حادث

Cookies_89868 🇯🇴

1 month ago

Feeling Depressed

ممكن لو حكيت تنصدمو او اشي بس انا وصغيره اندعست ويومها ممكن اول مره بحياتي بشوف اهلي خايفين علي بتعرفو لو تدخلو بقلبي بتعرفو اني كنت اتمنى اموت يومها وما اكمل بلحياه وبخلص اهلي مني وبخلص انا

Adult content

This content may contain adult terms or cases unsuitable for everyone. See why

Express your Feeling anonymously

حصلي موقف صعب جدا ، كنت بعدي الطريق و كان في راجل كبير بيعدي بردو و واقف جمبي قولت طب كويس اعدي معاه بقى لقيتو في النص كدا بيجري قولت خلاص يمكن هو مستعجل خليني انا على مهلي و اركز في الطريق ببص من ناحية العربيات لقيت عربيه جايه جري حرفيا ببص قدامي لقيت العربيه خبطت الراجل و وقفت قولت الحمدالله مش هيموت دي يادوب خبطه ساعتها اللحظه دي كأنها ساعات و مكملتش ثواني ببص في عين الراجل لقيت العربيه دهسته (الراجل الي كان في العربيه قرر يهرب بدل ما ياخدو يوديه المستشفى) المهم الراجل دهسه بقوه فظيعه لدرجة أن جسمو اتقطع نصين و و من قوة الدهس الراجل بقيت جسمو طار على الناحيه التانيه من الرصيف كل حته دم و الناس الي كانو في الميكروباص الي انا و هو نزلنا منو عمالين يصوتو و يلطمو و انا واقفه في نص الطريق و دم الراجل مترتش على لبسي و مش قادره اتحرك حرفيا مكنتش شايفه حاجه و كأن في غمامه على عيني لغاية ما الناس انجمعت عند الراجل على بقيت جثتو على الناحيه التانيه من الرصيف و انا لسه في نص الطريق مش عارفه اعمل ايه لغاية ما في راجل فهم الموقف و قعد يطمني و يقولي تعالي و عداني و انا حرفيا لغاية النهارده مش قادره اتخطى الموقف ولا عارفه اعمل حاجه في حياتي ولا اعيش طبيعي حاسه اني هموت صغيره و ملحوظه أنا شخصيه حساسه جدا و الموقف دا كان زياده جدا عن نفسيتي و انت حرفيا اقل حاجه بتعيطني و الموقف دا بالنسبالي فعلا صعب و مش عارفه حتى اخرج من البيت أو اعدي او اعمل اي حاجه و يا ريت محدش يقولي دا نصيبو و كدا لأني عارفه دا انا بس عايزه حل ازاي اعدي و امشي حياتي عادي

Private Advice

Switch to receiving private advice for your post; otherwise it will be publicly visible.

Coconut_85267 🇪🇬

3 months ago

Feeling Down

Blueberry_79752 🇪🇬 ربنا يبارك فيك والله ، الله يثبتك ويرزقك الخير من حيث لا تحتسب معلش متستعجلش على نفسك في تحسن النفسية انت مريت بابتلاء صعب اوى شقلب حياتك ومع ذلك لسه صامد ما شاء الله وعملية خطيرة ف المخ وعمليات تانية كمان الله يجبر بخاطرك ويرزقك ما تتمنى وتنجح في الكلية يارب وبتقدير عالي كمان وتكون احلى مستر ومتنساش الاذكار بالله عليك تحفظك من العين والحسد وربنا قادر يرجعلك كل حاجة اخدتها العين منك واكتم مساعيك

View all 2 Advice

Express your Feeling anonymously

قصتي بالتفصيل 
أنا من محافظة الشرقية 
مواليد 2001
أنا طالب أزهري بدرس في الأزهر من أولى ابتدائي لحد دلوقتي
وكنت بفضل الله شاطر ومتفوق جدا جدا في الدراسة لدرجة اني كنت بطلع الأول كل سنة
وفي تالتة اعدادي سنة ٢٠١٦ كنت جايب بالظبط ٩٩٪ وطالع الأول على محافظة الشرقية وكنت من أوائل الجمهورية
بعدها علطول زي ما أكون تعرضت للحسد وحسد من الدرجة الأولى
دخلت أولى ثانوي ولسة في الترم الاول وانا طالع من الدرس ورايح درس تاني موتوسيكل جاي بسرعة رهيبة خبطني في دماغي خبطة جامدة جدا جالي في لحظتها نزيف داخلي في المخ
عملت عملية مخ مفتوح وقعدت بعدها شهر كامل متواصل في المستشفى في غيبوبة بدون أي استفاقة أو أي حركة إلا بعد شهر
بعد شهر فوقت من الغيبوبة بس وانا بعاني ضعف حاد جدا في الذاكرة والذكاء والتركيز خاصةً في الدراسة
فمستوايا الدراسي تدهور بشكل كبير جداً لدرجة اني في تالتة ثانوي كنت جايب بالظبط ٥٤٪ وطالع الأخير على زملاتي
كنت قبل الحادثة شاطر جدا في كل المواد الدراسية وأكتر مادتين كنت بحبهم وشاطر فيهم جدا هما الفيزيا والرياضيات
فكان حلم حياتي اني أدخل هندسة وبالتحديد قسم مدني لاني كنت بحب القياسات والاثباتات وكان من السهل جدا اني أدخلها
بس لما حصلت الحادثة مستوى ذكائي في كل المواد نِزِل خالص خاصةً في الفيزيا والرياضيات وسبحان الله زاد في مادة واحدة بس وهي الانجليزي من حيث الـ accent والـgrammer من عند ربنا كدة فدعيت ربنا ليل نهار وفي كل سجدة إني أدخل تربية إنجليزي
والمعجزة ان تربية انتظام سنتها أخدت من حد أدنى ٥٠٪ بس
دخلت تربية واتخصصت قسم إنجليزي شعبة عامة
والمفروض أكون اتخرجت سنة ٢٠٢٢ بس لسة في تالتة السنادي للأسف
اتأخرت تلات سنين ودي الرابعة بسبب ان استيعابي وتحصيلي في الدراسة بعد الحادثة بقى ضعيف جدا جدا
يعني لسالي سنتين واتخرج
وربنا يسهل ويبقو هما سنتين بس مش يبقو أكتر من كدة
وكمان وانا في الغيبوبة وبسبب خطأ دكاترة أثر بشكل كبير جدا على أحبالي الصوتية
الدكاترة ركبولي خراطيم تنفس صناعي داخلة من بوقي وواصلة لحد زوري من جوة والمفروض الصح ان الدكاترة كانو يركبولي الخراطيم من رقبتي
يفتحوا فتحة في رقبتي ويركبوا الخراطيم
بس كان في اعتقادهم ان أنا كلها أيام معدودة وأموت
فلما سابو الخراطيم داخلة من بوقي وواصلة لحد زوري من جوة وطوال فترة الغيبوبة وهي في بوقي مش شالوها خالص 
زوري لَحَم ع الخراطيم فاتكونت لحمية ع الأحبال الصوتية
فلما فوقت من الغيبوبة وشالو الخراطيم زوري بقى ضيق جدا بسبب اللحمية اللي اتكونت ع الأحبال الصوتية
فبقيت مبقدرش أتكلم نهائيا كنت تقريبا شِبه أخرس وكان مجرى التنفس ضيق جدا فكنت بتنفس بصعوبة كبيرة
فعملت 3 عمليات في الأحبال الصوتية
2 توسيع بالليزر بس مجابوش نتيجة كاملة
فعملت عملية شق حنجري (استئصال أحبال صوتية)
الدكتور قص الجزء اللي فيه ضيق ووصل الطرفين ببعض
الحمدلله بقيت بقدر أتكلم وصوتي بقى مسموع بس لسة فيه سِنِّة ضعف
فالدكتور كشف عليا بالمنظار الحنجري لقى الحبل الصوتي اليمين فيه ضعف من أثر العملية الأخيرة اللي هي الشق الحنجري
فقالي هنعوز نعملك عملية حَقْن حبل صوتي
فتشاور مع دكاترة زملاته ومساعدينه في قسم الأنف والأذن والحنجرة فتوصلوا ان هما لو عملولي عملية الحَقْن، مادة الحَقْن هتقفل مجرى التنفس ومش هعرف أتنفس واموت
فقالو لأ النفس أهم من الكلام
فعملت عشر جلسات تخاطب عن كيفية التنفس الصحيح ونُطق الحروف الهوائية والحروف الاهتزازية
بس التحسُّن في صوتي كان ضئيل جدا
فالدكتور قالي ان ده آخره معايا وان صوتي هيفضل على الحالة دي ومش هيتحسن أكتر من كدة
آسف على الإطالة
انتظروا تكملة ما أُعانيه نفسياً بسبب الحادثة لحد دلوقتي ومفيش أي دكتور عارف يفيدني كويس في حالتي النفسية
وحتى اني دخلت مصحَّة نفسية قعدت فيها شهرين وبرضو مفيش أي تحسُّن في النفسية 🥹

Private Advice

Switch to receiving private advice for your post; otherwise it will be publicly visible.

Apple_78402 🇪🇬

3 months ago

Feeling Down

انا سواق نقل من كام يوم كنت في كمين واحده ست خبطت عربيتها في، عربيتي جوه الكمين راحت جريت على الزابط تصوت وتعيط وبتتبلى عليا مع اتي والله كنت واقف وما كلمتهاش ولا حته بصتلها اشتكتني للزابط و الزابط جالي شتمني وضربني مع اني كل ده ما كلمتش اصلا ولا حتى سألني ايه الي حصل ودخلني الحجز انا من الذهول ك

Watermelon_71291 🇪🇬

6 months ago

Feeling Tired

أنا مش عارف اكتب ايه او أقول ايه و ممكن الي يعرف دكتور نفسي كويس يبلغني لان محتاج أتكلم مع حد اكتر أنا ليا صحاب و ناس بتحبني و بحبهم لكن دايما بحس اني مش اول اختيار و ديما بحس اني في أوقات كتير وحيد و مش عارف أتكلم او أقول الي جوايا أنا لسه خارج من حادثه مكنتش سايق بس كنت قاعد جنمب صاحبي الي سايق

Coffee_68775 🇪🇬

6 months ago

Feeling Tired

Blueberry_33743 🇪🇬 ربنا يرحمها ي رب ويجعلها من اهل الجنة

View all 6 Advice

Express your Feeling anonymously

انهارده انا محتاجالكم جدا 
انهارده الذكري ال ٨ لوفاة صديقه عمري و تؤام روحي 
نفسي اعيط و اصرخ و اقولها ليه تسيبيني كده لوحدي اواجه الدنيا 
نفسي اترمي ف حضنها و اشتكيلها 
بس مش عارفه اعيط ولا عارفه اصرخ لازم اتعامل عادي واكني مش بموت 
ذكريات اليوم كله بتطاردني كل حاجه فيه بتوجعني هي اتوفت في حادثه وكانت حكيالي عن الحادثه دي قبلها باسبوع وخلال الاسبوع قعدت احلم احلام معناها انها هتمشي و تسيبني بس انا اللي غبيه و مكنتش مصدقه انها هتروح بجد اه جت بعد لما دفناها طمنتني علي مكانها و قعدت كل يوم تجيلي تصبرني و لما بنهار بتيجي تطبطب عليا 
بس انا محتاجالها هي انا عاوزاها معايا انا معرفش حد في الدنيا غيرها 
انا كل يوم بصحي اقول لنفسي اني كنت بحلم و انها معايا بس للاسف بكون واقع واكني عايشه جوا كابوس مش عارفه اصحى منه 
هي مسافره و هشوفها قريب و هشم ريحتها تاني  
8سنين بتعايش بمدا انها مسافره وهترجعلي علشان هي عارفه اني مليش غيرها مكنتيش بس صاحبه عمري انتي كنتي عمري كله وحشتيني اوي يا بينو بحاول اكمل بس والله مش قادره مش عارفه اعيش ولا عارفه اتاقلم 
انا تعبانه اوي ادعولي اني اجتمع انا و هي في الجنه قريب و ادعولها بالرحمه والمغفره يارب

Private Advice

Switch to receiving private advice for your post; otherwise it will be publicly visible.

Coffee_68775 🇪🇬

6 months ago

Feeling Lost

Topic:

تخطيت وفاة شخص عزيز عليك ازاي ؟وهل دا غير فيك حاجه ولا لا؟

للاسف مش عارفه اتخطى يمكن مش عارفه اصدق انه خلاص مش هشوفها تاني صاحبه عمري اتوفت في حادثه يوم ٧ اغسطس ٢٠١٧ لحد دلوقتي بدخل ابعتلها اسالها احكيلها بس مش عارفه اكمل من غيرها من يوم ما بوستها في كفنها وانا مش قادره اكمل وقتها حسيت اني انا اللي بتدفن و اني بموت واني اتيتمت واني مش قادره اتنفس خالص و لحد

Avocado_69005 🇪🇬 ربنا يرحمها اهم حاجه ادعيلها و طلعى صدقه على روحها و اهم حاجه و الاكيد ان عمرك مهتنسيها بس برده مش تنسى نفسك

View all 19 Advice

Mango_62177 🇪🇬

6 months ago

Feeling Down

انا ماما ماتت من ٣شهور حادثه عربيه انا مش قدره اتخطه فكرت كتير في الانتحار بس اللي خلاني منتحرش اني عوزه لمه اموت اقابل ماما في الجنه واشوفها متحرمش منها كمان في الاخره

Avocado_64719 🇪🇬 اصبر و احتسب اجر صبرك عند الله كلنا راحلون ..العبرة في الصبر قال رسول الله ﷺ: "يقول الله تعالى: ما لعبدي المؤمن عندي جزاء إذا قبضت صفيه من أهل الدنيا ثم احتسبه، إلا الجنة. ح الحديث: صفيّه: أي من يحبه حبًّا شديدًا، كالأب أو الأم أو الزوج أو الولد أو الأخ. احتسبه: أي صبر ورضي بقضاء الله وأراد الأجر من الله. جزاءه الجنة: الله لا يرضى لعبده في هذه الحالة إلا أن يدخله الجنة مباشرة

View all 5 Advice

Ice Cream_57232 🇪🇬

7 months ago

Feeling Heartbroken

Topic:

قادر تكمل حياتك بعد وفاة شخص قريب منك

صاحبي الله يرحمه مات فجاه في رمضان كنا في الامتحان الشهري في المدرسه قاعدين جمب بعض وطالعين اشترينا ملابس لينا وهوا اقسم بالله قايلي فوت عليا بليل نروح نشوف الماتش على الكافتيريا مات بحادث موتوسيكل العصر واتدفن العشا كنا المفروض نتفرج على الماتش هوا مات وداخل المقابر محمول الله يرحمه يارب ومن بعدها

Pistachio_56152 🇪🇬 الله يرحمو ويصبر اهله ويصبرك

View all 2 Advice

Coffee_56037 🇪🇬

7 months ago

Feeling Depressed

Topic:

اتعرضتي للتحرش قبل كدا؟ وعملتي ايه وقتها؟

كان وانا صغير في حوالي 3 او 4 ابتدائي مش قادر افتكر اوي ويمكن دا بوظ حياتي خالص لانه اتسبب في حجات كتير اوي اوي اتغيرت للأوحش ويمكن الحادث ده لو مكانش حصل مكنتش هبقى في اللي انا فيه دلوقتي كمان. مقدرتش اعمل حاجة ولا عرفت اقاوم كنت طفل يعتبر مش فاهم حاجة ولا عارف اتعامل اصلا وحصلت احداث صعبة من ناس أ

Banana_56622 🇪🇬

7 months ago

Feeling Funny

Topic:

ايه السر اللي عمرك ما طلعته لحد؟!

زمان وانا صغير عندي ١٧ سنه سرقت عربيه ابويا وطلعت خمست بيها وانا بخمس العربيه خبطت في الرصيف وانقلبت علي جنبها المهم الناس اتلمت والحمدلله طلعت منهم كويس والناس كتر خيرها عدلت العربيه ورجعتها مكان ما ابويا كان راكنها بس كان في مشكله أن المرايه اتفشخت والبابين والرفرف اتبهدلو شويه بس ساعتها عملت نفسي

Pistachio_56152 🇪🇬 الله يرحمو

View all 1 Advice

Banana_56019 🇪🇬

8 months ago

Feeling Heartbroken

انا كنت بحب بنت من ايام اعدادي و كنا مع بعض على الحلوه و المره دلوقتي انا متخرج من سنتين و هي اصغر مني بسنه يعني و ربنا كرمني الحمد لله و كانت الامور ماشيه تمام.. من اسبوع انا سمعت خبر وفاتها ف حادث هي و والدتها و من ساعتها وانا منهار ومش عارف اعمل ايه بجد انا بعيط كل يوم عليها و بعيط على نفسي و مش

Banana_55575 🇪🇬 بص ياصحبي لازم تعرف ان ده كله قدر ربنا وان ربنا خلق النسيان عشان المواقف دي فانت لازم تصلي قيام الليل وتدعي ان ربنا يعوضك و يطفي النار دي من قلبك و اتمنالك من كل قلبي انك تتخطاها و ربنا يسعدك مع غيرها و ربنا يرحمها ويرزقها الجنه يا صديقي

View all 7 Advice

Mango_52635 🇪🇬

8 months ago

Feeling Happy

Topic:

حاجة اثرت فيك

كنت ماشي بعربيتي قبل كدا وراجع في الطريق هركن واطلع اشرب اغيب عن الوعي قدر الله وما شاء فعل مقص العربية اتكسر وانا ماشي على سرعة ١٢٠ واتقلبت ابشع قلبة في حياتي بعد ما طلعت من العربية لقيت نفسي الحمدلله سليم وواقف على رجلي من ساعتها قررت ارجع لربنا التوبة سهلة وكلنا بنغلط

Donut_51706 🇪🇬 انما ابتلاك لتقترب

View all 13 Advice

Broccoli_31776 🇪🇬

1 year ago

Feeling Tired

Banana_29245 🇪🇬 نصيحه من اخوك الكبير محدش من ال ف الدرس مهتم انت قفلت الامتحان ولا لا عارف انك ممكن تكون حابب تبان شطور قدام بنت بتحبها مثلاً بس صدقنى البنات مش بتهتم بامتحانات دروس السنتر بيهتمو بالكلية ال انت فيها و راكب عربية ايه و بتقبض كام ذاكر ل امتحاناتك بس متديش حاجة اكبر من حجمها دا مجرد امتحان ف سنتر و كدا كدا فى امتحانات تانية جاية

View all 6 Advice

Express your Feeling anonymously

انا طالب تالته ثانوي المهم كان عليا امتحان احياء والامتحان كان ع الفصل التالت الي هو كله خمس دروس المهم الامتحان ده انا كنت عايز اجيب فيه درجه عاليه لان المستر بينده اسماء الي بيجيبو دراجات عاليه وبعدين عايز ابقي ملحوظ غير كده انا بزاكر كويس وباخد من عنده امتحانات بس برضو بنقص دراجات الي هي مش كتير حوالي تلت اربع درجات بس ده برضو مش بينده اسمه واخر امتحان شامل جبت درجه مش مرضيه ليا خالص المهم الامتحان ده زاكرلتله كويس جدا لدرجه اني كنت مقسم جلسات مذاكره وكده وقعدت زاكرت لحد تلتاشر ساعه في تلت ايام عشان الامتحان عشان مرجعش اقول ياريتني كنت زاكرت المهم قبلها بيوم كنت نايم الساعه سته الصبح عشان بذاكرله كويس والحمدلله نايم وانا مطمن المهم وانا رايح الدرس قبل ما اوصل بحاجه بسيطه عملت حادثه كنت ماشي وعربيه خبطتني والراجل مرايته اتكسرت وانا كنت حاسس بوجع ف رجلي بس مش اوي ف قولت خلاص اروح امتحن وبعدها ابقي اروح او اروح المستشفى اشوف رجلي المهم يدوبك دخلت الدرس ف اول تلت اسأله لقيت رجلي بتوجعني جداا ومكنتش مستحمل ف قولت لل اسسيستنت ف قالتلي اطلع قول للمستر ف مكتبه يعني المهم قلتله وقالي تمام قولتله اجي اعوض امتي قالي اتطمن علي نفسك بس ف روحت والطريق خد منه حوالي 25 مع ان ف العادي بالكتير عشر دقايق من كتر الوجع وكنت بمشي بالعافيه المهم روحت وماما جات معاه رحت المستشفى عملت اشعه طلعت كدمات بسّ الحمدلله باخد لها علاج دلوقتي وجسمي كله بيوجعني لان انا جنب جسمي كله اتخبط المهم الي مضايقني ان طلعنا احنا اخر مجموعه امتحنت وحتي انا اصلا مش بقدر اروح الدروس مشي بابا هو الي بيوصلني عارف ان تبان حاجه تافه بس انا بجد تعبت للامتحان ده وف الاخر ده حصل نفسيتي وحشه جدا ومش عارف اذاكر وبرضو مش عارف اعمل ايه واسف اني طولت عليكم

Private Advice

Switch to receiving private advice for your post; otherwise it will be publicly visible.

Mango_47513 🇪🇬

1 year ago

Feeling Lost

Express your Feeling anonymously

و  و الموضوع ليه علاقة ببنت خالي انا علاقتي معاها كويسة جدا و بنقول كل حاجة لبعض و هي بنت طيبة و كويسة من شهرين مامتها و باباها و اخواتها الأثنين خرجوا بس عربية نص نقل جاية عكسي خبطت في التوكتوك الكانوا ركبينه و ماتوا هما الأربعة و متبقاش غيرها و احنا اصلا في بيت عيلة فكان مرتب باباها بيوصلها و خالي كان الواصي عليها المشكلة مش هنا المشكلة اني حرفيا مشفتهاش بتعيط من سنين ده حتى في عزا مامتها و باباها و اخواتها كنت انا بحضنها فجأة لقتها بتدمع مسحت دمعتين نزلوا من عنيها و قلتلها خلاص متعيطيش لقتها بتحاول تبتسم و بتقولي لا اعيط إيه انا مبعيطش انا كويسة و سابتني و طلعت شقتهم في مرة تانية يوم الأربع الفات كان عندنا امتحان تربية رياضية و هي كدة كدة بسم الله ماشاء الله عليها بتلعب كونغفو من زمان و لياقتها كويسة في وقت المرواح انا اغمى عليا عشان جالي متحور كورونا هي علطول ندهت مس التربية الرياضية الخدتني لأوضة الألعاب حاولت تتصل بمامتي مبتردش ده الحكتهولي بعدين يعني فهي خرجت تقول لقريبنا على الحصل وعشان ميدورش عنا عشان احنا بنروح مبعض لكن لقت واحد من المدرسين في وشها و قالها تروح فهي قالتله مش هينفع و قريبتي حصلها كذا كذا كذا هو اصر انها تروح فجريت منه

Private Advice

Switch to receiving private advice for your post; otherwise it will be publicly visible.

Watermelon_90163 🇪🇬

مش طايق حد والي يكلمني بقيت متقرفناش

مين هنا بيحب ومتحبش يزسزسزسززيسووييؤةةيويويويويويويويتيتيتنسينسمزيظينييزيميزسظيظظيظيظثزثزقزلولتقزبنزبثزيزثزثزثزثظثززثيز بني ينث بن ينثزينثزينزثني نينينينينينينينيننسظسظسظسظصزسنسمنسسن ...see more

0 Supports

35 Advice

Sugar_74919 🇪🇬

تعبانة أوووووي... تعب نفسي ما يطاق

تعبانة أوووووووي اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...see more

1 Supports

21 Advice

Strawberry_73311 🇪🇬

حاسس عملت مصيبه ومش عارف أعمل إيه

حاسه اني عملت مصيبه مش عارفه اعمل اي 🤦 وومةرياممكزىريبتنز رؤؤاتتةىى زمنةىبللةننوةىلانحخخخخخخنوووتتععععععععتتتتتتتتتتااى ررى. ة ةةةةللللااىىىلللررىلىرىلىىىللىىىلىىىىىىىى ...see more

1 Supports

19 Advice

It’s better in the app

Download Toheal on your phone for faster experience.