كيف خلاصت من توتر الكلام مع الناس الكبيرة

Question

كان دايما عندي خوف من اني اتكلم مع ناس اكبر مني و بتلغبط كتير ف الكلام و بتوتر اكبر مني سنا او مكانه مثلا دكتور او مدرس او حتي الدكتور الي بكشف عنده مش ببقي عارفة اشرح انا حاسه ب ايه ف بقيت قبل م اتحط ف اي موقف من ده بقيت بتعمد اني اقول لنفسي عادي لو اتلغبطي عادي لو عملتي اي حاجه محدش احسن منك وافضل اكرر الكلام ده كتير جوايا و اول م اتكلم لازم صوتي يبقي عالي ف نفس مستوي صوت الي بيكلمني و ابقي باصه ف عينه طول منا بتكلم عشان يوصله اني واثقة ف نفسي 
ولما كان بيكون عندي حاجه مهمه هقولها قدام ناس كتير بفضل اكررها كتير قدام المرايا و اقول ان محدش شايفني عشان لما اقولها قدام الناس احس اني لسه ف اوضتي و محدش باصص عليا عشان متوترش و بعتبر ان مفيش حد ف الدنيا غيري حتي لو جيت اشرح لحد حاجه بتكلم كأني بحاول افهم نفسي  
وبردو كنت بتكسف اوي اتفاعل ف التجمعات و ارغي او اهزر مع ناس اول مره اشوفهم بس اكتشفت لما ببقب علي طبيعتي معاهم لاول مره بياخدو انطباع عني اني لذيذه ف بقيت بعامل الناس كلها علي اني اعرفهم و اهزر معاهم و ارغي

Watermelon_68270 🇪🇬 · Answer

لازم تواجه دا

Strawberry_68251 🇪🇬 · Answer

اواجه ايه

Watermelon_68270 🇪🇬 · Answer

الرهاب الاجتماعى

Strawberry_68251 🇪🇬 · Answer

منا بقول اني اتغلبت عليه اني زودت ثقتي ف نفسي و بعتبر الناس مش موجوده

Watermelon_68270 🇪🇬 · Answer

صح و دى حاجة كويسه

Pistachio_69020 🇪🇬 · Answer

لازم تتغلي علي ده من حواكي
وتحاولي مره واتنين وتلاتة
لغاية ما يبقي امر طبيعي بالنسبة ليكي

Strawberry_68251 🇪🇬 · Answer

منا الحمدلله بشتغل علي ده طول الوقت حتي اوقات كنت بخاف اعبر عن مشاعري او اتكسف منها بس حاليا بقيت احسن عن الاول ربنا يقدرني و افضل كده

Pistachio_69020 🇪🇬 · Answer

ساعات خوفنا بيبقي وهمي وملوش اساس من في الواقع
واول ما نغير طريقة تفكيرنا بنلاقي الوضع اختلف تماما

Pineapple_68397 🇪🇬 · Answer

انت زي الفل وكل خطوة كنت بتساعد بيها نفسك للتغلب علي المشكله علميه لدرجه اني اعتقدت انك متخصص انت علي الطريق الصحيح

Corn_68719 🇪🇬 · Answer

الحل متتردديش تحطي نفسك في الموقف دا كتير ومع الوقت الدنيا هتظبط،، لكن لو فضلنا خايفين عمرنا ما هنتطور

Strawberry_68251 🇪🇬 · Answer

فعلا والله انا بجبر نفسي ابقي انا الي بسأل و بتعامل مع الناس عشان اتخطي الموضوع ده و حتي لو حد احرجني او اتريق عليا اني اتلغبطت ولا حاجه من التوتر مبقتش بسكت بس احيانا لما بتبقي ناس مؤذيه مثلا اوي ببعد ف سكوت و مبقولش اي حاجه مش عارفة ده ضعف ولا لا بس انا بحس اني مستخسرة اتكلم مع حد قل ف نظري خلاص

Strawberry_68251 🇪🇬 · Answer

ايوا فعلا انا بقيت بركز اني اقول لنفسي محدش مركز مع حد اصلا ولا حد مهتم ولو حد ركز و علق علي كل حاجه يبقي هو الي فيه مشكلة او الناس الي ممكن اتحرج قدامهم دول انا ممكن مشوفهمش تاني ف حياتي ف انا بخاف من ايه اصلا