انا عندي 25 سنه ولسه بدرس يمكن الموضوع غريب شويه بس انا سقطت بتاع ٤ او ٥ سنين ، الحكاية اني مش فاشل بس صحبة السوء ف الثانوية خلتني مش مهتم بالدراسة ولما روحت الكليه بقيت مش مهتم بيها ف حولت لكليه تانيه ف رجعت سنة اولي تاني ودلوقتي انا في سنة تالته ، مش بشتغل وانطوائي بشكل مرعب مش بنزل من البيت أو بخرج من اوضتي اساسا كل صحابي الي في الواقع يعتبر مش بكلمهم ولما بكلمهم بتقفل من حياتي لأنهم حياتهم احسن من حياتي الي بيشتغل والي سافر والي اتجوز والي خطب وانا مش بتخنق لما بكلمهم عشان بحقد عليهم مثلا لا ، انا بكون زعلان علي نفسي وعلي الحالة الي وصلتلها كل واحد شاف حياتو وانا لسه في مكاني .. دلوقتي كل صحابي الي اعرفهم او الي بكلمهم صحاب سوشيال وبحبهم بس شايف ان مش هنكمل مع بعض عشان كل واحد من محافظة مش زي صحاب الواقع ، انا مكتئب بقالي فترة طويله من الحوارات دي وشايف ان مستقبلي ملوش ملامح ولسه قدامي سنه كليه وجيش يعني هخلص كل حاجه وانا عندي ٢٨ سنه تقريبا وهكون لسه ببدا حياتي في سن متأخر زي ده ف انا متيقن اني مش هعرف اعمل اي حاجه ممكن اي نصايح لاني وصلت لحالة صعبه اوي.

2

5