مش عارفه أطلع بطبيعتي قدام حد ولا عندي ثقة في نفسي

Question

انا معنديش ثقة في نفسي ابدا و بجلد ذاتي على اي حاجه اي تصرف بعمله او كلمه بقولها لازم افكر قبلها و بعدها كتير هل اللي انا عملته ده صح ولا لا؟..طيب دايقت حد؟..حتى الهزار صحابي اللي انا معاهم بقالي اكتر من ١٠ سنين مش عارفه اتصرف بطبيعتي قدامهم بخاف اهزر يشوفوني هبلة أو اتكلم اقول حاجه غلط فا في الاخر بسكت و اقعد اسمعهم وبس حتى هم بيقولولي انتي ليه لما بتكوني مدايقه أو زعلانه مش بتشاركينا طيب ليه مش بتهزري معانا...هم بيحبوني وانا بحبهم أوي بس انا مش عارفه اكون بطبيعتي قدامهم أو قدام اي حد تاني..حتى هم نفسهم ساعات بيعملوا  و يقولوا حاجات هبلة و نضحك كلنا عادي لكن انا مقدرش اعمل أو اقول حاجه و حد يضحك عليا ممكن اعيط حتى لو هزار انا الحمدلله شخصيتي كويسة و طيبة و عندي ناس كتير بيحبوني بس انا حساسه و ممكن كلمه تبقى عاديه لحد تاني بالنسبة ليا تزعلني و تقلب يومي فا بختار دائما اكون بعيده و منعزله...انا عندي١٨ سنة يعني بدأت اكبر و اعرف ناس اكتر انا مش مش مرتاحة وانا عايشة كده الموضوع ضاغطني جدا جدا

Strawberry_39895 🇪🇬 · Answer

عيشي ع طبيعتك احسن ومتفكريش كتير وسبيها علي الله

Ice Cream_31046 🇪🇬 · Answer

وليه معندكيش ثقه في نفسك ايه اللي حصل عشان تحسي الاحساس ده

Apple_13812 🇪🇬 · Answer

ان انا ديما أفكاري عن نفسي سلبية طول الوقت حاسة أن انا مش حلوه و في دراستي مهما عملت بحس أنه مش كفاية(لأن اخويا اشطر مني و بتقارن بيه)،لو في مثلا تجمع عائلي مبحبش اروح بحس أنه ملوش لازمه اروح محدش مهتم اصلا ولا حد بيحبني لأن انا مش اجتماعيه و مبعرفش اتكلم، بحب الهزار و مش واخده الحياة جد اوي و اهلي ديما بينتقدوا فيا الحته دي، فا انا بقيت في أي مكان انا عارفه أن انا في كل حاجه أقل من كل اللي حواليا

Apple_13812 🇪🇬 · Answer

بإختصار انا انسانه عادية معنديش حاجه مميزة  بتلقى مدح عليها زي اخويا الشاطر العاقل او صحابي الحلوين الاجتماعيين فا انا قضيت حياتي بحاول ادور على حاجه اتميز بيها و حاسة أن في حاجه ناقصه أو انا فيا حاجه غلط بس مش عارفه هي ايه و مش عارفه اقبلني و احبني زي ما انا و طول الوقت يتصنع شخصية مش شخصيتي على أمل أن حد يمدحني انا كمان لحد ما بقيت واحده معرفهاش