غموض

Pumpkin_78339 🇪🇬

منذ أسبوع واحد

شعور متعب

لماذا يجب أن أثبت اني لا اهتم حتي تهتمي لا اريدك حتي تريدينني استطيع الاستغناء عنكي حتي تحتاجين الي وجودي لماذا دائما الممنوع مرغوب والمفقود مطلوب لماذا لا تكون الحياة أكثر بساطه فاخبرك اني احبك واريدك وافتقدك فتجيبني بالمثل بدلا من الضحكه الخبيثة والمحاولة للامساك بزمام الأمور والسيطرة غريب عقل ا

Kiwi_77426 🇪🇬 هو مفيش تفاصيل نفهم بيها الموضوع... بس في الغالب العلاقة دي مش صحية والطرف التاني عنده مشكلة ما. في العلاقات الآمنة الصحية، بيبقى الشعور متبادل وواضح بين الطرفين.

عرض الكل 2 نصيحة

Mango_76880 🇪🇬

منذ شهر واحد

شعور ضائع

يصف حالتي الشعورية، ما كتبه عبد الرحمن منيف يومًا إلى صديقه مروان باشي: «لست مُعكّر المزاج أو يائسًا، لكن لا شيء في وقته أو مكانه، أشعر أني بحاجة ماسّة لرحلة إلى مكانٍ مجهول، وإلى الصمت، وإلى البقاءِ في الظلال المُعتمة»

Cookies_65253 🇪🇬

منذ شهر واحد

شعور محبط

جماااعه هو ليه بجد الإنسان بعد ما بيبقى قريب مننا اووووى اووووى فجأة كدا بدون اى اسباب واضحه بيختفى منغير حتى ما يقول او يفكر فيا او ف مشاعرى فجأه كدااا ميبقاش موجود و انا دماغى يبقا فيها مليوووووون سؤال اصل ليه ليه بجدددددددد ؟؟؟

Banana_26206 🇪🇬

منذ شهر واحد

شعور مرتبك

الراجل لما اهتمامه يقل ويعلق المسدج بالساعات رغم ان اونلاين ودا بعد ما كان فيه اهتمام وسؤال تقريبا يوميا عن تفاصيل اليومية وفيه اعجاب وهو اللي كان بيطلب الاهتمام من ناحية الطرف الاخر ولما الطرف دا اهتمت بيه بدأ اهتمامه يقل فهل دا طبيعي وهو بيتسلي ولا دا تقل ولا اى بالظبط ساعات بحسه غامض جدا اى الحل

Sugar_73449 🇪🇬 ابعدي فتره ولما يرجع يكلمك ردي بفتور ولو مقالش سبب مقنع لتصرفه ابعدي خالص هيتعبك لو اتعلقتي بيه

عرض الكل 12 نصيحة

Mushroom_70654 🇪🇬

منذ شهرين

شعور ضائع

عبّر عن شعورك بشكل مجهول

انا ليا بنت عمتي عايشين في مكان بعيد عننا عمري ما فكرت فيها لكن جم زيارة من اسبوعين و حصل شويه مواقف كده منها اننا لما كنا في الملاهي قعدت في لعبة جمب بنت اكدب لو مقلتش جميلة و المهم دارت اطراف حديث و بنت عمتي دي قدامنا و بانت عليها الغيرة المهم من بعدها طلعت انا و اخوها من الملاهي اربع او خمس مرات مجرد ما نختفي تسيب اخوها و ترن على رقمي انا و لاول مرة رنت اكتر من ٢٠ مرة في الكام مرة دول كلهم كالاتي انتو فين بتعملو ايه و جايين امتى و بعدها عمتى و جوزها اجرو عجلة ببدالين و ركبو خدو لفة و هبطو فقالولي اركب انا و اخوها مجرد ما ركبت نطت هي جنبي و بدات تحرك العجلة و انا وقفتها و نزلت و من بعد كده بقى نظرات رايحة جاية و كده فاتشجعت و بدأت افتح كلام على انستا يوم في التاني كنا بنتكلم يوم ف بعت رسايل فيها تلميح بعيد اني معجب هي مشافتهاش لمده نص ساعه كده و بعدين قالتلي هنام تصبح على خير و بعدين راحت قالت لابن عمي الكبير اكبر مني باربع سنين و قالتله ان امها بتمسك التليفون الكتير و انها خايفة من المشاكلالمهم هو كلمني و انا قلتله معدتش مكلمها لقيتها لسا النظرات شغالة و لسا بتشوف الستوري قعدنا كده خمس او ست ايام فالمهم نزلت ستوري فيه تلميح و مستنيها تخش تفتح كلام مدخلتش قلت يمكن مكسوفه افتح انا قلت ازيك ان شاء الله تكوني بخير ردت عليا بكل برود و انا مش فاهم و بعدين شالت الفولو و رجعت حطته و رجعت شالته قلت خلاص اجي امبارح من برة و كانت هي في الاوضة مجرد ما رميت السلام و سمعت صوتي طلعت من الوضة و قعدت معنا و بردو فيه نظرات و كلام رايح جاي و النهارده نفس الكلام هي دلوقتي بعتت ستريك من يومين و بعدين ستريك تاني النهارده الفجر انا بافتح سناب بالصدفة لاقيتهم ففتحتهم قمت باعت الستريك الاولاني هي فتحتة في اقل من عشر دقائق و بعديها بتلت ساعات انا بعت ستريك تاني و فتحته و بعتت ستريك تاني و انا فتحته و بعدين انا بعت ستريك تاني على و الساعة 10 الصبح هي فتحته و بعدين هي جت على الساعه 4 العصر عملت بلوك سناب الكلام دا امبارح و النهارده هما مشيو  بعد ما مشيو عملت بلوك فيس بوك حد يفهمني اللي بيحصل لان انا مش فاهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_72132 🇪🇬

منذ شهرين

شعور مرتبك

أنا في حاجة بجد مش فاهمها ليه ممكن بنت تتخلى عن شخص بتحبه لاسباب هيا مش عرفاها اصلا! والمشكلة لا ارتبطت ولا كلمت حد ولا اهلها اتدخلو ولا اي حاجه حصلت طب ليه؟ هل انتو صنف مجنانين يعني ولا هوا تسلية ولا. في ايه بجد يعني ليه حد ممكن يعلق شخص بيه وبعدها فجاة يقرر يبعد عنه ويتخلى عنه مهما كان الحد دا محت

Apple_63435 🇪🇬

منذ شهرين

شعور لا مبالٍ

عندي سؤال لأخواتي انا عرفه أن اداه العمره أو الحج دي حاجه مهمه وا اي مسلم يتمناها ده الي اتربينا عليه وا الرغبه في السفر كانت بالفطره لاكن انا محتاجه افهم ليه ليه اسافر وا اروح مكان علشان اعمل مناسك معينه مش ربنا اقرب الي من حبل الوريد يعني مش محتاج سفر فا ليه وا ايه الي بعد كده وا انا اسفه علي جه

Potato_55495 🇪🇬 حاجة عظيمة زي غفران ذنوبك كلها محتاجه تعب و انك تكوني بتجري وراها يعني اكيد كلنا عارفين ان بعد الحج بنرجع زي ما اتولدنا صفحه بيضاء ف لو الموضوع ب السهولة دي كنا كلنا دخلنا الجنة ف ده شئ لازم نتعب علشان نوصله و لازم يكون فيه مشقة

عرض الكل 5 نصيحة

Strawberry_72148 🇪🇬

منذ شهرين

شعور محبط

عبّر عن شعورك بشكل مجهول

عندي مشكلة مش عارفة اعمل فيها اي 
انا كنت اعرف واحد من 6 سنين من وانا فى أولي ثانوي يعتبر كنت طفلة وكان أول حد يدخل حياتي وفضلنا مع بعض 6 سنين وكان محترم جدا وابن ناس وكان جد وعمري ما حسيت أنه لعبي ولا ليقضي وقت وكان كل الناس بالنسبالي وحبيته حب عمري ما شوفته ولا هشوفه وكان هو كمان حبه باين عليه وعلى تصرفاته مع أنه مكنش من النوع اللي بيقول كلام حلو بس زي ما بيقولوا عيونه فضحاه وكل تصرفاته فضحته واستحمل معايا حاجات كتير اوي وانا برده استحملت معاه كتير وكان معرفتي على أخته الكبيرة ولأنه شخص انطاواردئي شوية وبيحب يخلي أسراره لنفسه ومبيحبش حد يعرف عنه حاجه ف محدش من صحابه كان عارف علاقتنا  كانو ف اول م عرفنا بعض عرفو لانهم كانو طرف ف سبب تعارفنا وبعد كدا مبقتوش يعرفو حاجه عننا المهم الشخص دا قريب من ربنا ودينا بيسعي يبقي اقرب وانا كذلك وكنا بنسلعد بعض ف دا ديما بس كنت ديما حاسين بالذنب بسبب علاقتنا واننا لازم نبعد بس مكناش قادرين نعمل كدا وكل م تاخد الخطوبة شوية وبترجع تاني لحد م اخيرا خدناه وقررنا منتكلمش لحد ما يجي يخطبني وبعد الكلام دا بشهرين الشخص دا اتوفي ف حادثة وطبعا انا انهارت لانه كان ناسي واهلي وصحابي ومكنش ليا غيره بس رضيت بقضاء ربنا وفرحتله أنه شهيد ف الجنه ودعيت ربنا يجمعني بيه ف الجنة ويصبرني ويربط على قلبي لحد ما اروحله ومش قادرة اقولكو حرقة قلبي عليه قد اي وقد اي انا يتعذب كل دقيقه بسبب أنه مشي خصوصا من غير ما اودعه بس برجع وبقول  الحمد لله أنه تاب عن كلامنا قبل م يروح وراح نضيف المهم احنا بعد سنة من معرفتنا لبعض كنت ف الوقت دا عارفة أخته عرفت أنه ليه تواصل مع بنت عمه اصغر مننا بسنه ومكنش عندي مشكلة لأنهم اخوات لحد م شوفت طريقة كلامها معاه وان دا مش كلام واحدة ل اخوها وخصوصا لما عرفت أنه مرتبط بيا وكانت بتضايق مني وطبعا الموضوع دا كان مضايقني بس للأمانة كان بيوريني الشات وديما كان رده علبه بحدود وبيعانلها معاملة اخوه ولما بتقوله كلام برا الاخوه بيعمل اسكيب ليه اكنه مش شايفه وف مرة نزل استوري صورة بنت ومسكها فورا وقال انها نزلت بالغلط وانا طبعا صممت اعرف هي مين وقالي انها بنت عمه ومكنش عايز يقول ف الاول عشان عارف اني بتضايق منها وأنها بعتتله الصورة عشان يعملها ايديا وجه يبعتهالها نزلها بالغلط عديت الموضوع عادي بس كنت واحدة اسكرين بالصورة وكنت اصلا كلمت أخته وصورتها الصورة وسألتها عيد دي اسماء بنت عمك ف الاول اتصدمت وبعدينقالت اه هي واستغربت اوي لما عرفت أن في تواصل بينها وبين اخوها المهم الموضوع عادي والبنت دي كلمتني مرتين واتخانقتا وكدا ولما غلطت فيا وزودتها هو اتخانق معاها وبلكها ونهي الكلام بينهم وخلاص كدا علاقته انتهت بيها حتى السلام بينهم مبقاش موجود وهي بعد م كانت كل م يبعد عنها ترجع تقرب بعدتت خالص بقا والكلام دا على كلامه هو المهم أنه لما اتوفى كلمت أخته عزتها وكدا ولأنه من محافظة تانية مروحتش العزا بس كنت هموت وازوره ف قبره وحالة أخته متسمحش اطلب منها دا ف قولت هكلم بنت عمه وفضلت ادور على الاكونت بتاعها مش لقياه فين وفين لقيت اكونت الفيس بتاعها وكلمتها واتصدمت أنها أصلا متعرفنيش ولا كان عمرها ليها كلام معاه ولا حتى لما بيشوفو بعض ف الشارع بيرمو السلام وأنهم كدا طول عمرهم (معلومة هما مش ولاد عن لزم ) ف بعتلها الصورة اللي كان قالي هي قبل كدا قالت أنها مش هي ومتعرفش صاحبه الصورة حتى والبنت كان باين انها مبتكدبش وكانت قلقانة اصلا أن ازاي حد كلمني على أنه هي وكدا وانا كنت هتجنن بعت الصورة ل أخته سالتها تعرفي صاحبة الصورة اتصدمت لما قالتلي لا وكلما صحابه سألتهم قالو ميعرفهوش وسألتهم أو بنت عنه قالو لا وانا دلوقتي مش فاهم حاجه ومش عارفه اي دا ونصدوما ومعرفش مين اللي بيشتغلني وخايفة يكون فعلا كان عارف عليا حد بس مش قادرة ابطل ادور ف الموضوع 
المهم بعد ما حاولت اوصل لحاجة ومعرفتش قولت لنفسي خلاص هو اتوفى دلوقتي وكل دا مش هيفيد بحاجة ولازم ادعيله واسامحه وخلاص لأن الاسألة اللي ف دماغي مش هلاقي ليها اجابات مهما عملت وبطلت ادور فعلا بس بعدها بيوم واحد واحدة صحبتي كانت منزلة فيديو فيه تلاوة وكاتبه عليها أن التلاوة دي بتاع الشخص دا وادعوله ف انا قولتلها أن دا مش صوته وان دا صوت صحبه بس هو اللي مصوره قالتلي أن كلمته اللي منزله الفيديو ف بقولها فين ابعتي الاكونت كدا بفتح ملقتش الاكونت وعملت سيرش عنه كتير مش موجود اكتشف انها عملالي بلوك مع انها متعرفنيش اصلا ولما سالت أخته قالت جايز كان طارق كلمك من عندها وهو اللي عمل الله اعلم وقالت إن امها فعلا متعرفنيش الموضوع دا جنني لانه كان عارف ومتاكد اني عمري م هكلمك أمه ولا حد من أهله غير لو هو اللي خلاها تكلمني وكمان مكنتش هوافق اهي كلمته تكلمني لاني هتحرج جامد ف الموضوع دا جنني وخلاني ارجع ادور ف موضوع الصورة تاني ونزلتها على الفيس ف جروبات محافظته اسال لو حد يعرفها وفي ناس قالت إنها عارفاها بس الكل خايف يقول هي مين عشان ميعرفوش انا عايزاه دا لي 
وبجد الموضوع دا قاهرني وخائفة اكتشف أنه كل دا كان كدب ومش قادرة افضل عائشة بعلامات استفهام كتير كدا ومش عارفه اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_70654 🇪🇬

منذ شهرين

شعور ضائع

عبّر عن شعورك بشكل مجهول

انا ليا بنت عمتي عايشين في مكان بعيد عننا عمري ما فكرت فيها لكن جم زيارة من اسبوعين و حصل شويه مواقف كده منها اننا لما كنا في الملاهي قعدت في لعبة جمب بنت اكدب لو مقلتش جميلة و المهم دارت اطراف حديث و بنت عمتي دي قدامنا و بانت عليها الغيرة المهم من بعدها طلعت انا و اخوها من الملاهي اربع او خمس مرات مجرد ما نختفي تسيب اخوها و ترن على رقمي انا و لاول مرة رنت اكتر من ٢٠ مرة في الكام مرة دول كلهم كالاتي انتو فين بتعملو ايه و جايين امتى و بعدها عمتى و جوزها اجرو عجلة ببدالين و ركبو خدو لفة و هبطو فقالولي اركب انا و اخوها مجرد ما ركبت نطت هي جنبي و بدات تحرك العجلة و انا وقفتها و نزلت و من بعد كده بقى نظرات رايحة جاية و كده فاتشجعت و بدأت افتح كلام على انستا يوم في التاني كنا بنتكلم يوم ف بعت رسايل فيها تلميح بعيد اني معجب هي مشافتهاش لمده نص ساعه كده و بعدين قالتلي هنام تصبح على خير و بعدين راحت قالت لابن عمي الكبير اكبر مني باربع سنين و قالتله ان امها بتمسك التليفون الكتير و انها خايفة من المشاكلالمهم هو كلمني و انا قلتله معدتش مكلمها لقيتها لسا النظرات شغالة و لسا بتشوف الستوري قعدنا كده خمس او ست ايام فالمهم نزلت ستوري فيه تلميح و مستنيها تخش تفتح كلام مدخلتش قلت يمكن مكسوفه افتح انا قلت ازيك ان شاء الله تكوني بخير ردت عليا بكل برود و انا مش فاهم و بعدين شالت الفولو و رجعت حطته و رجعت شالته قلت خلاص اجي امبارح من برة و كانت هي في الاوضة مجرد ما رميت السلام و سمعت صوتي طلعت من الوضة و قعدت معنا و بردو فيه نظرات و كلام رايح جاي و النهارده نفس الكلام ف انا مش فاهم هي كده معجبة ولا لا و مش عارف اعمل ايهبص بردو علشان انا باحب اكتب كل حاجة على بعضها هي دلوقتي بعتت ستريك من يومين و بعدين ستريك تاني النهارده الفجر انا بافتح سناب بالصدفة لاقيتهم ففتحتهم فجيت قلتلك و قمت باعت الستريك الاولاني هي فتحتة في اقل من عشر دقائق و بعديها بتلت ساعات انا بعت ستريك تاني و دلوقتي بقالها ساعتين  مفتحتهوش يا ريت حد يفهمني هي معجبة ولا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_66547 🇪🇬

منذ شهرين

شعور مكسور القلب

مافيش وحده تستاهل أنه بحبها انا حبيت انسانه مطلقة من سنى وكنا متفقين على كل شئ وفجأة بقيت انا وحش وكاييب وكل العبر فيا ومش هينفع نكمل مع بعض ايه اللى حصل لا انا فكرت تانى ومش موافقة وماتكلمنيش تانى تمام اوى لحد هنا منين انى وحش ومش هتكملى معايا وبتابعي حالات الواتس بتاعتى انا عاوز اعرف انتى بتحب

Biscuit_69726 🇪🇬 ربنا ييسر لك امرك ❤️

عرض الكل 8 نصيحة

Lemon_59613 🇪🇬

منذ شهرين

شعور مرهق

كان فيه بنت معايا في الشركه كانت علاقتنا حلوة جدا وتقريبا مكنتش بتكلم ولاد غيري في الشركه الباقي تعامل سطحي فكلمتها اني اتقدملها وكه قالتلي انها مبتفكرش في الارتباط دلوقتي فخلاص بقيت بتعامل معاها عادي وهي خدت جنب مني بس بعد ماعترفتلها لاقيتها زودت علاقتها مع الولاد اكتر وتهزر اكتر وتقعد مع واحد تاني

Grape_68887 🇸🇦 غالباً دي واحده بدور علي علاقه حره بدون قيود و مش عايزه تتجوز دلوقتي ف انت ابعد احسن و خليك متماسك ولو قربت اديها وش خشب لحد ما تجيلك سكه و دوغري و اقولك هي عايزه ايه

عرض الكل 7 نصيحة

Strawberry_63058 🇪🇬

منذ 3 أشهر

شعور مكسور القلب

مشكلتي اني مش عارفه اوصف حالتي هل انا و هو سبنا بعض و لا لا هو بقاله فتره مشغول عني و لما يرد يقول عندي مشاكل بحلها و ارجع اكلمك و قالي هنتقابل الاسبوع الجاي و انا مستنتش صراحه و لا بيسأل و لا عارفه عنه حاجه بس هو لسه مسجل رقمي مش فاهمه ازاي اعرف ان في شخص مفروض محتاجلالك و انت متردش عليه

Pumpkin_42200 🇪🇬 متخفش هو هيرجع يكلمك تاني بس لما يتخانق معا اللي هوا معاه دلوقتي علشان كده معا حد تاني

عرض الكل 18 نصيحة

Grape_21235 🇪🇬

منذ 3 أشهر

شعور مرتبك

سؤال للشباب لما تلاقى البنت الل معاك بعد مكانت كويسه معاك بتتكلم وبتسأل وتتخانق شويه وترجع شويه وتعاتب شويه وكل يوم بيعدى عادى وفحأه تلاقيها سكتت لا بتسأل ولا تتكلم والرد ع قد السؤال ومبتسمعش عنها اى اخبار ولا تعرف عنها حاجه تفتكر ايه السبب علما بانك بتقعد باليوم والاتنين والتلاته وممكن اسبوع ممكن

Blueberry_57339 🇪🇬

منذ 3 أشهر

شعور وحيد

بصو في حد انا بحبه و هو غالبا بيحبني بس مش متاكده و احنا صغيرين على انه يعترفلي بس مش عارفه اتاكد و اخته قربت مني فجاه و كل شويه تكلمني عليه و هو حرفيا مبقاش. بيكلم ولا بنت غيري !!و كل شويه يعمل موقف انه يجي يتكلم معايا و بيستغل اي فرصه نكون لوحدنا و يفتح مواضيع و بيحاول يلفت نظري بس مش عارفه اتصرف

Potato_62608 🇪🇬

منذ 3 أشهر

شعور مكسور القلب

موضوع:

نهاية مؤلمة لعلاقة صداقة

Biscuit_30697 🇪🇬 بصي علشان دي انصيح لزم في كال علاقه تبادل صحوبيه حب زمايل ادتين واحد اديكي واحد مش اتنين لأن لاهتمام الزيادة بيبوظ اي حاجه لزم تبقي في الوسط يعني هيا جت في يوم وي سالت عليك أو كلمتك بعديها بي فتره لو متكلمتوش حشي ابعتي حكتلك سر ليها قولي ليها انتي كمان سر وي بس كده

عرض الكل 2 نصيحة

عبّر عن شعورك بشكل مجهول

اخويه كان عايز يعرفتي على اخت صاحبه وصاحبه برضو كان عايز يعرف تخته عليا لانهم لاحظوا هم الاتنين اننا قافلين على نفسنا ومعندناش صحاب اول وكده ..
وبالفعل رجعت من الامتحان في يوم لقيته بيقلي يلا خارجين ، قلتله مش قادره وبتاع بس اصر ، فخرجنا واتعرفت عليها واتصاحبنا وانا حبيتها جدا وهي كمان حسب ما كانت بتقول دايما اني عاقله والقاعده معايا حلوه وان شخصيتي حلوه وكده ..
المهم كنا مبسوطين وبنخرج وكنت كل لمى اجيب لنفسي حاجه اجبلها معايا او كل لمى اعمل حاجه اعملها معايا وفتحتلها قلبي وحكتلها عن كل حاجه عني تقريبا واسرار وبتاع ..
بس استوعبت بعد فتره انها مبقتش تتكلم عن نفسها خالص ولا بتحكي حاجه عنها ابدا وبقت تتهرب مني ومن الخروج معايا ومن اتصالاتي 
فبدأت كل شويه اسألها اذا زعلانه مني في حاجه واننا ممكن نتناقش في اي حاجه زعلانه منها وانها متراكمش جواها واننا ممكن نحل اي حاجه لمى نتكلم مع بعض ولاكن كانت دايما بتقول ان مفيش حاجه ...
وبعدين حصل موقف بيننا احنا الاتنين غلطنا فيه وبطلنا نتكلم .. بس بصراحه انا اللي قطعت عشان كنت متضايقه جدا ...
المهم اني رجعت اكلمها بعد كام شهر انفجرت فيا واتخانقت معايا ومرضيتش تسمعني ولا تتكلم معايا وحاولت كذا مره اكلمها لاني بجد كنت بحبها جدا ومفتقداها ومازلت بس هي مردتش عليا حتى الان ..

Mango_70768 🇪🇬

شخصية كتومة ومشاعري جوايا بتتعبني

انا شخصية كتومة جدااا ودايما مشاعري جوايا ودي حاجة بتتعبني جدا وبتستنزفني حاولت مبقاش كتومة وافضفض بعدها بندم ندم عمري لان مفيش حد بيفهمني او بيفهمني غلط فبرجع تاني لقوقعة الكتمان حاجات كتيررر بتأثر فيا وبتاكلني من جوايا بس مبعرفش احكي ولا افضفض فبقيت لما اتكلم مع اي حد اتكلم عن اي تفاهات ومواضيع جانية عشان اتجنب اتكلم عن اي حاجة مزعلاني حاسة من كتر التراكمات بقي عندي اكتئاب بس انا مش بظهر دا ولا عايزة اظهر اني تعبانة دايما بضحك واهزر مع كل الناس، لحد ما واحدة صحبتي قفشتني وقالتلي حساكي مش كويسة احكي ، لما قالتلي كدا حسيت بتناقض جوايا غريب على قد مافرحت ان في حد حاسس بيا وشايفني متغيرة رغم اني بضحك وبهزر، على قد ما اضايقت ان في حد خد باله اني مكتئبة مش عارفه ليه بس انا مبحبش اكون مصدر طاقة سلبية لحد وادوش حد بماشكلي مش عارفه ليه حكيت دا بس قولت احاول اقول الي جوايا.. ...عرض المزيد

14 الدعم

35 نصيحة

Strawberry_80896 🇪🇬

هل الكلام بيخليني مريضة نفسية من صغري؟

عندى مشكلة و مش مشكلة انا لما كنت صغيرة كان كلهم بيقولوا عليا مريضة نفسية و ده كان بيتقال نتيجة لتصرفات بتطلع مني، بس انا من وقتها لحد الوقتي، شايفه اني فعلا مريضة، و كنت بحثت عن الموضوع و كده و شوفت فيديو و لقيت ان سبب من أسباب المرض النفسي ان الشخص يكون حد قاله كده من صغره، ف بيبقي فعلا مريض، انا بصراحة مش عارفة أوضح المعنى لأن الفيديو ده سمعته من زمان و حاليا مش فاكرة، ف ممكن لو حد عنده معلومة يفيديني انا لما كنت في الإعدادي كان طموحي لما أكبر اروح لدكتور نفسي اصلا، ف عاوزة افهم انا تمام ولا فعلا نتيجة الكلام بقيت فعلا مريضة 👍🏻 ...عرض المزيد

0 الدعم

23 نصيحة

Lemon_67534 🇪🇬

خنقة بلا سبب ومش عاوزة أعيش.. تعبت من الشعور ده

هل في اسباب للخنقة بلا سبب يعني نكت صحيت مش قادرة اقوم من على السرير ولا اعمل حاجة حتى اني اخرج كخروج مش عاوزة حاجة غير اني ابقى لوحدي وبقالي فترة على كده اني مش قادرة اعمل اي حاجة ف حياتي انا حتى مش قادرة احلم ودايما ببقى حاسه باحساس اني مش عاوزة اعيش ومش ضروري احلم بحاجة لاني اصلا مش حابة الحياة ومش حابة اعيش فيها على الرغم من اني مش حد بعيد عن ربنا لا الحمد لله ده سبب من اسباب اني عايشة لحد دلوقتي بس حقيقي مبقتش فاهمه اي سبب ده اني مش قادرة استمتع بحياتي ولا قادرة اعيش اللي هو ولا عايشة مع العايشين ولا ميته مع الميتين.. حقيقي تعبت من الشعور ده اصلا كون اني كل يوم بتحايل علة نفسي علشان اعمل اي حاجة ده تاعبني بجد ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع