زهقت من أصحابي بيحسسوني إني ولا حاجة!

Question

مش عارفه ليه اصحابي دايما بيحسسوني أن انا ولا حاجه وان هما تحفه وانا لا وان انا محدش يعرفني ودايما يقولولي أن محدش يعرفك غيرنا انا زهقت من كدا

Coffee_27700 🇪🇬 · Accepted Answer

اعرفي قيمة نفسك وقدريها واحترميها. وبعدين وقفي اي حد يقلل منك عند حده متسمحيش بده وحطي حدود ولو مفيش استجابة منهم فانتي تستاهلي ناس احسن منهم يقدروكي

Avocado_27961 🇪🇬 · Answer

مينفعش تقولي عليهم صحابك
هتلاقي ناس كتير احسن منهم و بيقدروا وجودك حقيقي بلاش العلاقات السامه دي

Mango_27973 🇪🇬 · Answer

الناس اللي بتعيش تاخد قيمتها من هدمها للحواليها دي ناس سامة وصدقيني الوحدة من غيرهم أحسن مليون مرة من الونس بيهم خليكي مع ناس يعرفوا قيمتك ويحسسوكي بيها

Kiwi_27962 🇪🇬 · Answer

مش عارفه ليه مش عارفه اقطع معاهم

Nutella_26046 🇪🇬 · Answer

ع شان هما فعلا مش صحابك 
قولي عليهم زمايلك اي حاجه غير صحابك مفيش صاحب بيقلل من صديقه او بيحسسه انه ولا حاجه 
العيال دي عايزه تتعالج وانتي سيبهم وربنا هيكرمك بصحبة كويسه صالحه وقتها هما هيتمنوا ترجعي تصاحبيهم تاني

Peanut_27894 🇪🇬 · Answer

طب سيبك من صحابك و خلينا صحاب أكيد هتلاقي الاحترام و التقدير و الاهتمام

Broccoli_27950 🇪🇬 · Answer

عشان دول عندهم نقص وبيحاولو يعوضوا وبما انك مكنش ليكى رد فعلا ف الموضوع بنسبه ليهم تسليه لو جربتى تعاملهم بنفس معاملتهم محدش فيهم هيعمل تصرف يزعلك بعد كده

Orange_21595 🇪🇬 · Answer

طيب وانتي ف وسطهم ليه خايفه تبقي لوحدك اختاري نفسك ياقلبي اللي مش بيحترم نفسه محدش بيحترمه ومش كل الناس هتحبك حبي نفسك حتي لو بقيتي لوحدك بطولك مايهمكيش

Coffee_27975 🇪🇬 · Answer

سبيهم و حاولي تتكلمي مع ناس تانيه او حتي لو معوزتيش تتكلمي مع حد غيرهم المهم تسيبهم صدقيني هتلاقي حياتك احسن بكتير انا جربت وقتها هيعرفوا انهم غلطانين لو بيحبوكي بجد و هيحاولوا يصالحوكي إنما لو محاولوش يبقا هما ميستهلوكيش اصلا بس اهم حاجه انك تعرفيهم انك متضايقه قبل ما تسبيهم

Kiwi_27962 🇪🇬 · Answer

وطب في الواقع هبقي وحيده

Watermelon_27719 🇲🇦 · Answer

دول مش صحابك من الأساس 
عيدي التفكير في الموضوع و ابعدي عن أي حد بيحسسك انك قليلة

Chocolate_27978 🇩🇿 · Answer

إفهم إحساسك هل تعرف مثل إبتعد عن الشر و قنيلو 
هم مش أصحابك لازم تغيرهم أذاهم أكبر من منفعتهم

Watermelon_28145 🇪🇬 · Answer

دول مش اصحابك سبيهم العالم في 8 مليار  
كنت زيك بس سبتهم وصحبته احسن منهم