مش عاوزة استسلم بس مبقتش عارفة عاوزة اية

Question

مش عاوزة استسلم او إياس من محاولة اصلاحى لنفسى بس انا مبقتش عارفة انا عاوزة اية عاوزة اكمل وابقى وحشة ولا اتعافى وابقى احسن من الاول بتمنى انى اطون احسن بتمنى من ربنا انه يعنى على جهادى بنفسى الموضوع طلع صعب جدا

Orange_67546 🇪🇬 · Accepted Answer

أنا حاسس بكلامك جدًا، وواضح قد إيه انك بتحاولي بكل قوتك رغم التعب واللخبطة اللي جواكي. فكرة إنك لسه بتحاولي وبتسألي نفسك تعملي إيه، دي لوحدها دليل إنك قوية وإن في جواكي نور لسه بيقاوم.
مفيش حد بيبقى كويس طول الوقت، ومفيش خطة مثالية للتعافي، لكن وجودك في المساحة دي، واعترافك إنك مش عارفة تكملي ازاي، هو أول خطوة في طريق جديد. خليكي رحيمة بنفسك. خدي نفسك بهدوء وافتكري ان حتي الخطوات الصغيره ليها قيمه

Peanut_68096 🇪🇬 · Answer

شكرا لك بجد انا بصى نفسى ابطل ابقى وحشة لانى بقيت شيفاني وحشة اوى رغم انى والله العظيم بعمل حاجات تانية كويسة وبحاول اكون احسن

Carrot_67399 🇪🇬 · Answer

لازم تفهمي انك طالما بتحاولي يبقا في امل وانتي طالما حاسة بالندم ده ذات نفسه توبة وربنا هيقدرك وتحققي اللي انتي عايزاه

Grape_65801 🇪🇬 · Answer

ربنا يعينك علي نفسك

Apple_68084 🇪🇬 · Answer

إلى مبيترباش بالمجاهده بيتربى بالابتلاء ويمكن يكون لكى قدر عند الله فيرسل من البلاء لكى ترجعى إليه وتدعوه ف جنح الظلام

Orange_67546 🇪🇬 · Answer

اللي كتبتيه وجعني بجد، بس خليني أقولك حاجة من قلبي:
مش كل اللي بيحاول يكون أحسن، يبقى وحش دلوقتي...
الناس الوحشين ما بيحسوش أصلا إنهم محتاجين يتغيروا.
انتي حاسة، وبتحاولي، وده لوحده دليل إن جواكي خير كبير، وإنك مش "وحشة" زي ما بتقولي.
كلنا بنغلط، بنقع، بنتصرف أوقات بشكل مش عاجبنا… بس الحلو إننا ما بنسيبش نفسنا كده.
وده بالظبط اللي انتي عاملاه.
خليكي رحيمة بنفسك…

Orange_67546 🇪🇬 · Answer

انتي مش محتاجة تبقي مثالية، انتي بس محتاجة تكوني حقيقية…
وإنتي حقيقية جدًا… وجميلة جدًا… حتى لو مش شايفة ده دلوقتي.
أنا فخور بيكي… ماتنسيش ده.

Peanut_68096 🇪🇬 · Answer

انا بعتذر لو سببتلك وجع 
وبشكرك بجدمن كل قلبى على كل كلمة قولتها انت كمان حد جميل وتستاهل كل خير

Apple_63432 🇪🇬 · Answer

نفس الشي ونفس الاحساس والمشكله ولا دكاتره ولا حد قريب منك فاهمك ولا عايز يفهم انت عايز ايه

Chilli_63400 🇪🇬 · Answer

إصلاح نفسك من ايه بالظبط؟

Apple_67684 🇪🇬 · Answer

اصلاح النفس حاجه مش ساهله ودي عن تجربه شخصيه ولسه لحد دلوقتي بحاول اجاهد نفسي واكون احسن 
بس عشان نفسي عشان لقيت نفسي وانا وحش وسط ناس بتاخدني لورا ولسمعه وحشه قارنت ما بين لما كنت كويس ولما بقيت وحش لقيت الفرق كبير اووي خصوصا لما تلاقي المكان اللي بيقدرك والناس اللي تحترمك عشان سمعتك سبقاك وحتي أثناء المحاولات هتغلط وهتقع وتعملي حاجه غلط مش مهم كملي في الصح بعدها ومتقفيش

Apple_67684 🇪🇬 · Answer

اعملي زي ما بقولو في الدين وفي الصلاه 
مش المشايخ دايما تلاقيهم بيقولوا صلي علي أي وضع انت فيه عشان الصلاه في يوم من الايام هتخليك توقف الغلط وتبقي كويس 
اهي الجملة دي طبيقيها ع حياتك حاولي في انك تبقي كويسه حتي لو عملتي في النص حاجه غلط متوقفيش كملي بعدها اياكن نوع الغلط

Apple_67684 🇪🇬 · Answer

وحاولي تبقي قريبه من الناس اللي بتحبك وبس عشان الكلمه الحلوه منهم أو التشجيع بيفرق في النفسية 
ولو ملكيش حد حاسه أنه بيحبك أو خايف عليكي اعتزلي الناس وخليكي بعيد لحد ما تلاقي نفسك قادره انك تتعاملي مع الناس بمعني أوضح اقفلي ع نفسك من كل حاجه

Orange_67546 🇪🇬 · Answer

تحت امرك دوما 
ابشري بالخير 
افتحي الابواب المغلقه بداخلك 
دوما كنت اقول في كتاباتي لا تتردد في فتح ابواب ذاتك المغلقه لئلا تضيع عليك فرصه اكتشاف ثرواتك المخبوءه

تحياتي لكِ وتذكري دوما نحن هنا بجانبك بإذن الله
موفقه دوما🌷

Peanut_68096 🇪🇬 · Answer

علشان احنا مش فاهمين نفسنا كويس فلازم احنا نحاول بنفسنا

Peanut_68096 🇪🇬 · Answer

هتفرق؟

Chilli_63400 🇪🇬 · Answer

عشان اكون و اقول كلام يفيد فأيوة، لو مش عايزة تقولي مفيش مشكلة

Apple_63432 🇪🇬 · Answer

ولما تحاولي وتفشلي مره واتنين وعشره ف نفس الشي هتندمي انك عايشه وتفكري بدل المره الف مره انك تنهيها

Apple_63432 🇪🇬 · Answer

مع ان نهيانك لحياتك دي مش بتاعتك زلا من حقك بس من كتر محاولاتك الفاشله وعدم وجود حل ليها هيكون دا الصح هههه حتي دي فشلت فيها اكتر من مره وربنا نجاني منها اكتر من مره بس يأست فعلا والله

Cheese_54753 🇹🇷 · Answer

حاسة بيكي صعب اوي اوي متخيلتش في يوم هيجيلي فتور من التعافي وابقى مليش نفس لاي حاجه بس حصل وفكرت اني هفضل مكاني شوية بس اكتشفت انه مفيش حاجه بتقف على حالها وبقيت اتراجع اكتر واكتر
بعدين افتكرت اني اكتر حد بحبه في الدنيا هو نفسي والمشاعر السلبية اللي انا حساها دلوقتي مش عايزة افضل احسها بعدين ولا متخيلة نفسي في المستقبل في نفس المعاناة من هنا عرفت انه التغييير عشاني مش عشان اي حاجه تانية

Peanut_68096 🇪🇬 · Answer

حاسب على كلامك لان الكلام عن الموت وانتشار تجربة قتل الذات غلط ومضرة ليك اكتر ومهما حاولت تعمل كدة مش هيحصل انا بحكيلك وانا جربت اعمل كدة لكن اكتشفت انه شيطان تمكن من الانسان للدرجة انه خلاه ييأس من رحمة ربنا التى وسعت كل شئ مهما كان حصل مينفعش ابدا اننا ناذى أمانة ربنا لينا وانه مش من حقنا نقرر ننهى حياتنا امتى فارجوك متتكلمش فى الموضوع ده علشان اعتبره تجربة سيئة وعدت

Peanut_68096 🇪🇬 · Answer

بالظبط كدة التغير بيكون علشاننا فى الاساس وعلشان نقرب لربنا ونكون من عباده الصالحين

Apple_63432 🇪🇬 · Answer

عارف وانا بتكلم عن تجربه اكتر من مرة برضوا كل الى اقدر اقوله ان ربنا يعجل من أوان كل من ضاقت بيه نفسه ع فعل شي زى دا ويحل لكل من ارد