ازاي بتحسوا إنكم راضيين عن نفسكم؟ بجد بسأل السؤال عشان انا مش عارفة أوصل للمرحلة دي! أنا ممكن أشعر مؤقتًا بالرضى عن نفسي، بس بمجرد ما حد بيتفوق عليا في الحاجة دي بأنب نفسي كتير. والشعور المستمر بالشئ دا بيحسسني أصلاً بعدم الاستحقاقية، وإن كدا كدا دايمًا في الأشطر مني، الأحسن مني، الأجمل مني وهكذا. ودا مسببلي أذى نفسي خاصة إن كتير جدًا بحسني مش صديقة كويسة وإن دي أنانية. كمِثال بسيط: أقرب حد بالنسبالي هي صديقة واحدة بس من سنين ومعروفين إننا دايمًا مع بعض في كل مكان وحقيقي أنا بعتبرها أكتر من أخت ليا، بس بردو ليه بحس بشعور مش حلو لما هي تنجح في حاجة احنا الاتنين تعبنا واجتهدنا فيها زي بعض بالظبط؟ أنا متأكدة إن طريقة تفكيري دي غلط، بس ازاي اتغلب عليها؟ وشكرًا مقدمًا.

0

12