انا عندي كره وغضب غير مبرر ومش راضي يخلص زي حجر كدا على قلبي وعليا انا متدايقه ومتعصبه وعايزه اصرخ في وش اي حد بس محدش طبعا مضطر انه يستحملني بقرفي بكل دا عشان كدا بكتم في نفسي اه انا شاطره اوي في الحته بقعد ادس جوايا وفي نفسي لحد ما انفجر مره واحده والوش الي فيه النصيب بقا او ممكن تكون وشوش ودا غالبا مش بيعدي مرور الكرام كدا لأني بعد كدا بتهان وبيتمسح بيا الارض وبتضرب وجميع أساليب حرفيا بتتعمل معايا. مؤخرا عرفت معني الانسحاب لو حاجه بتأذيني ببعد عنها حتى لو الحاجة الي بتعصبني برضه ببعد عنها والحاجه الي بتوجعني بتجاهلها لحد ما وصل بيا الحال اني قاعده حرفيا على السطح وحدي حقنا للدماء 🤣 والله ما عارفه ازاي انا معنديش دم كدا بهزر وسط كل دا المهم انا عندي اعتقاد كدا من زمان اخترعته بالمناسبه اسمه ربنا مقلب القلوب بمعنى عدم حبي لبني ادم أو اني مش طايقاه دي حاجه عاديه ومش محتاجه اسباب او مبررات بمعني محدش هيحاسبك لمعاملتك للبني ادمين في الحياه دي. بس القانون دا بيتطبق فعلاً على الام وعيالها يعني ممكن الام بتميز عيل معين من عيالها وممكن التاني لأ دا مش معناه ان الابن دا وحش او الام شريره لأ دي طبيعه الانسان ومش من حقنا أن احنا نحاسب الام دي لكن لما فكرت في الموضوع بشكل واقعي اكتر لو انا الام دي وفعلاً طلعت اني مش متقبله ابني دا هعمل اي ؟ بصراحه احساس مرعب بالنسبالي الاحساس دا انا عشت حرفيا نص عمري كارهه شكلي لبسي جسمي وشي ايديا كل حاجه فيا لمجرد بس ان البني ادم الي جابني في الدنيا دي مكنش متقبلني. لو انا بقا كنت البني ادم يعني حرفيا هتحول الجلاد. مش عارفه هعمل اي بس ممكن اموت نفسي ودا ميحصلش او عمري مهخليه يحس انو وحش او انو عاله عليا او هزله بأكلو بلبسو بتعليمو او حتي بالعيشه الي عايشها هعاملو كويس. وهتقي الله فيه

3

4