ازاي مبقاش مملة والناس متبعدش عني؟

Question

ببقى attractive للناس في الاول وبعدين لما بيقربوا مني بيلاقوني مملة ويبعدوا (أنا مش بأذيهم خالص)
ازاي مبقاش مملة والناس متبعدش عني ؟ 
أنا بسرح كتير جدا ومش بعرف اركز في الكلام مع اني ذكية وشاطرة في دراستي
ازاي أعالج الموضوع دا بردو ؟

Mango_36209 🇹🇷 · Accepted Answer

عموما اي علاقة بين طرفين ايا كانت العلاقة حتى مع الاب والام بيبقى فيها تبادل في الاهتمام والتركيز مع الطرف الآخر واعطاءه زي ما بتاخد منه(مع انه حب وعطاء الام والاب بيبقى هما مش عايزين مقابل له بس لما بتدي انت مقابل له بيزيد وبتبقى القرابة بينكم اكتر والمسافة اللي بينكم بتقرب اكتر)

Mango_36209 🇹🇷 · Answer

فكرة الملل بتيجي انه انتي مش بتديهم انتياه او تركيز يعني الشخص لما بيبقى قاعد مع حد بيحب انه ينتله في كلامه يركز معاه وهكذا وقيس ده عليكي لما انتي بتبقى قاعدة مع حد انتي attractive ليه سواء بقى صديق/ة او حد من العيلة ايا كان بتبقي عايزاه يتفاعل معاكي ويرد عليكي ويتناقش و و و... فلما انتي بتسرحي كتير مع الناس بيفكروا انه انتي مش مهتمية بكلامهم او مش طايقاهم فبينفروا منك او بيبعدوا عنك.

Pineapple_40254 🇪🇬 · Answer

ده تقريبا ADHD ممكن تستشيري دكتوره نفسيه ....بس انتى مش محتاجه للناس بمعنى ان اللى يمشي عادى خلاص مش هنمسك فى الناس كل واحد حر

Cherry_40587 🇪🇬 · Answer

وارد انك بتدي كل حاجة عندك اول ما تبدأي محادثة مع الشخص وتقوليلو أدق التفاصيل من أول لقاء ف اللقاءات البعدها ما بيكونش عندك حاجة تقوليها فحاولي مثلا لما تتسألي عن حاجة ردي على قد السؤال ومتديش حاجة زيادة وحاولي اسألي القدامك عن تفاصيل سطحية تخصه عشان يبقى في مواضيع تتكلموا فيها . بالنسبة للتركيز جربي ابحثي عن حاجة اسمها mindfulness و اليقظة الذهنية دي هترجعلك تركيزك باذن الله وبرضو حلي الغاز عقلية

Watermelon_40720 🇪🇬 · Answer

بالعكس أنا مش بتكلم كتير 
شكرا جدا هبحث عنها

Watermelon_40720 🇪🇬 · Answer

صح أنا بحس بكدا بردو بس اغلب الوقت مش ببقى عارفه ارد اقول ايه

Watermelon_40720 🇪🇬 · Answer

أنا ماشية بالمبدأ دا اصلا
بتجاهلهم عشان مقللش من نفسي بس كنت عايزه اعرف ايه المشكلة اللي فيا عشان احاول اعالجها 
شكرا جدا هشوف موضوع ADHD دا

Cherry_40587 🇪🇬 · Answer

ur wlcm