زهقت من حياتي وحاسة بالوحدة.. مش عارفة أعمل صحاب

Question

جماعة أنا بجد في أوقات بكون حاسة إني زهقت من حياتي . بحس ان الحياه ممله اوي ورخمة لكذا سبب أولهم ان حياتي روتينيه ومافيها تغير وانا أصلا بامل بسرعة واكتر حاجة مضايقاني إني حاسة بالوحده . كنت فاكره إني تخطيت موضوع احساس الوحدة ده بما أني عودت نفسي إني أكون لوحدي في كل حاجة . زمان كان عندي اصحاب وكان الوقت ال بقضية معاهم لطيف جدا بس مع مرور النين بقينا نبعد عن بعض بسبب مشاغل الحياة ( حياتهم هما أنا عمري ما كنت مشغولة ) فهما طبعا بقي عندهم حياه تانية ينشغلوا فيه وأصحاب تانين فطبعا أنا ال كنت ببقي نفس اخرج معاهم او أقابلهم وكنت بطلب ده علي طول وفي المقابل كله بيكون مشغول ومش بلاقي حد فيهم بيطلب مني إني اخرج معاه لغاية اما خلاص قررت إني لو عاوزة اخرج هخرج لوحدي ولو عاوزة اعمل أي حاجة هعملها لوحدي وبالفعل لغاية دلوقت مش بنتواصل مع بعض خالص وماعندي صحاب وكل حاجة بعملها لوحدي . الموضوع كان صعب جدا في الأول بس اخدت عليه وافتكرت إني خلاص كده أنا تمام ومش محتاجة أي حد يكون في حياتي , بس كل فتره كده بتخنق بحس إني زهقت بقي وعاوزة أغير حياتي . ببقي نغسي أفضفض لحد وتحميله مثلا عن يومي ومش بلاقي . اما مثلا أتفرج علي فيلم والاقي اتنين اصحاب علي طول مع بعض وبيساعدوا بعض ببقي نفسي أنا كمان أكون كده. عندي ناس كتير عندي عائلتي وبنتجمع علي طول وعندي شغلي وبتعامل مع الناس بشكل يومي بس بالرغم من كده عندي وحده رهيبه . ساعات باخد قرار إني لازم اعمل صحاب بس مش بقدر من كتر ما أنا تواصلي قليل مع البني ادمين مابقاش عندي القدرة أني افتح حتي حوار مع أي حد ولحد أي حد بتكلم معاه بيكون عندي احساس انه مش قابلني واني بفرض نفسي عليه وفي نفس الوقت اكيد مش خلاقي حد ياخد خطوة معايا انه يصاحبني لاني أصلا شكلي حاد وغالبا الناس بتفتكرني متكبرة . الكلام كتير بس أنا بحاول أفضفض وياريت لو حد مر بالمشكلة دي يشاركني تجربته

Tomato_62857 🇪🇬 · Answer

حاسك شخص طيب عموماً م لازم حياتك تبقى مثيرة يعني

Pumpkin_37268 🇪🇬 · Answer

بصي حاولي تتكلمي مع الناس اكتر من كدا كخطوة أولى اتكلمي عن الحاجات البتحبيها معاهم زي مثلا الافلام و تتكلموا و كدا و برضه كخطوة أولى ممكن تبدأي بصحاب سوشيال بحيث تبدأي تتكلمي اكتر 
بعدها حاولي تعزمي على حد انكوا تخرجوا (وافق أو لا خلاص مش مهم هنجرب تاني) 
و الباقي هيجي منغير ترتيب عادي 
بس اهم حاجة انك متفكريش كتييير خالص و اتصرفي بطابعتك و مش لازم تفكري طب دا هيقول اية طب دا مش هيوافق طب لا دا

Pumpkin_37268 🇪🇬 · Answer

طب لا دا هيتريق عليا و هكذا 
طالما مبتعمليش حاجة غلط يبقى خلاص خليكي واثقه من نافسك و صدقي البتعمليه

Pumpkin_37268 🇪🇬 · Answer

و بس كدا، كل الباقي و هتعملوا اية بعدين دا هيجي منغير ترتيب عادي

Pumpkin_37268 🇪🇬 · Answer

فاهمه؟؟

Croissant_52526 🇪🇬 · Answer

اتفق 👌👍
شكلك بتفهم 😂

Carrot_62530 🇪🇬 · Answer

انا زيك مش اجتماعي ومعنديش اصحاب كتير ولو عندي هقعد لوحدي برضه لكن الفرق اني مبسوط الحقيقه كدا ومرتاح جدا

Avocado_29291 🇪🇬 · Answer

كل الناس كده و انا نفسي كده بس في حد في الحياه هيحب شخصيتك 
مش كل الناس زي بعض و اعتقد انك مش لازم تتكسفي تتعرفي علي ناس جداد لمجرد انك مش بيرفكت مفيش حد كده كلنا فينا حته مش حلوه

Banana_62864 🇪🇬 · Answer

حاولي تغيري مفهوم الصحاب والصداقة اللي موجود عندك 
وتحطي قواعد انا ليا عندك ابه وواجباتي عليك ايه والعكس 
ولما تبدأ صداقة بينك وبين حد اطرحي السؤال دا للمناقشة غشان يكون ف راحة ف العلاقة كل واحد عارف ايه اللي ليه وايه اللي عليه 
وبكدا هتلاقي أصحاب او هتعملي صداقات مفهومة فيها ود وحب وفهم 
هتفصل وتدوم وهتلاقي اللي شبهك وهتلاقي راحة ف العلاقة

Croissant_52526 🇪🇬 · Answer

مش عارفه هنشوف الرساله ولا لا يا بامكين بس عايزه اتكلم معاك ضروري في موضوع 
ابقى ابعت هنا الاول و انا هاخد بالي بعدها اعمل بوست برايفت

Strawberry_39634 🇪🇬 · Answer

كنت كده الأول مبسوطة عادي بس زهقت فجاة

Strawberry_39634 🇪🇬 · Answer

مش فكرة إني بكون مكسوفة او مش واثقة في نفسي الفكرة أني مش بعرف افتح كلام مع حد او أكمل الحوار بعتقد ده جزء من شخصيتي

Strawberry_39634 🇪🇬 · Answer

الفكره أني أنا بلاقي نفسي بس أنا ال ببادر بالسؤال او اقتراح أننا نخرج مثلا والطرف التأني مش بيعمل كده بيجيلي احساس أنهم مش عاوزين يتعملوا معايا فا بالتالي أنا ببعد