Topic: بنات احكولي على تجاربكم مع الحجاب ؟

لمن جنت صغيرة جنت دايما اسوي شعري تسريحات وموديلات واقصه اجدد واحلا قصات، جنت متاكدة انه راح يجي يوم واتحجب بس جنت دايما احاول ابعد هاي الفكرة واماطل ويه اهلي واخواني بحكم اني مو حابة هسه اتحجب وهم جانوا ينطوني فرص علمود لمن البسه ما أكرهه او انزعه من وراهم. جنت على هاي الحالة حد سنة ٢٠٢٠ يوم عيد ميلاد امي وقتها اختي الجبيرة جانت مشترية حجابات جديدة وفرحانة بيهم وبحكم اننا جنا طالعين طلعة عائلية اختي قالت تعالي اريد اجرب هذا الحجاب عليج، اني ماطلت ورفضت اول شي وهي اصرت وياي باسلوب حلو واقنعتني اني اجرب الحجاب بيومها، الحجاب سبحان ربي حلا وجهي بنظري بشكل مو طبيعي، اللون واللفة جانوا كلش متناسقين ويه وجهي واقتنعت بيه من اول ما شفت نفسي بالمراية ومن يومها الحمد لله ما نزعته وهديت لبسي للحجاب لامي بعيد ميلادها واليوم صارلي ٤ سنوات متحجبة واخر شي افكر بيه هو نزع الحجاب 🥹🤍

8

1