ليه الأهالي معزورين لو دمروا ولادهم؟

Question

ليه ديما الاهالي معزوره لو دمرو ولادهم لو نرجسين لو مرضي نفسين لو معقدين لو انانيه لو شداد لدرجه القسوه لو.. لو... ديما بيلاقولهم مبرر عشان نطيعهم بيه عشان منخرجش عن طوعهم عشان حرام عشان لو ماتو وهما غضابنين عشان كبرو عشان خلاص العمر مفهوش عشان تغيريهم عشان الرحمه عشان دينك عشان ربوكي عشان اللي مالوش خير في اهله عشان انتي مش فاهمه لما تكبري وتبقي ام هتفهمي عشان اي حاجه في الكون غير انهم يقولولك انك علي حق انك جم عليكي انك حقك علينا انك اتقصر معاك انك بنتنا انك بني ادم ليها برضو"" "" بر""" زيهم بظبط بل هما راعيه.... بجد الواحد خايف يتجوز يطلع مريض ويطلع مرضه علي عياله هو كمان وميبقاش عارف عياله شايلين جواهم لي ايه زي منا شايل دلوقتي!

Chilli_57109 🇪🇬 · Accepted Answer

وبالنسبة لتكوين العيلة 
ف دي حاجة بالنسبالي مرعبة من اني اعمل حاجة غلط 
ف الحل هنا انك اولا تتعافي من المشاكلل 
ثانيا تتعلم عن التربية وازاي متتصرفش شبه اهلك 
ثالثا تثق ف ربنا انه هيعوضك وانك لما تسعي ف انك تحمي نفسك وتحمي اسرتك فيجازيك خير ويوفقد للهدف 
ود عماد ليه جملة بيقولها دايما وهي ان احنا مسؤلين عن تعافينا حتي لو احنا ملناش اي ايد ف الاذي اللي حصل ودي حقيقة حزينة جدا بجد بس هو دة الواقع

Chilli_57109 🇪🇬 · Answer

مبدأيا كدة في حاجة اسمها بر الابناء والاهالي هيتحاسبو عليه 
ف حقنا من ناحيتهم سواء قصرو او عاملونا وحش او مكنوش اد المسؤلية هيتحاسبو عليه عشان دة واجب عليهم

Chilli_57109 🇪🇬 · Answer

ثانيا البر مش اننا نهين نفسنا ف التعامل معاهم ةخلاص لا 
عادي نبقي مستقلين نفسيا وماديا وبعيد عنهم بس ق نفس الوقت نراعيهم ونسال عليهم عشان ثوابنا عند ربنا هيكون عظيم 
ومحدش بيختار اهله للاسف 
ف هم بيكونو ابتلاء او نعمة
وف حالة انهم ابتلاء ف ربنا بيدي اصعب المعارك لاقوي جنوده واحنا لما نستحملهم ونيجي علي نفسنا مش بيكون ضعف مننا بس بيكون التعامل الصح مع الابتلاء عشان ندخل الجنة

Chilli_57109 🇪🇬 · Answer

اسمع بودكاست ل د عماد رشاد عثمان بيتكلم فيه عن التعامل مع المشاكل النفسية اللي اتسببت بسبب الاهل 
وليه كتاب اسمه ابي الذي اكره 
بجد بجد بجد فرقو معايا جدا الحمد لله وفتحو دماغي ف حاجات كتير

Watermelon_59125 🇪🇬 · Answer

دا هنا بقي الكلام دا نبقي نقوله لبعض دول عشان بيأكلونا ومقعدنا في بيوتهم شايفين انهم عاملين فوق الصح والواجب فين الكلام دا ع ارض الواقع حضرتك!!

Hazelnut_52786 🇪🇬 · Answer

حول الماضي يوجعو . الي هدف واعمل الأحسن لولادك وحن عليهم

Chilli_57109 🇪🇬 · Answer

ولازم نتعامل مع الواقع دة باحسن شكل ممكن عشان نطلع جيل احسن مننا وعنده وعي بنفسه و بمشاعره بدل العك والقرف اللي احنا فيه

Watermelon_59125 🇪🇬 · Answer

واقسم بالله شرياه وحطاه في الدولاب بس ايه الفايده الصبر والطاقه مع الحياه بتاعتنا تجبهم منين لنفسك اصلا مش ل اهلك

Chilli_57109 🇪🇬 · Answer

م هو مش موجود علي ارض الواقع بس احنا مينفعش نبقي زيهم !!

Chilli_57109 🇪🇬 · Answer

ولو المشاكل دي متحلتش هتكررها مع اسرتك من غير م تقصد عشان دي افكار اتزرعت فيك حتي لو انت رافضهل

Mango_56244 🇪🇬 · Answer

الاب ممكن يقسو على اولاده لانه شاف تجارب كتير و شاف وعرف الوحش اللى فى الدنيا و الناس و الكذب و الرياء و الخيانه و الحقد و التنافس كل الصفات الزحشه عشان كده هو بيخاف على اولاده و عايز يفهمهم بس باى وسيله منها القسوه و المفروض اصلا نطيع الوالدين فى كل شي لانهم مفيش حد بحبكم او بيخاف عليكم او عيزينكم احسن منهم الا الوالدين

Watermelon_59125 🇪🇬 · Answer

كلام فاضي مش حقيقي بؤقين حافظينهم مفيش حاجة مع احترامي ليك او ليكي اسمها الاب عشان شاف وشاف... دا مش مبرر وهو عموما مشكلتي مع الام مش الاب ولكن الاهمال مشترك وعدم التعبير عن الحب والحنان والابوه يكفي يخليني اكرهم اصلا مش تقولي محدش هيحبكو قدهم الكلام ببلاش