المفروض انا واحد معندوش اصحاب كتير و ال٥ او ال٦ الي انا عارفهم و بحبهم مبقدرش ابدا معاهم كلام يعني اخري صباح الخير و ازيك عامل ايه الحاجات البسيطة ولو في ماتش كورة او كده عادي يعني لما جيت النهارده وانا بتمشي افتكر واحد منهم مكنتش كلمته من زمان و المفروض الواد ده زي اخويا او حاجة كبيره اوي بالنسبه ليا وهو الي لو في خروجه يقولي و انا مبنزلش من البيت اخرج الا معاه فجيت اتصل بيه بكلمه ازيك عامل ايه، انت فين يبني معدتش بتتصل انا قاعد اهه انت عامل ايه....... و شوية كلام كده ملوش لازمه وانا مش عارف اتكلم اقول ايه وهو المفروض عارف اني مش بعرف ابتدي كلام كويس وكده و علي طول هو بياخد المبادره لقيته زهقان خالص و مش قادر حتي يفتح حوار ماشي ممكن يكون معذور بس انا في ٢ او ٣ الي بكلمهم علي طول هو واحد منهم و الباقي زي ما تقول كده قطاعي وفي منهم الي المفروض اصحابي من ابتدائي و مش بنتكلم اصلا الا فين وفين انا عارف ان مهاراتي الاجتماعية ضعيفة موت و ميته كمان بحس اني بفقدهم واحد واحد حتي الي معايا في الجامعه هما برضو الي بيتكلموا الأول وانا افضل ساكت معرفش اقول حاجه حاسس اني كنت بوهم نفسي ان عندي أصحاب وانا فعلاً لحد دلوقتى معنديش صاحب واحد اقدر ائتمنه علي حاجة ولا هما برضو شايفني صاحب ليهم ازاي ممكن الواحد يحسن من طريقة كلامه مع الناس عموماً ويبقي اجتماعي اكتر خصوصاً واحنا دلوقتى اهه كل واحد مستخبي ورا شخصية وهميه هو عملها بنفسه و محدش عارف هو مين بجد حتي انت.... تقدر تقولي انت مين؟!

5

0