تضحيات

Watermelon_72728 🇪🇬

منذ 3 أسابيع

شعور وحيد

تخيل تحب شخص ويكون معندوش ثقه ف نفسه ومكسور ف تقف جمبه ف يرجع قوي زي اول واول ما يفكر ياذي ياذيك انت حاجه مضحكه اوي يعني بجد جيت ع شخص اللي مد أيده ليك لما يحصلك زي كده اوعي تزعل صدقني هو أو هي خسرتك خسرت شخص حنين ومستعد يسعدهم وطلع ف اخر ناقص وواطي رغم كل تضحيات اللي عملتها وهو شخص مستاهلش كانك جبت

Avocado_72213 🇪🇬 يااااه💔

عرض الكل 10 نصيحة

Apple_64348 🇪🇬

منذ 3 أسابيع

شعور مستنزف

يا جماعة انا بكره امي اوي هي طول الوق بتزعق انا عارف انها بتحبنا بس هي لسانها سليط ووحش اوي وبتقعد تشتم وكانت بتضربني زمان هي عملت حاجات وضحت كتير عشانا بس انا مش قادر احبها انا مش بحب ولا اتكلم معاها عشان هي اصلا مش مريحة ف الكلام ولا بحب اسال عليها بجد عايز ابعد عنها ومشفق عليها اسيبها عشان هي بتح

Lemon_72109 🇪🇬 مريت بأكتر من اللي إنت مريت بيه وفاهم إحساسك بس صدقني إنت لو شوفت المشاكل اللي شافوها في حياتهم و قد إيه كانوا بيحبوك ويخافوا عليك وإنت صغير هتستحمل أي حاجة منهم إنت لو بس شوفت فرحتها بيك و هي شايفاك مبسوط دي بالدنيا وما فيها

عرض الكل 8 نصيحة

Waffle_65620 🇸🇦

منذ 3 أسابيع

شعور عاطفي

عبّر عن شعورك بشكل مجهول

الغربه..
الكل شايفك في بلدك ناجح و قادر تعمل ثروه عظيمه و بتعبي شكاير دراهم و ريالات و دنانير و دهب و ياقوت و مرجان و بتاكل صلصه و جبنه بعيش مقلحف خشبي القوام عشلن تكنز فلوس وبس.
محدش شافك وانت ماشي سايب ابوك مريض و بيعيط عشان انت ماشي و سايبه بعد ما لقى فيك الونس فترة اجازتك.
محدش شاف فرحة اخوك و اختك بمجيك اجازه و دموعهم اللي بتودعك وانت ماشي سنه كمان بعيد عنهم فيها.
محدش شاف احساسك وانت بتسيب كل حاجه عشتها و بلدك اللي كان نفسك متسيبهاش و يكونلك فيها فرصه تعيشك كويس بس انت مضطر تعمل كده عشان اهلك من غير غربتك هيتعبوا.
محدش شافك وانت اي الم حاسس بيه بتخبيه عن اهلك وناسك عشان يشوفوك بتضحك و كويس.
محدش شافك قاعد مع ناس غريبه عنك ومفيش خصوصيه و ناس معاك في شغلك بتزرك عشان تاخد بنط عند مديرينك.
محدش شافك وانت راجع و جايب كيس ادويتك اللي ممكن تحتاجها هناك و لبس السنه الجديده اللي بيخليك تكع كل حاجه.
الصوره الكامله للغربه هي انك بتضحي بكل حاجه كنت عايش بيها ومعاها عشان تاخد مرتب يساعدك و يساعد اهلك كانك بتبيع نفسك عشان ابسط حقوقك.
اخر كلامي بقول اللهم لك الحمد والشكر دائما وابدا على كل نعمه ربنا انعم عليا بيها و على كل رزق كتبهولي ربنا في ارضي و ارض غيري.
انا مش ناقم ابدا الحمد لله.
أنا بس حبيت انقل صوره ممكن متكونش كامله و افضفض في نفس الوقت لأني راجع للغربه تاني.
ربنا يسعد قلوبكم و يفرحكم جميعا.
❤️💙

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Toast_68563 🇪🇬

منذ 3 أسابيع

شعور غبي

ازاي ممكن انهي علاقة مع واحدة كلمة باردة ومعندهاش دم قليلة عليها؟ قالتلي في نص الكلام "انا اتنازلت لغيرك كتير فا مش مستعدة اكرر دة " وبعد ما عاتبتها علي الكلام دة وقولتلها المفروض اتعامل معاكي ازاي ردت وقالتلي مش عارفة وبعدها بيوم نزلت صور علي الانستا من اللي كنت قايلها ممنوع ينزلوا ومن ساعتها وان

Mango_17903 🇪🇬 مكنش المفروض تتقبل الوضع دا قبل أي حاجه وربنا يهديها ويرزقك باللي احسن منها ان شاء الله

عرض الكل 7 نصيحة

Kiwi_12989 🇪🇬

منذ 3 أسابيع

شعور محبط

عارفين لما تندموا ف علاقه علي كل تضحيه و كل تنازل سواء ف الحياه او عن المبادئ و القيم اللي حطيتها لنفسك و قلت مش هتنازل عنها و دي حدودي لما فجاه تحس انك لعبه و ان الدنيا اللي بتحركك مش انت اللي متحكم ف حياتك و بتمشيها لما تلاقي ان كل تضحياتك دي ف الاخر مش هيبقالها تمن ولا قيمه لما تحس انك متسواش ف ع

Corn_72107 🇪🇬 مترخص نفسك قدام حد لو نفسك تكمل في علاقة لازم تكبر نفسك قدامه هو لو مش عاجبه يبقى مفيش نصيب

عرض الكل 4 نصيحة

Tofu_71960 🇪🇬

منذ 3 أسابيع

شعور مكسور القلب

موضوع:

ما هو أكثر شيء تفتقده من طفولتك؟

جدي الله يرحمو كل الي احنا فيه ده من خيرو قبل م يموت بس عاش حياه صعبه عشان يوفر كل الحجات دي اتخذل من اقرب صاحب ليه سرقو وخد فلوسو كلها وهرب واستحمل واستحمل حجات عمر محد قدر يستحملها ومع ذلك كان حنين علينا كلنا وبيجبلنا كلنا كل الي نفسنا فيه بس للاسف مات بكانسر ادعولو بالرحمه..

Marshmallow_71261 🇪🇬

منذ 4 أسابيع

شعور محبط

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

ماكنتش هتنازل عن حلمي و اصدق وعوده انه هيحققلي جزء منه بطريقته بعد الجواز .. ونفسي اقول ماكنتش هتكوز بس بحس بالذنب لما بتمنى الامنيه دي علشان عيالي وعلشان مش قادره انكر ان عدت عليا اوقات كتير كنت مبسوطه .. بس مش قادره انسي حلمي.. واني بقيت مركونه في البيت وجوزي بيحقق حلمه..

Banana_68754 🇪🇬

منذ شهر واحد

شعور آسف

أنا اول مره اكتب هنا ربيت ابنيا وعلمتهم وشجعتهم على اختيار الوظائف المناسبة لهم وكل ما ادخرته صرفته على مرض زوجتى يرحمها الله ولم يبقى لى غير الستر والحمدلله تزوج الكبير من فلوسه والصغير على الرغم من دخلة المناسب إلا أنى شجعته على شراء سياره جديده وقلت له بعد ذلك الزواج ولكنه غير راضى واحس أنى أذنبت

Pineapple_25373 🇪🇬 لا طبعا يا عمي انت ما اذنبتش في حاجه انت ربتهم وكبرتهم وعلمتهم وكمان بتجوزهم ربنا يديك الصحه يارب وتشوف احفادك وده اللي عليك كاب انت مش عليك تكون مجرد مصرف بنكي ليهم لا انت ما عليك غير الان انك تساندههم في حياتهم مش كماليات لا كدعم او كعاطفه وربنا يبارك ليك فيهم

عرض الكل 4 نصيحة

Corn_70158 🇪🇬

منذ شهر واحد

شعور متعب

عبّر عن شعورك بشكل مجهول

انا تعبان انا مرهق ومش قادر انام بقيت باهيت وبتصنح الضحكه والكلام وانا جوايا ميت
انا كنت طالب فكلية سياحه وفنادق 
وروحت قدمت جيش مع الكليه عشان اخلص واسافر 
وانا ف الجيش امي تعبت جدا وكان لازم اقعد معاها لأنها محتاجه دا لان انا الوحيد اللي شايل همها وانا الوحيد اللي شايل البيت مع اني انا اصغر واحد ووالدي توفى من 2020 من وقتها انا اللي شايل البيت الفكره بقى ان والدتي تعبها زايد او مستمر وما فيش حد غيري راضي يشيل الهم عندي اخ وعندي اخت بس الفكره ان هم مش شايلين الهم زي ما انا شايله هم شايفين ان في ان في حد شايل المسؤوليه فخليه يكمل انا ضحيت بالجيش وانا عارف ان في عقوبه شديده سجن حربي وتقريبا كده الشيف ضحيت بالكليه لان السنه دي انا تقريبا هسقط انا ما حليتش كويس خالص في الامتحانات من كتر الضغط اللي عليا ومن كتر التعب من كتر التفكير وانا مش عارف اعمل ايه حرفيا حاسس ان انا في دنيا تانيه في عالم ثاني دي مش دنيتي ولا ده انا ولا ده الواقع بتاعي يعني كثير فكرت في الانتحار ورغم كل ده انا عندي انتكاسه في حياتي او ذنب بمعنى اصح بحاول اطلع منه بحاول وغير كل ده انا نفسي في يوم من الايام ان انا اطلع بره البيئه بتاعتي دي واعيش بره عايزه اشتغل واعمل حياه طول عمري وانا بحلم بالاستقراريه بس ما اعرفش ليه وصلت المرحله دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_69345 🇪🇬

منذ شهر واحد

شعور وحيد

عبّر عن شعورك بشكل مجهول

اتمنى الناس تريحني علشان انا تعبان 
دلوقتي انا كنت بحب واحده قعدني سنتين ونص مع بعض الفتره دي كنت بغسل فيها كلي كان بيجي لها عرسان كنت قولي لها قبليهم اقعدي يمكن يكون في واحد كويس هيكون مناسب ليكي وكانت فعلا بتنزل تقعد معاهم وبعدين مش في توافيق وبعد كده زرعت كلي لازم تيجي البيت قلت لها انا مش معايا فلوس ولسه طالع من عمليه كبيره قلت لي تعالى وانا هجيب لك الدبله وبعد كده كل حاجه تبقى سهله عملت كده وارن الفاتحه وحددنا الفرح بعد سنه وانا قبل السنه استلفت فلوس من الناس اللي حواليا وجهزت الشقه كلها وهي جهزت حاجتها وما كنتش جبت دهب هي اللي كانت الدبله تيجوا يتفقوا على الجرامات كانوا عايزين 50 جرام بابايا قال هم 30 جرام في القايمه والموضوع خلص على الاثنين قفلوا الموضوع ان كل واحد عايز كلمته هي اللي تمشي 
هي كانت عارفه ظروفي ووضعي في  الكلام مش معايا مع اهلي وسابتني وبعدها رحت لها على البيت قلت لها لو هنخلص انا وانت الموضوع على 35 وانت تتكلمي اهلك وانا اكلم اهلي قالت لي لا هو هيكون 50 وفضلنا على كده لثاني يوم فاتصلت عليا بتقول لي انت مش بتكلمني ليه قلت لها انا بفكر اعمل ايه ما ممكن نكمل وممكن ما نكملش بعدها لقيتها عامله بلوك على كل حاجه وسابتني لمده ثلاث لوحدي واخر قرار خدته قلت لاخوها ان كل شيء نصيب وربنا يسعدها انا كده غلطان ولا لا من رغم ان هي عارفه ان انا شغلي على قدي من بعد العمليه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Croissant_68894 🇪🇬

منذ شهر واحد

شعور ممتن

موضوع:

بتعرفوا تقولوا لأ على حاجه مش مناسبه ليكوا ؟

كنت الاول لا دلوقتى بقيت اقول لا،مش مناسب معايا،مش هقدر... ايه السبب ؟ عرفت ان محدش يستاهل ابدا ابدا اعمل حاجه ضد رغباتى علشانه واللى عملته مره علشان اتكسفت اقول لا فجأه بيبقي حق مكتسب ليهم وهكذااا

Potato_63928 🇪🇬 عامة انتي ماشيه صح ،مينفعش تجهدي وتستنفزي نفسك عشان تعجبني الي قدامك

عرض الكل 2 نصيحة

Apple_65194 🇪🇬

منذ شهر واحد

شعور محبط

بصراحة مبقتش عارف اعمل اي يعني انا مشعارف هل اقلل اهتمام او ازود اهتمامي بشكل أكبر من الأول في الحالتين انا مبلاقيش اللي مستنية عارف يعني اي تبقي مستني حاجة من انسانة بس كل اللي بتلاقية تهميش عكس كل الي مستنية اوقات بحس إني مستحقش كل دة بجد مع إني بحرم نفسي من حاجات كتير عشانها بجد والله واوقات مباك

Mango_65487 🇪🇬

منذ شهر واحد

شعور وحيد

سلام عليكم انا مش عارف اكلم مع اي حد لأن لازم اكون صامد وثابت انا تعبت من مشاكل الاسريه خصوصا اني اخواتي اكبر مني بس دماغ اطفال مشاكل علطول وديما بضحي عشانهم وهما ولا شايفني أبقا في الشغل يتصلو بيا لازم تيجي في مشكله دلوقتي سيبت الشغل واشتغلت في قصه احسن ومرتحتش وبقات عاطل والشغل كان بيخرجني من ال

Strawberry_25620 🇪🇬 ارجع اشتغل تاني واركن مشاكلهم على جمب ، اقف معاهم وقت ما يحتاجوك بما لا يعيق حياتك ومستقبلك وشغلك .. وده لانهم اخواتك

عرض الكل 9 نصيحة

Strawberry_59553 🇪🇬

منذ شهر واحد

شعور مرهق

Apple_65275 🇪🇬 وربنا العيله بتاعت ابوكي دي محتاجه حد يعرفهم حدودهم وبالعافيه مش بالهداوه ولا الكلام دا لان باين عليهم انهم اصلا انهم جاحدين وفي الاغلب يابنتي ابوكي كانت معاملته وحشه مع امك قبل الجلطه وانا لو مكانك ك راجل يعني لمكسر عضمهم كلهم واللي شوفتيه دا هيزيد اضعاف طالما شايفينكم ملكمش ضهر او ناس ضعيفه

عرض الكل 15 نصيحة

عبّر عن شعورك بشكل مجهول

جماعه عندي مشكله ابويا عنده جلطه و قاعد معانا طول اليوم و قعدته مسببلنا مشاكل كتير و غير كده حصل مشكله السنه الب فاتت لان طبعا ماما الي كانت بتصرف بحكم انها بتشتغل اون لاين و كانت جايبه دهب ب فلوس شغلها مش من فلوس ابويا تمام و باعت دهبها و صرفت دم قلبها علاج و احنا معندناش عربيه و كان كل يوم عشان نروح لبابا المستشفي كانت بتدفع بال500 و 600 في اليوم الواحد تخيلو و طبعا غير مصاريف المستشفى و اهل امي هما الي وقفو معانا بس مش اوي يعني و اهل ابويا مجوش غير مره وحده في المستشفي و فرجو علينا الدنيا ماما مكنتش موجوده راحت تجييب حاجات من البيت و ترجع تاني راحو جم و فضحونا و قعدو يتكلمو علي امي و يدعو عليها انو هيا الي جابتله الجلطه و حاجهفي قمه قله الذوق** ملاحظه بسيطه الجلطه الي جت لبويا دهون ثلاثيه دخلت علي مجري المخ وقفت مجري الدم ل ثواني و هوا كان حاسس بقاله فتره بس كان بيطنش و اليوم الي خلاص الدهون دخلت علي المخ حس الساعه 6 انه مكنش قادر ولا يحرك ايده ولا رجله اليمين و كمل نوم و صحي الساعه11 راح هوا و ماما المستشفي**و تقدرو تبحثو ان الجلطه في منها انوع عادي المهم نرجع نكمل و انا و ماما و اخويا اتشفطنا من كميه المجهود الي حصل و بقي اخويا هوا الي يشيل و يحطه و ماما الي كانت مهتمه ب نظافه و علاج و اكله وانا كنت بسهر جمبه و بنام علي الكنبه عشان لو احتاج حاجه و الي بحكيه ده ميجيش نقطه في بحر من الي كنا بنعملو و بعد ما امي صرفت دم قلبها و قالت الفلوس خلصت بقي يتمهما في شرفها و ان الفلوس دي جيبها من الحرام و بقي يشتمني ب اسوء الشتايم و ينكر اي حاجه عملنها معاه و مره جينا ناخد لبس و حاجات راح بقي يقول اننا جيين نتهجم عليه و ان هوا راجل عاجز وكان هيبلغ علي اخويا و جاب اهله يتخانقو مع عيل و عيله و هوا بقي يسخنهم و الموضوع خلص و اتصلحو مع انهم كانو هينفصلو و رجعنا و بقي ينزل يقولها هفك علي نفسي شويا و يروح يعمل شغل و يحط الفلوس ف جيبه و بيكلم اخواته و اخواته دول عقارب مستنين اخويا يتم 18 في البطاقه عشان يروح يبلغ عنه ب اي تهمه و يتحبس و هدد امي انه هيحبسها و بيعمل مشاكل ليله مع نهاره و بجد كلنا تعبنا و عرفيين ليه بيعمل كده؟ عشان يخلينا نروح تاني عند تيتا و يعمل اي مصيبه بقي و لما انا قلت كده راح هدي شويا و لسه لحد دلوقتي بينكر خير امي و بيقول اخواتي اخواتي اخواتي سوو اخواتي عملو و هم اخواته الي بيحرضوه علينا و امي مش عايزه تطلق عشانا و عشان نتجوز انا و اخويا لان الناس مش هترحمنا من كلامهم سواء علينا او علي امي  محتاجه حل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_64209 🇪🇬

منذ شهر واحد

شعور محبط

لما بقعد مع نفسي كده شويه بسأل نفسي سؤال هو أنا قصرت !؟.. بلاقي إني من الناس اللي عدت حاجات كتير ومواقف كان لازم أخد فيها موقف علشان بس الدنيا تمشي ، أنا مكنتش من الناس اللي بتتلكگ علشان تبعد مثلاً ، كنت بحاول دايماً أبقي موجودة حتي لو علي حساب نفسي و طاقتي ، علشان كده أنا مقصرتش خالص .. بس اكتشفت

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع