علاقات سامة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

محتاجه رايكم
انا اتعرفت على شاب بس كنا اصدقاء وبدأ يحكيلي كل حاجه عنه أنه مدمن مخدرات وانه عمل كذا علاقه غير شرعيه مع بنات وأنه دخل السجن في قضيه زور وان البنت اللي كان بيحبها خانته مع قريبه، فضلت جنبه وساعدته يبقى احسن ويبطل مخدرات وسمعت كل حاجه عن الماضي وبعدين حبينا بعض وبدأت احن علیه اکثر وادعمه اکثر واکثر واصلح معاه ماضيه أنه يتوب وينسى ويبقى انسان ناجح ومحترم ويبدا يصلي و يعامل اهله كويس ويشتغل ويكون ليه حياه ويبعد عن اي حد وحش وسلفته مره عشان أطلعه من موقف وحش ورجعهم وكمان كنت  عرضت عليه ان باباه ومامته يعيشوا معانا وانا اخدمهم طول عمري وطلعت مره نمت في عز البرد عالسطح عشان اعرف أكلمه لانه قالي  متسبنيش لوحدي ومره كنت متجبسه وطلعت بردو لأنه كان زعلان ، انا كان والدي ميت في فتره بدايه كلامنا كدا ، المهم كل دا مكناش اتقابلنا

ف اتفقنا نتقابل يوم عيد ميلادي وكنت مجهزه كل حاجه بس حصلي مشكله كبيره مع اهل بابا وكلمته عشان اعتذر له اني مش هعرف اجي قالي هتحرجيني قدام اهلي وزعل وانا من حبي فيه وتضحيتي سبت كل حاجه ونزلت مبهدله ومعيطه ورحت محافظه تانيه عشان اشوفه ، لما شافني سلم عليا وانا كنت مرعوبه عشان عمري ما خرجت مع ولد في حياتي ، وركبت العربيه قالي انا حاسس اننا مش هنكمل ، انا اتكسرت وزعلت عشان جيت عشانه وعشان مفكرش فيا ومشكلتي وقلتله طب نزلني هروح قالي خدي الهديه بتاعتك رفضت عشان كرامتي وبعدين  نزلني وسابني لوحدي في مكان معرفوش فضلت اعيط وخايفه قلتله ارجع انا مرعوبه قالي لا انتي كسرتيني وبعدين بعتلي عالواتس كان المفروض تلبسي وتحطي ميكب زي البنات وتعملي جو رومانسي لاننا اول مره نتقابل وعاملني وحش اوي وقسى عليا واتهمني بالمرض النفسي بعد كل اللي عملته عشانه وكنت كل ما ابدا اشوف حياتي وانساه يبعت يكلمني بس مش اعتذار دا بيكلمني عادي بيسأل عليا وارجع لنقطه الصفر تاني واجري وراه لحد ما خطب من فتره وانا بقالي سنه بتعالج نفسيا بسببه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_75479 🇪🇬

منذ يومين

شعور وحيد

حاسه ديما اني مش فارقه له وانه مكمل معايا علشان طمعان فيا خاصه لما عرف ان معايا فلوس قعد يقولي انا عليا فلوس وكل شويه يقولي مخنوق بسببها وكل شويه يقولي هاتيلي كذا وكذا مع اني مش بطلب منه حاجه ولا بقوله هاتلي كذا وكمان في خروجتنا انا الي بحاسب علشان حاليا ظروفه الماديه مش احسن حاجه لكن بقوله انت عليك

Cheese_73846 🇪🇬 متبصيش من منظور انك عندك اوفر ثينكينج اهربي يوليهه

عرض الكل 7 نصيحة

Mango_22117 🇪🇬

منذ 4 أيام

شعور مستنزف

هو انا توكسيك علشان بختفي كتير ؟ عارفه انها حركه رخمه بس اتعودت و مش عارفه ازاي ابطل اعمل كده و ساعات بكون مرتاحه كده معرفش ايه اخره الانعزال بحاول اتواصل تاني بس تواصل عندي باظ مكنتش كده بس نفسيه بتأثر

Banana_75242 🇪🇬

منذ أسبوع واحد

شعور محبط

انا ساعات بحس ان المبررات اللي احنا بنحطها للشخص التاني هو ده اللي بيخليه يطمع اكتر او يستغل ده ونعمل منه شخص بياخد بس مفيش عطاء لكن لو محطيناش مبررات لأي شخص هنشوفه ف صورته الطبيعيه و الحقيقية ونعرف نقييمه فعلا ينفع نكمل معاه ولا نوقف

Strawberry_66962 🇪🇬

منذ أسبوع واحد

شعور عاطفي

موضوع:

اكتر خوف مأثر عليك في حياتك

كنت دايما بشوف ناس كتير تدخل حياتي وتسيب علامه وحشه وكنت دايما اوصفهم بالتوكسيك لحد ما شخصيه معينه قالتلي إن انا الي توكسيك ف لو حد يعرف الشخصيه التوكسيك عامله ازاي ممكن يفيدني بلييييز

Pineapple_64546 🇪🇬

منذ أسبوع واحد

شعور مرتبك

( انا بنت ) من فترة تقريبا سنه اتعرفت على بنت عندي في الجامعه وبقينا صحاب جدا وبالصدفة عرفنا ان اهالينا كانوا مع بعض في الجامعه المهم انناعلاقتنا بقت قوية وبنروح ونيجي مع بعض وكده المهم اني بدأت الاقي تصرفات مش حلوة يعني تشوفني ومتسلمش عليا تطلب مني فلوس سلفة ومترجعهاش مرة مثلا قالتلي خلينا نجمع فلو

Avocado_49071 🇪🇬

منذ أسبوع واحد

شعور ضاق ذرعًا

السلام عليكم جربت تقعد مع نفسك وتكلمها جربت تهتم بيها بدل الشخص اللي بياخد من وقتك وحياتك ومش بيديك حاجه جربت تشوف بتحب اي وبتكره اي جربت تشوف اهلك بيحبو اي لي بنفضل ندور برا ع حجات احنا محتاجنها رغم أننا ممكن نشوفها جوا وببلاش وبدون مجهود وهتاخد كمان ثواب عليها لي بنعمل ف نفسنا كدا

Donut_56000 🇪🇬

منذ أسبوع واحد

شعور آسف

عبّر عن شعورك بشكل مجهول

اهلا انا اول مره اتكلم مش عارفه اني اتكلم دصح ولا غلط بس اكيد جوانا حجات مش بنعرف نقولها للقريب علشان لو قلنها علاقتنا بيهم هتتدمر انا بنتين على ولدين محجوزه ومعايا طفلين ظروفنا متوسطة الحال الحمد لله فضل ونعمه بس بيواجهني دائما شعور غريب جدا لما بكون في وسط اهلي وهو ان امي وهي المفروض يعني انها امي دائما ما تقلل من اي حاجه بقدمهلها ايا كانت ايه هي  حتى لو هي عارفه انها بآخر فلوس معايا لازم تفاضل بين اللي بجيبه واللي اخواتي بيجيبوا دائما  حتى لمت تيجي زياره وده بيحصل حرفيا كل سنييييييين كتير ابص الاقيها داخله بكام كيلو فاكهة اغلبها مضروب طبعا هيتقال كفايه دخلتها عليكي واكيد دخلتها عليا بالدنيا بس في دخلتها على اخويا الوضع بيكون مختلف تمام حلويات من أرقى وافخم الاماكن وبكميات رهيبه   لو روحت معزومه عندها فانا بفضل بالشهور وفي  كل مكالمه قد ايه ان الوجبه كانت مكلفه ومدفوع فيها قد كذا في حين انها لما تعزم اخويا الاطباق بتكون فارهة جدا وعلشان طبعا ماتخلنيش اعلق تتبعها بكلمة اخوكي اللي دفع وجاب الحاجه طيب هل هي فقيره هرد اقول لاء هي مش فقيره بس بمبدا الغني هديته تكون قيمه واللي على قده هيرضي باي حاجه حتي في مره قلتلها ماما الفاكهة اللي جايبها كله مدوده واترمت تدخل في هجوم رهيب اني مش بحمد ربنا واني لازم اعلق على اي حاجه  واله العظيم هدية جوازي اخويا وهو اكبر مني داخل عليا بعد اسبوع من جوازي بهديه من الحجات اللي بتتباع ب٢.٥  وبعديها بفتره جت السيره  لما جت بتقولي انه جايبلك برفان براند  وده لان كان وقتها جيالي هدايا كتير رد هو قال انا مجبتش حاجه ديه الهديه اللي ولاد خالتك الصغيرين جابوها امك قالتلي ادخل بيها 
  طبعا علشان ماتقلقش مثلا على فرق الهدايا يختلف باختلاف انهم مقدرين كل لما تشوفني لازم تفهمني انهم واخدين قروض
 حتى ميراث من ابويا  خدعتني وخلتني ابيعه بتوكيل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_62201 🇪🇬

منذ أسبوع واحد

شعور منزعج

Cookies_75052 🇪🇬 متجيش ع نفسك عشان حد

عرض الكل 3 نصيحة

عبّر عن شعورك بشكل مجهول

ابويا عرفني على واحد صاحبه علشان اساعده في حاجه ليها علاقه بالموبايل زي اعمل جيميل وحسابات على فيسبوك وانستقرام إلخ واكتشفت ان هو شخص استغلالي بمتسلط بطريقه غير طبيعيه. لما عرف ان انا الاقي في الكمبيوتر طلب مني ان انا اعمل له قناه يوتيوب وكان عايز مني اشتري الاضاءه والمايك واستخدم موبايلي كتصوير واحط عنده كمبيوتر بتاعي عشان اقطع الفيديو عنده واسيب كل الحاجات دي عنده في الشقه بتاعته اللي هي استوديو. وفي مقابل ذلك لما ان شاء الله القناه بتاعته تبتدي تجيب فلوس هيقسم معايا بالنص وهو في المقابل كل اللي هيعمله ان هو هيقرا الكلام اللي انا عملت له اعداد على الكاميرا. قلت له اشتري الحاجات ديت قال لي انا معيش فلوس قلت له انت ممكن تعملها عند اي نجار ونحط اي لمبه وخلاص ونحطه قدامها قماشه بيضاء برده ما رضيش يعمل كده مصر ان انا اشتري كل حاجه 
في الاخر: موبايله ضاع قبل العيد وانا نزلت معاه نشتري موبايل جديد ونحط له بياناته تاني من اول وجديد وعايزني اطور له على النت على ارقام قنوات على شان يشتغل فيها وعايزني اعمل له فقره اعدها واصورها له وابعتها له للقنوات دي. قلت له للاسف مش هينفع لان بعد العيد انا بطحن شغل فممكن تنساني لمده اسبوع وبعد كده اقدر اعمل لك ده 
هنا بقى لقيت لي السيطره والاستغلال، قال لي لا انت قدامك يومين بس بعد كده تعملي الحاجه. مشيت من عنده وبعد اليومين من إجازة العيد بقى بيكلمني وانا ما بردش عليه عشان مشغول بعدها فضل يرن عليا لمده ساعه بالكامل ولما رديت عليه قلت له انا مشغول قال لي انا مش قلت لك ان انت قدامك يومين بس ما تقول لا يا استاذي انا مشغول وبعد ما قفلت السكه عملت له بلوك 
راح اشتكى لابويا وابويا بيقول لي ما ينفعش ان انت اتعامل واحد كبير بطريقه وحشه قولوا لي يا جدعان مين اللي غلطان انا ولا هو؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_22117 🇪🇬

منذ أسبوعين

شعور مستنزف

مش متخيله اني حبيت حد لدرجه ان قعدت شهور بعيط من البعد و القلق و التفكير فتفاصيل كتير تخصه فالمقابل الحد دا اصلا محبنيش هو بس كان لازم يحسسني بكدا و يقولي كلام كتير مشاعر علشان يملي فراغ الجواه انا اه تعافيت منه بنسبه كبيره بس مش عارفه اسامحه و مش عارفه اعالج الاثر نفسي السبته فيا 💔

Coffee_73655 🇪🇬

منذ أسبوعين

شعور خجلان

عبّر عن شعورك بشكل مجهول

انا بنت من 20 ل 25 سنة 
علاقتي ب ابويا من زمان بايظة مليانه ضرب إهانة شك شتيمه كان يوم كويس و عشرة لا .. ولا اب كويس ولا زوج كويس.. كان مدمن اباحيات و افلام وحشه .. واتنقلي الموضوع ده منه لما كنت في رابعة ابتدائى و كان عندي فضول اشوف شايل ايه على الهارد ديسك و لقيت الحاجات دي واتصدمت بس حسيت بأحساس غريب و من يومها وانا مدمنة افلام زي كدة وبدأت اقلد الافلام لحد ما اتعلمت العادة السرية.. المهم لحد ما وصلت اعدادي كان في ولد مسلم معانا في الدرس كان عميق لذيذ دمه خفيف وكنت بتشدله جسدياً مع العلم اني اي حد بحبه أو اتطمنله بتشدله جسدياً للاسف وكان في تجاوزات في معظم المرات اللي ارتبطت فيها 
ساعتها اتشديتله و قررت أكلمه من اكونت فيك و فعلا قربنا وبقا في بينا تجاوزات في الشات وفي الحقيقة كنا صحاب و مكنش يعرف أن دي انا لحد ما واجهته اتصدم وفرح لأن انا جميلة نوعاً ما والموضوع بقا على العلن .. واحدة واحدة الموضوع صار تملك هو عايزني ليه وملكه ويوم ما افكر اتغير أو ابعد كان يرفض رفض قاطع عشان شايف اني ملكه وطبعا دة مستحيل بحكم فرق الأديان ... وفي يوم وهمني أنه فضحني و بعت صوري لحد والحد دة كلمني بس ساعتها كان هو بردو ولكن من رقم مختلف عشان يخوفني وقتها بابا عرف و هزقه والولد دة بطل يتعرضلي ... تلف السنين ويكلمني و تسامحه ونتكلم وتبعد و نقرب ونبعد و كنا كل مانقرب نحكي لبعض كل حاجه فاتت.. وكنا نعرف عن بعض كتير اوي .. لحد من فترة رجعنا نتكلم وكالعادة تجاوزات وبحكم اني اعرفه مايقارب 9 سنين قولت خلاص مستحيل يخون ثقتي تاني بعتله صور و فيديوهات بوشي صريحه للاسف .. بعد فترة بعدت عنه حذرني بس ما اهتميت يعني في النهاية انا أبغى استقيم 
لحد ما صار الشي اللي ما كان محسوب و عمل اكونتات بصوري و اسمي و ابتزني بفلوس ولما واجهته قالي لا مش انا شوفي انتي كنتي باعتاهم لمين غيري وانا والله متابعتهم لغيره 
المهم فعلا فضل يبتزني فترة لحد ما عملتله محضر وبعدها قفلتله كل الاكونتات عشان مايبعت لقرايبي 
كل ما يعمل اكونت ويبعت اصحابي اقفله الاكونت .. و عدد المحاضر يزيد مع عدد الاكونتات 
الى الان 6 محاضر لحد ما عمل آخر اكونت بيتاجر فيه بصوري و بيستلم فلوس من ناس مقابل صوري وفيديوهاتي و يوزع رقمي على اساس أن الاكونت الفيك دة انا واحد دلوقتي مش عارفه اقفله الاكونت دة !!!! 
بس الحمدلله امي في ضهري و مش ناس كتير اللي عرفت و خلاص المحاضر كلها يومين بالعدد و احصد نتايجها بس السؤال هنا هعرف اتخطى ؟ هل استاهل الحب واتحب؟ هل تستاهل انسان فعلا يعرف قيمتي ؟ هل انا اصلا ليا قيمة؟ انا عارفه اني غلطت كتير بس والله انا مش وحشه ولا دي انا .. ازاي ممكن اتجوز واتحب بالقرف دة قولولي!!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Almond_55898 🇪🇬

منذ أسبوعين

شعور محبط

ازاي حبنا لاهلينا فضل يقل يقل يقل لحد ما وصل من مرحله الجنون بيهم لمرحله الكرهه انا بقيتش قادره اتعامل معاهم ولا ابص ف وشه انا بقيت زعلانه اني بقول اني بكره بابا بجد انا ميته حزن لاني كنت بحبه بموت فيه ما كنتش مستحيل اقعد ف مكان هو مش موجود فيه حاليا مش بطيق وجوده ولة بطيق التعامل معاه او حتي اسمع ص

Mushroom_74773 🇪🇬

منذ أسبوعين

شعور محبط

موضوع:

إزاي العلاقات السامة بتسرق منك نفسك؟

عندى امى طول الوقت بتقولي انتي فاشلة دايما مقارنة مع اختى نفس الكلام اختك معاها فلوس وانتي لا اختك الأصغر منك عرفت تتجوز وانتى لا مالك كدا مش زي بقية البنات مابتلبسيش حاجات فاتحة جميلة وتحطي ميك اب وتعرفي تجيبي زوج وبعدين ترجع تقولي دا لو حد اتجوزك مش هيطيقك مابتعرفيش تثبتي في شغلانة كل بنات العمارة

Apple_16067 🇪🇬

منذ أسبوعين

شعور ضائع

متقبلوش فولو ريكويست متردوش على بيبلاي استورى متدخلوش عيال حياتكم متتعلقوش بحد واخيرا يخربيت الفراغ اللى بيخلينا نعمل كدا لااااااا ااااااااااا ااااااااااااا ااااااااااااااااا اااااااااااااااااااا اااااااااااااااااااااااااااا

Pineapple_74654 🇪🇬

منذ أسبوعين

شعور وحيد

عبّر عن شعورك بشكل مجهول

السلام عليكم 
انا كنت مخطوبة لواحد المفروض أنه بيحبني من 2018 وبدأنا نتكلم كلام عادي ف 2020 وشوية شوية حبيته انا كمان و فضلنا مع بعض عدينا بحاجات كتير مع بعض و كان في مشاكل كتير بس كان دايمًا بيقولي أنها بسبب الشات ولما نقرب كله هيتحل هنكون بنتقابل و بنتكلم فضلنا لغاية 2023 واتقدملي و اتخطبنا بس بردو فضلت المشاكل بيننا كتير ف الاول كنت بحسه مش بيعرف يتعامل معايا 
يعني الكلام الحلو قليل شوية طريقة صعبة زي ما اكون صاحبة مثلا ف كنت طول الوقت لما بنتكلم عن أي حاجة بقوله اهم حاجة عندي المعاملة اهم حاجة المعاملة ، لما يسألني عن حاجة او يقولي مش بتطلبي ، لكن ف نفس الوقت كان في حاجات ف الاعراف المفروض يكون بيجيبها و كدا مكنش بيحصل (انا ف الاول مكنش عندي اي مشكلة و متفهمه أنه مش فرض عليه ومش ملزم بيا واحنا لسه مخطوبين وكدا )  بس كان كل اللي حواليا بيتكلموا و يسألو و بصراحة كنت اوقات بتضايق وأوقات كنت بخاف مش عارفة طيب هو بخيل ولا عادي ؟
لان كان في حاجات بيعملها وحاجات لا يعني مثلاً ف الاكل وكدا بيصرف عادي ، لكن مثلاً لو روحنا نشتري حاجة لازم يفضل بفاصل 
اوقات مثلا كنت باجي أقوله عاوزة فانوس او أقوله ده عاجبني بس بردو مكنش بيجيبه أو ييجي بعد كدا يقولي كنت هجبلك كذا ونسيت هبقا اجبلك و مش بيجيب ف انا للمرة التانية كنت بخاف ( لاني والدي بخيل شوية وعلاقته بينا و بأمي وحشة جدًا وبيتنا مليان مشاكل و كل الناس بتتدخل فيها )
كنت اوقات كتير بطلب منه يبطل حاجات بتضايقني لاني مش قادرة استحملها بس كانت بتتكرر و اطلب تاني لان احنا نفس السن ف كنت بحس أنه لسه مش ناضج و بقول لنفسي اول مرة يخطب وكدا ف مش عارف ف اوقات مش هكدب كنت بتخنق و بتقفل بس بعدها كنت برجع افكر نفسي ب ده و بإني مش هقدر يكون في حد تاني غيره في حياتي لاني من النوع اللي لما بيحب و يتعلق مش بنسا بسهولة و أنا وهو كنا متعلقين ببعض جامد 
ف الاول كان بيحب نتقابل كتير يعني ممكن نتقابل مرتين ف الاسبوع بيكون في مكالمات بس كان بيعمل مشكلة ولو على حاجة صغيرة ف علشان كدا كنت بقول المشاكل كانت كتير 
اوقات كنا بنتفق على حاجات يروح يتصرف بطريقة تانية و يعتذر ويقولي نسيت ومكنتش اقصد و يحلف و يحاول يراضيني 
كان بينسا حاجات كتير جدًا و يقولي غصب عني 
كانت طول الوقت بيقولي أنه مضغوط رغم أن اتخطبنا سنتين و نص معملناش فيهم حاجة و كان متفق مع أهلي انه هيشتري شقة وكدا فضلنا اخر 6 شهور بندور على شقة مناسبة وملقيناش ف كان اولا باباه اللي بيجيب شقق على قد فلوسهم يعني تبقا مناسبة ليهم هما بس مش بيفكروا فيا بتكون مواصفاتها صعبة اتحملها بالنسبة ليا. 
صغيرة اوي او المطبخ ضيق اوي او بيت قديم جدًا أو يقول أنه مش هغير غير حاجات معينة مش مثلًا بييجي يسألني تحبي تغيري ايه او تقدري نسيب كذا لا هو بيقول انا شايف كذا كويس 
انا مش هغير كذا اغيره ليه 
رغم أنهم مهمشينه جدًا في البيت يعني ميبقاش عارف عنهم حاجة لدرجة اخوه اشترى شقة و جهازها و هو عرف قبل الفرح بشهرين سمعهم بالصدفة محدش حتى قاله و كان طول الوقت بيقولي محدش هيساعدني ف حاجة يبقا محدش يتدخل ولا يعرف عني حاجة ولا حد بيسأل عني و أنهم مهمشينه و ملوش رأي في حاجة ومش بيحبوه وانا علشان مكنتش بشوفهم كتير كنت فاكراهم طيبين لأنهم  أي حد يشوفهم هيقول ويحس كدا وطول الوقت بيقولو  أنهم بيحبوني وكدا بس مثلا مكنوش بيكلموني غير لو انا اتكلمت غير نادرا او لو حصل عندنا حاجة حتى لو نادرا ولو تعبانة محدش بيسأل عني غير تقريبًا كانت مرة واحدة نزلت بوست ف كلموني 
ف اتكلمت معاه بصراحة و قولتله مش هعرف اقول رأيي بصراحة طول لما باباك اللي بيدور لاني هيبقى مطلوب مني أوضح ليك ولاهلك سبب أن الشقة دي مش عاجباني و ده مش هينفع لان احنا اللي هنعيش فيها وانا مفروض اقول طلباتي ليك انت و اتكلمنا و اتفقنا و قالي خلاص فهمتك و مش هخلي حد يدور تاني و هدور انا ، انا مليش غيرك كان طول الوقت بيقول انا مقدرش اعيش من غيرك ، مقدرش اكون معرفش عنك حاجة ، لو بعدتي عني هموت و ممكن دموعة تنزل من الكلام بس 
انا بصراحة كنت اوقات بقولها لما بتخنق و يفيض بيا او يعمل حاجة كبيرة احس اني مش هقدر اتعامل معاه بعدها بس مش دائمًا كنت بعنيها والله 
المهم هو بصراحة كان حاول يحسن معاملته ليا شوية بس المشاكل والغلطات كانت  لسه موجودة و نسيت اقول اننا كنا طول الوقت بنتكلم ف الشات يعتبر بس نادرا نادرا جدا لما نتكلم مكالمة وبعد لما كان بيبقا عاوز يشوفني كتير بقا حتى لما نتقابل كام يوم ورا بعض بحسه مش عارفه زهق ولا ايه بس بيفضل يقول بقالنا 3 ايام مع بعض جيتلك يومين مش هاجي بقا الاسبوع الجاي و نسيت اقول بردو أنه لما كان بيبقا في حاجة لازم يستأذن أو يقولها لاهلي كان مش بيبقا عاوز و يقولي قوليلهم انت وافضل أفهمه أنه مينفعش و أفهمه وكنت بحس أن أهله حتى مش بيفهموه غير حاجات قليلة لكن للأصول و لازم تعمل كذا و تجيب كذا مش بيعرفوه حاجة 
يعني حتى رغم أن متفقين ف الاول أن هيعملوا خطوبة كبيرة و شبكة كويسة و يجيبوا شقة 
الخطوبة متعملش لما حسيته مضغوط اتفقنا بلاش والشبكة جت على قد الفلوس يعتبر مختارتش حاجة بنفس كنا بنشوف اللي يناسب الفلوس ومع ذلك هما اللي فضلوا يقولوله يتكلموا مع أهلي و يجيبوا شقة ايجار وخلاص رغم أن مفروض يفهموه أن مينفعش يرجع ف اتفاقه
كنت راضية بس كان بيبقا نفسي احس أن تضحياتي متقدرة او انه في يوم من الايام لما ربنا يوفقه هيعوضني من نفسه مش لما اطلب 
ف لما جه موضوع الشقة ده خوفت و اتضغطت اكتر 
بس لما جه موضوع الشقة ده اتخنقت واتضغطت اكتر و رغم كدا كنت بقوله كتير شوف اللي يناسبك و خرجني برا الموضوع ده لاني اتخنقت مكنش بيوافق ، حتى في مرة جابوا شقة 60 متر كل حاجة فيها صغيرة وكانوا متمسكين بيها كان هو شافها الاول و اتكلمنا و اقتنع أنها متنفعش بعد كدا هما عرفوا عنها ف فضلوا يقنعوه ف جه يحاول يقنعني تاني وكان متمسك اكتر من المرة الأولى وقتها قولتله طالما مناسباك جيبها و اعمل فيها التشطيب اللي يناسبك و خرجني برا موضوع الشقة ده فضل يقولي شايفة ده حل شايفة ده صح و قال خلاص وبعدها اهلي و أهله فضلوا يقولولي دوري معاه و مامته كلمتني تقولي أنه زعلان و بيشد معاهم في البيت أنهم مش بيساعدوه و قالتلي دوري معاه على أي شقة وأنه اخوه اتجوز اهو يعني فيما معنى الكلام محدش حس بيه ( اخوه ده رغم أنه بعيد عن البيت من زمان بسبب شغله في محافظة تانية وبييجي اجازات لكن عارف كل تفاصيل البيت و بيتدخل ف كل حاجة )بصراحة أنا اتضايقت و اتضغطت اكتر 
لكن فضلت ادور معاه وكنت بدور أصلا من قبل لما يقولوا بس لما كنت باجي اوريه مكنش بيهتم يعني يقول ده اعلان فيك ، ده بيكذبوا او السعر مش مناسبة أو مش لسه هنجيب شقة على الطوب و كلام زي كدا أو بيشوف الماسدج ميردش  
فضلنا في كل ده لغاية لما جيت ف وقت حسيت اني خلاص مش قادرة ومش طايقة و كان مبقاش بيحكيلي حاجة او بيشاركني حاجة غير نادر و كنت بقيت حاسة أنه مش موجود في حياتي واني لوحدي وهو موجود 
مع العلم أنه انا من وقت لما اتخرجنا ملقتش شغل و قاعدة في البيت يعتبر حياتي واقفة عليه حرفيا بنزل معاه و بستناه ييجي و بستناه لما يصحا الصبح يبعتلي وكدا مشتغلتش بسبب اني مكنتش بلاقي شغل مناسب أو مش بتقبل وفي حاجات كتير كان بيرفضها ف يعتبر انا عندي اكتئاب من قعدتي في بيت مليان مشاكل و كمان ضغوط ومشاكل بيننا و اكتئاب مش حزن انا فاهمة كويس بس مفيش اوبشن اني اروح لدكتور أو اتعالج و كمان صحتي مش كويسة و خسيت جامد ف شكلي مبقاش احسن حاجة 
جينا في شهر 4 قولتله بصراحة اني مبقتش مرتاحة بس ف الشات وفصلت افتكر حاجات قديمة عملها انا غصب عني معرفتش انساها و فضلنا ايام زعلانين ف الشات مجاش غير ف اليوم اللي بييجي فيه يوم الجمعة رغم أنه كان يقدر ييجي أي يوم بعد الشغل بس معملش كدا 
انا كنت مقفولة جامد و جه حاول يتكلم بس بصراحة أنا مكنتش قادرة حتى ابصله و عيطت وهو دمع و موصلناش لحل 
احنا كنا متفقين مندخلش حد في مشاكلنا وانا كنت موافقة على ده علشان بخاف من الحسد بصراحة و علشان بسبب اني متعقدة من بيتنا أن كل حاجة فيه برا و كل الناس بتدخل بين اهلي وعارفين تفاصيل حياتنا حتى التافهه و كنت مقتنعه أن محدش غيرنا يقدر يصلح حاجة بيننا ابدا بس اوقات كان بيعمل حاجات كبيرة كنت بقوله رد على بابا بقا لو هقول لباباك و يشوف حل معاك لاني مكنتش شايفة أهله وحشين بالعكس كنت بتخانق معاه علشانهم و بقوله انت اللي غريب و جايز انت مش مهتم علشان كدا مش بتسأل عنهم ف هما مش ليعرفوا يتكلموا معاك وكدا  
جه المرة اللي بعدها بيقول لماما هنقد نتكلم احنا التلاتة انا مش عارف هي مالها هي بتقول انها مبقتش مرتاحة وانا مش عارف اعمل ايه فضل يتكلم و خلاني حكيت حاجات بيننا و ماما تقولي اديله فرصة اقولها اديتله كتير تقولي معلش المرة دي علشاني و تقوله قولها يا حازم انك هتتغير مش بيتكلم هي اللي تمليه الكلام 
لما ماما تمشي يمسك الموبايل ( نسيت بردو اقول إن لما كان بييجي أو نقعد مع بعض بيفضل ماسك الموبايل حتى لو بيعمل سكرول يا انا اتكلم يا لو في مشكلة بنتكلم فيها يا يفضل كدا رغم أن معظم الوقت كان بييجي ف الاسبوع ساعتين و يمشي ة ده كان أحد أسباب ضيقي أن كنت بحس أنه بييجي تقضية واجب مش اكتر)
ف اليوم ده فضل بردو يقول كلمة يعني انت عاوزة ايه او شايفة ايه لو قولت كلمة مش عاجباه يمسك الموبايل و ميردش عليا يعني مقدمش حلول مقالش مثلا هتغير طيب هعمل كذا علشان نصلح بس لما ماما تيجي يقولها بتقولي كذا 
وبعدها قال همشي وفكري عاوزة ايه جت ماما قالي قدامها فكري انا متمسك بيكي و شاريكي و كلام زي كدا ف والدتي طبعًا أصلا كانت شايفاه ملاك لاني مكنتش بحكيلها عن حاجة غيرر نادرا لما هي بتشوف أن في حاجة  و كنت بقوله اني حكيت بس مكنتش بتتكلم معاه في حاجة لأن لما حصلت كام مرة اتضايق مني و مكنش بيبقا عاوز ييجي البيت لو حد حس ان احنا متخانقين 
المهم مشي والدتي فضلت تبصلي نظرات وحشة هو عمل ايه وكلام زي كدا و انا كنت هموت نفسي من كتر ماانا مخنوقة 
تاني يوم حكيتلها كام حاجة قالتلي طيب ومكنتيش بتقولي ليه قولتلها هو مكنش بيبقا حابب و انا بردو شايفة أنه مش غلط وكدا قالتلي خلاص قولتلك الفرصة دي علشاني المرة دي لو عمل حاجة تاني نبقا نشوف 
بعدها فضلنا بردو نشد مع بعض ف ف يوم كنت رايحة مشوار وكان حد هييجي معايا قالي صحيني هاجي معاكي قولتله لو هتقولي كدا ومش هتصحا عرفني قالي لا جاي بس كلميني صحيت و كلمته كتير جدًا طول ماانا بلبس مردش و مبقاش في وقت اشوف حد تاني ييجي معايا 
وانا نازلة على السلم كلمني انت فين قولتله نازلة افتكرته هيلبس و يلحقني بس لقيته بيقولي معلش مسمعتش 
بعدها حد معاكي قولتله لا قالي طيب خلي بالك من نفسك 
كل ده فاكره أنه بيستفزني بس وهلاقيه ورايا لان بيته هيركب عريبة دقائق و يبقا عند العربيات اللي هنركب احنا الاتنين منها 
فضل يكلمني مكالمات بس انا مكنتش طايقة اتكلم واتخنقت جامد ف مرضتش بعت ف الشات متقلقنيش عليكي قولتله ما تقلق 
ساب كل اللي عمله و مسك فيها روحت ورجعت استنيته حتى يقابلني يراضيني رغم أنه راح الشغل كان في طريقي وانا راجعة لو كان قالي انزلي و صالحني كنت هتراضى والله 
لو كان جه يومها بالليل يعترف بغلطه و يصالحني كنت هتصالح 
بس سابنا بردو نفضل نشد ف الشات وقعد 22 يوم ميجيش وكل الكلام بيننا في الشات صحيتي ؟
اكلتي ؟
نمتي ؟
بعدها باباه كلمني وقالي أنه قاله زعلانين كلمهم ( من غير ما يعرفني بردو )
حكيتله كام موقف فضل يقولي معلش و فرصة علشان خاطري و كلام زي كدا و انا هقوله ييجي لو عاوزاني اجي معاه هاجي بس انا عاوزة يعني يكون تصرفاته من دماغه 
وكان في اليوم 18 كلم والدتي  و عاتبته بهدوء لأنها بتحبه جدا و قالتله طيب تعالى و نتكلم مجاش تاني يوم كلمها تاني قاتله تعالى و نتكلم بردو مجاش 
جه بعد 22 يوم مع أهله والدته ووالده واخوه فضلوا كلهم يتكلموا وانا قولت حاجات كتير من اللي مضايقاني و كنت في خلال ال 22 يوم حكيت لوالدتي معظم الحاجات اللي بيننا لاني كان بالنسبة ليا كدا الموضوع بيخلص ده واحد كان بيقول ميقدرش يعيش يوم من غيري ميقدرش يعدي اسبوع ميشوفنيش وكل الكلام ده 
المهم غلطوه و فضلوا يقولوا معلش و هيتغير وكدا و قالو إنه هيحتاجوا سنتين كمان خطوبة وكدا كل ده هو منطقش 
بعد لما مشوا قالي عاجبك اللي وصلنا ليه ؟ وفضل يقلب ف القديم بردو و يقولي عاوزاني و لا مش عاوزاني معتذرش حتى وكنت مش شايفه في عينه حبه زي زمان و لا شوقه ولا لهفته حتى لما عيطتت 
سألته كنت فين قالي كنت تايهه و حسيت اني مش هعرف اعمل حاجة ف قولت بلاش اظلمك المهم بعدها اتكلمنا و فكرته باللي بيننا و ازاي نسيته فضل يحلف أنه كان تايه و مش عارف بيعمل ايه و لما حس اني بضيع من ايده جه و حاولنا نرجع 
بس طلبت ميبقاش بيننا أي تلامس و بطلت اقول كلام كانت نيتي لو ربنا زعلان مننا ف بيحصل كدا يسامحنا و جايز يتشجع و يسرع شوية على الأقل لما يجيب الشقة اهلي يوافقوا نكتب الكتاب 
كان بيحاول يعاملني كويس ويقول كلام حلو بس كنت بحسه مش صافيلي ومبقاش بيشاركني حاجة اسأله اهلك بيقولوا ايه عني مش بيقول رغم أن قبل كدا كان بيقولي حتى لو قالوا حاجة وحشة 
عدى كام شهر و من شهر اهلي قالو لازم نشوف موضوع الشقة وكدا ومش هينفع كدا ف نفس الوقت هو بعتلي شقة بردو صغيرة جدا و نفس مواصفات اللي قبل كدا اتخنقت واتضايقتةحسيت أن كلامي ملوش لازمة وكل ده كان على الفاضي ده غير اني كنت حاسة اني لوحدي و أنه مش موجود بيرجع ينام و يصحى ينزل الشغل مبنتكلمش ساعتين على بعض وشات باقي الوقت لوحدي بييجي مش بيتكلم ف كنت تعبانة ومخنوقة 
جه من شهر ونص كدا والدتي سألته عن الشقة مردش فضلت تتكلم تتكلم ميردش تقولي ياابني رد عليا قولي ناوي على ايه بردو ساكت قالتله هسيبك تفكر مشيت فضل يقولي مش بتقولي ايه على طول لما بسألك ف الشات مالك قولتله هيفيد بأيه وكدا بردو يقول كام كلمة و يسكت جت والدتي سألته تاني بردو مردش 
سابتنا بعد شوية استأذن يمشي و مشي فضلنا بردو طول الاسبوع كلام أقل صحيتي اكلتي نمتي ولو انا نايمة وقت لما رجع من الشغل بينام و نتكلم تاني يوم بعد لما كان بيكلم ماما تصحيني من النوم نتكلم و يتطمن عليا 
جه الاسبوع اللي بعده معتذرش لماما ولا حاجة و فضل يتكلم عن الشقة أقوله مش دي مشكلتي انت مش بتوعدني بحاجة بتوفي بيها مش بتشاركني مش بنتكلم ومش حاسس ان في مشكلة يقولي لا لا خلينا في موضوع الشقة بس وشوفي دي و شوفي دي مكنتش عاوزة اشوف المهم فضلنا بردو نشد مع بعض ويقولي ده مش صح انك تسكتي ومش عاوزة تقولي اللي جواكي أقوله ملوش لازمة بردو قعد شوية صغيرين واستأذن ومشي ومن وقتها مجاش تاني 
فضلنا ف الشات طول الشهر ونص دول يتكلم ف الشات بردو نفس الطريقة لغاية لما جيت في يوم قولتله بتسأل عن اكلي ليه انت مهتم بيا ولا تعرف عني حاجة ف بطل يسأل يجي مثلاً مرة في اليوم الصبح أو بليل يقول كلمة فضل كدا اسبوع جه يوم إجازة كلمني علشان افتح الشات فتحت فضل يقولي محتاجلك قولتله وكنت فين لما انا كنت محتاجة ليك ولا دلوقتي عندك وقت فراغ مش لاقي حاجة تملاه وشدينا بردو ومفكرش ييجي بقا يلحق 
فضلنا كدا حتى لما يبعت يتكلم يرد بعد ساعات اوقات يرد بعد يومين لغاية لما باباه كلمني تاني بردو و فضل يسألني و اخر المكالمة قالي طيب هقوله يجي قولتله هو ليه حضرتك اللي تقوله وليه حضرتك اللي تصلح قالي ماانا مش غريب قولتله معلش بس هو مش صغير احنا مفروض هنفتح بيت عامةً انا مبقتش متقبله الكلام ولا عندي كلام أقوله ليه ده بقالنا3 اسابيع منعرفش حاجة عن بعض يتواصل بقا مع والدي أو خالي قفل 
بعدها كلمت خالي حكيتله ف كلم باباه و من الكلام باباه قاله أنه حكاله اللي قولته ليه ف خالو قاله طيب شوفه عاوز ايه وهيعمل ايه وكلمني قاله هقولها قاله لا كلمني انا وخرجها برا الموضوع خالص 
بعدها والدته بعتتلي بردو تسألني ليه قولتلها حاجات قالتلي مش علشان الشقة ده هو قالي كدا قولتلها لا فضلت تقولي بنحبك وكدا و ربنا يعمل اللي فيه الخير 
عدى اسبوع محدش اتكلم ف خالي سألني قولتله مبقتش مرتاحة قالي يعني مش عاوزاه معرفتش ارد صعبة عليا قولت مش مرتاحة وراح كلم والده وقاله انا بحل بس هما بلغوني اعرفكم أن كل شيء قسمه و نصيب وفيما معنى الكلام يعني لو عاوز يصلح خليه يصلح بردو فضلوا محدش بيتكلم
وهو مان بيبعتلي في الشات زي ما قولت كل يوم او يومين او تلاتة و يرد على كلامي اليوم اللي بعده ف خالي قالي مترديش تاني 
بعدها فضلوا بردو اكتر من اسبوع لغاية من حوالي اسبوع باباه بردو  كلم خالي فضل يقوله هي عاوزاه ولا لا ده بيقولو مش هتتجوز حد غيره وكدا قاله هو فين من اول الموضوع انت اللي بتتكلم ليه و قولتلك مليون مرة عاوز يحل خليه يحل ف خلاص كل شيء قسمه ونصيب و باباه قاله أنه زعل لما قاله كلام المرة اللي فاتت 
ف خالي اتضايق و قاله يعني انا بقولها بيني وبينك على أساس تصلح و بنبهك تروح تقولهاله انت كدا بتصلخ لا انتو مش عاوزين صلح المهم شدو مع بعض لقيت باباه بيكلمني وخالي قالي مترديش لو حد منهم كلمك ف مردتش راح كلم والدي اللي اتصرف كأنه ميعرفش حاجة ومعرفش السبب بس قولتلكم أن بينهم مشاكل هو ووالدتي
المهم قاله اني مش برد قاله علشان انا برا البيت جايز مش سامعه أو حاجة قاله طيب اسألها هي هتقدر تكمل معاه ولا لا قاله طيب بس يتغير قاله انا مش هدوس على زرار  اغيره دي حاجة بينهم وبين بعض بقا ف والدي قاله طيب وليه انت اللي بتتكلم من الاول خلي صاحب الشأن يكلمني او ييجي يقعد معايا ف مكان شغلي بردو قاله أسألها 
ووالدي فضل يقولي معلش اديله فرصة وكدا ولو جه واتكلم معايا نديله فرصة أخيرة والكلام ده 
عدي يومين متكلمش و لقيت بردو باباه اللي بيكلمني و بيسألتي باباكي فين قولت مش موجود قالي أنه حاول يكلمك مش عارف يوصل ليه 
قالي هو بلغك اني كلمته  قولتله أيوة واللي اعرفه مستني صاحب الشأن يتكلم قالي اه بس هو بيقولي يتغير و مش يتغير ودي حاجة مش بإيدي قولتله طيب اعمل ايه تاني انا عملت كل الي اقدر عليه قالي يعني هتقدري تكملي معاه ولا لا قولتله مبقتش مرتاحة ف حتى لو عطيته فرصة تانية مش هقدر اتعامل معاه زي الاول ف ربنا يوفقه قالي تمام هنعملك اللي عاوزه قولي لبابا يكلمني نشوف هنخلص الموضوع ازاي و ف نفس الوقت كان كلم خالي قبل لما ارد بس خالي مسمعش المكالمة ف لما كلمه قاله انا كلمتها و هي قالتلي مش هتكمل ف شوف مع باباها هناخد حاجتنا ازاي وكدا وحددله كذا وكذا وكذا منها حاجة كانت هدية المفروض بس كدا كدا كنت هديهاله بس مكنتش متوقعة يطلبها 
ف لما عملوا كدا نزلت بوست اني سنجل بعدها لقيته بعتلي ماسدج الوداع وفيها يمكن القدر يخلينا  نتقابل تاني ف حسيت إن دي كانت رغبته مقالش حتى أنه سيحاول تاني علشاني 
بعدها تاني يوم لما اخدوا الحاجة نزلت ستوري أن الشخص اللي كنت بحكيله عن هزايمي بقا من ضمنها رد عليها وقالي انا مش مستوعب احنا فين و انت معلمتنيش أكمل من غيرك ازاي 
فضلت افكر ارد ولا لا لغاية لما رديت بعد كام ساعة بكلام كتير أنه يعني عملت كل حاجة ووقفت جنبك ووو وانت مش مظلوم لان السبب ف اللي وصلناله و عملت بلوك 
ف رد عليا من الرقم التاني أنه مستنغناش و لا استبدلني بس فكر لو بعدنا هنرتاح بردو مقدرش يرتاح و أنه لما شاف الحاجة مبقاش مستوعب 
وان يارب القدر يرجعني ليه و يارب يشوفني مبسوطة حتى لو مع حد تاني 
رديت عليه أنه معملش حاجة وكدا و بكلام كتير بردو ف رد أنه لما وصله اني بقول مشوعاوزاه اتصدم و حس اني خلاص بايعاه تماما وأنه مقالش ليهم حاجة ولا أن الموضوع علشان الشقة ولا اتكلم أصلا 
وان اللي اتقاله أن خالي ف اول مكالمة قال اني مش عاوزاه و كل شئ قسمة ونصيب المهم سألته كام سؤال  وليه لما طلبوا يشوفوك مجتش قال كنت عاوزك انت وانتي مردتيش على اخر ماسدج بيننا 
مش فاهمة هو ازاي فاكر أنه كدا حاول 
وأنه مكنش فاهم اني بقوله كدا مش بعنيها وأنه مقالش ليهم أنه مش هيتغير 
بس المشكلة أن انا تعبانة جدًا قلبي مش قادرة يستوعب مش قادرة انسا ولا اتخطى كل مكان لينا فيه ذكرى و كل مكان بشوفه فيه حياتي واقفة بقالي حوالي 3 ايام مش باكل لدرجة حاسة اني مش قادرة اتحرك بعيط بس مش عاوزة أبين لحد علشان أي حد هيقولك انتي اللي عاوزة .انا مكنتش نيتي بس هو اللي وصلني لكدا انا حتى بعد لما مشي اول مرة كنت فاكرة أنه هيصلح الموضوع و كنت هنزل اجبله هدية عيد ميلاده مكنتش متخيله أنه هيعمل كدا 
مش عارفه اعمل ايه كل مكان كل حاجة بفتكره
انا طول عمري لوحدي رغم أن حواليا ناس بس بعمل كل حاجة لوحدي 
كنت ماصدقت ودايمًا ببصله وبقول ياه اخيرا مش هبقى لوحدي في حد هيكون معايا في كل مشاويري اخيرًا 
مش قادرة حاسة اني بموت و قلبي مفطور و هموت من القهر

بعتذر عن الإطالة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_69403 🇪🇬

بدور على ناس مثقفة تفيكري أتكلم معاها

زهقانه عادي مفيش حاليا في حياتي اي احدث الحمدلله بس انا حاليا بميل جداااا للناس المثقفه وخصوصاً البنات المثقفين اللي المتحدثين معتش بطيق اتفرج ع اي فيد ل اي رجل بجد حتي معتش موجود اوبشن اني اديهم فرصه واسمعهم بقلب ع طول المهم اني بجد محتاجه ناس في حياتي من اللي بتحب تتفرج ع أفلام وثائقية وافلم فيه أفكار وكدا و تنتقدو وتتناقش فيه و دا لي عامل كدا ودا لي عامل كدا أو نبعت لبعض فيد لشخصيه ما بتتكلم بكلام حلو او تنتاقش قد اي الحاجه دي بتأثر ع اللاوعي وبجد أنا بقيت فيمنست مؤخرا وبجد مفتخره جدااا اني بقيت كدا والله لان أنا من فتره كنت بقول أنا مش فيمنست وبتع وازعق جامد كأنها شتمه بس لا الست ل الست بجد و بحب اي حاجه قديمه بموت في أي حاجه قديمه بجدددد بحس اني بحب العجويز جداا وبحب صمتهم وأنهم عاشوا كتير وان هما خلاص عملوا كل حاجه بجد بروح اتلزق فيهم اين كان عوزه حد شبه تفيكري اتكلم معه شويه ...عرض المزيد

1 الدعم

17 نصيحة

Avocado_63863 🇪🇬

ازاي أبدأ صفحة جديدة مع نفسي وأطور من ذاتي؟

ازاي إبداء من الاول وجديد وابداء صفحه جديده مع نفسي طيب ازاي أطور من نفسي في كل حاجه في عقلي في نفسي في اني ابقا محاسبه قانونيه لنفسي انسانه هتبداء من اول وجديد ومش هتشوف غير نفسها قبل اي حاجه ...عرض المزيد

2 الدعم

16 نصيحة

Nutella_67912 🇪🇬

عندي maladaptive daydreaming ودماغي مش بتيجي

عندي حاجه اسمها maladaptive daydreaming أن انا طول الوقت فيه سيناريوهات و حاجات خياليه انا بفكر فيها يعني مثلا انا في روايه و انا البطله و انا في مسلسل و ليا دور كدا يعني و بقالي ٥ سنين على نفس الحاله دماغي مش بتفضى انا ممكن اقعد بال٨ أو ٩ ساعات بفكر بس في السيناريوهات و انا بعمل حاجاتي يعني مثلا حد اداني مياه أتخيل أن حد تاني بيدهالي و انا بشرب مشروب تاني و الموضوع بيزيد لما بسمع أو اتفرج على فيلم او اسمع اغنيه انا بحبها و الموضوع وصل لمامتي و قالت هوديكي ثيرابيست في نص السنه و انا مش عايزه الموضوع يوصل لثيرابيست ( لما ابطل تفكير في السيناريوهات بحس مخنقه و ستريس رهيب ) ...عرض المزيد

4 الدعم

12 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع