وجع قلبي في تاني ثانوي ودراستي متعرفش اذاكر 💔

Question

انا دلوقتي في تانيه ثانوي في كميه مواد متفتحتش قلبي واجعني بشكل علي نفسي الي هو ازاي بعد ما طولت في اختياري في علمي ولا ادبي من اول اولي ثانوي وانا بفكر وتعبت من التفكير لحد ما اخترت علمي وانا في كامل يقيني بدات متاخر بسبب كده وده الي خلا كل حاجه تتراكم عليا شعور وحش انا حلمك من اوله كده بدا يضيع امتحان الشهر كنت بمتحنه وانا في قمه تبلد المشاعر شايفه صحابي زعلانين علي درجات نقصوها وبحاول اشاركهم بس علي ايه فعلا والله يمكن الحاجه الوحيده الي هتعوضني عن كل اذي اتاذيته وانا في سن صغير هي تفوقي في دراستي لكن ده كمان صعبه اوي دي… والله اهو حاطه قدامي الفيزياء ومش قادره افتحها حرفيا دي يمكن اكتر ماده كنت بذاكرها من اول السنه دلوقتي مراكمه درسين صعبين فيها والانجليزي متفتحش اساسا انا تعبانه اوي وخايفه 💔💔

Sugar_42258 🇪🇬 · Accepted Answer

والله نفس الحاله بس بحاول الم دلوقتي عشان الوقت ميبقاش ضيق ف حاولى تلمى كل يوم درس واحد من التركمات وعلى اخر الشهر هتكونى خلصتيهم ان شاءلله

Chilli_42321 🇪🇬 · Answer

بصي الخوف هيوقفك مكانك انتي اهم حاجه تبدأي و نفس الوقت اسالي كتير المدرسين اصحابك بس تكوني بتزاكري عشان تعرفي هتقفي ف ايه وسبيها لله

Watermelon_42385 🇪🇬 · Answer

السلام عليكم
اكيد الموضوع صعب اوي و انا حاسه بيكي..بس في حاجه عاوزه اعرفهالك. اولاً، مع كل امتحان بتغلطي فيه بتتعلمي من غلطك ف مش هتغلطي نفس الغلطه تاني في اي امتحان. ثانياً، انتي انسانه محتاجه ترتاحي.. بمعنى انك لازم تكافئي نفسك بأنجازاتك. و اتوقع لما قلتي انك متفوقه دراسياً من و انتي صغيره ف ده معناه ان انتي دلوقتي مش بتقبلي غلطه.. ده غلط كبييير! لازم تريحي نفسك و تتقبلي نفسك بعيوبها و غلطاتها.

Mango_29724 🇪🇬 · Answer

هحاول بجد جزاك الله خيراً

Potato_31970 🇪🇬 · Answer

انتي متقفيش عند نقطه انك بدأتي متأخر ده دايما هيخليكي حاسه انك مهما عملتي ايه مش هتلحقي تخلصي اللي اتراكم عليكي فهماني؟؟؟ ف انتي ابدأي من دلوقتي لسه ف وقت كبير تلحقي تلمي اللي فاتك قسمي يومك واهم حاجه تشيلي فكره انك مش هتلحقي دي من دماغك عشان بجد ده بيخلينا مش عارفين نذامر لا قديم ولا جديد