هل هي مش بتحبني ولا لسا مش متأكده من مشاعرها؟

Question

اتعرفت على بنت في اولى جامعه و ارتبطنا و حرفيا اتا حبيتها من كل قلبي بجد حبيتها جدا لدرجه متتوصفش و كنت بتنازل عن حاجات كتير عشانها و عشان نفضل مع بعض بس المشكله ان هي كانت دايما ساعات تحسسني انها بتحبني بنفس الحب و ان انا كل حاجه بالنسبالها و ساعات تانيه تتكلم معايا بطريقه مش كويسه تحسسني اني كنت ولا حاجه بالنسبالها فا انا مش عارف هل دا معناه انها مش بتحبني ولا هي لسا مش متاكده من مشاعرها رغم اني فعلا قدمتلها كل حاجه ممكن شخص يقدمها لحد من حب و اهتمام و هدايا و فعلا الموضوع مكانش بيكون سهل كنت بضطر اضحي بحاجات كتير غاليه بالنسبالي

Hazelnut_52786 🇪🇬 · Accepted Answer

الحل إنك تقعد معاها بصراحه وتفهم منها هي عايزه إيه ومشاعرها ناحيتك إيه بالظبط.
لو لقيت إنها مش واضحة أو مش حاسه بيك، يبقى لازم تحافظ على كرامتك وتبعد بهدوء.
الحب لازم يكون متبادل، مش انت بس اللي تدي وتضحي وهي مش فارق معاها

Hazelnut_52786 🇪🇬 · Answer

بص يا صاحبي، لو البنت بتحبك بجد كانت هتعاملك بنفس الحب والاحترام على طول، مش بس أوقات.
اللي بيحبك مش هيخليك تحس إنك ولا حاجه، حتى في أسوأ الظروف.
لو دايمًا انت اللي بتضحي وبتدي وهي مش بتقدّر، يبقى لازم تراجع نفسك وتفكر تستحق إيه بجد

Watermelon_55151 🇪🇬 · Answer

اتكلمنا قبل كدا بس قلبت بخناقه ان اصلا لسا بدري علشان يكون في حاجه رسميه بيننا و كانت دي الحجه الاولى يعني و هي فعلا عندها حق احنا لسا في سنه اولى و قدامنا فترة كبيره نعيشها لحد ما نقدر ناخد خطوة لكن انا بلاقي تناقض في دا اصلو طالما انتي شايفه انو لسا بدري طب ليه ساعات بتحسسيني انك فعلا بتحبيني و عايزة نبقا مع بعض من دلوقتي؟

Durian_54507 🇺🇸 · Answer

اللي بيحبك حريص عليك مش هيلعب بيك كده، ولو هي بتحبك وبتعمل كده يبقى للأسف مش ناضجة
كونك قعدت معاها وقلبت بخناقه ولسه بدري دي عايزه تلعب دور الضحيه وانك جاي عليها وإنها مش غلطانه وانت اللي غلطان وحتى لو كلامها كان صح انت نفسك اتحولت من كونك بتسال بتعاملك كده لكونك غلط وهي صح بدون الاكتراث لانت حاسس بايه 
لو لسه بدري يبقى ديمًا مش هتروح وتيجي كده
لو عايز تتحكم فاي حد أديه بالقطاره، دي بتلعب بيك، ابعد

Durian_54507 🇺🇸 · Answer

مريت بتجربة مشابهه بحذافيرها وضحيت بكل حاجه وهي مكنتش تستاهل ولما زهقت فالآخر بطلت اقدم حاجه قامت شايلاني حرفيًا من حياتها
صدقني بتتسلى بيك ولو مبتتسلاش يبقى دي مش ناضجة
اوعى تخاف من فكرة البعد بالعكس يمكن هيكون أكتر قرار هتكون ممتن انك عملته فحياتك
مش هقلك هتنساها بس صدقني هتستغرب انت ازاي كنت بتحبها فيوم
انت بتفكر بقلبك دلوقتي عشان بتحبها، لما تبعد وتبدا تفكر بعقلك هتدرك قد ايه قدمت لحد ميستاهلش.