السلام عليكم ورحمة الله وبركاته، أنا عندي مشكلة، من وقت ما كنت طفلة تقريبًا عندي 10 سنين ووقتها كنت شخصية اجتماعية جدًا ولكن لما كبرت بقيت عكس ده تمامًا وبدأت أعزل نفسي وبقيت أحب أقعد لوحدي في الأوضة ومبكلمش حد حتى مع أهلي، مبكلمهمش غير في الضروريات ومع الوقت تطور الموضوع بقيت لما أتكلم مع أي حد غريب بحس برعشة وإيديا بتتجمد وبتأتأ جدًا في الكلام، وبتلخبط ومبعرفش أرد حتى على أبسط الكلام، وده بيخليني أعمل مواقف محرجة كتير ترجعني لنقطه الصفر وكنت دايمًا أقول لنفسي إن العزلة أريح لكن الحقيقة إني مكنتش مرتاحة وجوايا دايمًا إحساس بالوحدة، حاولت أكون صداقات كذا مرة بس كل مرة بفشل ومبقاش عارفة السبب،، الفترة الأخيرة بدأت أتحسن شوية مع أهلي وبتكلم معاهم أكتر من قبل كده يمكن علشان زهقت من الوحدة. بس لسه عندي مشكلة التأتأة والرعشة واللخبطة في الكلام...ومش عارفة أتعامل مع ده إزاي.

5

9