مش قادرة أعبر عن اللي جوايا و حاسة إني واقفة مكاني

Question

مش متعوده ابدا اعبر عن اللي جوايا ف استحملوني. ليه انا بقالي سنين حاسة اني واقفه مكاني و كل العالم بيمشي؟ مع اني درست و اتخرجت و اشتغلت لكن بقالي سنوات بعدي يومي بس. و انا اصغر كانت عندي هوايات كتير و حاليا معنديش طاقة لاي حاجه مع ان عندي وقت فاضي كتير

Tomato_60726 🇪🇬 · Answer

العمر والمواقف والذكريات بياخد من طاقة الإنسان

Coffee_52378 🇪🇬 · Answer

معندكيش طاقه عشان زي ما قولتي كده مش متعوده تعبري عن الي جواكي ففضلتي تراكمي جواكي سنين ورا سنين لحد ما طاقتك خلصت 
وده شئ طبيعي انه يحصل بالمناسبه 
الصح ادي لنفسك وقت ارتاحي عادي جدا ابداي بقا تصالحي مع نفسك وعرفيها انها تستحق كتير واتخلصي من اي مشاعر سلبيه 
وابداي من جديد ع نضافه من غير ما تكتمي اي حاجه جواكي

Ice Cream_62400 🇪🇬 · Answer

لدرجة الفراغ؟

Tomato_60726 🇪🇬 · Answer

لدرجه اكتر من كده كمان لو مش عرفتي تتحكمي فيها أو تتعاملي معاها

Strawberry_63646 🇪🇬 · Answer

قدي لنفسك فرصه ترتاح واستكشفي نفسك وقربي من ربنا اعرفيه اعرفي كل معني انتي بقلبه في صلاتك في دينك وادعي ادعي كتير بالنتي عايزه والعالم السوشيال والتطور والكلام ده غير حقيقي الحقيقي انك لو عايزه تطوري من نفسك  اسعي واجتهدي وعلي مهلك أن أصلن كل رحال الأعمال وحتي صانعي الAi معنهمش حاجه اسمها استعجال انتي خلها علي ربنا وشوفي نفسك ودوري ونعكشي كده في هوايتك وأحلامك وهتلاقيها يارب يحفظك اسفه اني طولت

Ice Cream_62400 🇪🇬 · Answer

انا كان قصدي التعبير ع الملأ او لناس ما اعرفهمش. مش عارفه اقولك اي لكني عملت كل ده بالفعل.. بتصرف بطبيعتي مبقاش فيه اي تصنع ف حياتي.. حسنت علاقتي باهلي و قطعت مع اي صحاب توكسيك و ربنا رزقني بصحاب كويسيين و بعيش اللحظه جدا لكن مفيش هدف و لا عاوزه حاجه.

Ice Cream_62400 🇪🇬 · Answer

ان شاء الله ❤ تسلمي 🥺 ️

Ice Cream_62400 🇪🇬 · Answer

الازمه في عدم الرغبه ف المحاوله اكثر من عدم القدرة

Coffee_52378 🇪🇬 · Answer

اها طب ما ده حاجه كويسه جدا انك بتعملي كده 
قبل ما تدوري ع هدف ما تيجي تدوري في دفاترك القديمه كده اي الي وصلك لكده هل خزلان هل خيانه هل ففضلتي تسعي فموصلتيش فبطلتي تسعي تاني ولا حاجات تانيه ؟

Tomato_60726 🇪🇬 · Answer

عدم الرغبة في المحاولة لحاجات كتير 
اولا مفيش هدف محدد 
تحسي أن اللي بتعمليه مش هيحسن حاجه او ليه اي هدف 
المواقف اللي شوفتيها ممكن تكون خلتك تكرهين شخصيتك القديمة 
في اكتر من سبب وسبب وانتي اكيد عارفه السبب اللي وصلك لكده الدور بقي انك تتعلمي معاه

Banana_63629 🇪🇬 · Answer

في استغلال ل الطاقة دي ف شكل عادات مضره؟

Strawberry_63646 🇪🇬 · Answer

علي ايه ربنا يحميكي ويوفقك

Coffee_57829 🇪🇬 · Answer

تقريبا انتي من مواليد التسعينات 
الجيل المرزق 😂

Banana_63515 🇪🇬 · Answer

انا نفس الشعور ده بجد و بقالي اكتر من سنة كده

Mango_60072 🇪🇬 · Answer

خوف من الدنيا بيخلي الإنسان مش عايز يعمل حاجه عشان كدا مفيش جديد روتين ممل المخاطرة اوقات بتكون هي المتعه بس المخاطرة بعقل 
خطوه جديده موقف مختلف حاجه غير مش جنان علي الفاضي

Ice Cream_62400 🇪🇬 · Answer

لا انا شخص قوي نوعا ما و بقدر اتعامل مع الناس و المشاكل بشكل موضوعي.. مش قادرة حتي امتي بالظبط صحيت عاوزه اعيش اليوم و خلاص بعد ما كان عندي اهداف لا تعد و لا اذكر معظمها حاليا.. لو علي الخيانة ف مفيش غير خيانة الوطن لعمر الإنسان 😂

Coffee_52378 🇪🇬 · Answer

انتي زي الفل يا ايس كريمايه 😂 هو شويه فقدان للشغف كده عابرين وهيروحو لحالهم ان شاءالله المهم متفضليش حاطه نفسك في الحته دي بس عشان مهما كبرنا العقل الباطن دماغه صغيره وبيصدق الحاجات حتى لو مش موجوده😂

Ice Cream_62400 🇪🇬 · Answer

معنديش مشكلة مع نفسي دلوقت و لا زمان.. حتي لو اخدت قرار كان ممكن اختار غيره ف ده لان كان عندي اسباب و لكن لا تأتي الرياح بما تشتهي سفني.. يمكن بسبب كده مش بلوم لا نفسي الحاليه و لا السابقة لكني طبعا بقيت مختلفه

Ice Cream_62400 🇪🇬 · Answer

و الله يا كوفي يمكن من ٢٠١٨ او ٢٠١٧.. بس قولت مجرد الكلام مش هيخسر حتي لو مش هيفيد و حتي لو عندي كل الاجابات و في نفس الوقت لا املكها

Ice Cream_62400 🇪🇬 · Answer

شكل المشكلة في الرقم ٩

Ice Cream_62400 🇪🇬 · Answer

مفيش خوف علي العكس فيه زهد

Ice Cream_62400 🇪🇬 · Answer

الله يعينا جميعا

Carrot_63162 🇪🇬 · Answer

هو الغالب ان ده اللى بيحصل حتى مع الشباب اللى محتاجين يكونوا نفسهم واللى اصلا بينصدموا بانهم عندهم جيش بعد التخرج وبيبقوا لسه بيدوروا على شغل اصلا 
وانتى كبنت مش مضطرة للشغل انتى محتاجه تتجوزى حد يصونك ويشيل مسؤلية البيت

Coffee_52378 🇪🇬 · Answer

هو كل واحد فينا بييجي عليه سنه وكل حاجه بتتبدل الحمدلله يعني 
بس بصي هو الموضوع نفسيا اكتر ما هو عمليا فلازم تهيأي نفسك لده بقا
ابداي فكري في اهداف صغيره خالص زي مثلا انك تاخدي كورس انجلش خادتيه وبقيتى تعرفي انجلش خلاص انتى شغاله وبتقبضى رقم طب ليه الرقم ميبقاش الضعف وتشتغلي بالانجلش ده اونلاين خلصتي طب ميبقي هدفك الى جاي اسكوتر جبتيه يبقي هدفك الي بعده عربيه بقا عندك دول طب ما تعملي بيزنس وهكذا

Mango_60072 🇪🇬 · Answer

ممكن تكون اليه دفاع اللي هو انا مليش نفس في حاجه و يبقا ليا نفس ليه كدا كدا مش هوصل لحاجه 
اوقات كسر الروتين المشاركه كل دا بيبقا عامل مهم

Ice Cream_62400 🇪🇬 · Answer

الشغل مش ازمه بالنسبالي لانه مجالي اللي درسته سنين.. يعني لو تزوجت كل حاجه هتتحل؟ و لا هتتعقد

Ice Cream_62400 🇪🇬 · Answer

معنديش روتين انا شخص عشوائي جدا.. الحياة اليوميه مفيهاش ازمه و سعيده فيها.. بتكلم عن الاحساس الداخلي و التقدم اللي بنجزه في الاخر؟ بلاقي ولا حاجه العمر بيعدي و خلاص

Ice Cream_62400 🇪🇬 · Answer

انا فاهمة كلامك لكن ده بحد ذاته محتاج طاقة لا املكها + لسه ورايا دراسة هكملها مستقبلا و حتي دي محتاجه افكر هسلك انهو طريق و معنديش طاقه و كل خطوة هاخدها لازم احسب لها لان الفلوس اللي هحطها فيها مش قليلة.. انا بس بتكلم حاليا كأني بتكلم مع نفسي

Mango_60072 🇪🇬 · Answer

و مفكرتيش تستغلي حاجه من حياتك اليوميه 
يعني مثلا انا بتفرج علي انمي (كارتون ياباني و صيني و كوري) و شغال في مجال السياحة اتعلمت كام كلمه منهم نفعني في شغلي و الانجليزي مش مشكله و بفكر اتعلم حاجه كمان منهم أو معاهم

Donut_63244 🇪🇬 · Answer

الجيل كله كده والسوشيال ميديا والتقليب واحنا نايمين محسسنا بكده لكن مجرد ما ناخد خطوه الدنيا بترجع تحلو في عنينا ، لا تيأسي افتكري دايما انك في فئة الوسط لان دايما هتلاقي الاقل منك كتير والاحسن منك كتير

Ice Cream_62400 🇪🇬 · Answer

دارستي كانت انجليزي و انا بقيت بفهم ياباني و كوري منغير ترجمة.. ببدأ الانمي او المسلسل حاليا و مش بكمله

Ice Cream_62400 🇪🇬 · Answer

و نعم بالله.. الحمدالله نعم الله لا تعد و لا تحصي و الله

Mango_60072 🇪🇬 · Answer

انا اسف هو سؤال صعب 
عندك صحاب بجد مش معارف و اشباح وشوش 
حولي تعملي نشاط مشترك معاهم اعتقد انتي من ٢٥ سنه تقريبا

Watermelon_63493 🇪🇬 · Answer

عندك كم سنة يا زفتة