قسوة

Croissant_52708 🇪🇬

منذ 22 ساعة

شعور مذنب

كنت إنسان بيحب بصدق، يمكن أكتر من اللازم. كنت بحاول أشوف الخير في الناس، حتى لو الدنيا كلها شايفاهم بشكل تاني. لكن السنة دي كسرتني. كل موقف كان طعنة، وكل مرة كنت أقول: “مش مهم، المرة الجاية هتبقى أحسن”، لكن المرات كلها كانت أسوأ. كنت بدّي الناس أكتر من اللي يستحقوه، وأستحمل وجع ملوش لازمة، وأقول يم

عبّر عن شعورك بشكل مجهول

كنت بدّي الناس أكتر من اللي يستحقوه، وأستحمل وجع ملوش لازمة، وأقول يمكن هما مش قصدهم… بس الحقيقة إن في ناس بتوجعك وهما عارفين كويس إنهم بيعملوا كده.

في لحظة معينة، حسيت إن قلبي خلاص مات. بقيت بارد، كأني لوح تلج ما بيتأثرش، لا بضحكة ولا بدمعة. حسيت إن المشاعر عبء، وإن الحنية ضعف، وإن الهدوء أفضل من الانكسار.
قلت لنفسي: “من النهارده، خلاص… مفيش حب، مفيش وجع، مفيش مشاعر.”

فضلت كده فترة، وكنت فاكر إن دي القوة. بس لما الدنيا هديت، اكتشفت إن البرود مش حماية… ده موت ببطء. اكتشفت إن اللي بيكتم مشاعره بيخسر نفسه قبل ما يخسر الناس. اكتشفت إن ربنا ما خلقش القلب عشان يتجمد، ولا الحنية عشان ندفنها.
كل مرة كنت بقاوم الإحساس، كنت بحس إن ربنا بيقولي: “مش كده… دي مش طريقتك.”

يمكن اتأذيت جامد، بس ده مش مبرر إني أبقى حجر.
الوجع علّمني حدودي، بس الإيمان خلاني أرجع لنفسي.
أنا مش هكون البارد اللي بيهرب من الإحساس، ولا الطيب الساذج اللي بيتأذي.
هكون إنسان حقيقي… يعرف إمتى يدي، وإمتى يحمي نفسه، من غير ما يقتل قلبه.

وأهم من كل ده، إني لازم أكون قريب من ربنا،
عشان هو الوحيد اللي بيشفي الوجع اللي ملهوش دوا.
وهفضل أحب ألعب مع الكلاب والقطط،
لأنهم مبيعرفوش يخونوا، ومبيعرفوش يوجعوا،
بياخدوا الحنية زي ما هي… ويدّوها زي ما هي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_80896 🇪🇬

منذ 4 أيام

شعور مكسور القلب

من كتر اللى مريت به و صعوبته و البرود اللى وصلت له بعد ما اتعلمت من الماضي و عرفت اتخطى بقيت حاسة ان بقي عندى جانب من القسوة مش هيخليني اعرف احب تاني مش عارفة هتعامل معاه ازاى مش عارفة هل ده رد فعل طبيعي و مش ب ايدي ولا ده بقي خوف عندى يخليني ابقي كده و يخليني أحب اني أبقي كده لأن شايفه ان ده أمان ل

Mushroom_85338 🇪🇬

منذ أسبوع واحد

شعور متعب

السلام عليكم انا حاصلي موقف والموقف دا كسرلي نفسيتي جامد وحاولت انسي واتخطي مش عارف حاولت كل الطرق وقربت من ربنا اكتر ودعيت ان ربنا يفك ضيقتي ومش حاسس باي تغير بل الاكتئاب بيزيد وبقيت خايف من المستقبل بطريقه عجيبه وخايف اتعرض لموقف زي ده وثقتي بنفسي بقت في الأرض وبقعد مع نفسي اعيط لوقت طويل مبقتش عا

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

اسوء حاجه في الدنيا الاحساس بالذنب…عارف لما حد يبقي عمال يضربك يضربك وانت مش عارف تدافع عن نفسك…دا الاحساس بالذنب باختصار
انا كان عندي واحد صحبي من واحنا اطفال لغايه ما بقي عندي 15 سنه وهو كان اكبر مني ب3 سنين…كان اقرب حد ليا في حياتي وكان اكتر حد في الدنيا بيفهمني من غير ما اتكلم…عمره ما زعلني وعمري ما فكرت انو ممكن يعمل اي حاجه توجعني لغايه ما حصلي انا واهلي ظروف وكان لازم نسيب المحافظه الي احنا فيها روحت قولتله وقالي سعتها انو بيحبني…كان تالت اسوء يوم فيي حياتي يومها، انا عمري ما كنت شايفاه كدا انا اصلا سعتها كنت طفله وعمري ما شوفته غير اخويا الكبير لاني مكنش عندي اخوات كبار…سبته ومشيت بعد ما اتخنقت معاه وكسفته وقولتله انا مش عايزه اعرفك تاني…انا حاليا عندي 18 سنه وسبت المحافظه الي انا كنت فيها بعد الموقف دا باسبوعين، حاول يكلمني وانا مكنتش بخرجله ولا برد عليه، وبعد ما مشيت غيرت رقميي ومعرفش يوصلي تاني، لغايه ما بعتلي من تلت شهور…قالي انو جاب رقمي من واحده صحبتي كنت لسه بكلمها هناك وقالي انو اسف وانه عايز بس يكلمني…عيط كتير اوي سعتها…انا كنت فعلا بحبه بس مش زيو…دا غير اني كنت سعتها كبرت ومعتش ينفع افضل اتواصل معاه…كسفته وبعته واتخنقت معاه وبلكته وهو كان مصر بكل الطرق…وجعته كتير وجرحته اوي…كنت انانيه في تعاملي معاه ومراعتش هو حاسس بايه…هو عمره ما عمل حاجه توجعني، بس انا وجعته ووجعته اوي…هو معملش اي حاجه غير انو حبني بس انا مكنتش استاهل دا…انا جالي من اسبوع انو عمل حتسه ومات…مات وهو زعلان مني…الشخص دا كان سبب في ثقتي في نفسي هو الي كان بيقف جنبي في اي مشكله تحصلي وعمره ما سبني لوحدي في وقت كل الناس كانت مش فهماني ولا قريبين مني وفضل كدا لمده 9 سنين من غير ما يقولي كلمه توجعني…انا مش عارفه اعيش من ساعه ما عرفت…احساسي بالذنب بيموتني ومش عارفه اعيش…اهلي مكنوش يعرفوا انو رجع يكلمني قبل ما يموت…ومش عارفين ايه سبب الحاله الي انا فيها دي…بجد انا تعبت وقلبي تعبني من كتر العياط…انا في تالته ثانوي السنه دي…مش عارفه اذاكر ولا عارفه اقنع نفسي اني مليش دعوه…محدش يعرف الموضوع كله غير وحده صحبتي بس وهي عماله تقولي اني مليش دعوه وانو نصيب بسس انا مش قادره…كل اما افتكره بفتكره وهو بيكلمني وسامعه صوته بيعيط من قسوتي عليه…انا كنت انانيه اوي وفكرت في نفسي بس…نفسي يسامحني قبل ما اروحله علشان اعرف ابص في وشحه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_81253 🇪🇬

منذ أسبوعين

شعور ضاق ذرعًا

هو لي لما باجي اخد حقي من الناس اللي اذوني وكمان بطريقه لبقه ولكن حاده بعض الشئ بزعل وبحس بالذنب بزعل لكون قسيت او زعلتهم ليه مش عارفه اوازن نفسي ولا انفعالاتي واحساسي

Avocado_81746 🇩🇿 لانسكت على حقك حتى نبي اوصانا مانسكت على حقنا الدين دين عز لا تتردد في طلب حقك ولا تجعل قلبك لين اكثر لأنو رح يكسرولك اياه

عرض الكل 6 نصيحة

Lemon_52157 🇮🇶

منذ 3 أسابيع

شعور متعب

لما اعصب انسى نفسي واحس اني ارجف من العصبية ..بنفس الوقت صوت باذاني يمنعني وينهرني اتوقف وان هذا غلط وينبهني ما اصيح واصرخ اكثر ما اعلي صوتي ما اسوي كذا ..لكني بكل عصبية اتجاهل هالصوت وانقاد ورا صوت شيطاني ثاني واسوي الي عكسه واقع حتى بكبائر الذنوب اني اصرخ على امي اهلي اصيح بوجهها اثور على اخواتي ا

Blueberry_76584 🇪🇬 صدمات من الطفوله خلت فيه عندك حواجز نفسيه و اتبنت شخصيات جواكي عكس بعض فا ده مع الوقت كبر زي اي زرعه بنزرعها فا محتاحين نكون اهدي و نعرف نتعامل مع ده ازاي اولا باننا نحاول نكتب افكارنا في ورقتين و بعدين نحاول نجيب ورقه تالته و نكتب فيها حل وسط و نعمله

عرض الكل 2 نصيحة

Jackfruit_78060 🇪🇬

منذ 3 أسابيع

شعور متعب

الحياه ما بين الواقع و المنطق … ايه البشاعه اللي بقت موجوده ف الناس دي و ايه الاذيه دي يا ناس . الإنسان ده طلع اخطر مخلوق ع البشريه اخطر من الجراد و اخطر من الكوارث الطبيعيه اللي هو بقى سبب فيها . مينفعش تكون بسيط هين لين سهل جميل كده . مينفعش متأذيش حد . مبقولش اني ملاك بس يشهد ربنا أنا لو في طريق

Apple_26468 🇪🇬

منذ 3 أسابيع

شعور مرهق

مساء الخير يجماعة بجد هتجننن اي تفسير لشخص المفروض كان بيحبك يقسي عليك ويكسر بخاطرك +يعترف انو ظلمك ويقولك حقك عليا😂😂 ويمشي برضوو عاااادي يعني هي كسرة النفس والقلوووب؟؟ بقت عادية!!! لدرجادي ..الفراق بقااا سهل!!!؟ طب انا كراجل أصدق بعد كدا حد بيعترفلي بمشاعره ازاي بجد..هعرف أحب تاني ازاي وانا داخل

Banana_59267 🇪🇬

منذ 4 أسابيع

شعور مذنب

ايوة يعني المفروض اعمل ايه بعد م عملت الذنب اللي عملته ١٠٠٠٠٠ مرة وكل مرة بقول يا رب آخر مرة بس اغفرلي وارحمني؟ قلبي بقى عامل زي الصخرة مبقاش يحس بلذة الطاعات وحاجة آخر برود وجفاف نفسي اعرف ليه بعمل الذنب وانا متأكد انه هيخلي حياتي اسوء ومش هو اللي هيجيبلي السعادة يعني حاجة في منتهى الغباء والكارثة

Marshmallow_77677 🇪🇬

منذ 4 أسابيع

شعور مرهق

عبّر عن شعورك بشكل مجهول

اغلب الناس الي ف حياتي بيستقلو بيا و مبيحترمونيش و بيشوفوني اقل منهم لاني ببساطه عايشه عادي و بحاول و مش كل الاوقات محاولاتي بتنجح هما دايما شايفين اني لازم اكون بحقق حاجه و بنجح ف حاجه مينفعش اعيش عادي مينفعش ابقا زي باقي الناس الي عايشه و بتروح جامعتها و خلاص لا انا لازم اشتغل و لازم يبقا معايا فلوس و لازم يبقا معايا لغه و انا مش عارفه احقق كل دا ف وقت واحد و مش عارفه اعمله لوحدي محتاجه حد معايا يدعمني ماديا او معنويا لكن انا حاسه ان انا الراجل مش البنت بشتغل و بصرف ع نفسي و بحاول و بسعى علشان اعمل حاجات انا مش عايزه اعملها اصلا و الا لو معملتهاش هبقا اقل منهم و مش هرضيهم طبعا مش هينفع اطلب فلوس لنفسي لان مفيش حد مسؤوله منه ابويا ميت و اخويا الكبير مبيشتغلش و مريض نفسيا قاعد ف البيت و كده كده ابويا لما كان عايش مكانش بيصرف علينا بما يرضي الله و اخر سنه قبل ما يموت هربت منه و من ظلمه و قسوته انا و امي و اجرت شقه بفلوس معاشها و اشتغلت و بقيت انا الي بصرف ع البيت ف سن ال17 و ف اولى ثانوي و عرفت قد اي الدنيا مبترحمش 
و دلوقت لو طلبت فلوس للجامعه من اخواتي البنات باخدها بالعافيه و بتذل عليها بعدين كل واحد شايل نفسه و كل واحد عايش علشان نفسه بقيت حاسه اني عايشه ف مجتمع اناني و قاسي كل واحد شايف مصلحته و بس و بيجري عليها و كل واحد بيحاول ياخدله اكبر نصيب من الدنيا كأنه كده هيبقا أسعد بقينا عمليين مفيش كلمه حلوه ولا حنيه ولا مساعده من غير مقابل معرفش هو العالم كله كده ولا انا الي مفيش حظ ف حياتي؟ الدنيا صعبه اوي و كل حاجه صعبه كل يوم قلبي بيدق اسرع من الخوف و مخي بيفكر اكتر من القلق و رجليا بتجري علشان الحق مواعيدي و حياتي متضعش مني و خلاص جبت اخري تعبت و نفسي ارتاح نفسي اتطمن نفسي احس اني بخير او  ع الاقل الي بعمله دا يبقا بفايده ف الاخر.. كان نفسي العالم يبقا احن عليا من كده.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59452 🇪🇬

منذ 4 أسابيع

شعور متعب

بقولكم انتو ازاي بتقدرو تنسو ذكرياتكم وتتخطوها ازاي بتتغلبو على حزنكم واشتياقكم لناس مش هينفع ترجعوهم حياتكم تاني ازاي ممكن اتخطى واعدي الفتره دي حاسه اني مش قادره وحاسه اني تايهه انا عملت القرار الصح الي كان لازم اعملو من زمان بس مش قادره اكمل كل حاجه ملهاش طعم كل شويه عيني تدمع واعيط مسحت كل حاجه

Croissant_52708 🇪🇬

منذ شهر واحد

شعور مكسور القلب

أنا عايز أكتبلك من غير مجاملة ولا لف ودوران. يمكن عمري ما كنت صريح معاك، ويمكن ضيعت منك حاجات كتير بسبب كلمة طيشة خرجت مني من غير ما أفكر. أنا عارف إنها جرحتك وكَسرت قلبك، وأكتر حاجة موجعاني إنك كنت بتحبيني بصدق، وأنا اللي رديت بالقسوة بدل ما أقدّر. الحقيقة إني كنت مشغول بواحدة عمري ما كنت في قلبها

Durian_77598 🇪🇬

منذ شهر واحد

شعور متوتر

جماعه ! حد هنا تاني ابوها رماها عشان مرات ابوها عايزاه ينسي ان له بنت قسوه و جحود قلب الاب دي حاجه انا مش فهماها من ساعه ما اهلي اطلقوا.. ازاي نبقي عيشنا سنين سوا و كنت بتحبني و بتفرح لما تشوفني و تشاركني مراحل و فجاه تختفي.. و لما اكبر و اجي ادور عليك و اتكيف بظروفك و يبقي امنيتي اشوف وشك تغدر ب

Pineapple_77476 🇪🇬 مش هيحس بالذنب تجاهك بصي لنفسك ولحياتك محدش يستاهل نضيع حياتنا عشانه

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

السلام عليكم .... صباح الخير 
انا عندى اخ اصغر منى عنده 14 سنة فى تالتة اعدادى 
هو بيشتغل من وهو فى اولى اعدادى تقريبا وبيصرف على نفسه اللى يقدر عليه من الفلوس اللى بياخدها يعنى مش بياخد مصروف من ابى ومصروفه من شغله هدومه من فلوسه بردو وساعات بيدفع بسيط فى فلوس دروسه يقريبا هو فى البيت بياكل وينام بس 
وهو حنين خااالص والله مش وحش بس للاسف ابى وامى بيتعاملوا معاه وحش اوووى بالذات ابى وللامانة بيفرق بينا انا واخويا الصغير خالص وبينه بيشد عليه جامد اوووى ،يمكن نااادراا خاالص لو شوفته بيضحك فى وشه وطول الوقت نقد برغم انه مش كدة معايا مثلا وحتى مش ببقدر خاالص نقطة انه تقريبا بيصرف على نفسه دى ... طول الوقت مصر يعاامله انه راجل كبيير عارف مصلحة نفسه وبيحاسبه على هذا الاساس من غير ما ينصحه او يوجهه ، مفيش لغة حوار بينهم خاالص .
امى اتكلمت معاه كتيير فى نقطه انه يصاحبه وكدة عشان سنه حرج ومحتاج رعاية وبردو فى الفاضى خالص وللامانة مفيش امل لان علاقة ابى بجدو  كانت مش كويسة اووى وكان جدو بردو بيفرق بينه وبين اخوه يعنى هو مجرب بس مفيش فايدة ......
وكمان هو بيتلككله جاامد اووى فى حوار تعليمه وانه يدخل ثانوى عام وكدة وتيتة وعمتو بيشجعوه وعايزينه يشتغل مع ابى وخلاص برغم ان تقريبا ابى مجال شغله بينقرض خلاص .

من الناحية التانية امى بتحاول تكون كويسة معااه لكن بردو كتييير بتضربه برغم ان الاسباب والله بتكون تافهة لكن هى بتحاول وهو بردو بيحكيلها كل حاجة بس بحس لو جتله فرصة يخبى بعدين هيخبى وساعات بتقسى عليه جاامد اووى وهى بنفسها اللى بتقول كدة لان ناس كتير بتشبهه بخالو فى صفاته وكلامه وهى مش عايزاه شبهه وفاكرة مرة كان رجع من شغله تعبان ومكنش عايز يروح تانى فى اليوم دة ولما زعقتله عيط ساعتها ضربته وقعدت تقوله اسلوب خااالك دة لو شوفته فيك اموتك بايديا ..

وعلاقته باخوه الصغير عادية لكن طول الوقت بيحاولوا يفتنوا على بعض فى اى غلطة لان امى عودتهم بتضربهم قدام بعض للاسف فبقوا كانهم بينتقموا من بعض .

من ناحيتى انا علاقتنا واحنا صغيرين كانت مش احسن حاجة وبنتخانق كتير وبصراحة كنت بحاول اسيطر عليه واثبت نفسى بس مكنتش فاهمة والله ،لما كبرت حاولت اصلح الوضع شوية والعلاقة اتحسنت لكن بردو مش اصحاب يعنى مش القرب اللى يخليه يحكيلى او كدة ...هو بجد حنين ومن اول ما اشتغل مفيش اسبوع يعدى غير وهو لازم يجيبلى اى حاجة من فلوس شغله ، هل فى طريقة احاول اقرب بيها منه اكتر غير الخروج مع بعض لان مش مسموح من غير ما العيلة كلها تبقى معانا .
 وهل فيه حل عشاان بجد مش عايزة الموضوع ياثر على شخصيته خصوصا انه بيحب يصاحب شوية الاكبر منه والبيئة اللى احنا فيها مش كويسة وهيجروه لحاجات كتيير غلط ،
حاجة كمان اسفة انى طولت كل دة بس لو حد فاهم اكتر ازااى اقدر اوجهله نصيحه ويقبلها من غير ما يحس انها محاضرات لانه اول ما احاول انصحه يقعد يتريق ومش بياخد ولا حرف جد .
لو حد كمل وعنده نصيحة ياريت يقولها ولو مفيش ادعوله ربنا يهديه ويحنن قلب ابى عليه ويحفظه من البلاء اللى هو فيه لانه بجد مظلوم جامد وحاسة انه بدا يبعد عن ربنا وشخصيته بتميل للعصبية والعنف لانه مكبوت .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cheese_69538 🇪🇬

بحس إني غبية ومش قادرة اتخطاه

بحس إني غبية اوي بروح أبوظ الموڤ أوون بنفسي ددددددددددددددددد دددددددددددد مش قادرة اتخطاه مش عارفه ليه والله تعبت نفسي يبعتلي حاجة نفسي نتعاتب وكل واحد يروح لحاله نفسي احس اني مهمة عنده بجد صعبانة عليا نفسي ددددددددددد عمري م كنت أتوقع إني اتعلق بحد كده ...عرض المزيد

1 الدعم

24 نصيحة

Chocolate_61083 🇪🇬

خايفة من خطيبي بسبب الشرب وردة فعله

انا من كام يوم كنت منزله بوست هنا ان انا و واحد بنحب بعض جدا وعاوز يتقدملي بس انا خايفه لانه بيشرب وكدا وبابا مستحيل يرضى ناس كتير قالتلي انه لا ولو مش محافظ على نفسه مش هيعرف يحافظ عليا وحاجات كتير ف قولتله اننا نبعد وينساني اتعصب عليا جامد وكان هيمد ايده عليا بس استوعب اللي بيعمله وقالي الكلام العبيط اللي قولتيه دا مش عايز اسمعه تاني وانا هاجي اتقدملك ابوكي رضي مرضيش انتي مش هتبقي لغيري انا من يوميها وانا مش مستوعبه ايه دا اول مرة اشوفه كدا وبسبب كلام كتير منكم وبتصرفاته خوفت منه انا مش عارفه اعمل ايه ومفيش حد الجأله ...عرض المزيد

1 الدعم

24 نصيحة

Strawberry_28589 🇪🇬

طاقتي خلصت ومش عارفة الاقي شغل

انا عايزه اقول حاجة انا عندي ٢٨ سنه اتخرجت متاخر شويه المهم انا معايا كورسات كويسه اول ما اتخرجت اشتغلت لمدة شهر و نص تاريبا في شركة كبيره اوي شركة احلامي بس فجاه و من دون اي مقدمات حصلي مشاكل كبيره جدا و تعبت اوي زي اللي صحتي خانتني فجاه لما كنت باجي ادخل الشركة دي كنت بحس روحي بتتسحب غير الحاجات اللي كانت بتحصلي في الفتره دي المهم سبته و بعدها بقالي ٦ شهور بدور ع شغل تاني مش عارفه الاقي بالرغم اني شاطره في مجالي لازم كورسات كتير اوي و الله اني مش عارفه اعمل حاجة كاني متكتفه انا بحكي حاجة من ضمن حاجات كتير واقفه في حياتي انا خلاص كده طاقتي خلصت و كل يوم بصحا من النوم و معنتش عارفه اصبر نفسي اخر حاجة كنت اتوقعها هي شكل حياتي دلوقتي كل حاجة باظت برغم كل حاجة ربنا كارمني بيها والله الكلام ما عارف يوصف حاجة ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع