هفضل انزل البوست دا كل يوم عشان ناس مختلفه تشوفو ويمكن استفاد اكتر دلوقتي انا من صغري مكنتش بخرج من البيت وطفولتي ماكنتش احسن حاجه طول الوقت كنت ببقا في البيت ومبتعاملش مع حد وحاليا انا مش بعرف اتعامل مع الناس كويس اوي يعني بتوتر وفي حاجات مبعرفش ارد عليها يعني حاسس اني عندي رهاب اجتماعي ودا مسببلي مشاكل كتير وانا بحب الوحده وحرفيا لو اقدر اعيش طول حياتي لوحدي هرتاح اوي وهيكون افضل ليا يعني مثلا انا كل مااتعرف علي حد بعدها بشويه بلاحظ انو مش مقدرني ومش محترمني وبيستغلني وبعدها بنبعد عن بعض خالص او يحصل مشكله مابينا والمشكله انو دا بسبب طبيعتي مع اني بكون كويس معاهم وجدع وبعدها كلو بينسي دا والموضوع دا بيدايقني ويخلي الي قدامي يعمل جامد عليا وفاكرني اهبل وكتير اوي اتخانقت مع ناس بسبب اني قاعد في حالي حرفيا يعني انا دلوقتي في 3 ث والسنتين الي فاتو كنت كل شويه خناقات مع عيال كتير كانو يقعدو يرازو فيا ويستفزوني وانا مش جبان ولا حاجه بس كانو كتير يعني كذا مره اتخانقت معاهم والاقي نفسي بتضرب من كذا واحد لغايه اما في مره مسكت واحد فيهم وعجنتو واتعور في وشو وكسرتلو الساعه وانا محصليش اي حاجه من ساعتها الموضوع خف شويه بقو خايفين مني بس برضو لغايه دلوقت في ناس كتير بيفضلو يتريقو عليا وعلي اسلوبي بيتنمرو عليا من الاخر وحاولت كذا مره اغير من نفسي بس مش عارف وبرضو مش عارف اغير من نفسي اي بالظبط هو طبيعتي ان انا مش اجتماعي وبحب اقعد لوحدي وبرضو برجع افكر ان انا لو حاولت اكون اجتماعي واقعد مع عيال واصاحبهم وكدا انا برضو مش شبهم ومش حابب ان انا اتشتم من صاحب ليا حتي لو بهزار وبس كدا يعني انا حاولت كتير اغير اسلوبي او طريقتي في التعامل وبرضو مفيش نتيجه فامش عارف ازاي هكمل حياتي بالشكل دا وانا عن نفسي مش هموت ويكون ليا صحاب مثلا بس طالما عايش في المجتمع دا يبقا الوحده مش هتنفعني في اي حاجه وبس كدا فاعاوز اعرف اي الحل للمشكله دي

13

0