انا السنه اللي فاتت كنت طالع مصيف وانا وشويه من صحابي وتاني يوم لما وصلنا الشاليه واحد صحبي اقترح عليا ننزل البحر الفجر انا وهو بس والباقي نايم وطبعا انا كنت علي الشط وهو في المايه وانا كنت بكلم واحده كنت مرتبط بيها لكن حاليا انا سيبتها بس دا موضوعنا دلوقتي المهم وانا كنت بكلمها لقيت صحبي بينادي عليا وكان بيقولي "يوسف يوسف امسك ايدي بغرق" وانا الصراحه كنت بحسبه بيهزر لانه كان دايما بيعمل فيا مقالب ف انا طنشته وبعدها لقيت الواد اختفى من علي المايه ومعنتش شايفه وطبعا اتخضيت وروحت نزلت انا وشويه رجاله موجودين وطلعناه وكان تقريبا اغمى عليه او دخل في غيبوبه وهو بالظبط قعد في المستشفى 4 ايام وبعدها توفى ولحد دلوقتي كله فاكر انه نزل البحر لوحده بليل واني مكنتش معاه وحرفيا انا مش قادر اسامح نفسي علي اللي حصل دا وكل يوم بلوم وبشتم نفسي ولحد دلوقتي انا تعبان نفسيا لان الصديق دا كان صديق الطفوله واعز شخص عندي

11

8