لسه بحبها بعد ما ماتت على ايدى.. مش عارف اتخطى

Question

انا كنت خاطب واحده من 5 سنين كنا بنحب بعض جدا و كانت كل حياتى و فى مره كنا ماشيين و عربيه خبطتها و ماتت على ايدى و لحد اللحظه دى لسه بحبها عارف ان ممكن يبان ان انا كدا مجنون بس محدش عارف ايه اللى جوايا كنا خلاص كلها كام يوم و نكتب الكتاب و تبقى مراتى لحد اللحظه دى معايا كل حاجه تخصها هدومها البرفان بتاعها الفون بتاعها الكتب بتاعتها الخط بتاعها كل حاجه لسه محتفظ بيها الخاتم بتاعها و انا لحد اللحظه دى لسه لابس الخاتم بتاعها لسه بحبها اوى 
مس عايز حل الصراحه انا مش عارف انا عايز ايه انا عايزها هى بس بقى مستحيل انا لسه لحد اللحظه دى ببعت ليها رسايل مش عارف ليه بس ببعت بردو

Marshmallow_31427 🇸🇦 · Accepted Answer

الله يصبر قلبك وروحك ويرزقك اياها بالجنة 🥹❤️‍🩹

Pear_45425 🇪🇬 · Answer

الحاجات الجميلة بتروح فجأة والناس فترات بحياة بعض يمكن ربنا بعتها عشان تسعد قلبك بالفترة دي

Avocado_45181 🇪🇬 · Answer

يمكن الي اقوله حاجه تبقى غريبه بردو، بس حاسه ان الي انت بتعمله صح، هو مش صح بردو ان توقف حياتك على حد، بس الحياه دي محرد وقت وانت وقتك كمان ممكن يخلص الثانيه دي قبل حتى بكرا، بس ﷲ واعلم بحد يمكن ربنا يجمعك بيها فعلا في الجنه.

Biscuit_40239 🇪🇬 · Answer

ربنا يصبر قلبك يارب ربنا يرحمها ويغفر لها ويسكنها فسيح جناته يارب العالمين ان شاء الله بتقابلها في الجنه وهي في مكان احسن من الدنيا  مش عارفه اقول ايه بس وجع فراق شخص عزيز علي قلبك صعب جداً جربته مع اغالي الناس علي قلبي ولسه متخطتش ده وكل يوم بعيط عليها بس ربنا يصبرك يارب

Biscuit_40239 🇪🇬 · Answer

حضرتك مش السبب متأنبش ضميرك هي ممتتشي علي ايدك هي ماتت علي ايد ربنا ربنا الي امر انها تتوفي في اللحظه دي ده قدر ربنا بيكتبلنا امتي هنموت قبل ما نتولد ده قدرها ربنا يصبر قلبك ربنا يرحمها ويغفر لها ويسكنها فسيح جناته يارب العالمين

Strawberry_40051 🇪🇬 · Answer

لا اله الا الله انت مش مجنون ولا حاجه بالعكس انت الي زيك انتهو من زمان ادعي ربنا انه يجمعكو ببعض في الجنه بلا حساب ولا سابق عذاب