رضا

Cherry_68541 🇪🇬

منذ 4 ساعات

شعور متعب

نفسى اسافر نفسى أنجح نفسى اتطمن على اولادى نفسى ارضى ربنا ومبعدش نفسى اعرف اربى ولادى وابقى ام كويسه ليهم نفسى ابطل اتألم نفسى امحى عشر سنين من عمرى غدر وخيانه وقذارة وإهمال نفسى ارجع لنفسى واحبها نفسى اعيش

Banana_67598 🇪🇬

منذ يومين

شعور مريض

أنا تعبان نفسيا أوي والله العظيم دايما مش مرتاح نفسياً ومش راضي عن اي شي في حياتي ودايما قلق ومكتئب انا 33 سنه متزوج وعندي ولد 7 سنين وبنت سنتين وربنا كارمني ودنيتي ماشيه حالتي الماديه متوسطه مشكلتي دايما مش مبسوط ومش راضي عن نفسي ولا ودايما محتاج للجنس والسبب يمكن اني مش راضي عن اختياري لان اخ

Orange_67310 🇪🇬

منذ يومين

شعور Good 😁

التفاؤل جميل مش عيب اننا نبقي مقصرين وحشين المهم هل راضين عن الغلط ولا لا والاهم هل انا جلاد لنفسي ولا بساعد نفسي في فرق كبير بين اننا نحاسب نفسنا عشان تفهم اننا كنا غلط واننا نجلد نفسنا علي غلط الجلد حراام بكل المقاييس لانه بيهد الي باقي فينا حافظو علي قلوبكم انتو تيتاهلو الاحسن ديما عمرنا مكنا وحش

Pistachio_67460 🇪🇬

منذ يومين

شعور غير مكتمل

موضوع:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

ابنى توفى وايام حيكمل سنة انا مش عارفة اتخطى واتعايش مش عارفة طول الوقت بفكر فيه وجع قلب مستمر وتأنيب ضمير فى انى ياريتنى كنت معاه ياريتنى ما سبته ينام لوحده ياريتنى ياريتنى انا عارفة انه قدر ورضيت بقدر ربنا بس غصب عني مش عارفة اتخطى

Avocado_66978 🇪🇬

منذ 4 أيام

شعور آسف

اي حد دخل هنا هو مش محتاج حد يسمعه هو محتاج يسمع نفسه ويقدرها كويس ويعرف انه اعظم حاجه حصلت في الدنيا حتي لو مفيش مؤشر حقيقي ظاهر كلنا هندخل الجنه بقلبنا ف دايما فلتر قلبك من غيره او حسد او حقد او انتقام او كراهيه هتلاقي الناس مهما عملوا انت هتكون راضي عن نفسك

Cherry_63750 🇪🇬

منذ 4 أيام

شعور ممتن

موضوع:

درس علمته لك الحياه

ان ربنا الي بايده كل حاجه وانه قريب مننا ديما وبيسمعنا ولطيف بينا ومالناش غيره هو بس وهو كفايه يغنينا عن اي حد حسبي الله ونعم الوكيل ودي مش دعوه علي حد دي دعوه لينا احنا ان ربنا يكون حسبنا ووكيلنا ديما

Mango_64751 🇪🇬

منذ 4 أيام

شعور قلق

حلم حياتي دلوقتي اني اموت وربنا راضي عني مش عاوزة حاجه من الدنيا غير مكان هادئ اقعد فيه و افضل أعبد ربنا وبس معملش اي حاجه تانية و انقطع عن كل الناس ولا عاوزة ادخل في منافسة مع حد ولا مقارنات ولا مناقشات اللي يفهم يفهم و اللي يتكلم يتكلم بس انا عاوزة اعيش لوحدي و يبعدوا عني بس مش شايفه أنها حاجه صعب

Mango_18989 🇪🇬

منذ أسبوع واحد

شعور خجول

في اللي عرف يجيب النتيجه بتاعته وفي لا حاجه مهمه بس مهما كانت درجتك دي مش اخر الدنيا ولا اخر الطريق انت أو انتي تعبتو في السنه دي من تفكير ومذاكره وضغط ودروس مهما كانت النتيجه حلوه او وحشه بنظركم قولو الحمدلله وكونو راضيين واللي هتجيبو مكتوب واكيد خير ليك حتي لو انت مش مقتنع

Watermelon_32587 🇶🇦 👏👏👏👏👏

عرض الكل 1 نصيحة

Ice Cream_20764 🇪🇬

منذ أسبوع واحد

شعور قلق

عبّر عن شعورك بشكل مجهول

7/7✅، متأخرة 12يوم بس عشان حصلت كام حاجه كدا وفنفس الوقت مكنتش قادره...ايًا يكن النتيجه المفروض أنها بكرا خايفه جدًا لا هو انا م خايفه انا مرعوبه ومع ذلك انا واثقه ف كرم ربنا ومتأكده انه مستحيل يضيع تعبي النفسي والجسدي والعقلي والإرهاق وقلة الأكل والنوم وكل حاجه مريت بيها طول ال355 يوم دول بسهوله ومهما كانت نتيجتي انا بحمد ربنا علي كل حاجه وعارفه ان دا خير ليا انا بس خايفه لقدر الله مطلعش صافي او اسوأ نتيجه متوقعاها يحصل الأسوأ منها، انا م عارفه ازاي خايفه ومرعوبه مع اني مؤمنه بقدر ربنا بس بجد م بإيدي وخايفه اكون بقول كدا وبس وان انا م هبقي راضيه يقينًا باللي ربنا كاتبه ليا وربنا يزعل مني او مثلًا ربنا يختبر قوة إيماني بيه فالنتيجه ومستقبلي كله..حقيقي معرفش انا بقول ايه و م مركزه بس انا مخنوقه جدًا وبقالي أيام مباكلش كويس م عشان عامله فيها قلقانه لا انا بجد ببقي نفسي أكل بس مبقدرش ومليش نفس لأي حاجه وحتي النوم مبقيتش بنام كويس وبصحي مخضوضه وقلقانه وبفضل قلقانه طول الوقت اني ألاقيهم مره واحده بيقولولي النتيجه نزلت ولا حتي اتسربت ولا حصل اي نيله، اقسم بالله إنتظار النتيجه أصعب من السنه كلها وعارفه ان في ناس هتحس ان ايه الأوفر دا وليه يعني كل الخوف والقلق دا بس عادي انا ساعات كنت زيكم كدا وكنت بفضل أقول انا كدا كدا عملت اللي عليا وزيادة وربنا بإذن اللّٰه هيكرمني ف انا ليه أخاف بقي بس لما تبدأ تستوعب أن دا مستقبلك وانه واقف علي النتيجه دي والعك بتاع الامتحانات هتحس الوضع مختلف نهائي اه كل اللي حوالينا خايفين وقلقانين بس مستحيل يكونو زينا لأنهم خايفين علينا منحققش احلامنا ومنجيبش مجموع عالي وفي اللي خايف اننا نشمت الناس فينا بس احنا خايفين من كل دا وزيادة عليهم خايفين من كسرة أهالينا وان الفلوس اللي اتدفعت طول السنه تروح علي الفاضي وخايفين من عشم الناس فينا وأن كلهم واثقين فينا بطريقة مرعبه وانهم شايفين اننا قد المسؤلييه دي ف تخيلو كدا احساسنا واحنا شايفين ثقتهم فينا دي بتتكسر...انا م بفول ولا حاجه بالعكس انا كنت متفائله خير ومكنتش قلقانه وكنت بطمن نفسي بس كل ما افتكر اللي حصل فالامتحانات أترعب وفكرة ان بتوع السماعات يجيبو أعلي مننا احنا اللي مكناش بنغش كلمه وفالأخر التنسيق يعلي علينا ف دا ظلم وطبيعي نقلق بسببه.
بصو كلامي ملغبط بس فككو عادي محدش يركز بس كل اللي محتاجاه دعوات صادقه وأن ربنا يطمننا كلنا ويجبر بخاطرنا ويهون علينا واننا نرضي بكل حاجه ربنا قدرها لينا وفي النهاية بقولكم استنوني وانا ببشركم بنتيجتي بعد صياح سنه كامله وأيًا كانت النتيجه انا فخورة بيا وفخورة بالمجهود الرهيب اللي بذلته طول السنه وبكل حاجه عديت بيها وحدي وفخورة بمجموعي مهما كان عشان دا اللي ربنا قدرة ليا وأكيد هو دا الخير حتي لو كان باين العكس.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_64157 🇪🇬

منذ أسبوع واحد

شعور مستنزف

انا خرجت من قصه دامت ٣ سنين فل و ٦ سنين مشاكل كتير اوي (حب وخطوبه) والله يجماعه انا رضيت بقضاء رينا ومقتنع جدا انه خير جدا جدا انا الموضوع خرج من دماغي من حوالي اسبوع او ١٠ ايام خرج تماما من قلبي ودماغي لحد ما جيت انهارده قولت افتح اللاب علشان انقل شوية صور للفون الجديد (اشتريت فون جديد) وكنت محتاج

Coffee_64862 🇪🇬

منذ أسبوع واحد

شعور متعب

عندي ٢٤ سنه بقالي سنه متخرج كنت مجتهد دراسيا وشاطر بس مش عارف هل فعلا كنت شاطر ولا علشان الي حواليا خايبين ف انا كان عندي احساس مزيف اني شاطر الي هو اشطر واحد في الفاشلين ماعلينا دلوقتي حاسس اني مشتت ومش عارف أنجح ولا عارف اطور نفسي في حاجه كل طريق بمشي فيه بعطل في النص ومبعرفش اكمله ف بسيبه وامشي

Guava_33997 🇪🇬

منذ أسبوع واحد

شعور فخور

موضوع:

إيه أحلامك اللي متحققتش؟

كنت عايزه ادخل طب بشري بس كان بيني وبينها اقل من ١٪؜ فا دخلت اسنان خاص بس دلوقتي انا اتخرجت من اسنان وفاضلي امتياز وبحمد ربنا اني دخلت اسنان و كنت مبسوطه جدا وانا بشتغل مع ان اسنان مكانتش في بالي خالص بس الخيره فيما اختاره الله

Potato_64725 🇪🇬

منذ أسبوع واحد

شعور آسف

موضوع:

تحت مسمى متغلطتش غلطتي ؟

بلاش تعمل حاجه لمجرد انك ترضي حد بلاش تقول هعمل كذا علشانهم بلاش تتكسف تقول حاجه جاية عليك لمجرد حد بتحبه بلاش ودي للناس اللي لسه بتدرس بلاش بلاش تفتكر ان الدراسه هي اهم حاجة ف حياه لان ف الاخر لو ف واسطة او كورسات هتخليك احسن

Chilli_64343 🇪🇬 الغلطه الوحيدة الي ممكن تعملها ف حياتك انك تبعد عن ربنا غير كده هتلاقي الكون كله مسير ليك ولخدمتك بجد نصيحه ديما جاهد نفسك بيها وجاهد غيرك علي فعلها

عرض الكل 4 نصيحة

Avocado_64171 🇪🇬

منذ أسبوعين

شعور ممتن

موضوع:

احكولنا ازاي شخصيتك اتغيرت للاحسن او الاسوء

هو ماكنتش منضبط دينيا بس واحدة واحده التزمت وربنا قربني ليه اكتر ودة فرق في شخصيتي كتير بقيت واثقه اكتر في نفسي ومكتفيه بنفسي وراضيه بكل اقداري ويقيني بالله خلاني مستغنيه عن كل البشر وعرفت أن ضمير الإنسان هو اهم شئ في الحياه

Carrot_63162 🇪🇬

منذ أسبوعين

شعور ضائع

عندى حالة من مش عارف اوصفها دايما كل اما اروح شغل جديد حتى لو كنت هاموت واروح بلاقى نفسي اول حاجه افحر فيها انى عاوز اسيبه حتى بعد مااخدت شهادة عالية وبشتغل شغل كويس ومريح برضوا برجع بحس انى لوحدى واحتاج انى اغيره ، دايما بدور على حاجه انا نفسي مش عارفها

التجربة أفضل عبر التطبيق

حمّل تطبيق توهيل على هاتفك لتجربة أسرع