مش طبيعيه ومحدش بياخد باله من تصرفاتي!

Question

هو لي دايما مفيش حد بياخد باله من اللي بعمله مفيش حد بيبقا مدرك أنه بيجيلي وقت واكون مش طبيعيه فيه وبتطلع مني تصرفات تدل أنه دي مش أنا والمفروض اقرب الناس ليا يستحملوني أو عالاقل يبطلو تجاهل. 
وانا بيبقا في تبرير موجود بس عمري ما هقوله ببساطه لأنهم هيشوفو أنه حاجه تافهه أو أنه مش مقنع كفايه .
دائما فاكرين أنهم اللي بيضحوا على طول وأنهم اللي بيحطو مجهود كبير عشان العلاقه تستمر ودا كله عشان أنا مش بقول .
مش بقول ومش بظهر أنه أنا عملت دا عشان نفضل سوا استحملت دا وجيت على نفسي عشان ببساطه مش بيبان أنه أنا عملت حاجه في نظرهم .
علاقاتي بتنتهي وانا اللي بكون الشخص السيء التوكسيك اللي مش عاوزهم .
مش عارفه العيب فيا ولا فيهم والحل اي

Strawberry_40308 🇪🇬 · Answer

ببساطه اي حد تبقي معاه مش مرتاحه سبيه اشتري نفسك ياعيوني تبقي لوحدك احسن ماتبقي وسط لمه كدابه او تبقي وسط ناس مش شبهك ديما عايزين يطلعوا العيب فيكي يحسسوكي انك الغلط مع انو الغلط فيهم فَ الأحسن تبعدي هيبقي اريح ليكي انتي بجد

Biscuit_40295 🇪🇬 · Answer

أنا بعدت على قد مقدر وعن ناس كتير مش فاضل غير واحده وهي أحسنهم بس كل مره بتحسسني من كلامها أنه أنا مش كفايه وان أنا حد لايطاق وأنها مش بتعرف تاخد راحتها معايا .
وكان نفسي اقولها قد اي بعاني بس مش هعرف
وكده أنا قدامها غلطانه على طول ومعترفه بغلطي

Strawberry_40306 🇪🇬 · Answer

معلش بناقص منهم كلهم عامل كل شخص بمقداره و مقدار تأثيره ف حياتك و معلش بردو محتاج تشتغل علي نفسك حبة حلوين