بحس بالقلق ومش كويسة كفاية.. هل الدنيا هتبقى بخير؟

Q: زهقان مرعبه وعايز أتخطى حياتي.. إيه الحل؟

انا عايز اتخطى حياتى اعمل Skip بجد يمكن الاقى حاجه مهمه او تشدنى شعور انك عارف ناس كتير ومحدش قريب منك دا سئ انا بقيت عايز اختفى من حياتى يمكن تكون احسن والله الفكره انى راضي و الحمدلله على كل حال و عارف ان اى حاجه بتحصلى هى الخير من ربنا وانى اكيد فى نعمه بس انا زهقان لدرجه مرعبه و مش عارف اعمل ايه او ايه اللى يخرجنى من الحاله دى

Q: وحيد ومخنوق ومعنديش حد في حياتي

و المكان الي مبحسش فيه بالراحه و الامان و اني ابقي مهم بمشي منه بسرعه قبل ما ارجع اندم علي كل لحظه ..مش معني انك معندكش صحاب دلوقتي يبقي المشكله فيك لا يمكن ربنا بيمتحنك و عاينلك الاحسن بكتير .. عموما انا في نفس سنك و هبقي مبسوط جدا لو بقيت انا و انت صحاب

Q: ليه بحس بقيمتي قدام ناس ومش قدام تانيين؟

هو عادي لما تحس انك قليل وملكش اي قيمة قدام ناس معينة واحيانا تانية بتحس انك واثق من نفسك وحاسس بقيمتك كدا قدام ناس تانية غيرهم ولا اية .انا مثلا الحمد لله مستوايا الدراسي كويس وعارفة اني شاطرة وبحاول حتى لو فشلت أحيانا بس في ناس معينة ف دفعتي بحس اني قليلة اوي قدامهم . عايزة اعرف لية دا بيحصل واتخلص منة ازاي

Question

بحس بالقلق كتييير لاني حاسة اني مش شاطرة في اي حاجة 
مش متفوقة في الكلية بالعافية بجيب جيد جدا 
بحاول اذاكر تراك تاني جنب الكلية بس مش متقدمة فيه 
مش جميلة زي باقي البنات اقدر اتجوز بسهولة وماشيلش هم
مش أغنيا وعايشين في منطقة مش حلوة 
بحاول اعمل ال عليا بس بحس دايما اني مش كويسة كفاية ... هل الدنيا هتبقى بخير هل هقدر ارتاح نفسيا قريب

Strawberry_52519 🇱🇾 · Accepted Answer

كل شيئ بتشوفيه وحش في نفسك غيرك بيشوفو مميز ثقي بنفسك والحقي احلامك ربنا بياخذ حاجة ويعطيك الف حاجة يسكر باب وبيفتحلك الف باب وبعدين ومافيش بنت مش جميلة يمكن هما اجما منك من برا بس من جوا انتي اجمل وحياتك في بيتك البسيط افضل من بيت غني وبائس فكري بإيجابية وحاتشوفي حياتك هاتكون جميلة ومرضية وهاتنجحي صدقيني بالتوفيق ياجميلة القلب والروح ما تستسلميش لأفكارك ووفري الوقت للنجاح والإيجابية سيبي السلبية

Avocado_44816 🇯🇴 · Answer

انك ترتاحي نفسيا أو تتحرري من القيود اللي أنتِ حاطيتها عشان تتحسني يحتاج منك تلاحظي أنه الفرصة ممكن تيجيكِ وين ما كنتي ، والنفسية المبسوطة المفروض انها ما تعتمد عالظروف الخارجية ، رح تنبسطي رغم كلشي بس ابدي وساعدي حالك وما تشوفيها هيك ، لو عندك حدا بتحبيه كثير مش حتشوفيه مش شاطر لانه جاب جيد جدا وبالعكسس حتفخري فيه لما تعرفي أنه بحاول وبدرس تراك ثاني كمان كله رح يصير تمام بس خذي نفس وارتاحي مع نفسك🌷

Donut_25498 🇪🇬 · Answer

بصي قبل اي حاجه لازم يكون عندك ثقه في نفسك 
انك تجيبي جيد جدا اصلا دي في ناس مش بتعرف نجيبها دي حاجه لازم تفرحي برضو فيها 
الجواز البنات ممكن اه ناس تاخد بشكل بس الاصل جواكي انتي ممكن يجلك حد غني وحلو بس مش كويس ويبدأ يقلل منك فابتالي هتحسي بكدا فعلا لانك مش بتحبي نفسك كفايه
وانك بتحاولي تعملي حاجه تانيه جمب كليتك دي حاجه برافو عليكي فيها المحاوله نفسها
مش دايما دنيا هتكون برفكت في كل حاجه

Donut_25498 🇪🇬 · Answer

لازم لازم تشوفي نفسك جميله وشاطره تشوفي نفقط ضعفك و تقويها لازم تشوفي محاولاتك حتي لو فشلت بس حاولتي 
صلحي نفسك وحبي نفسك هتلاقي الي يحبك 
وحتي ياستي لو اتاخر نصيبك فااتاكدي أن هيجي بي الخير كله بس عشان يجي لازم تصبري و تحبي نفسك وتهتمي وتحاولي تنجحي في دراستك أو مجال شغل حابه

Durian_52455 🇪🇬 · Answer

معلش اقنعينى ازاى بتجيبى جيد جدًا وبتقولى على نفسك مش شاطرة!
اية هو مفهوم الشطارة بالنسبالك ؟؟؟
إنك تجيبى ١٠٠٪؜ فى كل المواد
ولا إنك تكونى ملكة جمال مصر والعالم
ولا إنك ماديًا تكونى من عيلة نجيب سويرس

Durian_52455 🇪🇬 · Answer

ليه مش الشطارة بالنسبالك إنك تشاورى على الحلو اللى جواكى وتكافئى نفسك عليه
انا عارف إن ده صعب خصوصًا إن اللى حواليكى محسسينك بالتقصير واللوم اللى مبينتهيش
بس اللى انا متأكد منه ان فيه حاجات حلوة كتييييييير جواكى وفى شكلك وفى عيلتك وفى دراستك
بس انتى اللى مش واعية لـ ده بسبب الصوت اللى بيجلد فى ذاتك آخر اليوم!

ارجوكى راجعى نفسك فالموضوع ده، واحنا معاكى 💪❤️

Blueberry_52260 🇪🇬 · Answer

عايزه اقولك على حاجه احنا هنا بنسعى بس ، بس حرفياً و اللي احنا فيه ده مش شطاره مننا و لا الكلام ده خالص ده ربنا بيحطنا في الطريق اللي بيكون شايفنا هننفع فيه ،" انهارده مش بكره السعى لكن بكره مش انهارده النتيجه " وعلى فكره بقى ممكن سعيك في الحاجه دي ربنا شايلهولك لحاجه تانيه و بعدين ماله جيد جداً ده تحفه انتي اسألي نفسك سؤال واحد بس هل انتي تعبتي و عملتي اللي عليك؟ لو الاجاله اه فخلاص بجد خلاص ده

Blueberry_52260 🇪🇬 · Answer

ده اللي احنا مطالبين بيه اننا نسعى بس ربنا بيقول و أن ليس للإنسانِ إلا ما سعى وان سعيه سوف يرى ، مش ممكن يرى لا ده سوف يرى دلوقي بقى بكره بعده مش فارقه امتى و بعدين ايه مش جميله زي بقيت البنات دي عايزه اقولك مفيش بنت وحشه و ربنا مخلقش حد وحش و كلنا حلوين و لينا مميزات و هنلاقي اللي بحبنا زي ما احنا

Cheese_27727 🇪🇬 · Answer

انتي هتقدري ترتاحي نفسياً دلوقتي حالاً النهارده  لو عملتي الي عليكي وتقدري عليه علي قد طاقتك + انك تعرفي فعلاً قيمه ان الدنيا متسواش حاجه في الاول والاخر واننا مخلوقين للعباده  وبس  ولما تبصي لغيرك الي مجتلوش فرصه التعليم اصلا او الي مدخلش كليه ولا ثانويه عامه المفروض تقولي الحمد الله وترضي والحمد الله انك بدون اي امراض او مشاكل خلقيه انسانه طبيعيه ربنا يديمها نعمه في غيرنا اتولد  عنده مشاكل

Donut_49598 🇪🇬 · Answer

فهمتني غلط اولا القسم عندي الامتيازات فيه كتيرة ال بيذاكر اول باول بيجيب امتياز الا انا... اعرف ناس كتير مش بتذاكر وجابت أعلى مني وده غصبن عني بيحبطني مفهوم الشطارة عندي هو اني اعمل ال عليا وارتاح نفسيا بس انا ولا عارفة اعمل ده ولا ده مش عايزة ابقى ملكة جمال ولا عايزة ابقى نجيب ساويرس عايزة احس بس اني مش وحشة لاني دائما بحس نفسي تحت المتوسط في كل حاجة حرفيا

Durian_52455 🇪🇬 · Answer

طيب ممكن تسمعينى ؟
-مين الشخص اللى حدد إنك لازم تكونى شاطرة  فى كل حاجة
-إية هو مفهوم الرضا والنجاح بالنسبالك

تقدير جيد جدًا يخليكى فرحانة بالمجهود اللى عملتيه فى الظروف اللى انتى اتحطيتى فيها وبالتحديات اللى كانت بتواجهك على مدار السنة

بما إنك بتقارنى نفسك ببقيت زمايلك، هل هما نفس شخصيتك ؟ هل هما عندهم نفس مشاكلك ؟ هل هما عندهم عيوب نفس عيوبك ؟ هل هما عندهم بيئة نفس البيئة اللى انتى فيها ؟

Durian_52455 🇪🇬 · Answer

والمتفوق فى نظرك اللى جايب فوق 91% فهو مش شاطر خالص فى حاجة تانية.
-طيب والكلام ده معناه إية ؟
ركزى فى ورقتك
ملكيش دعوة بغيرك، عليكى بنفسك، لإنك مختلفة عنهم كليًا
اينعم انتوا من نفس الطين وعندكوا نفس العين والإيد
بس عقلكوا مش زى بعض،
 قدرتكم على الإستيعاب والفهم مش زى بعض،
مميزاتكوا مش زى بعض.

يبقى ليه تحطى نفسك تحت ضغط المقارنات مع فلان وعلان ⚠️

Durian_52455 🇪🇬 · Answer

عايزة تكونى فى راحة نفسية؟ ده عمره ماهيتحقق طول ما إنتى باصة فى ورقة غيرك

عايزة تحسى إنك مش وحشة؟ شوفى ربنا بعظمته وبجلالته قال عنك إية..
{لقد خلقنا الإنسان في أحسن تقويم}

وفى آية تانية صريحة على تكريم ربنا للبنى آدم 👇🏻
{ولقد كرمنا بنى آدم… وفضلناهم على كثير ممن خلقنا تفضيلا}

وفى آية تالتة 👇
{وإذ قال ربك للملائكة إنى جاعلُُ فى الأرض خليفة..}
انتى متخيلة إن ربنا جعلك خليفته فى الأرض!

Strawberry_52519 🇱🇾 · Answer

واللي تقولك انها تركت الدراسة من 4 ابتدائي وحياتي مافيهاش شيئ مميز ووالدي بيعزبني وامي مش فهماني وعمري 24 سنة ولسة على حالي مافيش اي تقدم واستقرار.. بس رغم كل ده انا متفائلة وواثقة بقدرة ربنا وانه ما يعملش اي حاجة سيئة الا ووراها خير ليا وهو بيختبر صبري وايماني بقدرته ما تخافيش وانتي شاطرة ودرجة جيد جدا ممتازة جدا المهم انك ما تستسلميش لشعورك وافتكري انك تمثلي نفسك محدش يمثلك

Donut_49598 🇪🇬 · Answer

عندك حق ، بحاول الصراحه كل يوم

Donut_49598 🇪🇬 · Answer

ربنا يعوضك خير يارب ويرضيكي دنيا وآخرة ❤️❤️

Durian_52455 🇪🇬 · Answer

دى شيئ عظيم جدًا منك، استمرى فى المحاولة وان شاء الله ربنا يوفقك فى حياتك ويريح بالك تمامًا من اى ضغوط نفسية وعصبية ❤️