ضعف الشخصية

Orange_73652 🇪🇬

منذ 19 ساعة

شعور خجلان

ف مواقف كتير بحس شخصيتي ضعيفه حتي وسط اصحابي مش بياخدو برأيي ولا بيهتمو بكلامي ودا بيخليني احس اكتر بضعف الشخصيه وحقيقي الموضوع دا مأثر عليا جامد ف حياتي ودايما مش مبسوطة ولا مرتاحة ومبعرفش اخد قرارات كويس لو حد مر بالتجربه دي يريت يديني اي نصايح عشان تعبت خلاص😞

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Avocado_63757 🇪🇬

منذ أسبوعين

شعور قلق

من وانا صغيرة بابا وماما كانوا قفلين عليا اعتقاداً منهم أن دا هيحافظ عليا ومكنش عندي صحاب وكنت لما بتجمع مع ولاد خالاتي احسهم كاريزما وبيعرفوا يقلشوا ويهزروا وانا مكنتش بعرف اعمل دا وكنت ديما باجي على نفسي عشان ارضي الناس وبحس أن شخصيتي ضعيفة ومبعرفش اتعامل مع الناس ف المواقف المختلفة ودا كان لحد ما

Cherry_65752 🇪🇬

منذ أسبوعين

شعور عاطفي

عبّر عن شعورك بشكل مجهول

امي بتغير مني وبتتعمد كتير اوي تهز صورتي قدام الناس وتخليها وحشه .اتخطبت لحد من فتره معقوله وامي لحد الان بوظت كل اللي عملته .كان بيحترمني وبياخد رأيي في كل حاجه وعاملي الف حساب لكن امي بكلامها عني معاه خلته شايفني اصغر من النمله دايما بتتعمد تهزقني قدامه وتقل مني واخرهم فضلت كذا مره على كذا يوم تقول قدامه اني مليش شخصيه ولا رأي في اي حاجه في حياتي ولا اي حاجه عموما واول ما يسالني نعمل كذا ولا كذا واقعد كام ثانيه مثلا افكر تسبقني وتقوله سيبك منها دي ملهاش رأي في حاجه وهتفضل كدا لحد ماهو نفسه بقى يقولي كدا ويشوفني كدا وبقى يقرر حاجات كتير تخص شقتنا من نفسه عشان اقتنع بكلامها من كتر ما بتكرره 
لسه من شويه بقوله بس انت بتعمل كذا كذا وبعلق على تكنيك معين بيعمل بيه حاجه معينه راح قالي دا مش كلامك انتي بتشوفيني من ساعه ماعرفتك واول مره تعلقي واكيد حد اتكلم قدامك عشان كدا قولتي كدا ولو كانو قالو عكس الي قولتيه دلوقتي كنتي هتتبنيه برضو ويبقى رأيك وانتي ملكيش رأي في حاجه وخلي عندك رأي شويه😃😃 انا تعبت فعلا ومبقتش عارفه ارتاح ولا اسامح ماما على اسلوبها وصورتي اللي مبوظاها قدام اي حد اعرفه ساعات بتمنى من ورا قلبي لو مكانتش موجوده وتسيبني اعيش في سلام وهو مش عارفه اعمل معاه ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_57717 🇪🇬

منذ أسبوعين

شعور متعب

ياجماعه انا عايش في اسره مبيعرفوش يعملوا علاقات خالص دايما ببقي خايف من رد فعلهم وبخاف اعرف اصحابي عليهم دايما مبيعرفوش يتصرفوا مع الناس وبياخدوا كل حاجه علي خاطرهم ويعملوا مشاكل وخناقات ونخاصم الناس وخلاص انا عشت في الموال ده مقاطعين الناس كلها وشخصيتي بقت ضعيفه وباجي علي نفسي واي علاقه مع اي حد ب

Banana_68879 🇪🇬

منذ أسبوعين

شعور متعب

مش عارفه ابدا بأيه مش عاوزه اطول بس انا عندي دائما مشاكل مع ابويا هو مبهدلنا بيشتمنا بيضربنا بيهنا قدام الناس عاوزنا نصرف عليه وع نفسنا وع البيت ومش بيسمحلنا نعرف حد او يبقا عندي حتي أصحاب حتي صاحبتي بيبعدني عنها انا مليش حد وسني كبير عندي ٢٤ سنه فاقده لحاجات كتير اوي انا معرفش يعني ايه حنان يعني اي

Chilli_55831 🇪🇬 أنا فاهمك جدا، وواضح قد إيه تعبتي من كتر ما كل حاجة حواليكي بقت ضاغطة ومفيش حد بيسند بجد. مشاكل البيت، إحساسك إنك لوحدك، حتى الناس اللي المفروض أصحاب بيمشوا وقت الجد… ده وجع بيتراكم على القلب يوم ورا التاني.

عرض الكل 6 نصيحة

Pineapple_62201 🇪🇬

منذ شهر واحد

شعور مكسور القلب

موضوع:

تجربتك مع تأخر الزواج

سبب تاخري في الجواز له كذا عامل ١- عارف ان شخصيتي ضعيفه ولو ارتبطت بواحده احتمال كبير ان هي اللي تمشي كلامها عليا وتبقى هي راجل البيت ٢-تجارب سيئه في الزواج اللي بشوفها في قرايبي ٣- انا اصلا معاق في ذراع اليمين وحولت من سن 27 سنه لحد سن 40 سنه ولا مره نجحت ان ارتبط بمعنى قرايه فاتحه فكبرت دماغي م

Peanut_60737 🇪🇬

منذ شهر واحد

شعور مرتبك

موضوع:

حاجه فيك عاوز تغيرها ؟

انا ضعيف الشخصيه جدا جدا بس قدام اي حدا ايا كان بحاول بر الأمكان أبين أن انا شخصيتي قويه و شخص قيادي و مفيش مني اتنين بس لو اتحطيت ف موقف بجد مش بعرف اتصرف و لو حد مثلا كان عايز يعمل مشكله و يعتمد فيها ايد بكون من جوايا خايف أو قلقان بس مش بهرب بس بكون بحسب لكل حاجه هتحصل بالتبعيه بعد كدا زي افرض لو

Toast_61041 🇪🇬

منذ شهر واحد

شعور محبط

انا رجل في اخر العشرينات ، مشكلتي هي ضعف الشخصية ، للاسف ما بعرفش ارد ع الكلام الوحش اللي بيتوجهلي و لو حد غلط في حقي ما بعرفش اخد حقي وسهل جدا تيجي عليا ، و بكتم في نفسي ومش عارف اتخلص من العيب دا على الرغم من محاولاتي الكتير جدا على مدار سنين طويلة ، بخاف من الناس جدا ومعرفش ليه ، لساني بينعقد و ب

Mango_57383 🇪🇬

منذ شهرين

شعور منزعج

موضوع:

حد عاني من اهله قبل كده؟

انا م بكره اهلي وم بحبهم برده مكنوش ونعم الاهل بعني وعارفه اني برده مقصره ف حاجات كتير بس هم اللي مدونيش الحب والحنان الكافين اهملوني كتير و ودايما بيتريقوا علي شكلي وشخصيتي لحد ماخلوني ضعيفه الشخصيه معنديش ثقه ف نفسي ولا ف حد عانيت كتير اوي بسببهم وللاسف لسه بعاني ماديا ومعنويا

Avocado_57012 🇪🇬

منذ شهرين

شعور محبط

طيب انا هقولها بصراحة، انا نفسي ابقى البطل الاول في الكونغ فو على المستوى المحلي والأفريقي والدولي كمان ، بس المشكلة اني مش منضبط نهائيا وفي عادات سيئة اوي كشاب مؤاهق بعملها وبحاول اقلع عنها وكمان عندي ضعف في الشخصية يعني موقعني الارض وكمان داخل على ثانوية عامة ومش عارف اعمل ايه بصراحة

Apple_56997 🇪🇬 ربنا يبارك في خطواتك ويقدرك ما شاء الله

عرض الكل 8 نصيحة

Coffee_33837 🇦🇪

منذ شهرين

شعور غاضب

موضوع:

بالنسبالك الشخص الساكت ضعيف؟

فيه فرق بين صمت الحكمه وصمت الخضوع الحكمه دا لما تبقا عارف الوقت المناسب اللي تسكت فيه ودا اللي يمتلكو يبقا عقلو واعي وذكي انما النوع التاني اللي يسكت لما يشوف حقو بيضيع او يسكت على حاجه غلط بتحصل دا ايوا يبقا ضعيف جداً وبشوف اللي بيدافع عنو اكبر مغفل ف الكوكب. لان دا شخص قابل على نفسو الغلط ف محدش

Mushroom_52318 🇪🇬 كله بقا بيتحنيك وفاكر نفسو حكيم دلوقتي، معلش يعني دلوقتي انت شايف حد ضعيف مش قادر يدافع عن نفسو تقف تتفرج عليه ولا تدافع عنو؟.. اكيد مش هتسيبو كدا، لو انت هتسكت فا دي مشكلتك انت الي متعرفش حاجه عن الشهامه والجدعنه والرجوله

عرض الكل 5 نصيحة

Lemon_50969 🇪🇬

منذ شهرين

شعور محبط

Apple_53540 🇪🇬 بصي انا معاكى ف كل الي بتكلمى ف بس الاهل استوعبهم غيرنا مش هقولك غلط تكرهي امك بس هوا ممكن خوف عليكى بدون وعي منها ان دا ممكن يكون بيازيكى وبيجي بناتج عكسي بس ف الاول والاخير هيا ام وانتي بنتها لو عيزه نصايح تتعملي بيها معها مككن اقولك واسعدك تكسبيها بجد

عرض الكل 8 نصيحة

عبّر عن شعورك بشكل مجهول

هحكيلكو بصراحه انا بكره امي أو مش دايما انا اوقات مش ببقي حباها انا عارفه أن مينفعش اقول كده بس امي شكاكه بطريقه وحشه اوي اوي يعني مثلا احنا امبارح كنا مسافرين بالعربيه ف انا شغلت اغاني عادي واحنا ف الطريق ودلوقتي انا قاعده بحاول اذاكر اي حاجه وغصب عني عيطت من الضغط عليا وكنت مشغله اغاني عادي لقيتها داخله الاوضه وبتقولي ايه حكايه الاغاني الي عماله تشغليها دي وراحت واخده الفون وتقولي اقفل الاغاني ف قفلتها راحت قالتلي افتح الفون وفتحته فضلت تقلب ف الاشعارات وتدور وانا مش مخبيه حاجه قولتلها انا بحب اشغل اغاني وانا بذاكر راحت مزعقالي وتقولي اسكتي بدل ما اخد الفون ده منك وفضلت تزعقلي وانا خلاص كنت علي اخري ف عيطت تاني راحت مزعقالي وتقولي بتعيطي علي امك ودايما هي بتفضل تزعقلي لدرجه اني بقيت بكرهه وجودها مش بطيق حتي لو مسكت ايدي مش طيقاها ودايما اتجنبها ومش بحب اسمعها وهي بتتكلم ولا بحب اتكلم معاها لأنها عمرها ماحاولت تفهم قصدي أو تكلمني بطريقه حلوه هي دايما بتزعق وتقول لا وتشك فيا لو شافتني ماسكه الفون تيجي مره واحده وتقولي بتكلمي مين وتشوف شتات صحابي وفي بنات صحابي بتعمل الشات انو يتمسح بعد 24 ساعه هي تفضل تزعقلي وتقوم مغيره السيتنج وتخلي الشات ميتمسحش وتدخل تشوف شتاتي مع اخواتي وتقلب ف الصور ولو لقت صوره واحده ليا علي تلفوني تزعقلي وتمسحها وتفضل تقولي انتي مش متربيه انا وصلت لدرجه لما صحابي بيتصورو انا بقف فجمب علي ما يتصورو عشان مظهرش معاهم وامي تزعقلي خلتني ضعيفه الشخصيه مش بعرف اخد حقي من كتر ما هي دايما متحكمه فيا مبقتش بعرف اتكلم مع الناس وكل كلامي مش منطقي ومش مترتب ولا مفهوم جابتلي حالات نفسيه زي اني بتعلق بأي حد عشان يعوضني حنان الام لاني كده من وانا صغيره كانت بتهددني انها ت*حرقني بال*نار أو تك*هربني ولسا هي شيفاني طفله عايزه تلبسني وتاكلني علي مزاجها ده حتي حاجتي بتقلب في الكتب والدفاتر وخدت دفتر مذكراتي اجبرتني اقطعه قدامها بعد طبعا ما قرأته كله بتدخل تقلب ف حاجتي لو لقت عندي خاتم زياده مثلا تعملي تحقيق مع انه بيكون بتاعي مثلا وكان ضايع انا اكيد مش هسرق حاجه حد ووصلتني اني ببقي ف الشارع حاسه اني مبهدله أو لبسي في حاجه مش مظبوطه كل شويه اعدل الطرحه أو اعدل لبسي وبتحاسبني علي اي حاجه بعملها وتزعقلي وسايبه اخواتي الولاد يبقي ليهم سلطه عليا حتي اخويا الصغير انا بتحاسب علي الكبيره والصغيره ده غير لما عرفت اني كنت مرتبطه انا كنت هسيبه بس هي عرفت وفضلت تشتمني بأسوء الألفاظ الي ممكن حد يسمعها في حياته فضلت تهددني ولا كانها ام المفروض تنصح بنتها لما تغلط علمتني اضيع حقي ومعرفش اتكلم انا وصلت لمرحله اني مش عايزه يبقي عندي بنات عشان مطلعش عليها الي كان بيحصلي ف طفولتي وعشان مظلمهاش معايا لاني مكنتش سويه نفسيا ف ازاي هطلع اطفال سويه نفسيا ده غير تنمرها علي شكلي لاني انفي كبير  بتفضل تتريق وبتسمح لأخواتي يتريقو عليا وانا مش بقدر اتكلم أو ادافع عن نفسي مليش خصوصيه ومليش حريه التعبير أو الرأي مليش حق اني اتكلم أو أطالب بحقي مليش حق اعيش زي ما باقي البنات صحابي عايشه اقسم بالله بشوف صحابي ببقي هعيط صحابي امهاتهم بيحبوهم وبيعاملوهم حلو جدا ما شاء الله ودايما علاقتهم باهلهم حلوه بس انا مش هقدر احب امي مش هقدر اكلمها مش هقدر خلاص انا اتعودت علي كده وهي كانت السبب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_52989 🇪🇬

منذ 3 أشهر

شعور محبط

عبّر عن شعورك بشكل مجهول

عندى مشكله انى مبعرفش اقول لاء لحد بحبه سواء صاحبى او صاحبتى او اى حد بعزه اعرفه كويس 
دخلت فى مشاكل كتيره اوى بسبب انى مش عارف اقول لاء 
حد عايز اعمله حاجه والعقل بيقول لاء أنا معرفش اقول لاء واعمله اللى هوا عايزه 
حد عايز فلوس وانا متاكد ميليون فى الميه ان عمره م هيعرف يرجعهم اديله ومعرفش اقول لاء لدرجه انى ساعات بتبقى آخر فلوس معايا بس بردوا معرفش اقول لاء 
حد عايز طلب معين والكون كله بيقوله لاء أنا عشان بحبه مقولش لاء واجيبله اللى هوا عايزه 
عندى شغل كتير ومضغوط وحد طلب منى أوصله مكان معين بعيد اوى عن اتجاهى اروح وأزنق نفسى فى الوقت ومعرفش اقول لاء 
حصل علاقات بينى وبين بنات ومكنتش عايز عشان معرفتش اقول لاء ولما واحده صاحبتى بعدها تقولى هاجى ايات معاك كنت بتهرب وبتحجج مثلا انى مسافر او مشغول او فى اى داهيه عشان لو جت هتطلب علاقه وانا عارف مش هعرف اقول لاء

فى ناس كتير سواء ولاد ولا بنات عارفنى مصلحه وانا عارف ده سواء عشان فلوس او خدمه وبردوا لما يطلبوا معرفش اقول لاء 
كلمه لاء او الرفض عندى صعبه جدا وتقيله عليا معرفش ليه

عملت بلوكات لناس كتيره وخصوصا بنات عشان كان فيه تجاوزات كتيره و مبعرفش اقول لاء
 ورجعت لربنا وندمت بس بمجرد م أشوفهم ويقولوا هنيجى نسهر عندك ونبات معاك معرفش اقول لاء وابقى مش طايق نفسى وانا قاعد ومعرفش اقول لاء 
الحاجه الوحيده اللى قولت عليها لاء هيا شرب المخدرات او اى  حاجه شبه ومبكونش متواجد وهما بيشربوا عشان لو حد فضل يزن عليا مش هقول لاء 
عشان حصلت مره كنت مع واحده صاحبتى فى الساحل وقعدت تتحايل عليا أشوف بق صغير وشربت بس دى كانت اول واخر مره 
عندى حاجات كتيره اوى وحكاوي كتير اوى على كلمه لاء 
ياريت اللى شبهى كده وعرف يتخلص من الموضوع ده يقولى او لو حد عنده نصيحه يقولى بردوا 
شكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_25966 🇪🇬

منذ 3 أشهر

شعور مرتبك

Banana_16340 🇪🇬 كلامك عليه بالشكل دا معناه انك حاليا او مستقبلا عمرك ما هتقدري تشوفيه الراجل الي مالي عينيكي تماما، وطول ما هو مش كفاية بالنسبالك و دايما حاسة بعجز من ناحيته يبقى الافضل انك متستمريش في العلاقة دي لانه هيكون مجرد تضييع وقت و عمرك ما هتحسي انك راضية

عرض الكل 5 نصيحة

عبّر عن شعورك بشكل مجهول

هل المفروض ابعد من دلوقتي و لا اعمل ايه؟!
احنا اتخطبنا من كام شهر، هو ماديا مش احسن حاجه فا حتي خروجة بعد الخطوبه حصلت بعدها بشهر و شويه
سألني هو احنا اما نخرج المفروض هنمشيها ازاى مش هيدفع ايه ، قلتله لازم انت عشان انت الراجل شكلها هيبقى وحش لو انا اللى دفعت ده غير ان كان فيه ناس قبل كده كان عندهم مشكله فى الموضوع ده و قفلوني منهم
من ساعتها خروجتنا قليله جدا جدا فى الاغلب بيجيلنا البيت، حتى فى رمضان مفطرناش مع بعض الا مرة واحدة بس برا
بقول يمكن عشان الدنيا مزنقه معاه و هو بيصرف شويه على اهله بس حاليا بقت المصروفات معاه احسن من الاول ، هو بيحوش عشان جوازنا لكن بردو ميمنعش ان من فترة للتانيه نخرج و يصرف، ده غير انه بيستنطع لو انا اضطريت فى مرة ادفعله حاجه معينه زي كنا طاللبن حاجه اونلاين من عندي قبل كده قالى هيدفعها و بتاع بس مدفعهاش بقاله اهو داخل فى شهرين كأنه نسي و دي مش أول مرة يعمل كده و عملها مع ناس صحابنا قبل كده ف الشغل غير انه بيسأل على مرتبي حاليا كام و بيقولى هنشارك ف البيت بعد الجواز و عايزنى حاليا اشارك معاه ف شرا الشقه و نكتبها باسمنا احنا الاتنين مع ان حسب الاتفاق الشقه عليه
هو شاطر ف الشغل و طموح و متمسك بيا اوى مجرد ما بقوله هسيبك بيلف حولين نفسه ، مع العلم بردو انه مريض عنده كهربا ف المخ و صعبان عليا، غير ان مامته مدلعاه بسبب الموضوع ده شويه و هى بردو مسيطرة فى حياته بشكل كبير هو شخصيته ضعيفه شويه
اعمل ايه مش عارفه اسيبه و لا اصارحه بكل ده؟! غير ان حتى اما ببقى مضايقه مبرتحش بعد ما بكلم معاه بجد خالص لأنه بيقعد يتكلم عن نفسه و يسيب مشكلتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_55656 🇪🇬

أنا مهدوده ونفسيتي متدمره بعد ما سابني

أنا حاسة اني بتهد من جوايا خارجه من علاقه حب أنا اللي كنت بحب بس فيها وبدي كل حاجه وهو مكنش بيحبني شكله حصل مشكلة وسابني بقالي شهر ونص الاول زعلت وبعدين جمدت قلبي ودلوقتي أنا اتهديت مهدوده ونفسيتي متدمره كنا مع بعض كل يوم ف الشغل طول اليوم مع بعض فطار وغدا مع بعض دلوقتي بقينا نتجنب بعض أنا تعبانه من غيره وعارفه أن هو كان بيأذيني بس اعمل اي أنا مش كويسه أنا بقيت تايهه ...عرض المزيد

2 الدعم

3 نصيحة

Toast_52293 🇪🇬

بحس حاجة ناقصة وحدي في الدنيا

بحس عندي حاجة ناقصة عن كل الناس انا دايما يبقا موجودة عشان كل الناس وبحاول اساعدهم فالمقابل محدش بيسأل عني ولو حاولت اتواصل مع حد حقيقي محدش بيحاول يساعدني أنا قمت كتير جدا من وقعات صعبة لوحدي بس كان نفسي الناس تقدر أو يشوفوني زي ما بشوفهم ، يهتموا زي ما بهتم ...عرض المزيد

2 الدعم

2 نصيحة

Cherry_73797 🇪🇬

خسرت أخر صاحبة ليا وفضلت لوحدي مع تروما

انا كان عندى ٤ صحاب بنات اكتر من اخواتى حرفيا مع مرور الوقت علاقتى بيهم اتقطعت واحده ورا التانيه لأسباب مختلفه هما عادى كملوا حياتهم بس انا زعلت عليهم اوى بس برضو مكنتش دى مشكله كبيره لأن فضلى صاحبه واحده كانت هى أصلا اقرب واحده ليا فيهم ف كان المهم انها معايا كنا بنحب بعض ومتفاهمين جدا لدرجه قليل لو كنا اتخانقنا ٧ سنين وهى اهم حد ف حياتى ودى كانت آخر صاحبه ليا، من سنه ونص خسرنا بعض وقطع نهائى والموضوع كان من ناحيتها انا اكتئبت جدا بعدها وكنت حاسه بالوحده جدا لأن معنديش صحاب وفى مشاكل بينى وبين اختى ومش مرتبطه ف حرفيا ف الحياه لوحدى بعدها بكام شهر من القهره وانى مش لاقيه حد يبقى صاحب ليا بدأت ارد على الولاد اللى كانوا بيبعتولى ومكنتش فارقلى دا كويس ولا وحش ( أنا أصلا شخص انطوائي جدا ومكنتش برد على حد قبل كده وبالذات لو حاسه انه عايز يستغلنى) وفعلا كنت عارفه أنهم ميستاهلوش بصه منى حتى بس كنت بنزل وبخرج معاهم عشان مموتش نفسى من احساس الوحده وعشان يبقى فى حد أوهم نفسى انى مش لوحدى انتهى بيا الأمر بعد التجربه دى انى زودت التروما عندى بالتعامل مع رجاله مرضى شوفت منهم الوحش كله وبعدها قررت انى هوقف اديت حد معرفوش وحتى لو هفضل لوحدى العمر كله حاليا انا وحيده وعندى تروما من الرجاله كلها (اللى هى كانت موجوده من قبل كده بس التجربه دى زوددها) ومفيش اى معنى للحياه بالنسبالى بيصعب عليا نفسى طول الوقت لأنى عارفه انى جوايا خير وحب لكن حاليا ساعات بحس انه يمكن انا اللى العيب فيا ومتحبش ثقتى بنفسى كانت عاليه جدا لكن دلوقتى بتكسف من شكلى احساس ان نفسى صعبانه عليا دا احساس صعب، مش عارفه اشوف نفسى مكسوره ووحيده وتعيسه كدا ...عرض المزيد

1 الدعم

5 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع