زهقت من صاحبي اللي مبيعملش حساب الفلوس!

Question

دايما بخرج مع واحد صاحبي بنروح بلايستيشن او القهوة و اوقات كتيرة قوي بيطلع الحساب ٤٥ جنيه او ٣٥ جنيه يعني كل واحد المفروض يدفع ٢ جنيه و نص فكة انا غالبا اللي بروح أحاسب لان هو انطوائي شوية فبيبقي الحساب ٤٥ مثلا بدفع انا ٢٥ و بقوله الحساب ٤٥ هات ٢٠ مش مشكلة بس الموقف اتكرر فوق ال ٣٠ مرة حرفيا احنا مدة طويلة مع بعض و مع الوقت الموقف بقى مزعج بالنسبة و في نفس الوقت مش فاهم التبلد اللي عنده ده هل هو مستغل ولا نظامه ايه!!
ببقى قاصد اقوله ان الحساب ٤٥ مش ٤٠ علشان يبقى واخد باله بس برضو مفيش رد فعل إيجابي و هو حساس قوي يعني ببقى عايز اقوله ان فيه فلوس تانية المفروض تدفعها بس توتره اللي بيحصل من غير اي داعي ده بيفصلني مش فاهم اتصرف ازاي

Kiwi_68560 🇪🇬 · Answer

خذ فلوس علي قدك بالظبط وريح دماغك وقولة مش دافع يا بارد ومش معايه فلوس هي الأنواع دي كدا من الناس فاكرة نفسها صايعه

Broccoli_69298 🇪🇬 · Answer

ممكن انت مره عادي تقله انا معيش فكك وتخليه يدفع هوا بس  ولو قال لا سعتهاا هتعرف أنه بخيل وسعتها ممكن تكشفه ب الزوق

Avocado_70183 🇪🇬 · Answer

انت بتقوله هات عشرين و ممكن هو عشان زي منت قولت انطوائي متوحد معندوش ذكاء اجتماعي فبالمنطق هو بيطيع اوامر الشخص اللي بيحبه ده و بس و بدون تفكير فانت قوله هات ٢٥ بس سهلة اهيه و متصعبش علي نفسك الامور

Kiwi_66691 🇪🇬 · Answer

انت السبب فى المشكله ديه لانك قلت الحساب 45 جنيه انت طلبت منه 20 جنية خليكوا فى المعامله زى الإنجليز كل واحد يشيل حسابه و مش عيب انا طلبت حاجه اغلى تدفعها والعكس صحيح ولو قال لا يبقى البخل صفه فيه و ماوتنساش أنه متوحد يعنى اللى حتقول عليه حيقول لك حاصر

Ice Cream_63106 🇪🇬 · Answer

طيب هو ممكن مش واخد باله
إنما تخسره عشان ٥ جنيه
يعني مش منطقي 🥲

Coconut_58456 🇪🇬 · Answer

لا ثانية واحدة انت فاهم غلط
انا قولت في البوست الموقف اتكرر اكتر من ٣٠ مرة لو بالحسبة دي انا ممكن اكون دافع ٦٠ جنيه او اكتر ده بس علشان هو مفكرش مرة يقول ادفعها انا
انا دفعت اكتر من كده بكتير قوي بمزاجي متكلمتش عليها لكن انا مش عارف أواجهه على ٢ جنيه و نص كل مرة َ للأسف كنت متخيل هو هيندل الدنيا معايا اكتشفت انه معملش كده و مع الوقت ابتديت احس اني مستغل
انا مش بخسر واحد صاحبي علشان فلوس لكن استغلال

Coconut_58456 🇪🇬 · Answer

طيب تفتكر الصح اعمل ايه
اقوله هات ٢ جنيه و نص ولا اقوله ادفعلي انت ال ٢ جنيه و نص لان دي مشكلتي من الاول اصل
مش عارف اجيبهاله ازاي و مستنيه هو ياخد باله

Ice Cream_63106 🇪🇬 · Answer

طيب انت ممكن تقوله مش معايا فلوس زياده هات ال ٢٥ وشوف رد فعله كده
ولو انت مش مرتاح ممكن مش تخرج معاه خروجات بتدفع فيها فلوس تخرجوا تتكلموا و تتقابلوا بس من غير ما تروحوا كافيه او بلايستيشن
اخرجوا اتمشوا

Jackfruit_65540 🇪🇬 · Answer

واجهه و خلي معاك حق البلايستيشن بس وخليه هو يدفع الزياده لو رفض قله انك أكثر من مره تدفع الزياده و المفروض أكثر من مره بقى يبقى دوره (وهو غالبا مش هيرفض) لو رفض يبقى هو بخيل جدا ويستحسن تبعد عنه بالتدريج أو اي معامله ماليه متبادرش انت الاول

Nutella_65584 🇪🇬 · Answer

كل واحد فيكوا يدفع خمسة جنيه في مرة
يعني انهاردة انت تدفعها والمرة الي بعدها هو وكدا

Kiwi_66691 🇪🇬 · Answer

عادى قوله  الخيال كله 45 جنيه انت النص وانا النص ... ولو فى اخراج لشخصك قوله انا حدفع المرة ديه و المرة الجايه عليك وانا افضل كل واحد يدفع حسابه و مش عيب و الله أنا شربت كانز حسابى 25 وانت شربت امون نعناع حسابك قد كده و الله سهله