حجاب

Coffee_61446 🇪🇬

منذ يوم واحد

شعور محبط

عبّر عن شعورك بشكل مجهول

شهر 1 ال فات امى كانت بتعمل بستبور المهم اتعرفت ع واحد المهم هو كان معجب بيها و هى قالتلو انها منفصله احنا عايشين ف حته و ابويا ف حته علشان بينا مشاكل و هما متفقين ع الطلاق المهم انا سنى صغير بس مش عبيطه انا فاهمه كل حاجه المهم حسيت ان ف حاجه غلط و كنت عارفه كل حاجه بس كنت بتغاده و عامله نفسى عبيطه و مش فاهمه حاجه علشان انا مش انانيه و عارفه انها معاشتش مع ابويا غير قرف المهم فضلت كاتمه جوايا لحد رمضان بقى مبقتش قادره و حرفيا كانت هامله ال بيت خالص المهم كنت بعاملها معامله وحشه جدا و هى تقولى مالك و بتاع مع انها عارفه انى عارفه ال مهم اخدت جنب و مبقتش اتكلم ولا اساعدها و نفسيتى ادمرت المهم قولتلها انى عرفت و عملت مشكله كبيره لدرجه أنى كنت بكسر كل حاجه و دخلت للراجل ده شتمتو جامد و هى شلتو و شويه كام يوم و رجع تانى حرفيا فضلنا طول رمضان ف القرف ده كنت بعيط ف التراويح المهمم قولتلها انا هروح اعيش مع ابويا و انى خلاص مش عايزاها قعدت تعيط و تقولى ع كل حاجه وحشه ابويا عملها فيها انا معنديش مانع تتجوز بس بعد ما تطلق المهم خلاص و الموضوع خلص ملحوظه هى بتتكلم عادى صحاب بإحترام مافيش حاجه المهم دلوقتي بقى انا ملاحظه ان ف حاجه او بتكلم حد و عامله نفسى عبيطه برضو و مش عارفه اعمل اى انا عذراها ان ابويا قرف و تعبنا كلنا حتى و هو بعيد بس عايزه حل ف مشكله كمان ان هى بتصلى و كانت بتعمل عمره بقيت احس ان الصلاه دى مش مقياس ل حاجه و ان الحجاب مش حاجه و ان ده مش تدين ولا حاجه و بقيتش اصلى و بعدت عن ربنا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_18890 🇪🇬

منذ 5 أيام

شعور ضائع

السلام عليكم و رحمة الله و بركاته يخواتي🫡✨ دلوقتي عندي موضوع مهم اتكلم فيه ( مهم بالنسبالي) دلوقتي انا الحمد لله بدأت افكر ف موضوع اني اختمر تاني بس المرادي بشغف اكتر و تعلق اكتر و هتعرفوا ليه قولت "تاني" قدام. بس في كذا نقطه موتراني و قلقاني و مش عيزاهم يأثروا ع رأيي لان دي بجد اول مره ابقا حاب

عبّر عن شعورك بشكل مجهول

السلام عليكم و رحمة الله و بركاته يخواتي🫡✨

دلوقتي عندي موضوع مهم اتكلم فيه ( مهم بالنسبالي) 
دلوقتي انا الحمد لله بدأت افكر ف موضوع اني اختمر تاني بس المرادي بشغف اكتر و تعلق اكتر و هتعرفوا ليه قولت "تاني" قدام. 
بس في كذا نقطه موتراني و قلقاني و مش عيزاهم يأثروا ع رأيي لان دي بجد اول مره ابقا حابه اني اختمر اوي كده..  هبدألكم بالنقط واحده واحده.

اولًا: 
خايفه اني بعد ما اعزم النية خلاص و اقول يلا ليتس جو خمار الاقي ان مثلًا مش راكب اوي ع استايل لبسي او في بلوزه بحبها مثلًا مش هعرف البسها ( الحمد لله انا لبسي كله واسع و فضفاض الحمد لله اسأل الله الثبات)  بس مش عارفه ليه الوساوس دي بتجيلي..  عارفه انها من الشيطان بس خايفه تأثر ع رأيي و تخليني محبهوش زي المره الاولى.

قبل ما ندخل ع النقطة التانيه هحكيلكم ايه اللي حصل ف المره الاولى..  ف المره الاولى انا كنت ف تالته اعدادي ( دلوقتي تانيه ثانوي)  و قررت اني هطول الطرحه و هلفها خمار و حصل و قد كان و كان شكلي عسول بس مكنتش بعرف اهندلها ع لبسي و كان ممكن اطلع ف الشارع الاقيها اتفكت و بقا شكلي حرفيًا عره و ساعتها قررت اني هرجع الفها عاديه تاني و مامتي قالتلي انتي لسه صغيره و ساعتها كنت بجد كارهه نفسي جدًا و كنت بعامل نفسي معاملة المرتده مثلًا و كنت بقعد اعيط كتير بس مامتي قالتلي امان متقلقيش انتي اللي كنتي بتلبسيها دي طرحه مش خمار ف اتس اوكي معليكيش ذنب لو رجعتي لفتك القديمه و قد كان و رجعت اعمل اللفة القديمه..  دلوقتي بقا انا عايزه اني ارجع المرادي بس ارجع مختمره بجد بس خايفه اوي يحصل نفس حوارات المره الاولى.

ثانيًا: 
هتكلم عن قد ايه اللبس الشرعي و الخمارات دلوقتي بقت غالية بشكل مرعب..  الحوار بجد يحزن...  بردو مش عارفه المفروض اعمل ايه ف نقطة زي دي و اني اطلب من مامتي او بابايا فلوس ل خمارات بقا و كل الالوان ( مش كل الالوان اوي بس ع الاقل الالوان اللي بلبسها يعني)  و هما شايفين ان حجابي سليم و كل حاجه زي الفل و مش حساهم هيبقوا مقتنعين اوي..

في حيرة من امري قد العجل بجد و مش عارفه اعمل ايه...

اي نصايح يخواتي و هدعيلكم من قلبي ✨🎀

دمتم بخير✨🪷

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_57183 🇪🇬

منذ أسبوع واحد

شعور مرتبك

Chilli_29092 🇪🇬 حافظي ع نفسك القابض على دينه كالقابض على جمره من نار وكثره الخبيث لا تجعله طيب ،والله والله معظم الرجاله بقو بيدرو علي البنات اللي شبهك في زمن كثرة فيه الفتن وكلامي ع الرجاله

عرض الكل 13 نصيحة

عبّر عن شعورك بشكل مجهول

السلام عليكم دلوقتي انا الحمد لله واحده ملتزمه في صلاتي ولبسي الحمد لله واسع ومابلبسش بناطيل وواخده بالي من حجابي كويس والحمد لله يعني ملتزمه بس بيجي عليا اوقات احس ان انا زهقت عاوزه اجرب زي ما الناس بتعمل زي ما بشوف البنات في الشارع دي لابسه تربونه لابسه طرحه مبينه رقبتها مبينه شعرها ولما باجي اجرب ده ما بكونش مستريحه ابدا وابقى الصراحه عايزه احط ميك اب زي دي وزي دي 
وليه انا مقفله على نفسي ومحبطه وبسمع كلام من ده طبعا كتير وبيهز في نفسي وبرجع اقول هم معاهم حق فعلا انا لازم اتغير وابقى شبه البنات اللي بتعمل كذا وكذا وكذا بس لما باجي اراجعها في دماغي بعرف كده ان انا بعصي ربنا وكده  همشي في طريق غلط 
المشكله ان انا عارفه ان كل ده غلط وحرام وكده وكل مره اقول لا طبعا انا عمري ما هعمل كده مش هتخلى عن حجابي اللي هو اللي انا بلفه شبه الخمار ومرات اقول طب ليه مافكش عن نفسي واجرب اخرج ما بين رقبتي مثلا شعري احط مكياج زي ما باقي البنات بيعملوا ولو بالفعل عملت كده بفضل اعيط ونهار بس في نفس الوقت انا ما بين الفكرتين ان انا عايزه اكون شبه البنات اللي انا بشوفها وان انا عايزه افضل محافظه على نفسي والبس واسع عشان ارضي ربنا بس برده كلام الناس ما بتسيبنيش في حالي بيفضل يقول انت كتمت نفسك من وانت صغيره لان انا اصلا 16 سنه بس ما كنتش حابه ان انا ابقى زي البنات اللي انا بشوفها انا حابه ان انا استر نفسي وابقى ملتزمه بديني وصلاتي ولبس الواسع بس كلامهم بيخلي فيا اثر نفسي اللي هو عايزين ابقى متبرجه زي البنات اللي بشوفها وكلام سلبي كتير زي انت لسه صغيره يا بنتي عيشي سنك فكي عن نفسك وكلام من ده كتير طبعا واصلا كان في دماغي فكره النقاب من سنه ولسه لحد دلوقتي انا عايزاها بس فكره ان انا عايزه ابقى زي البنات اللي انا بشوفها وبتراجع عنها مخلياني ما اخدش اي خطوه للنقاب بسبب تفكير ده وبرده بسبب كلام الناس واهمهم كلام اهلي برده مع انهم ملتزمين بس مش حابين ده عليا عشان برده نفس الكلام اللي بسمعه من برا  بسمعه جوا 
بس بجد انا تايهه ومش لاقي حل وعارفه مليون في الميه انا صح في طريق مع ربنا بس الفكره ان انا عايزه ابقى زي البنات اللي انا بشوفها وفي نفس الوقت عاوزه اكون انا وما بين الفكرتين وبقيت في حيره جامده والفكره ما بتروحش عن بالي خالص ده غير طبعا ان اصحابي مش شبهي كلهم بناطيل طبعا حجابهم يعتبر مش حجاب فبحس ان انا فعلا كاتماها على نفسي و ان دي فكره ما بتتشلش من دماغي مش بتروح خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_17015 🇪🇬

منذ أسبوعين

شعور مرتبك

جماعه انا بكلم شخص من اربع شهور هوا احنا بنحب بعض وانا حاسه جدا انو شخص محترم وكويس المهم من يومين بنهزر في سيرة شعري ولونو وكده وقالي عايز يشوفو وانا محجبه فرفضت بانو مينفعش عشان اما يحصل في الحلال مترحش اللهفة المهم جه انهارده قالي انو مدايق واني مش واثقه فيه وانا قلت ان ممكن يحصل ويعايرني بعد ال

Grape_59465 🇪🇬 هو بستخدم الثقه كرت عشان يضغط عليكي ومش هيعيرك بعد الجواز لأن لما باخد إلى عايز منك مش هيتجوزك اصلا

عرض الكل 12 نصيحة

Biscuit_20744 🇪🇬

منذ أسبوعين

شعور لا مبالٍ

السلام عليكم ورحمة الله وبركاته ، عايزة طريقة اقنع بيها بابا اني البس النقاب لانه رافض الموضوع تماما ، انا الحمدلله اختمرت من شهر 10 اللي فات و كان رد فعله كويس عادي و كمان كان بيشجعني لاني الوحيدة في العائلة اللي لبست لبس شرعي بفضل الله بس قال انه رافض جدا فكرة اني انتقب و سألته كذا مرة في سبب رفضه

Marshmallow_52511 🇪🇬

منذ 3 أسابيع

شعور شاعر بالملل

عبّر عن شعورك بشكل مجهول

السلام عليكم
انا جايه احكيلكم الي عايزه اقوله و مش لاقيه حد عندي من تسرتي احيكله الي انا عايزاه 
طيب اول حاجه انا حابه اني اعبر عن نفسي من نحيت اخلاقي 
اولا من حقي اوي اني اقول اني متربية بفضل الله تربيه سليمه احسن مية مره من البنات الي بنشوفهم الفتره دي 
ليه ؟!
هقول انه لكذا حاجه اولها و الحمد لله عليهم كلهم اني محافظه على نفسي من العلاقات المحرمه و مش زي اي بنت مش محترمه و مش عارفه قيمة نفسها مرخصه نفسها مع اي ولد مش محترم برضو 
ثانيا بفضل الله حجابي اه مش احسن حاجه بس مش زي حجاب  بنات كتير منهم الي يلبس بادي و عليه الطرحه و خلاص و بنطلون ضيق بطريقه بشعه و نص الشعر باين و المكياج اوڤر و اكستنشن وضافر بقى و حاجات كده زي القرف 
ثالثا لساني محافظه عليه من الشانين و المسبات القذره الي بتسمعها من العيل الي عنده ثلاث سنين الوقتي 
نختصر عليكو الكلام و هقول الي عايزه اقوله لكل بنت رخصت نفسها 
ان انا بس و الي زي و محترمين هم بس الي يستحقو بجد المعامله المحترمه و حياه مستقره و دافيه و حلوه و معاملة ولا اروع من زوج ولا اروع .. لييه عشان انا اتقيت ربنا و ملعبتش و عكيت و انا صغيره و صابره على طول المده الي معرفش هى قد ايه لحد ما اتجوز و اعيش مشاعري الي طول عمري بحلم اني اطلعها بالحلال بدون ما اشيل هم هى حرام و انا مخبيه على اهلى و اخاف اتعاب لا لا لا بالعكس يقلبي انا لما آجي اطلع مشاعري دي في الحلال  الي منعت نفسي اني اطلعها فالحرام هاخد عليها أجر مش سيئات و هعيش مع الشخص الي معرفش هو مين بس بدعي انه ربنا يربهولي لحد ما ان شاء الله اتجوز و ان حياتي تكون حلوه معاه 
ف رسالة اكل بنت بجد والله من قلبي حافظي على نفسك ياحبيبتي لحد ما ان شاء الله تجوزي الزوج الصالح الي يرضى بيكي و ترضي بيه اللهم آمين 
#زيد_النبي_كمان_صلاة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Jackfruit_53546 🇪🇬

منذ 3 أسابيع

شعور متعب

دلوقتي انا بقيت ملزمه بالحجاب من وانا في اجازه ٦ ابتدائي وانا حاليا في ثانوي و بفكر في الحجاب جدا عشان هو فرض بس صعب عليا اوي عشان انا حياتي عبارة عن لبسي و شكلي حتى كل المدرسة و المدرسين يمدحوا شكلي و لبسي و دايما انا البنت الشيك الclean في لبسها بس طبعا لبسي محترم يعني أخرى بلبس نص كم مثلا او اوف

Hazelnut_52786 🇪🇬 إنتي جوهك نية صافية ودي أكبر خطوة في الطريق، وربنا شايف الصراع اللي جواكي وهونها عليكي. قوليها لأهلك ببساطة، مش لازم إعلان رسمي، ممكن تقولي “أنا بفكر أتحجب وأخدت القرار خلاص” وخلاص. متشغليش بالك بالتغيير مرة واحدة، غيري بهدوء، ستايلك هيفضل مميز وأنيق بالحجاب بردو، وربنا هيديك أضعاف الرضا

عرض الكل 15 نصيحة

Chocolate_58050 🇪🇬

منذ 4 أسابيع

شعور خجول

..اي هي مواصفات فتاه احلامك.. اولا عاوز اخد هل ممكن الاقي حد كده وانت بالنسبه لك ايه هي مواصفاتها .اولا انها تكون علي خلق جيد معا الله وتكون محجبه حجاب صحيح .وانها تكون صبوره علي لاني سعات بكون رخم . وانها تكون من اسره جيده خلقهم جيد لبسها محترم انها تكون محترمه في العموم في تعاملها معا الناس .

Avocado_60231 🇪🇬 انا بنسبالي بقالي تكون منتقبه ( متبرقعه) عفيفه تقيه باره ب أهلها محافظه علي صلاتها حنينه امينه احس معاها ب الأمان سويا تعرف تحتويني تعرف الحلال من الحرام ملتزمه ب بدينها

عرض الكل 18 نصيحة

Biscuit_58441 🇪🇬

منذ شهر واحد

شعور خجلان

عبّر عن شعورك بشكل مجهول

من زمان اوي وانا بتعرض ل التنمر بسببي جسمي كنت تخينة اوي وكانت دي مشكلتي دايما مش بحب اللبس وتعليقات الناس وانا بروح اشتري لبس كانت بتبقي مقرفة غالبا كنت بتأثر وارجع اكل وكل م اوزن الاقيني تخنت اكتر لحد م بقيت 80 كيلو وانا 12 سنة كنت حرفيا كارهة حياتي بنام علي كلمة متعجبنيش من أقرب الناس واقعد اعيط حتي ابويا مكانش سيبني في حالي لحد اما قررت اني اخس مش محتاجة لدكتور ولا لجيم وفعلا قدرت اخس 18 كيلو بس المشكلة انه بردوا في تنمر محدش هيبصلك محدش هيحبك وصحابي مش سيبني في حالي يقعدوا يقولو هتقعد تنطط دي لو بتعرف هو انتي بتعرفي تجري اي نعم انا خسيت بس مش رفيعة لسة مليانة لما عمل دايت اكتئبت وجالي انميا بسبب اني مكنتش باكل ومعنديش طاقة اعيد دا تاني كل م اكلم ماما تقولي بيهزروا ي جماعة انا بجد بزعل اوي ليه محدش هيحبني انا مش شايفة ان شكلي وحش عدي كام شهر وانا علي نفس الحال قابلت شخص ولقيته بيتكلم حلو وطرقته مميزة أعجبت بيه جدا حتي دايما كنت بحس في كلامه بردوا انه معجب بيا ف كنا بنتكلم انا اتعرفت عليه في كورس وكان كلامنا كله داخل الدراسة مش بيطلع قولت ل ماما وحصل مشاكل بس هي كانت عارفة اني بكلمه وكل شوية تسألني عليه واحكي لها كنت مبسوطة ساعتها وفاكرة اني بحبه بس بعد كدا بعد بعد هو منغير سبب وانا مكنتش علاقتي بيه قوية اوي عشان اسأله بعدت ليه بس كنت بعتله ملازم وشيتات وانا كنت متفوقة اوي في دراستي ف هو كان بيستغل دا وكان بياخد مني افكار كتير لما بعد مزعلتش عليه قد م زعلت علي اني حسيت كلامهم صح هو فعلا انا ميتيصليش هو فعلا انا عمري م هتحب لما ماما بقت تسألني عليه بقيت بتهرب ف هي عرفت انه بعد خايفة اتكلم تشمت فيا وتقولي اني كنت مدلوقة برغم خالص اصلا كنت بخاف اديله اهتمام يبعد بعدها بكام شهر مبقتش افكر في الحوار خالص وربنا هداني واتحجبت طبعا دا زاد الحوار سوء شكلك اكبر من سنك هو شكلك عامل كدا ليه لما كنت بروح احكي لماما كانت تزعق وتقولي قد ايه انا مش شايفة النعم ال ربنا ادهاني وان انا مش معاقة عشان منزلش من البيت واتكسف من الناس فكرت اقلع الحجاب بس رفضت الفكرة بردوا مش عاوزة ربنا يزعل مني بش كلام الناس وحش اوي وبيأثر عليا اوي وانا صغيرة كانت شخصية الليدر ظاهرة عليا اوي وبقيد اي مجموعة وبحب كدا دلوقتي انا بقيت انزل من البيت بالعافية حرفيا كلام صحابي وحش اوي وبالذات ان ليا زمايل ولاد بحكم الدراسة دايما يتريقوا عليا بشوف البنات في سني بتعاكس  انا اكيد مش طالبة كدا اكيد بس انا بنت وبحس وبزعل لما ولد يتريق عليا يقولي ي شيكابالا عشان لون بشرتي سمرا مش عارفة ارجع ثقتي بنفسي ازاي كلمة من اي حد ممكن تبوظ يومي كله ومحدش فاهم دا فاكرين ان انا كدا حساسة واني مش بتقبل هزار

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_5731 🇪🇬

منذ شهر واحد

شعور ضائع

ازاي اقنع مامتي اني أتحجب أنا عندي 17 يعني السنه الجايه حكونg12 ف هي عايزاني أتحجب في اولي جامعه و أنا عندي النيه دلوقتي و مقتنعه بيه ف عايزه أتحجب دلوقتي عشان خايفه لما تكبر الموضوع يكون أصعب ف اعمل ايه

Chocolate_5731 🇪🇬

منذ شهر واحد

شعور ضائع

دلوقتي أنا عندي 17 و بفكر في الحجاب بس معنديش الثقه اني اعمل دا ولا حتي عندي القدره و الثقه اني اقول ل اهلي عشان ف مش عارفه اخد الخطوه مع الاسف عارفه ردهم و ان هما حيقولوليي اني استني شويه و لما اكبر كدا و حياتفجأو عشان أنا مكنتش حاطه الموضوع في دماغي و كدا و كمان فرح خالي في شهر ٨ و جبت الفستان ف م

Sugar_59393 🇪🇬 اتمني تكوني خدتي الخطوه بجد لأن دي حاجه هتفرق معاكي جدا+بلاش تعملي لفات الايام دي خالص اعملي لفة الطرحه الي مش بتبين شعريه واحده وربنا يوفقك يقلبي💗💗

عرض الكل 8 نصيحة

Marshmallow_56678 🇪🇬

منذ شهر واحد

شعور آسف

Coconut_56201 🇪🇬 ما يمكن انت مش شخص عادي الانسان المميز ما بيشوفش نفسه مميز

عرض الكل 20 نصيحة

عبّر عن شعورك بشكل مجهول

محتاجة مشورة دينية او علمية او حتى نفسية لان مضمون الكلام ممكن يوحي بكل دا بمختلف العقليات اللي هتشوفو 
انا شخص عادي خالص متوسط الجمال ولبسي محتشم الى حد ما كويس وشخص هادي مع الغرب وطبعا ضحكي وبيهزر مع القرب ودا العادي و الطبيعي كل ما في الأمر اني في اي مكان بكون مركز اهتمام بشوف الكل باصصلي مركز معايا كاني مركز سرحان ليهم معرفش بس حرفيا كاني بلفت الانتباه من غير ما اتكلم حتى هو بس حضوري بيخلي الكل يركز معايا وفي اى مكان في الشارع في الجامعة في الافراح والمناسبات 
بصراحة بدأت اشك في نفسي حجابي مش معدول لبسي فيه حاجة غلط ومع العلم ان كل الواني هادية مش ملفته ووصلت معايا اني ببحث بصوري على جوجل ممكن في حد شبهي او صوري في مكان الناس بتشبه عليا ممكن شافوني قبل كدا فيه لاني احيانا بنزل استوريهات زي الناس عادي وبردو مش بيشوفها غير عدد محدود من اللي اعرفهم 
عايزة افهم لي كل دا بيحصل انا لما كلمت دكتور نفساني قالي شوفي نظراتهم اعجاب وخلاص بس انا مش فاهمه لي كل التركيز دا في شخص عااادي خالص المشكلة فيا ولا في البشر ولا في اي بالضبط 
وانا مش بركز مع نظراتهم على قد ما بلمحها كأنسان طبيعي بيبص قدامه في طريقة ... ممكن حد يفيدني باجابه 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_35848 🇪🇬

منذ شهر واحد

شعور متعب

سمعت درس عن السيره النبويه و*ان سلعه الله غاليه الا ان سلعه الله هي الجنه* قررت اتحجب بصراحه واحاول اقرب ل ربنا خطوه ب خطوه وبحاول اصلي والتزم المهم نزلت بلحجاب روحنا لعيله ماما انا وانا رايحه اصلا كنت متردده جدا وانا نازله وقولت لماما ف الطريق حاسه اني اتسرعت ونص اذا مكنش كل هدومي ماعدا كام طقم

Carrot_55533 🇪🇬 الرسول كان بيقول عليه هو و الصحابه الغرباء و إحنا حاليا في زمن فتن و اللي بيتمسك بيدينه بيحس إنه غريب ... كونوا من الغرباء في الارض ولكن تعرفه الملائكه عيشي و كوني قويه بالله مش بالناس انتبهي لحالك عشان الجنه غاليه فأكيد ليها تمن ( ولا تطع من اغفلنا قلبه عن ذكرنا و اتبع هواه)

عرض الكل 6 نصيحة

Cookies_26025 🇪🇬

منذ شهر واحد

شعور مستنزف

عبّر عن شعورك بشكل مجهول

السلام عليكم
انا بنت ٢٢ سنه 
عاوزه اسال عن حاجه و اتمني بجد اللي يرد عليا يكون فاهم مشكلتي فعلا او يرد بناءا علي علم يعني 
هو انا كبنت حرام اني اكون بشتغل او مسئوله عن نفسي؟ 
انا بحس كتير اوي ان حقي مسلوب مني بطريقه ما و ان مينفعش اعترض 
انا كل قرارات حياتي تقريبا مش في ايدي لبسي و جامعتي و حتي شكلي قدام ناس قرايبي 
انا تقريبا مبخرجش من البيت غير ايام الجامعه بس 
لبسي كنت معترضه عليه لحد من سنه او اتنين اما بدات اقرب من ربنا الحمدلله اقتنعت ان لبسي دا هو الصح 
بس كان نفسي يكون قراري م البدايه 
انا محجبه غصب عني من و انا ف 4 ابتدائي انا حاليا 3 جامعه 
تخصص جامعتي دخلته و انا مضطره 
اما طلبت اشتغل بابا قالي لا مش دلوقتي و سيبك من الكلام دا و بيقولها بطريقه تخليني بتكتم كدا مبعرفش ارد 
بس دايما يقولي ادرسي كويس و شوفي الكورسات الاونلاين  عشان دي المستقبل 
اما بعمل كدا فعلا و ابقا عاوزه انزل اجرب اشتغل اشيل مسؤوليه يبقا ليا قرار ف حاجه ليا بحس اني بتمنع بطريقه تخليني معترضش 
اتمني حد يكون فاهمني عشتن بجد حاسه اني ممكن انفجر في اي لحظه 
خايفه اكون عاق لاهلي بس ف نفس الوقت حاسه اني بظلم نفسي جامد 
انا حرفيا ابسط قراراتي مش عارفه اخدها 
معرفتش ازور بنت عمي و هي مريضه من شهر ١٢ اللي فات و وعدتها اني هجيلهة و عرفت بابا و امي بدا 
و جم بعدين قالولي معلش مش هينفع و عدا وقت و بنت عمي دي حاليا زعلانه مني طبعا كلمتها و كدا. بس هي شايله مني و انا بعتبرها اكتر من اختي 
و دا طبعا غير صحابيس و خطوبه واحده من اقرب صحابي ليا و عرفت اهلي من قبل الخطوبه بردو و جم يومها قالولي لا و مينفعش و حجات غريبه بجد و انا مبعرفش ارد او بخاف ارد يبقا ذنب 
انا اسفه اني طولت كل دا بجد بس لو اي حد قرا لحد هنا شكرا بجد 
انا محتاجه حل بجد 
اهلي ناس ملتزمين و كل حاجه و انا عارفه ان اكيد مش عاوزين يضروني بس انا بتضر و مش عارفه ازاي ممكن اوصلهم حاجه زي كد.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_25909 🇸🇦

منذ 4 أشهر

شعور لا مبالٍ

عبّر عن شعورك بشكل مجهول

نتكلم في الحجاب
الحجاب فرض و كلنا عارفين كده من غير كلام و جنه و نار طبعاً 
تخيلي وانتي واقفه و اتلسعتي بتتوجعي و تفضلي تبصي عليها كل شويه و مش مرتاحه 
هل انتي هتستحملي نار الاخره الواحد بيفتح الفرن بيقول يارب ارحمني من عذاب النار تخيلي بقا كل بصه ليكي وانتي بلبس ضيق بتاخدي عليها سيه تخيلي انتي ماشيه في الشارع و في شابين قدامك و بنت قدام خالص 
البت دي لبسه بنطلون جينز ضيق و تيشرت مظبط وسطها و الطرحة لفه عادي رقبتها باينه 
في ناس هتقول في ناس بتلبس كده هقول اكتر من كده المهم البت طالعه حلوه في الطقم ده و كل حاجه الشبين الي قدام عكسوها و رموا كلام عليها طبعاً في بنات بتفرح بكلمه انها حلوه و في بنات بتزعل الي تزعل دي هتكون غريبه بصراحه انتي لبسه كده و زعلانه؟ 
لو مش عاوزه تسمعي كلمه زي دي كنتي هتبصي في المراية قبل ما تنزلي 
المهم الشب بيسال التاني بيقوله حرام عليك يعم دي شكلها حلو بيقول يعم ادينا بنتفرج و منها بنجبر بخاطرها 
و ضحكوا و مشيوا 
المهم البت الي ماشيه وره اتكسفت جدا ازاي بيبصوا كده اصلا لينا و جت في دماغه حاجات كتيره منها هل فعلاً لما الواحدة بتلبس كده بتكون رخيصة! 
 القصة دي حقيقه علي فكره و البت دي لبست الخمار بعد الموقف ده اصلا مكنتش مستحمله ان حد يقول عليها كلمه المهم الي حابه اقوله انا بنت زي زيك 
و جسم الواحد بيكون غالي عليه تخيلي كامل زينتك يشوفها كل النااس اي حد معدي من جنبك 
ولا لما تكوني غاليه و الغالي مش بيطلع غير لي الغالين 
ربنا خلاكي غاليه بحجابك و بدينك اي حد يشوفك بخمارك او نقاب هيوسع ليكي احترام ليكي و لي شكلك 
طبعا كلمه لي الشباب الي بتقعد تبصبص و تقولك محدش قالها تنزل كده 
والله مهمه الواحدة بتلبس في ناس استغفرالله عايزين تربيه طبعا لازم تغض بصرك مش هقولك عشان هوا فرض عليك و غصب عنك لازم تعمل كده  (قل للمؤمنين يغضوا من ابصارهم) (وقل للمؤمنات يغضضن من ابصارهن) 
بس حط اختك او امك او مراتك او اي حد من عيلتك في الموقف ده هيكون ايه احساسك؟

ربنا يهدينا كلنا يارب 
من (H) 🎀

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع