من اصعب الاحاسيس اللي ممكن تحسها هو انك تبدا من الاول احساس صعب تخيل انك بتعيد ثانويه عامه تاني او بتدخل نفس البطوله تاني او انك تبدا من جديد في اي حاجه عموما ولاكن حاجه محتاجه مجهود منك كبير و يمكن مجهود اكبر من المره الاولى علشان متعدش نفس الحاجه تالت انا بقى بعيد ل تالت مره و بعيد من الاول المره دي انا معنديش طاقه بجد ولاكن في نفس الوقت انا مطالب مني تبقى طاقتي ضعف المرتين اللي فاتو اه انا عندي خبره عن اول مره بس في نفس الوقت عندي يأس مش طبيعي بحاول مفكرش ب سلبيه و اقول لنفسي انه عادي وكل الناس اللي زيي كانوا بيعيدوا و دا مش معناه اني فاشله ولاكن بجد صعب جدا انك تبقى بتحاول تقنع نفسك بحاجه انت مش مصدقها بالذات لو كل اللي حواليك بيقولوا انك فاشل او حتى انت معملتش حاجه ونجحت علشان تستشهد بيها قدام نفسك وتقول لا انا نجحت في كذا انا مش عايزه ابقى فاشله مينفعش اصلا ابقى الوحيده اللي كدا في وسط اهلى و عيلتي و قدام نفسي او ولادي في المستقبل و معنديش فرصه غير دي سعات بيجيلي بانك اتاكس من التوتر و الخوف من المستقبل او خوف من اني فاشله بس محدش يعرف حاجه عن الكلام دا بخاف كمان ان تفكيري السلبي دا هو اللي يوصلني للفشل و يبعد عنى نعمه الفرصه التانيه اللي ربنا ادهالي بس بردو بحاول و مش عارفه النتيجه بطيئة جدا و الامتحان قرب وانا معرفش اعمل ايه ادعولي بجد تبقى اخر مره و اوصل فيها للى نفسي فيه و تكون نتيجه مرضيه لاهلي قبل ما تكون ليا.

7

9