تربية

Guava_49832 🇪🇬

منذ 16 ساعة

شعور متعب

عبّر عن شعورك بشكل مجهول

من فترة كنت نزلت بوست بسبب ان امى ضربت اخويا الصغير عشان قال لفظ مش كويس 
ضرب بايد مقشة كسرتها عليه غير الكلام اللى كانت بتقوله ليييه اللى ميطلعش من ام اصلاا
وقتها كنت اتكلمت مع امى كلااام كتيير مضمونه ان الضرب نش هيجيب نتيجة وانه لازم يفهم غلطه لانه لو بطل يتكلم كدة فى البيت هيقول برا ..ولو الدافع بتاعه دلوقتى الخوف هيكبر ومش هيخاف وهتبكل تقدر حتى تتفاهم معاه ،اخر حاجه قالتها  المهم مسمعش اللفظ دة فى بيتى واخرجى روحى اوضتك معدش هتكلم وسكت انا مش فى ايدى حاجه 
 مع العلم ان اخويا دة عنده ١١ سنة وهو بيشتغل فى الاجازة 
النهاردة بقا اخويا الوسطانى راح المكان اللى بيشتغل فيه واتكلم مع حد من اللى بيشتغلوا وساله عليه وقاله انه بيقول كلمة مش كويسة 
اخوياا اخد الكلام كله ورماه عند امى وشيطها على اخويا الصغير تانى 
رجع من الدرس نزلت عليه ضرب تااانى بالخرطوم وكلااام اتمنى انه فى يوم ينساااه ومحدش قاادر يحوشه منها
دخلت اكلمها ...قولتلها المرة اللى فااتت انتى بلسانك قولتى المهم ميقولش الكلام دة فى البيت واهو حصل ،قولتلك انه المفروض يفهم مش يخاف وطنشتى جاية تضربيه لييه دلوقتى 
قالتلى مفيش منه الكلام دة انا ابنى ميشتمش ومش هتكلم معاكي وروحى اوضتك 
دمى محروق وقلبى واجعنى كل ما تعطل معاها بتنزل فيهم ضرب عملت عداوة بين الاخين وكل واحد فيهم بيدور على غلطة للتانى ومقتنعة انهم هينسوا ويصفوا لبعض 
شايفة انهاا لماا تخوفهم وتزرع جواهم الرعب دلوقتى لما يكبروا هيخافوا يغلطوا ووالله ما بقى يفرق معاهم حتى الضرب 
مفيش كلام ناافع واسلوبها صعب والبيت كل يوم والتانى حريقة 
لو نسوا ضربها ودة مش هيحصل عمرهم ما هينسوا كلامها ،كلامها يقهر وبيكسر ليييييه ،لو نص مجهودها فى الزعيق والضرب دة اخدته انعا تفهمهم والله ما هيبقى احسن منهم 
هتستسهل على قفاهم وتطلعهم مرضى خلفت لييه 
انا يأست من نفسى ومبقتش فاهماها وبحمد ربنا انى فاهمة وقادرة اتجاوز افعالها حتى لو مش بنسى 
الولدين دول هيعاملوا ولادهم ازااى بعد كدة ..هتخليهم نسخة منها والله جيل مدمر لييه كدة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_69067 🇪🇬

منذ يوم واحد

شعور ضاق ذرعًا

عبّر عن شعورك بشكل مجهول

حد عنده فكرة أيه مبرر بعض الناس للكذب؟؟
انا حد تطفولتى إمتدت معايا للعشرينات والسبب انى كنت بشوف الدنيا من خلال بابا وماما كانو بيخافو عليا جدا..  أفكاري متلوثتش فااا كنت حد بيصدق كل الناس وإنه محدش مضطر يكذب الدنيا حلوة ي جماعة .. لكن مع بداية إختلاطى الحقيقي مع عالم الكبار ودا كان من خلال الكلية.. ف الأول كنت مش فاهمة الدنيا اوى ولكن مع الوقت بدأت أكتشف إن معظم الناس واخدين الكذب إسلوب حياة، هنا بدأت أفكاري تتعارك مع بعض وبقيت بتعامل بحذر مع الناس ، بس برضو مكنتش بستوعب فكرة  إن الإنسان المخادع او الكذاب عايش وسطنا عادى وعنده أهل وأصحاب كنت بحس إن النوعية دى شكلهم وحش وأشرار وعايشين في مكان مهجور بعيد عن الناس،لكن الى كان بيحصل العكس دول بيكونوا أكتر ناس وشها برئ و بيكونوا مندمجين مع المجتمع جدا ويمكن كمان يدعوا إنعم ع قدر من الثقافة والتدين، فبالنوعية دى بتعرف تتفنن في الخداع والكدب يقدر يقنعك بأكتر قصة مش منطقية إنها تحصل ولكن هو بيكون مصدق نفسه ، لكن الحقيقة إن الناس دى أكتر ناس ضعيفة ومهزوزة وفاضيين من جواهم فبيعوضوا دا بالكذب وإدعاء امور مش حقيقية، من بابا أنا لا أكذب ولكنى أتجمل،  بسبب كل دا وتفاصيل كتير تفكيري نضح بالصدمات بشكل غير صحى ومفزع كأن حد ضربنى ع دماغى، الأهالى بتهتم تعلم ولادها الخير والأخلاق الحميدة والجانب الكويس في الحياة بشكل عام  ولكن لازم في التربية يكون فيه قدر  من التعريف بالشر من باب العلم بالشئ وازاى الطفل يتعامل مع شرور البشر بشكل عام والكدب بشكل خاص من غير م هو يتضرر، لأن عدم معرفتى خلتنى أتخبط لفترة طويلة كنت بشك في اى كلام يتقالى بس مع الوقت بقا عندى شئ من التوزان لكن للأسف الصدمات دى نالت من جزء من قلبي وبوظته لسه قادرة أصدق ان فيه خير وناس كويسة بس مش زى الأول ومشكلتى الأكبر إن الناس دى مش معظمة قدر ربنا في قلوبهم ينطبق عليه الاية الكريمة "يستخفون من الناس ولا يستخفون من الله وهو معهم إذ يبيتون ما لا يرضى من القول"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_52811 🇪🇬

منذ يومين

شعور غاضب

كنت منزل مشكله هنا ليا من شويه وبقول فيها ازيكم الواحد محرج وهو بيتكلم ف موضوع زي كدا بس الي مهون الدنيا ان محدش عارف حد انا انسان اتعرض للاباحيه ف عمر صغير جدا كنت تقريبا 7 سنين وماكنتش اتمني دا ابدا كان نفسي اعيش طفولتي بكل برائه لاكن محصلش انا مش عارف انا المذنب ولا انا الضحيه بس انا بجد الانسان

Coffee_74800 🇪🇬

منذ يومين

شعور مرتبك

سلام عليكم انا كنت نزلت قبل كده اني مش حبة التدريس بالرغم اني في كلية تربية وسألتكم اعمل ايه واغلبكم قلولي اخد كورسات برمجة او IT فأنا كنت عايزة اعرف الكورسات بتاعت ال ICDI ولا التحول الرقمي ولا البرمجة هي اللي هتساعدني اكون IT في شركة او تقدر تقبلني برمجة والفرق بين كل حاجة ولو هيبقي صعب تفهموني بس

Mango_67819 🇪🇬

منذ 3 أيام

شعور مكسور القلب

عبّر عن شعورك بشكل مجهول

عندي قصه حابب اخد رايكم فيها 🤷‍♂️
انا شاب في ٢٧ سنه من عمري 
من ساعت ما فهمت الدنيا وانا يكرهه حجتين في حياتي 
ابويا 
والظلم
بكره ابويا لانه للاسف مش اب ولا ينفع يتوصف عليه الكلمه 
ظالمني ديما يخرب حياتي وبحمد ربنا ني بقالي اكتر من ١٨ سنه معرفش عنه حاجه ولا عايز اعرف حتي 
بس هو يعرف عني كل حاجه معاده سني ودرستي دول فقط اللي أراهن اي حد في الكون علي اللي هو عايزه لو عرف عندي كام سنه وخلصت دراسه اي 
المشكله مش في كل ده المشكله ان روح الانتقام عندي من ناحيته متتوصفش عارف ان غلط وحرام ولا تقل لهم قفا 
بس محدش دخل حياتي عشان يعرف بسبب الراجل ده انا حياتي مدمره ازاي 
جالي كل امراض الدنيا فعلا بسببه عملت اكتر من عمليه بسببه 
وفي الاخر مكنتش متوقع أن في آب يعمل عمل لابنه بالفشل والمرض 
عايز اسال سؤال وبالله عليكم تجاوبه بمنتهي الصراحه 
طالما مش قد التربيه السليمه والصالحه ليه بتخلفه ؟
ليه تزرعه عداوه وكره وحقد فينا من نحيتكم ؟
والكلام ده لكل اب وام لاه من رحم ربه 
انتو المفروض تبقو قدوه لينا ليه بتخلونا ديما في حرب وعداوه من نحيتكم ليه ديما بتخلونا نكرهكم ونتمنلكم الموت  
بعد كل الكلام ده وكل الوجع جالي مرض في الدم بسببه برده وبسبب كل اللي بيعمله معايا لحد دلوقتي حتي وانا بعيد عنه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_72174 🇪🇬

منذ 3 أيام

شعور مستنزف

انا في بيت متكون من اخت وام واب واخويا طول عمره في غربه من صغري بعيد عني يعني يعتبر بيت بنات بس لأن كل تعاملاتي مع امي وبنات عمي لأنهم اكتر في عيلتي واختي ، بقيت بنبهر بأي راجل يكلمني في الحقيقه واعشق ادق التفاصيل لدرجة الصوت ، اقسم بالله بقا في حاجه في دماغي لدرجة بدخل اسرش في جوجل علي moaning لرجا

Blueberry_66175 🇪🇬

منذ 6 أيام

شعور لا مبالٍ

لسه شايفه بوست أن لو البني ادم ده حاله امنيه واحده يختار أهله و أن تجمعه صوره سعيده مع أهله و تحتيه بوست واحد بيعاني من أهله و مريض بسببهم... ف ديما بشوف أن الأهل ممكن يكون سبب كافي في تدمير حياتك أو تعمير حياتك ع حسب الأهل نفسهم و طريقه التربيه ، الأهل عامل أساسي لكل حاجه و ازاي هيخرجكك للعالم البر

Lemon_75239 🇪🇬

منذ 6 أيام

شعور منزعج

ازيكم يا شباب اتمنى تكونوا بخير في بس مشكلتين من مشاكلي في ناس كتير بيتعاملوا معاهم بسهولة بس بالنسبالي معرفش ليهم حل واحدة منهم هيا العصبية المفرطة اللى اتسببلي بيها والدي اللى دايما كان عصبي عليا وانا صغير وأنا كبير لحد دلوقتي بقا عندي ٢١ سنة بس ربنا يديله الصحة مبقاش يضربني زي الأول بس لا يزال ا

Apple_4481 🇪🇬

منذ 6 أيام

شعور متعب

السلام عليكم عايزا حد يفيدني ازاي اطور من نفسي بعد التخرج وازاي اشيل مسؤلية واساعد معاهم في مصاريف البيت خصوصا اني البنت الكبيرة ازاي اتعايش واتقبل غياب بابا عننا اغلب الوقت بسبب شغله واكون حد يسد ف ضهره وعايزا أأمن له شغل قريب مننا عشان تعبنا من غيابه ازاي اكون راجل البيت وهو مش موجود واحافظ على

Peanut_75067 🇪🇬

منذ 6 أيام

شعور متعب

أنا شاب أعاني من صعوبات اجتماعية بدأت من طفولتي. نشأت في بيئة ما كانت داعمة لثقتي بنفسي، بل العكس أحيانًا، كانت أمي تقلل مني وتستخف بأخطائي أو تحطمني بكلماتها. مع الوقت هذا زرع داخلي شعور بالنقص والخوف من التفاعل مع الناس. كبرت وأنا أشعر أنني أدافع عن نفسي بشكل مبالغ فيه، وأرد بطريقة دفاعية أو عصبية

عبّر عن شعورك بشكل مجهول

أنا شاب أعاني من صعوبات اجتماعية بدأت من طفولتي.
نشأت في بيئة ما كانت داعمة لثقتي بنفسي، بل العكس أحيانًا، كانت أمي تقلل مني وتستخف بأخطائي أو تحطمني بكلماتها. مع الوقت هذا زرع داخلي شعور بالنقص والخوف من التفاعل مع الناس. كبرت وأنا أشعر أنني أدافع عن نفسي بشكل مبالغ فيه، وأرد بطريقة دفاعية أو عصبية حتى مع أقرب الناس لي، مثل جدتي التي كانت تزعجني بطريقة بسيطة لكن ردي كان يخرج بشكل غير متوازن.

هذا انعكس على حياتي الاجتماعية كلها: ما كان عندي أصدقاء مقربين، وصرت أشعر أن شخصيتي متجمّدة أو غير طبيعية لما أتعامل مع الآخرين. كنت دائمًا ألاحظ أن ردودي ما تكون طبيعية: أحيانًا أكون متوتر، أحيانًا أضحك في مواقف ما تستحق الضحك، وأحيانًا أصمت وأفقد تعبيرات وجهي.

قبل فترة بدأت رحلة لإصلاح نفسي. قرأت، تعلمت، وحاولت أطور لغة جسدي، نبرة صوتي، وطريقتي في الكلام. حتى أني طبقت بعض هذه الأشياء في مواقف حقيقية. وفعلاً، في البداية لاحظت تحسّن، وبدأت أشعر أني قادر أظهر بثقة أكثر. لكن المشكلة أن هذا التقدم ما كان ثابت. مع الضغط أو مع مرور الوقت أرجع لشخصيتي القديمة. كأن كل شيء بنيته ينهار بسهولة.

حاولت كمان أعالج مشكلة عدم وجود أصدقاء. قررت أروح للعمل وأتعامل مع الناس بشكل أوسع. لكن للأسف، لقيت نفسي أكرر أخطائي القديمة أتصرف من خلال “الإطار القديم” لشخصيتي، وهذا خلاني ما أقدر أكون صداقات حقيقية. لا انكر أنني حاليا لدي مقدره أفضل على اداره الحوارات أو وضع انطباع جيد لكن في مواقف معينة حتى أنطباعي مع الآخرين كان سيئ لماذا؟ لا اعلم. على سبيل المثال: في أول يوم عمل، كنت جيد جدًا مع الجميع تقريبًا، لكن مع شخص واحد ارتبكت وبدأت أجاوب بطريقة فيها نوع من المبالغة لأظهر أني فاهم، وهذا خلاني أظهر بشكل غريب جدًا وأضعف صورتي عنده. هذه المواقف الصغيرة تترك أثر نفسي كبير عليّ وتخليني أشعر بالخذلان من نفسي.

المشكلة الآن أني وصلت لمرحلة فقدان الأمل. دائما ما تمر على فترات العوده الى شخصيتي القديمة 
أشعر أنني فقدت كل ما بنيته في اطار تنميه ذاتي واحترامي لنفسي اللي تعبت عشان أبنيهم. وأشعر أنني ما عشت مرحلة المراهقة بشكل طبيعي، ما جربت المغامرات ولا الصداقات اللي تبني شخصية قوية. كأن حياتي الاجتماعية توقفت، وكل مرة أحاول أبدأ من جديد، أنتهي في نفس الدائرة.

أنا كتبت هنا لأني محتاج مساعدة حقيقية.
كيف أقدر أوقف دوامة الرجوع لشخصيتي القديمة؟

كيف أتعامل مع أثري النفسي من تربية مليئة بالتقليل والتحطيم؟

كيف أبني صداقات طبيعية وصحية من جديد؟

وهل في خطوات عملية أو تحديات أقدر أبدأ فيها حتى أستعيد نفسي وأعيش بشكل طبيعي من غير خوف وخجل؟
 وهل اقدر احافظ على تقدمي في بناء شخصيتي من غير أن أعود لشخصيتي فالماضي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_72568 🇰🇼

منذ أسبوع واحد

شعور مستنزف

ياجماعه انا عندي مشكله مأزماني بحس بتناقض عجيب بغيب ايام بصلي في المسجد جماعه وقراءه قرآن محافظ علي ورد واذكار وساعات قيام ليل ومره واحده كل ده يقع بسبب ذنب او غفله بس بيقع اوي خالص للصفر متأزم جدا وكل محس اني بقيت كويس وقربت من ربنا الدنيا بتبوظ اوي مني واحساس باليأس وكل مترتب دينك ودنياك ..كأ

Strawberry_75117 🇪🇬

منذ أسبوع واحد

شعور سعيد

موضوع:

قرارات من الأهل كانت سبب في تغير حياتك

اهلي انا مقتنع ان ليهم الحق في توجيهي عادي ادام مش بيخالف تشريع ربنا وده مش تحكم ده اسمه طاعة التحكم هو اني اخليك تعمل حاجة بهدف اني استهلك حد او اضره والاهل نظرتهم للحياة بتكون ابعد واعمق بكتير من نظرتنا كناشئين مفيش امر بيصدر من الاهل بيكون هدفه الاستهلاك او القسوة المطلقة دول ناس عاشوا الحاجة قب

Guava_49832 🇪🇬

منذ أسبوع واحد

شعور مرتبك

عبّر عن شعورك بشكل مجهول

هحكى من باب الفضفضة بس لو حد عنده راى ياريت يقوله 
اخويا عنده 11 سنة جه من عند جدو وشغل الكمبيوتر والنت وقعد يلعب ويشغل فيديوهات ،من باب الهزار والله اخدت الوصلة اللى بتوصل الكمبيوتر بالنت وخبيتها جرى ورايا شوية وبعدين دخل اوضته وحسيته هيعيط فروحت قعدت حنبه وقولتله هات حضن وهديهولك وحلفتله انى هديهوله 
فجاة لقيته زعق فيا قعد يقولى انتى انانية وبتاخدى كل حاجة ليكى ومحدش بيضربك ولا بيزعقلك هما بيزعقولنا وبيضربونا احنا بس «عليه وعلى اخويا الوسطانى»
الموضوع طلع ايه بقا  (انا ثانوية عامة فعشان المزاكرة امى قالتله انى هاخد الكمبيوتر اوضتى فنو فكر انى هاخد الكمبيوتر والتاب والتليفون ) وعيط جامد بشحتفة 
انا وصلت الكمبيوتر بالنت تانى وقعدت اتكلم معاه بالراحة للامانة مش عارفة كلامى دة صح ولا غلط 
اول حاجة وضحتله انى مش هاخد غير الكمبيوتر بس وهديهم التاب لان المنصات اللى بزاكر عليها مشتغلتش عليه فاضطريت اخد الكمبيوتر 
قولتله انى لما هكون مش بزاكر هخليه يقعد على الكمبيوتر يلعب شوية ومش هخلى تمى تمسح الافلام ولما نفضى هنقعد نتفرج سوا
تانى حاجة بدات اوضحله انى كنت بهزر معاه بس وهرجعله الوصلة تانى 
محبيتش اعدى حوار الضرب دة وقولتله انهم مش بيحبونى اكتر منهم ولا حاجة وانى وانا قده كنت بتضرب زيه واكتر بس كان صغير مش فاكر (محبتش يحس انهم بيفرقوا بينا او بيفضلونى عليه ،انا بتعامل عادى والله العظيم ووانا قده كنت بتضرب بردو لكن يمكن دلوقتى عشان انا البنت الكبيرة فى العيلة كلها ليا تعامل الابن الكبير دة فهو حاسس بفرق) 
وقولتله هو انا بخلى حد يضربك او يزعقلك ولا بدافع عنك؟، انا مكنش حد بيدافع عنى ،عشان اخر فترة كنت ديما بقف لامى وابى لو حد ضربه وبردو مش عارفة الجملة دى كانت صح ولا غلط 
حكالى بردو وهو بيعيط ان امى زعقتله عند جدو عشان طلبت منه طلب وهو مرضاش يعمله وتقريبا لما زعقتله على صوته عليها وان خالتو ساعتها زعقتله جامد وكانت هتضربه (اخر فترة خالتو بتزعقله كتير بسبب الموضوع دة بس اسلوبها صعب جداا
على طفل ومهما حاولت افهمها انه لو خايف دلوقتى بعدين محدش هيقدرله ولازم بالتفاهم تقولى لو محظش قدرله يطردوه من البيت ودة كان ردها فعلا )
المهم اتكلمت معاه شوية وحاولت افهمه ان امى مش بتكون عايزة تضربه بس غصب عنها وقعدت اقوله هى بتفضل تحاول توطى صوتها وبعدين صبرها بيقل وغصب عنها بتزعق فصبرها يقل اكتر وتضرب وانها مش بتحب حد قده عشانه الدلوع وكدة ،
هدى شوية وقعد يتاسفلى كتير وانه ميقصدش وانا نش انانية ووعدنى لو حد زعله بعد.كدة هيحكيلى ومش هيكتم ويعيط لوحده
مش عارفة اتعامل معاه ازااى للامانة وفى نفس الوقت خايفة عليه كتر الضغط خلاه عصبى جداا وعنيف وهو من غير حاجة كرامته فوق كل حاجة ومش بيستحمل طبعا كل دة غير اخويا  التانى دة حوار لوحده
الكلام مع اهلى فى الفاضى وانا مليش تصرف فى حاجة ولا بايدى حاجة اعملها 
اسفة انى طولت كل دة بجد 
بس لو حد وصل لهنا وعنده نصيحة ياريت يقولها وشكراا🤍🌿

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_74800 🇪🇬

منذ أسبوع واحد

شعور ضائع

سلام عليكم انا كنت عرضت مشكلتي هنا اني في كلية تربية اساسي علوم وهي مش عجباني وعايزة اخد كورسات عشان لما اخلص كلية اشتغل في حاجة احسن من التدريس عشان مش عايزة ادرس بس اكتشفت اني ممكن بعد مخلص كلية تربية ال٤سنين ققدر اكمل في كلية علوم يااما من تانية او من اولي مش متأكدة انا عرفة اني مش لازم اركز علي

Watermelon_14832 🇪🇬

منذ أسبوع واحد

شعور ضائع

انا لسه مخلصة السنادى كلية تربية عام قسم بيولوجي وبجد حاسه ان تايهه ومش عارفه اعمل ايه بعد التخرج عايزه اشتغل بس مش عارفه ابدا ازاى ولا اعمل ايه وكمان معنديش خبره والقاعده فى البيت تخنق بجد حد يفيدنى اعمل ايه والاقى نفسى ازاى 😢

Cherry_63854 🇪🇬

جوزى عاوز يشوفنى مع واحدة وانا مكسورة

انا اسفة فى موقف وحش اوى انا فيه ونفسى افهم بس أنا هو جوزى عادى يبقى حابب يشوفنى مع واحدة قدامة انا مخنوقة بجد ومش قادرة اتصرف ومكسورة جدا عارفة انة بيخونى بس كبرت دماغى لكن عاوز يدخلنى انا فى دوامتة وكتير بيقول كدا فى جد او هزار انا عاوز اشوفك مع واحدة والاغرب انى اتفاجأت وهو سكران بيقولى عاوز اشوفك مع صحابى ولما يفوق يقول كنت بهلوس عادى انا بجد مابقتش فاهمة حاجة ... ...عرض المزيد

3 الدعم

41 نصيحة

Kiwi_69907 🇪🇬

ليه خدعني وقلب خطيب على غيري وأنا استنيتوه؟

حبيت شخص فتره واتكلمنا وكان لطيف جدا معايا لحد من شهر قالى انه هيبعد وانه لسه مش مستعد وقدامه سنه عشان يقدر يخطب بس هفضل ف باله وقلتله انى هستناه وامبارح لقيته منزل بوست خطوبته على واحده تانيه مقدرتش استوعب الاول وكنت هاديه جدا ونمت وصحيت وروحت شوفت البوست تانى كانى كنت بحلم قبل ما انام ولقيته حقيقه اسأله كتير جت ف بالى ملقتش اي اجابه عليها حفظت كرامتى ومرضتش ابعت واسأله ليه بس حاسه قلبي مكسور اوى ومش قادره افوق من الصدمه ...عرض المزيد

1 الدعم

28 نصيحة

Croissant_75863 🇪🇬

بكره الرجاله ومش قادره اتقبل حد يدخل حياتي

حاسه اني بكره الرجاله كلها كصنف ملهومش امان بجد وشايفاهم وحشين علي طول مش عارفه انا مريضه ولا اي لكن بجد مبقاش ف رجاله اليومين دول علي طول عيال وتافهين وبيجروا ورا البنت اللي مبينه جسمها وشعرها معرفش ازاي بجد ف اي لكن مش دي صوره الراجل اللي اتربينا عليها واللي هو راجل يقدر يحافظ علي اللي معاه انا مش قادره اتقبل حد يدخل حياتي وبرفض ناس كتير علشان بس مش قادره اتقبلهم ومش عارفه اعمل اي ...عرض المزيد

2 الدعم

26 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع