مخنوقة وحاسة بالخوف بعد وفاة أبويا وأمي

Question

انا طول الوقت مخنوقة وحاسا بخوف بسبب ان ابويا وامي اتوفو واخواتي اغلب الوقت برا وانا قاعدة لوحدي كنت اعرف حد وكان سبب كبير ف اني اتخطي حاجات شبه دي واتخطي الخوف دا حصل مشكلة ومبقناش بنتكلم وبقيت طول الوقت مخنوقة وحاسا اني قربت اتجن ومش لقيا حل

Mango_65758 🇪🇬 · Answer

مساء الخير

Chocolate_58313 🇪🇬 · Answer

متفهمك وده طبيعي 
انتي محتاجه تكوني شبكه داعمه
لو اعرف انتي من اي محافظه ممكن اقترح اماكن ممكن يكون فيها community كويس

Apple_65308 🇪🇬 · Answer

انزلي تشتغلي اي حاجه او روح جيم انتي عندك فراغ محتاجه تستغليه

Mango_63110 🇪🇬 · Answer

انتي كم سنة

Coffee_62965 🇪🇬 · Answer

الاعتماد علي نفس واستقلال المشاعر هي إلي تعدي بيكي مشكلتك

Chilli_65440 🇪🇬 · Answer

متيأسيش شوفي شخص غيرو وخلي عندك امل في بكره هيبقا احلي المهم انك متياسيش وتخطي الخوف اللي جواكي

Hazelnut_65123 🇪🇬 · Answer

الوحده . للأسف قاتله بس تقدري تقتليها بحاجات كتير . المشكله الأكبر في فقدانك لأغلي ناس في حياتك وده ايللي عمل عندك خوف

Croissant_58138 🇬🇧 · Answer

ان شاء الله تكوني احسن من الاول بس قولي يا رب وان شاء الله كل حاجه تتحل ولو عايزه تحكي لي اي حاجه هتلاقيني جدا لان انا نفس الحاله بتاعتك بس ان شاء الله كل حاجه تكون احسن وانا عندي خطط كده بعملها بكون احسن فيها نفسيا وبعرف اعمل حاجات كثيره من غير ما القى لاي حد

Chilli_48447 🇪🇬 · Answer

السبب الرئيسى فى كل ده انك محتاجه للى يكون جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى شغله دماغك ومخلياكى تايهه ومش عارفه تخدى خطوه او قرار فى اى حاجه

Banana_62494 🇪🇬 · Answer

انتي محتاجه حد في حياتك يعوضك عن كل الاشخاص اللي حوليكي

Potato_35848 🇪🇬 · Answer

لي يتخافي؟ بتخافي من البيت ولا بتخافي انك لوحدك ؟

Coffee_46682 🇪🇬 · Answer

اشغلي نفسك ب ناس ومجتمع و دخلي ناس حياتك حتي لو صداقه بس

Mango_57877 🇪🇬 · Answer

شوفي حياتك واشتغلى وكوني نفسك بنفسك بس حافظي على نفسك عشان اهلك اللى اتوفوا واوعي حد يضحك عليكي في اي مكان وهتلاقي مع الوقت شريك حياتك اللى يحافظ عليكي ويكون ونس ليكي

Potato_61317 🇪🇬 · Answer

حاولي تشغلي وقتك ب اي حاجه زي ما فيه ناس قالت جيم او قراؤه او غيره وممكن تخلي ورد ليكي دايم يحفظك وانتي لوحدك ويشيل خوفك بس لازم تكوني مقتنعه بانك محتاجه تقدمي لنفسك ده تغيير او ممكن يكون ده في شخصيتك اصلا ومش ناقصك حاجه غير انك يكون ليكي شريك حياه الجواز وانتي بين اربع حيطان مين هيشوفك او هيعرفك علشان تتجوزي لازم تتحركي او كده معرفش بتتعمل ازاي بس ربنا يوفقك ويوفقنا اينا واياكم جميعا يارب

Potato_35848 🇪🇬 · Answer

حاولي شوفي اي شغله تسويها تحبيها واشغلي نفسك بيها  كتاب/ طبخه/ فيلم / رسمه/ اي شي مسلي على تليفون .

Guava_65081 🇪🇬 · Answer

هو وضع صعب و محدش هينكر ده.. لكن حاولي تحددي لنفسك اهداف و حياة انتي تعيشيها.. جربي انك ترسمي حياة ليكي.. من غير خوف و لا قلق.. تكيفي.. جربي تشتغلي و كوني صداقات.. هتلاقي بدأتي تملي الفراغ اللي حاسه بيه.. 🩵🩶

Banana_65371 🇪🇬 · Answer

عارفة مشكلة الانسان الأزلية انه مبيكونش فاهم نفسه و عاوز حلول سريعة لكل مشاكله ف الحياة! طب ما الاول اعرف انت مين و بتعمل ايه ف الدنيا و هل انت قريب من اللي المفروض تعمله ولا لا و بعد كدة دور ع حلول تناسب شخصك...

Carrot_61991 🇪🇬 · Answer

انزلي اخرجي لوحدك

Pineapple_65770 🇪🇬 · Answer

اخرجي و غيري جو اشغلي نفسك باي حاجه موهبه عباده اوي اي حاجه حابه تتعلمها اعملي حاجه جديده

Orange_65766 🇪🇬 · Answer

انا ممكن اتكلم معاكى

Chilli_65440 🇪🇬 · Answer

حولي تحبي نفسك ساعتها هتعرفي اي اللي انتي عاوزه وتعرفي تعملي علشان تفرحي

Banana_65580 🇪🇬 · Answer

انا نفسك بالضبط دائما لوحدى والموضوع ده مسببلي مشكلة نفسى الاقي حد كده يخرجني من الجو ده

Grape_64843 🇪🇬 · Answer

طيب أولا اوعي تدخلي سكة الحرام بتاع بكلم واحد وهو زي اخويا وساعدني اخرج من ازمتي
علشان ده حرام وخيانة لله
ومفيش حاجة في ديننا اسمها صداقة بين ولد وبنت ولا حب خارج إطار الزواج الشرعي

علشان كده لازم تلاقي صحبة بنات صالحة احفظوا مع بعض قرآن تصوموا تتعزموا عند بعض بنات مالهمش في الشمال 
محدش ضاحك على واحدة فيهم باسم الحب

صحبة الصالحين ستنفعك
غير كده هتفضلي في نفس الدوامة 
ومن شاب لشاب وهتبقي متدمرة