نفسي ابطل تفكير مفرط ... مودي بيتغير في اليوم اكتر من مرة ومش حابة فكرة اني ارجع اخد علاج علشان اوقف دماغي لاني مكنتش مرتاحة برضه لما كانت فاضية ... انا مشكلتي كلها هي اني فجأة ببقى ف مود بعيد تماما عن اللي قبله ... يعني ببقى مبسوطة جدا وهايبر وفجأة ببقى في وضع صامت تماما ومش متحملة كلام اي شخص معايا. كل لما بكر بوقف صعب بفضل اقول لنفسي أن دا مجرد وقت وهيعدي، المشكلة إن في الوقت دا ببقى نفسي جدا الاقي شخص واحد بس اكون واثقة أنه هيفهم مشاعري ، بس مبلاقيش ... مش حاسة إن أي حد مناسب يكون في حياتي حتى كصداقة ... انا شاطرة اوي اوي اوي في العلاقات العابرة ... اللي هو بكون موجودة وقت الحاجة ... بعرف انصح اوي، بعرف اسمع جدا، بعرف ادي طاقة إيجابية اوي اوي اوي، بعرف وبقدر افهم جامد، وبنسحب تماما بعد م بقوم بدوري ... بحس اني فاضية وطاقني خلصت ومش متحملة حد معايا.

1

7