السلام عليكم و رحمة الله و بركاته يا اخواتي🫡✨ اُعاني من مشكلة بنت رخمه حبتين 🤏🏻 دلوقتي يخواتي انا شخصيه اندفاعيه و انطلاقيه جدًا.. بمعنى اني عندي طاقه و حماس اني اجرب و اتعلم و اعمل حاجات جديده عمومًا و ببقا في حماس البدايات و متشوقه جدًا و ببقا عامله كده حرفيًا🤩. بس مره واحده اول ما اتخطى مرحلة التقديم ع الحاجه دي.. بلاقي مره واحده ان لا انا مش عايزه اكمل مش عايزه ابدأ اصلًا و ببدأ حرفيًا اعمل انسحاب تيكتيكي 😶‍🌫️. هتقولولي طب ليه يبطيخه؟ 🤌🏻 انا اقولكم ليه... بخاف اغلط.. مش خوف بس بحس اني لازم اعمل كل حاجه ع اكمل وجه ( عندي عقدة بيرفيكشانيزم "Perfectionism" شويه ف استحملوني🥹🤏🏻) ف ببقا عايزه كل حاجه تطلع بيرفيكت لدرجه اني بخاف اشارك ف اي حاجه ل يحصل دروب ف تبوظ او حد يتكلم معايا ربع كلمه... ماشي خلينا مقتنعين ان كل بني ادم خطاء و اتس اوكي لو غلطت المهم اتعلم بس.. فاهمين الفكره بتاعتي؟ هفهمكم اكتر ب امثلة هديكم مثالين لزوم الكرم🤩✨ اول مثال: انا كبطيخة دلوقتي قدمت ف مكان لحفظ القرآن و معتمد من الازهر و حاجه اخر فل و كنت مقدمه انا و تانصحبتي و ان بإذن الله نختم و نبقا من حفظة كتاب الله (ادعولنا) و حرفيًا انا دلوقتي مش عايزه اروح.. المفروض اروح بكرة بس انا مرعوبه.. افرض معرفتش احفظ.. افرض جيت اسمع معرفتش اسمع او اتلغبط... افرض الشيخ/ المعلمة قالولي اي كلمة... بس ف نفس الوقت دي امنية كل مسلم انه يحفظ القرآن.. ده هيبقا انيسه ف قبره يعني... ده اول مثال. (ملحوظه صغنونه المفروض حلقة الحفظ بكرة و انا حرفيًا قاعده ع اعصابي مش عارفه اعمل ايه ف دعواتكم 🙆🏻‍♀️🥲) تاني مثال: انا دلوقتي ف ال 17 من عمري يعني كلها بإذن الله سنه و ابقا ف تالته ثانوي و ما ادراكم ما تالته ثانوي.. مذاكره ثم مذاكره ثم مذاكر ثم اكل (اختياري) 💀. ف بحاول اجرب كل حاجه ف الاجازه دي و اشترك ف مسابقات و ادور ع حاجات تعلي ال CV و الحاجات دي.. جيت يخواتي امبارح و ف جروب من جروبات المسابقات لقيت فوندر عامل تيم كده و حسيتها حاجه رايقه و دخلت كلمته انه يفهمني اكتر عن حوار التيمات عشان مشفاهمه اي حاجه و هو الحمد لله مقصرش و قالي لو هتقدمي قوليلي و كده ف قولتله اني لسه كنت بخاص ف فورم التقديم و قالي خلاص هتتقبلي واسطه بس اهم حاجه نشتغل بجد ( عمومًا لما بسمع كلام زي كده.. نشتغل بجد.. مفيش تخاذل.. اي حاجه من الكلام اللي بيبقا فيه شروط بخاف منها) قولتله هه طبعًا طبعًا 🤡 و من ساعتها و انا مرعوبه اعمل سابميت للفورم.. اصل انا ف العموم شخصية قياديه.. مش بحب اني اكون ماشيه تحت كلمة حد.. بحب السلطه تكون ليا... مش غرور او تكبر فاهمني بس ف العموم بحب ان الكلمة تكون كلمتي و لو حد احتاج حاجه يسألني الحاجات الحلوه دي و الحمد لله بتحصل شويه ف المدرسة و بعرف اني اجذب البنات ل صفي.. ف لو قدمت ف حوار التيم ده انا مش عايزه ابقا ميمبر عادي لا انا عايزه ابقا الليدر او الهيد ايًا كان هتقولوا عليها ايه.. ف متخيلين مثلًا الليدر يغلط.. يمرااااري... عارفين بردو بخاف اوي من نقطة ان حد ممكن يجي يقولي لو غلطت " هه (دي ضحكة ساخره ب وش عامل كده😏) اومال عاملالنا فيها عامله فيها ليه " او "هه ( نفس الضحكة الساخره بنفس الوش ده😏) و عاملالنا فيها بقا ام العريف" يلهوووي بحد مش هستحمل كلمه زي دي. بس فكره بردو اني اقف محلك سر دي مضايقاني اوي.. انا جوايا طاقة اشارك و اعمل و ابقا ذات شأن! ايه العك اللي بعمله دهههه؟!. سوري اخواتي طولت عليكم اوڤر بس كالعادة احنا اهل صح؟ 🤌🏻✨ دمتم بخير🪷✨

0

3