولتيش ليه 
كل ده عشان بخاف !!!
عارفه ان محدش هيعبرنى فالاخر بس اهو قولت الى محدش يعرفه عنى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.