انطوائي ومش عارف أكون مرح.. نصائح لتحسين شخصيتي

Question

شباب انا عندي مشكلة انى انطوائي ومش بعرف اكون شخصية مرحة وبحس أن الكل بيتاقل بيا عشان مش بعرف اهزر وضحكهم واشارك معاهم قصص وحكايات انا الحمدلله ناجح فى شغلى وفى فترة قصيرة قدرت اجيب شقة وبيزنس خاص بيا المهم عشان مطولش عليكم فى بنت معيا في الشغل معجب بيها جدا وعايز اروح اتقدمها بس بحس بردو أنها بتتاقل بيا بسب انى مش اجتماعى ولا بعرف اخليها مبسوطه وهيا معيا عكس الناس التانية هيا محترمة ومؤدبا جدا بس ببقا عايز اخليها مبسوطه معيا مش عارف انا الموضوع دا مسببلى اكتائب وضعف شخصية تنصحو اخوكم ب أى عشان اتخلص من صعوبة الكلام واكون شخص اجتماعى ومرح واحس أن إلى حوالى بيحبونى

Chocolate_29847 🇺🇸 · Accepted Answer

اذا هي الشخص الصح ليك حتتقبلك بكل احاولك و نصيحتي اذا انت بتحب انك شخص انطوائي ابدااا ما تغير الحاجة دي عشان حد تاني لانو الموضوع متعببببب بس اذا انت عايز تتغير اتغير عشانك انت و بس

Coconut_38288 🇪🇬 · Answer

هي وحده وحده حاول تشاركها اهتممتها اهتم بيها وصلها مشاعرك دي حاول تلاقي ناس شبهك نفس اهتمامتك بس لو هي محبتش ده العيب مش منك ولا منها ده نصيب لا ده معناه انك وحش وقليل الشخصيه ولا ده معناه انها وحشه بس هتلاقي كتير يحب شخصيتك كفايه انك بتحاول تسعدها ده اهم حاجه وضحلها ده بينبهز نقاط قوتك

Coconut_38288 🇪🇬 · Answer

وانت ماشاء الله كمان ناجح مش فاشل بس محدش هيقدر يظبط كل حاجه في الدنيا انت عشان انشغلت بطموحك عن تفاعل مع ناس فده الي اثر حاول تلاقي اصحاب وتكلم واصحاب بجد م لمجرد الضحك

Mango_38309 🇪🇬 · Answer

فعلا كلام حضرتك صح بس أنا مشكلتى انى فاشل جدا فى العلاقات وبحاول والله معا نفسى كتير بس مش عارف اكون زيهم وتفاعل معا الناس

Coconut_38288 🇪🇬 · Answer

معلش وحده وحده مهو الي ضاع فكذه سنه مش هتعرف تعوضه بين يوم وليله وعمتا شوف بودكاست عن المواضيع دي اتثقف واقرا كتب عن التواصل الاجتماعي حتي لو هتروح للايف كوتش يساعدك تبدا ازاي لو تايهه وحده وحده ده هيتظبط

Mango_38309 🇪🇬 · Answer

معاك حق ادعيلى الاقى ناس تحبنى وتتقبلنى زى ما انا

Coconut_38288 🇪🇬 · Answer

ربنا معاك اكيد هتلاقي بس بشويه صبر ان شاء الله الدنيا مليانه ناس

Mango_38309 🇪🇬 · Answer

ممكن حضرتك تساعدنى إبداء ازاى يعنى فى حاجة معينة أو كتاب معينى تنصحنى بى

Coconut_38288 🇪🇬 · Answer

انا معرفش عن موضوع ده اوي بس فيه بودكاست لياسر الحزيمي انا بحبه بيكلم عن كيف تنجح العلاقات وفيه كتاب اسمه كيف تكسب الاصدقاء وتؤثر على الناس ممكن يفيدوك ان شاء الله

Mango_38309 🇪🇬 · Answer

شكرا على النصيحه وربنا يجعلة فى ميزان حسناتك

Coffee_36288 🇪🇬 · Answer

انت مش اجتماعي عشان بتفكر في رأي الناس فيك وفي اي حاجه بتعملها عشان كدا بتخاف تشاركهم مش تفكر في كلام الناس ولا رأيهم وحاول في كل فرصه تجيلك انك تتكلم معاهم في الموضوع الي بيتكلموا فيه وفي هزارهم وان شاء الله مره في مره هتلاقي نفسك دخلت معاهم.البنت بقا لو فعلا هي هتتقبلك زي ما انت يمكن تعجب اهلها وهي شخصيا وحاول برضو تشاركها واحده واحده في الحاجات الي هي بتحبها وحاول تخليها تشاركك في الي بتحب تعمل

Pineapple_34975 🇪🇬 · Answer

عندي نفس المشكلة ومعنديش صحاب بس برغم كده قدرت اعالجها بأنني اساعد اي حد وادور على اي حد محتاج مساعدة ما تغيرش نفسك ابدا علي فكرة لولا الوحدة والانطوائية وتوفيق ربنا ما كنتش هتحقق النجاح ده وده مش ضعف شخصيتك انت بس مش لاقي حد شبهك يشاركك اهتماماتك لو لقيت حد كده هلاقي نفسك مرح وبتتكلم وهتستغرب الي استنتجته ان فيه فرق بين الانطوائي والانتقائي وبالنسبة للبنت الاهتمام بالتفاصيل هتحبه جداا

Pineapple_34975 🇪🇬 · Answer

مثلا شوف ايه الحاجة الي لما بتشوفها بتبتسم ايه الحاجة الي بتتكلم عليها كتير وهكذا لما تهتم بالتفاصيل الصغيره هتحبك اوي

Mango_38309 🇪🇬 · Answer

شكرا على النصيحه وربنا يجعلة فى ميزان حسناتك ❤️

Mango_38309 🇪🇬 · Answer

مشكلتي اني مش عارف اكسر الحاجز دا بسبب انى ساكت طول الوقت ٩٠٪ من حياتى كنت ساكت فيهم بحب الوحدة بس بردو مش راضي عن السلوك دا لانى ديما بسمع كلام سلبى كتير

Pineapple_34975 🇪🇬 · Answer

العفو لا شكر على واجب

Coffee_36288 🇪🇬 · Answer

لازم تقوي اردتك انك تكسر الحاجز ده وتكسر سكوتك ادام انت مش راضي عن سكوتك واوعا ابدا تسكت. علي ولو كلمه سلبيه تتقالك