تعبت للامتحان وجالي حادث خرب كل حاجه

Question

انا طالب تالته ثانوي المهم كان عليا امتحان احياء والامتحان كان ع الفصل التالت الي هو كله خمس دروس المهم الامتحان ده انا كنت عايز اجيب فيه درجه عاليه لان المستر بينده اسماء الي بيجيبو دراجات عاليه وبعدين عايز ابقي ملحوظ غير كده انا بزاكر كويس وباخد من عنده امتحانات بس برضو بنقص دراجات الي هي مش كتير حوالي تلت اربع درجات بس ده برضو مش بينده اسمه واخر امتحان شامل جبت درجه مش مرضيه ليا خالص المهم الامتحان ده زاكرلتله كويس جدا لدرجه اني كنت مقسم جلسات مذاكره وكده وقعدت زاكرت لحد تلتاشر ساعه في تلت ايام عشان الامتحان عشان مرجعش اقول ياريتني كنت زاكرت المهم قبلها بيوم كنت نايم الساعه سته الصبح عشان بذاكرله كويس والحمدلله نايم وانا مطمن المهم وانا رايح الدرس قبل ما اوصل بحاجه بسيطه عملت حادثه كنت ماشي وعربيه خبطتني والراجل مرايته اتكسرت وانا كنت حاسس بوجع ف رجلي بس مش اوي ف قولت خلاص اروح امتحن وبعدها ابقي اروح او اروح المستشفى اشوف رجلي المهم يدوبك دخلت الدرس ف اول تلت اسأله لقيت رجلي بتوجعني جداا ومكنتش مستحمل ف قولت لل اسسيستنت ف قالتلي اطلع قول للمستر ف مكتبه يعني المهم قلتله وقالي تمام قولتله اجي اعوض امتي قالي اتطمن علي نفسك بس ف روحت والطريق خد منه حوالي 25 مع ان ف العادي بالكتير عشر دقايق من كتر الوجع وكنت بمشي بالعافيه المهم روحت وماما جات معاه رحت المستشفى عملت اشعه طلعت كدمات بسّ الحمدلله باخد لها علاج دلوقتي وجسمي كله بيوجعني لان انا جنب جسمي كله اتخبط المهم الي مضايقني ان طلعنا احنا اخر مجموعه امتحنت وحتي انا اصلا مش بقدر اروح الدروس مشي بابا هو الي بيوصلني عارف ان تبان حاجه تافه بس انا بجد تعبت للامتحان ده وف الاخر ده حصل نفسيتي وحشه جدا ومش عارف اذاكر وبرضو مش عارف اعمل ايه واسف اني طولت عليكم

Banana_29245 🇪🇬 · Accepted Answer

نصيحه من اخوك الكبير 
محدش من ال ف الدرس مهتم انت قفلت الامتحان ولا لا 
عارف انك ممكن تكون حابب تبان شطور قدام بنت بتحبها مثلاً بس صدقنى البنات مش بتهتم بامتحانات دروس السنتر
بيهتمو بالكلية ال انت فيها و راكب عربية ايه و بتقبض كام 
ذاكر ل امتحاناتك بس متديش حاجة اكبر من حجمها 
دا مجرد امتحان ف سنتر و كدا كدا فى امتحانات تانية جاية

Watermelon_30765 🇪🇬 · Answer

ولا تزعل نفسك ، قل لن يصيبنا إلا ما كتب الله لنا 
متخليش نفسيتك تتأثر و الامتحان ده مش هو اللي هيقيمك 
عادي لسة هتمتحن تاني كتير لحد الفاينال و هتنجح إن شاء الله و تجيب الدرجات اللي بتتمناها 
كدا كدا اللي ذاكرته مش هيضيع و ربنا شايف مجهودك ضغطتك ف المذاكرة دي دلوقتي هتريحك قدام شوية  ف آخر السنةو خليك متيقن إن لكل حاجه بتحصل ف حياتنا حتى لو صغيره خالص بيكون ليها حكمه من عند ربنا

Coffee_27429 🇪🇬 · Answer

فهماك عامة بس انت تعبت وسعيت وذاكرت كويس مقصرتش متهتمش بقا بانك امتحنت او لا انت عملت اللي عليك وخلاص وعامة انت ممكن تحاول تكلم المستر انك تمتحن لانه عارف ظروفك موافقش خلاص انت عملت اللي عليك وزيادة ولا تشغل بالك مش درجات امتحانات الدروس هي الفاصل ولا ان الباقيين يعرفوا انك شاطر درجتك اخر السنة هي المهمة يصحبي وربنا معاك

Orange_51865 🇪🇬 · Answer

طيب ما تحاول تروح تمتحن في وقت تاني غير المجموعه؟
مينفعش؟
بس عمومًا انا متأكده إن ده كان الخير ليك بلا شك.

Banana_29245 🇪🇬 · Answer

البنات نازلة تصويت بالسلب ولا كانى بقول حاجة غلط

Avocado_52301 🇪🇬 · Answer

لسه عايش؟