عايز أتعرف على بنت جنب بيتنا من غير ما أبقى stalker

Question

ايه العمل لو انا عايز اتعرف واقرب لبنت شغالة في مكان جنب بيتنا مع العلم اني مش بصاحب ولا بقضيها بس مش عايز ابقى stalker او weird وانا بكون جد في أغلب المواضيع دي وبخاف اني اكون بضيع فرصة كويسة من ايدي وبكون متوتر جدا في أغلب المواقف دي وبيكون في دماغي كلام كتير عايز اقوله بس مبحسش انه وقته فمبتكلمش لو حد يعرف ياريت يفيدني

Orange_61792 🇪🇬 · Accepted Answer

لو انت ظروفك مناسبة انك تتقدم و تخطبها بشكل رسمي 
اعرض عليها ده بمنتهى الوضوح 
وافقت يبقى تمام ،رفضت يبقى مضيعتش وقتك 
لكن تتعرف و تتقرب بدون شكل رسمي مانصحكش بكده خالص

Strawberry_61790 🇪🇬 · Answer

لو بتحس انك متوتر او فيه كلام كتير عايز تقوله و مبتقولوش عشان مش وقته الحل انك تقعد مع حد صديقك يكون قريب منك اوي و بتثق فيه و تقعد تتكلم معاه انك هتقابل بنت يوم كذا و هتتكلم معاها و هتقولها ايه بالضبط.

في السينما ديه اسمها البروفه انك بترتب أفكارك كويس قبل ما تاخد خطوة عشان تبقي مستعد للكلام. في حاجة برده بتساعدني اني ممكن أكتب أفكاري كلها في ورقة قبل ما اتعرض للموقف

Biscuit_60406 🇪🇬 · Answer

انا ظروفي سامحة جدا لحاجة زي كدا بس الفكرة انك تلاقي حد متعرفوش يقولك انا عايز اتقدملك وانت لسا متعرفوش فطبيعي يكون فيه رفض اللي هو انت مين وايه اللي خلاك تقرر كدا وانت اصلا مش عارفني او يدوب بتشوفني كل فترة ومفيش بيننا تعامل يخليك تقول كدا

Biscuit_60406 🇪🇬 · Answer

بص هو انا ليا كذا حد بس لما بحكي بلاقي اللي يقولي اتقل واللي يقولي لا اتكلم فبحس بتناقض وفي نفس الوقت بخاف ان اما الوقت يعدي الاقي الشخص دا مشي او اندم اني متكلمتش او ارتبط او ايا كان اللي حصل وبردو بيكون فيه حاجة جوايا تقولي متستعجلش هيكون فيه احراج ليك لو انت في مكانها طبيعي هتقولك لا عشان هي متعرفكش اصلا