يحارب مرض حقير..مرض فرق بين ناس وبين حبايب كتير..أنا مش عارفه حقيقي ايه مخبيلي ف المستقبل هنتصر عليه ولا هينتصر عليا،ومكتوبلي النجاه منه ولا لا..بس حقيقي أنا تعبت والحوار صعب والمعركه اللي أنا فيها مع المرض دمرتني وحقيقي مش عارفه إذا كنت هسيب المعركه وأستسلم والمرض يرفع راية النصر عليا ولا أنا ف الآخر اللي هخليه يرفع راية الاستسلام ..معرفش أنا بقول ايه بس كل اللي أعرفه إني تعبت وزهقت ومليت وكل حاجه رغم إني مكتشفه أهو بقالي ده خامس شهر وبدأت علاج بس لسه ف صدمه لسه مش مستوعبه ومن زمان معرفش ليه من زمان كنت طول الوقت عندي إحساس غريب إن هيجيلي المرض ده رغم إن وقتها مكانش فيه أي علامات تدل ع المرض..أنا لحد الآن ف حالة صدمه وبقى عندي قلة ثقه في نفسي جدًا خصوصًا إني هحتاج لعمليه بعد الكيماوي ما أخلصه ومعرفش إذا حد هيحبني لشخصي ولا لا وهقدر أختار ولا هضطر أوافق بأي حد علشان ما هصدق يكون وافق بيا أصلا؟ معرفش حقيقي وقلبي واجعني.. #يوميات مريضة كانسر

9

3