بنات احكولي على تجاربكم مع الحجاب ؟

Question

يعني كيف اقتنعتو فيه او كيف اخذتو الخطوة ؟ و لي مو لابسة حجاب احكيلي عن فكرتك حول الحجاب كمان

Avocado_28616 🇩🇿 · Answer

تجربتي مع الحجاب هي اصعب تجربة مريت فيها بحياتي . انا كنت عمري 15 سنة و بابا كان يشتغل بعيد. بيتصل فيا في يوم من الايام بيقلي (بكرا اول يوم ليكي فالثانوية لو سمعت انك رحتي من غير حجاب ... )و كدا و كلام تهديد . فلبستو مجبرة و كان دا اسوء قرار . لليوم صار عمري 25 و مش عارفة اقتنع بيه . خصوصا انه طول عمري شكلي اكبر من عمري و اليوم صار شكلي كاني بالاربعين لما بحط الحجاب . و مع الاسف مش قادرة لا اقتنع فيه و اتقبلو و حاطاه كده عشان ما يتقالش عليا لبست الحجاب و نزعتو . ربنا يسامحك يا بابا على الوجع و كمية العقد لي وصلتيني ليها . مش عارفة اسامحو على انو غصبني اعمل حاجات انا مش رايداها تحت عنوان انها مصلحتي . كان خلاني اقتنع بيه و اعملو لحالي ليش وصلني لهالموقف ؟ ثقتي بنفسي تدمرت و بطلت احب البس او اعتني بنفسي او اي حاجة صرت بلا انوثة و لما اشوف صوري كل سنة عم صير ابشع من قبل

Ice Cream_25601 🇪🇬 · Answer

اتحجبت وانا ف ٤ ابتدائي مكنتش عايزه اتحجب وقتها لإني كنت صغيره مش فاهمه ان دا فرض ويوم ما اتحجبت كان عندي فرح اصلا وروحت بلبس وحش اوي لإن مكنش فيه وقت اجيب حاجه البسها وكنت بحس ان العيال معايا فالمدرسه مستغربينني لإني كنت اول واحده تقريبا اتحجب فكل الفصول اللي قدي كنت طفله واي كلمه بتأثر فيا اوي بس الحمدلله كنت بحبه ومهما اتقالي مكنتش بحط فبالي كنت مقتنعه بيه وحابه شكلي بيه وحابه انو مخبي جمالي مش اي حد يشوفني وانا حلوه اوي اوي كفايه وانا حلوه بس😂🤍.
والحمدلله من اول يوم لبسته مقلعتوش ومطلعتش شعره ومبفكرش اعمل كدا ومبسوطه اوي بيا

Blueberry_12030 🇪🇬 · Answer

اتحجبت في اولي اعدادي، في اخر سنه في ابتدائي كان علينا سورة فيها اية بتتكلم عن الحجاب فالمستر كلمنا عن الحجاب وحببنا فيه فسالناه المفروض نتحجب امتي؟ قالنا في اولي اعدادي (كان يقصد يكون جه وقت اننا نتحجب مش هينفع يقولنا امتي بالظبط يعني) ف انا حسيت اني عايزه اتحجب في اولي اعدادي
فالاجازه بين الاتنين كنت بنزل اجيب الحاجات من الشارع بالاسدال بس ساعات بنزل من غيره عادي ومع اول يوم في اعدادي اتحجبت ماما كانت رافضه بما اني لسه صغيره وكدا بس انا اتحجبت وقولتلها مش هقلعه ومن ساعتها وانا متحجبه فكرت كتير ان فيه بنات عايشة حياتها وكروب توب وكدا وحاجات حلوه بس برجع تاني بصراحه بحس ان كدا كدا الحجاب مش مكتفني عن اي اكتفتي نفسي اعمله وان دي افكار بسبب الناس الكتير اللي حواليا وبصراحه معتقدش اني هقلعه الحمدلله وربنا يهدي الجميع🫶🏻

Pistachio_29351 🇯🇴 · Answer

اتحجبت بسن 10 ونص والكل كان رافض وبقولي بعدك صغيرة لكن أنا كنت مصرة وبعد ما كبرت قعدت أحمد ربي اني تحجبت بهالعمر لان لو ما تحجبت بهالعمر مكنتش رح اتحجب للآن أو كان ممكن يكون حجابي لا يرضي رب العالمين

Croissant_29410 🇩🇿 · Answer

أنا وحدة درت الحجاب سنة اولى متوسط درتو وحدي صح اهلي كانو متشددين في قضية الحجاب انو لازم يكون لايشف ولا يصف مالازمش ندير عطر و انا كنت نقول في روحي مدامني درتو وحدي ما تبقاوش تقولولي وش ندير حبيت نروح بالشوي بالشوي حتان نلقا صحاباتي في المدرسة حنا عايلة محافظة يعني ماكانش هدرة مع الدراري و مثلا خوالي كانو كل مرة يدوني للمدرسة يقولولي اذا في دراري يقلقوني فكي شفت المشاكل نتاع البنات مع الدراري بالشوي بالشوي رجعت نعرف علاه ربي دارلنا الحجاب و علاه مالازمش نتزينو و نديرو الريحة سما درك الحجاب عندي رجع قناعة مش حاجة بالسيف عليا. و ان شاء الله نكون فدتكم

Pistachio_29385 🇸🇦 · Answer

اتحجبت و انا عندي ١١ سنة و شوي
في الاول كنت شايفة ان لسة كثير على الموضوع ده و اني مش لازم البسه دلوقتي 
بس بعدين لقيت ان اهلي بيقولوا ان اخري البسه و انا ١٢ سنه
كنت مش متقبلة الموضوع خالص عشان كانوا بيقولولي انك هتلبسيه غصبا عنك و المشكلة اني كنت عشر سنين و مش فاهمة حاجة عن الحجاب. و هما حتى مشرحليش سبب لبس الحجاب ولا فهموني قضيته.
 بس بعدين و انا ١١ قعدت اسمع بنات بيتكلموا عن الحجاب و وقتها فهمت فكرة الحجاب و قررت اني البسه لوحدي من غير محد يقوللي
. اللي اقنعني اني البسه انه فهمت ان فكرة الحجاب مش الاساس اننا نغطي عورتنا بس، لكن ان الحجاب بيظهر صورة المراة ك واحدة مسلمة مش زي اي مرأة ثانيه. و بيظهر انها مهتمة ب دينها و ناوية تعمل اي حاجة عشان ترضي ربها. الحجاب هو صورة للمرأة تعبر عن تمسكها بدينها و رضاء الله. و احنا ك اناس شغلتنا في الدنيا عبادة الله و رضاه. 
و بعدين عرفت ان الدنيا متستاهلش اني ملبسش الحجاب ليها و مش هروح النار بس عشان خوفي من ان يكون شكلي مش حلو من الحجاب.  و مش اي حد كده يقدر يشوف جمالنا من غير حجاب. لا لازم يكون حد يستاهل يشوفنا

Hazelnut_29650 🇪🇬 · Answer

اتحجبت و انا صغيرة بإرادتي لكن عمري ما ندمت ابدا شعور انك لابسة فضفاض و بتنفذي اوامر ربنا ده شعور لا يوصف، واهم حاجة انك بتحسي بالراحة وانت ماشية ان مفيش ولد بيبص بنظرات مش كويسة على مفاتنك لأنك ببساطة مخبياها و مش باين منك حاجة، انتوا مش متخيلين يا بنات ثواب الحجاب ده عامل ازاي ربنا يثبتنا و يهدينا

Chilli_28867 🇪🇬 · Answer

من اسوأ الحاجات اللي حصلتلي في حياتي
ولغاية دلوقتي مش عارفه اسامحهم ولا اتقبل شكلي بالحجاب ولا اتقبل شكلي عمومًا
انا حجبوني اجبار بالغصب عني
انا لسه فاكره الايام ديه ومستحيل انساها ولغاية دلوقتي مش عارفه اتخطاها وكل مره بفتكرها بيرجعلي نفس الشعور
انا كنت زي اي طفلة بجد حتى معرفتش استمتع بشعري ولا بحاجه لاني انا اللي كنت بهتم بنفسي في اغلب الوقت
عارفين الطفل اللي دايمًا بيكون معتمد على نفسه؟ ومحدش بيسأل عليه ٩٠٪؜ من الوقت عشان معتمد على نفسه؟ ده كان انا 
انا معتمدة على نفسي من وانا في ستة ابتدائي 
المهم عادي مش مهم ده
انا كنت ساعتها في ستة/اولى اعدادي وكانوا ساعتها اصحابي بيتحجبوا وكده وكنت حابة الحجاب جدًا ورجعت في يوم من المدرسة وقولت عاوزه اتحجب وكنت مبسوطه اوي وقولت لماما وقولتلها هتحجب واتفقت مع اصحابيبس ساعتها كنت لسه صغيرة يعني مكانش وقت الحجاب لسه
المهم بعديها بفترة لما وقت الحجاب جه، لقيت مره واحده بابا بيقولي هتلبسي الحجاب اول ما تخرجي نن الببت، بدون نقاش بدون ما حتى يفكر يقولي او يقنعني لا هو زعيق وضرب وساعتها كمية خناقات حصلت
وكل لما اخويا يشوفني يفضل يقولي هتلبسيه هتلبسيه ويكرهني فيه اكتر و يكرهني في شكلي ويفضل يقوم بابا عليا ويقوله بنتك وبنتك وبنتك مع اني كنت ١١/١٢ سنة بس 
وبابا يفضل يهزقني ويزعقلي و كان توصل للضرب عادي
ساعتها كانت فترة الكورونا وما بعديها، انا ساعتها مخرجتش من البيت لمدة ست شهور كاملين ولا كنت بخرج عشان مجرد ما هخرج من البيت هلبس الحجاب وغصب ولازم حتى ساعتها مكانش عندي لبس بكم المهم اني اتحجب وخلاص 
ساعتها فضلت مسرحش شعري لمدة شهور ومش قلة نضافة لا كنت مكتئبة جدًا وكنت في اسوا حالاتي، وكمان مكانش في حد يطبطب عليا انا كنت لوحدي 
متخيلين كنت بعيط في الصالة كلهم بصوا عليا وجم هزقوني محدش طبطب عليا وقالولي بالنص كده " ايوا افضلي عيطي احنا قاهرينك احنا الوحشين عيطي " 
محدش فكر يحببني فيه محدش فكر يقولي الصح ولا الغلط حتى محجبنيش عشان حرام ولا حلال لا عشان اخنا في المجتمع لازم البنت تتحجب عشان الناس مش اكتر 
وكمان كان اخويا يفضل يكرهني في كل حاجه ويفضل يقوم بابا عليا، ومع ان بابا مكانتش في دماغه انه يغضبني عليه ولكن الناس اللي لعبوا في عقله، هو حتى مش بالنصيحة ك الدين ده اجبار عشان انا كوني بنت
انا حقيقي بكره كوني بنت بشكل كبير من وانا طفلة لاسباب كتيرة 
وانا من ساعتها وانا كارهة شكلي بيه ومش عارفه اتاقلم بس مستحيل
 اقلعه عشان حرام وانا اللي هاخد الوزر مش هما ف بحاول اتعايش لغاية دلوقتي 
اسفة على الاطالة بس ده كان جزء قليل اسفه مره كمان🙏

Kiwi_29888 🇪🇬 · Answer

لما عرفت اني خلاص مفروض تتحجب متحجبتش علطول لاني مكنتش عاوزه ألبسها و مكنتش مقتنعه قعدت بعديها فتره حوالي سنه و طول السنه كلو يقولي اني ألبسها و فعلا لبستها و قلعتها كذا مره لغايت ما خلاص مقلعتهاش تاني لغايت دلوقتى واتعودت ومقدرش حتي افكر ققلعها

Lemon_28962 🇮🇶 · Answer

انا لبست حجاب با رمضان كان عمري 15 كنت اريد انجح كامل بس امي و ابي و بنت خالتي ما قبلو قال بعدك صغير . . و انا ما لبست و حين عمري 16 و مش قادر البسه .. افكر البسه با هذ رمضان و ما اخلعه مش مهم رايهم بي بس ما ادري

Mango_15394 🇶🇦 · Answer

وانا صغيره في صف رابع روحت عملت عمره و كنت لابسه الحجاب 
أعجبت بيه جدا و كان نفسي أتحجب بس والدتي رفضت رفض تام لحد ما بقيت في اعدادي وهيا رافضه لان كان أصحابي وقتها بيلبسو الحجاب و يقلعوه تاني و خافت عليا اعمل زيهم بس كنت مُصره على قراري لاني أصلا مكنتش بحب  اللبس القصير و الضيق و المفتوح و كان سهل عليا تقبل الحجاب 
لحد في ثانيه اعدادي كنت نازله اشتري حاجه حرفيا و صممت اني هنزل بالحجاب و وافقت و من ساعتها الحمدلله وانا لابسه الحجاب 🦦💞
بقالي خمس سنين أنا دلوقتي توجيهي 🦦

Marshmallow_30025 🇴🇲 · Answer

اهلا 
طبعا انا عشت مع عائلة  متدينه و لبست حجاب من صف اول ابتدائي بس انتظمت عليه من ثالث ابتدائي و الحين بروح ان شاء الله بكون اول سنه جامعة و صدقيني حبيبتي الحجاب حاجة جميلة تميزنا عن الباقين عشان الناس تعرف اننا مسلمين و فوقها هو ستر لك صح كلنا جميلين بدون حجاب و لكن هذا الجمال لازم ينحفظن لان المجوهرات الغالية ما ينفع نشاركها مع احد و الله يهدي الجميع

بنسبة ل هل فكرة اخلع الحجاب؟ لا ما قد فكرت لان صرت ما احس بالامان غير و انا لابسته و لكن في البيت عادي يعني لان مافي احد غريب في البيت

هذا كل شيء ⁦(⁠ㆁ⁠ω⁠ㆁ⁠)⁩

Nutella_26046 🇪🇬 · Answer

تجربتي كانت غريبة شوية، انا من وانا صغيرة عندي. ارتجاع ف المرئ واي حاجه بتتحط ع رقبتي كانت بتخنقي ف الاول واجهت صعوبة شديدة ف اني البس الحجاب مش بسبب اني مش حباه بالعكس انا فعلا كنت حباه جدا بس ظروفي الصحيه هي اللي كانت السبب، المهم الحمدلله اتعالجت ويوم 22/1/2020 اول مره نزلت بيها بالحجاب وكنت بجرب يعني 
التجربه كانت مبهرة حقيقي، وأُعجبت بالحجاب اكتر وجبت هدوم تناسب المحجبات بقا وبقيت بدور ع لفات طرح جديدة وحاليا شهر 1 اللي جاي هكمل 5 سنين بالعفة والستر 
نسأل الله سبحانه وتعالى الثبات والهداية والسداد

Chocolate_30700 🇩🇿 · Answer

انا تحجبت في ثانوي كان قرار شخصي مكنش لاهلي اي علاقة بيه ولا كان اي حد من معرفي يفكر أن انا ممكن اتحجب لاني شافاه حاجة مش مهمة المحيط الي انا كنت فيه اغلب البنات تحجبو غصب من عائلتهم أما أنهم كبروا أو أن هم اخطئو فكانو عقاب فأنا قبلها كنت شيفة أن انا مش مذنبة و مش محتاجة أثبت أن أنا إنسانة كويسة بحجاب لحد ما في فترة كنت بنعزل فيها كتير واقعد لوحدي وبدأت اقرأ عن أسباب فرضه ووجوب وبدأت اتابع حلقات دينية عن ده فلقيت نفسي لما فهمت ليه أن انا مقتنعة ولبستو و الا حد اليوم لم اندم ولا مرة أن لبستو عمري مجاني فكرت خلعو بالعكس احاول كل مرة أن أكون لبساه بطريقة افضل

Mango_30890 🇩🇪 · Answer

لمن جنت صغيرة جنت دايما اسوي شعري تسريحات وموديلات واقصه اجدد واحلا قصات، جنت متاكدة انه راح يجي يوم واتحجب بس جنت دايما احاول ابعد هاي الفكرة واماطل ويه اهلي واخواني بحكم اني مو حابة هسه اتحجب وهم جانوا ينطوني فرص علمود لمن البسه ما أكرهه او انزعه من وراهم. جنت على هاي الحالة حد سنة ٢٠٢٠ يوم عيد ميلاد امي وقتها اختي الجبيرة جانت مشترية حجابات جديدة وفرحانة بيهم وبحكم اننا جنا طالعين طلعة عائلية اختي قالت تعالي اريد اجرب هذا الحجاب عليج، اني ماطلت ورفضت اول شي وهي اصرت وياي باسلوب حلو واقنعتني اني اجرب الحجاب بيومها، الحجاب سبحان ربي حلا وجهي بنظري بشكل مو طبيعي، اللون واللفة جانوا كلش متناسقين ويه وجهي واقتنعت بيه من اول ما شفت نفسي بالمراية ومن يومها الحمد لله ما نزعته وهديت لبسي للحجاب لامي بعيد ميلادها واليوم صارلي ٤ سنوات متحجبة واخر شي افكر بيه هو نزع الحجاب 🥹🤍

Ice Cream_30319 🇪🇬 · Answer

انا فى الول كنت بطرحه عاديه فى يوم كنت رايحه درس بابا مرديش ينزلني الا لما البس الخمار انا قعت اعيط كتير وقال مش هتروحي الا لما تلبسيه فلبستوا غصب والان والحمد لله قربت أكمل سنتين وانا لبساه ومقدرش اطلع بره من غيره بتكسف وبقعد اضحك علي نفسي

Sugar_31318 🇪🇬 · Answer

اتحجبت وانا ف اولى اعدادي بس كنت بلبس بناطيل وقصير وضيق لحد أولى ثانوي 
جيت ف أول تانية ثانوي لبست دريسات وفي آخر تانية ثانوي  اختمرت 
وانا حاليا في رابعة جامعة وهتخرج اهو إن شاء الله ونفسي  اوي ألبس النقاب 
ادعولي

Coffee_27136 🇪🇬 · Answer

اتحجبت وانا في سادسه ابتدائي ليه علشان انا كبرت ولقيت كل الي حواليا لبسينها مقولتش لا وانا لسه صغير لا خالص ده انا كنت متحمسه البسها اصلا قاعده مابين سادسه لحد اولي اعدادي كدا البس واخلع فيها بعدين مخلعتهاش خالص بس بدات ابين شعر وبعدين شعري ورقبتي لم دخلت ثانوي مبقاتش ابين لا شعري ولا رقبتي وهااا الفتره الي في اعدادي كنت بلبس بنطالونات بس مكنتش احب الدريسات خالص تالته اعدادي بقا و ثانوي درسات بس و ممكن كل سنه مره البس بنطلون بس علي حاجة طويله الحمدلله انا دلوقتي اولي جامعه مش ببين لا شعري ولا رقبتي 😊

Marshmallow_31427 🇸🇦 · Answer

انا قصتي بتضحك شوي ، كان جدي (والد ابي ) زايرنا وفجاة جاب موضوع الحجاب من باب نصح وانو انت متل الجوهرة ولازم نخبيكي ومن هالحكي ، وتوقعت انو بس عم ينصحني ، بس بعدها بأول مشوار الي برا البيت اهلي لبسوني الحجاب قال مو انتي تحجبتي خلص؟ وانا مصدومة اصلا متى تحجبت انا ، وبس والله صرت محجبة بالغلط بعمر ال٨ سنين 
بس فعليا الحجاب من اجمل الاشياء اللي دخلت حياتي وعرفتني قيمة نفسي وعودتني عالعفاف والحشمة وإن كان التوقيت مبكر جدا ، لكن الحمد لله دائمًا وأبدًا🤍

Marshmallow_31578 🇪🇬 · Answer

وانا في تالتة اعدادي ماما قررت تحجبني ولبسته طبعا من غير اقتناع ولا فاهمة اي حاجة أصلا
وكبرت انا دلوقتي في اولى جامعة وبدأت اتعرف اكتر عن الاسلام وقرأت تفسير القرآن والسيرة النبوية وبمعنى أصح بدأت اطبق الاسلام صح في حياتي واقدر كوني مسلمة 🤍
وبصراحة مندمتش ان ماما لبستهولي بالعكس خدت قرار اني هلبس خمار كمان والحمدلله ربنا يزيدني اكتر واكتر لما يحب ويرضى🤍
السر انك تعرف دينك ، تعرف ربك، وتحبه 🤍

Mango_31238 🇱🇧 · Answer

من وأنا وصغيرة كنت حب الحجاب وكنت دايما حطو واشلحو بحكم انو كنت لسا صغيرة جدا عليه لحد ما صرت بالخامس ابتدائي كنت عند انسة قرآن انا وبنات عمي وقعدت تحكيلنا عن الحجاب مش متذكرة كلامها كتير بس يلي بتذكرو انو كلامها اثر فينا جدا لدرجة طلعنا من عندها وفورا ركضنا ع بيوتنا لنقول لاهلنا انو بدنا نتحجب وكنا جدا متحمسين للفكرة وبالفعل البسناه والحمد لله الي لابستو ١٣ سنة وما شلحتو ابدا من بعدها ولا بفكر اشلحو ابدا الله يثبتنا يارب 
واي بنت بتفكر انها تتحجب لا تتردد بالموضوع لانو هو ستر وغطى للبنت المسلمة وهو فرض من رب العالمين علينا هاد غير انو الحجاب بيقدر البنت فعلا وتلقائيا بيخلي الشخص المقابل يحترمك ويقدرك لانك انت صاينة نفسك❤

Marshmallow_31968 🇪🇬 · Answer

مش احسن حاجه أنا الحمدلله مسلمه بس حجابي كان بطريقه وحشه والدي كان شديد شويه مش في التدين في الطبع يعني وانا وقتها كان سني صغير حوالي 6 ابتدائي ولسه بفهم الدنيا فا كنت اتعرفت علي شاب وكنت لسه مش مدركه برضو تصرفاتي اوي فا والدي عرف وطبعا بهدلني وعاقبني بطرق وحشه جدا انا مش حابه اقولها بس كان من ضمنهم انه خلاني اتحجب غصب وانا كان من الناس الي لبسها مفتوح والشعر وكده فا مكنتش متعوده عدي علي الموقف ده حوالي 6 سنين وانا لحد دلوقتي الموضوع عاملي ازمه شويه ولما بفتكره بدايق جدا معتش ينفع طبعا اني اقلع الحجاب او العبط ده بس انا محتاجه الي يحببني فيه فعلا

Avocado_29715 🇪🇬 · Answer

من صغرى وانا كنت بحب الحجاب وكانت كل البيئه اللى حواليا ملتزمه واتحجبت من وانا فى 4 ابتدائى وفى 1 ع لبست جيبه وفى 2 ع لبست الخمار وكل ده كان بإرادتى رغم أن ابويا بيكره الخمار والحجاب والملتزمين والكلام ده وفى 1 ث الترم الاول كنت رجعت ابدل بين الخمار والطرحه بس مامتى كانت بتقعد تزعقلى ومش ترضى تنزلنى بالطرحه ف بدأت اكره الخمار لان هى كانت غصبانى عليه وقتها وفضلت كده لغايه الترم الثانى فى اولى ثانوى وفى يوم حصل موقف معايا فى الشارع ان كنت ماشيه مع صاحبتى وواحد اتحرش بيها ف فى اليوم ده حسيت انو ممكن يحصل معايا كده بسبب ان حجابا مش عاد محتشم زى الاول فقررت بينى وبين نفسى انى البس النقلب من ورا اهلى وفعلا فى اليوم التانى لبستو وبعديها بيوم عرفت والدتى مش رفضت بس كانت مش موافقه فى نفس الوقت وطبعا مش عرفت والدى لان ممكن يموتنى فيها حرفيا ،المهم ان مفيش حد واحد حرفيا شجعنى فى الخطوه اللى انا اخدتها الكل انتقدنى واتريق عليا وقالولى ان انا بهين النقاب وبشوه صوره المنتقبات وكلام يسم البدن وفى يوم حصل موقف مع ببايا وحصلت مابينا خناقه كبيره وكسرلى التليفون بتاعى وخلى امى ضربتنى لحد ماكنت هموت تحت ايدها فى اليوم ده قررت انى اقلع النقاب لانى عرفت ان لو ببايا اكتشف فعلا هيموتنى وبرضو الكل انتقدنى وقالولى برضو انى بشوه صوره النقاب حاليا انا ندمانه على اى خطوه خدتها فى موضوع الحجاب من غير ما افكر فيها كويس وحاليا انا بلبس طرح ونادرا لما بلبس خمارات ولازالت امى باتمان معايا علشان نفس الحوار وكل مره بتتخانق فيها معايا بحس انى عايزه مش البس الحجاب اصلا نفسى البس اللبس اللى يرضى ربنا بس انا مش عنت بحبو وفى نفس الوقت نفسى البس براحتى ومش اكون بعصى ربنا ومش عارفه اعمل ايه بجد

Durian_32470 🇪🇬 · Answer

افضل شئ صار معي انا في البدايه ما كنت بدي البسو بس بعد ما لبستو لمده كتير حبيتو انصح كل حدي مالبسو لحد هلا يجرب يلبسو لمده شهر وبعدين شوفي اذا بدك تشلحيه سدقيني رح تتعودي عليه لدرجه انك مارح تقدري تشلحيه بنوب

Chocolate_32952 🇪🇬 · Answer

بصراحه انا كنت الاول محجبه وبابس بنطيل وبعدها تقريبا وانافي ١ع بدقت البس درسات 
لما بقيت في ٢ع لبست الخمار عن اقتناع 
ملحوظه.. بعبد عن حتت اقتناع دي 
مش هقول الخمار. 
بس يكون لبس ينتبق عليه مواصفات الحجاب 
مواصفات الحجاب. 
واسع فضفاض .
لا يشف 
متبينيش حته من رجلك او ايدك او شعرك واتقولي اصل انا محجبه

Mango_28661 🇪🇬 · Answer

اول مره البس الحجاب كنت في سنه خامسة ابتدائي لبسته لوحدي و محدش اجبرني عليه و كل ما حد يشوفني يقول لماما لبستيها بدري ليه سيبيها دي لسه صغيره بس قعد بيه فتره و بعدين قلعته و انا في ٦ ابتدائي و لبسته وانا اولي اعدادي و الحمد لله بقالي ٦ سنين لابسه الحجاب و عمري ما فكرت في يوم ان انا اقلعه و لا هفكر

Mango_30422 🇪🇬 · Answer

انا الحمد لله اتحجبت من ساتة ابتدائي و الحمد لله ملتزمة و مش ببين شعرى بس بلبس بناطيل انا دلوقتى فى تالتة ثانوى بحاول اللبس اللى اجيبو جديد يكون دريسات و حاجات واسعة و اقلل لبس البناطيل على اقد ما اقدر و الحمد لله على نعمة الحجاب 💗

Cherry_34227 🇪🇬 · Answer

الصراحه انا كنت حابه فكرت الحجاب اوي واتحجت في سنه سته ابتدائي وكان حجاب كامل لحد ماوصلت اولي ثانوي وخرجت وسافرت بقي الحجاب بتاعي م كامل انا م مقتنعه بيه ااه بس بحاول. اغير من شكلي ولبسي وانشاء الله هغير كل ده بس عايزه اغيره واحده واحده عشان مارجعش تاني لي نقطه الصفر وربنايهدني ويهدي الجميع يرب

Coffee_32728 🇪🇬 · Answer

انا كنت من البنات الي بتلبس ديق و بناطيل و كده و طرحه ف لما دخلت الازهر لقيتهم كلهم لابسين خمار انا اختي و مرات اخويا لبسوا الخمار ف حبيته ف دا شجعني البسه و الخمار دلوقتي بحس الخمار دا مش مجرد قماشه بحطها فوق راسي بحسه بيداوي جروحي لاني بحبه اوي 🥹❤️‍🩹

Hazelnut_32376 🇪🇬 · Answer

مكنتش محجبه لحد اولي جامعه ( اه والله) بس كان لبسي حلو و واسع ولا ضيق ولا قصير و خدت خطوه اني البسه لاني حسيت اني بدأ احبه و قولت لنفسي فرصه يشجعني اكتر اقرب م ربنا و انتظم ف الصلاه
و كان و صار ( ادعولي انتظم اكتر بقا )

Orange_34558 🇾🇪 · Answer

انا تحجبت وعمري ١٢  وتنقبت بعد سنتين الحمدلله بقراري بدون إجبار عشان أتستر وأبعد عيون الرجال والحاسدين عني والموضوع فرق كثير أنظار الناس خفت وأنا برضو لقيت راحتي بالنقاب قبل كل شي لازم تتقبلي الستر عشان ربك وعشان نفسك وكلام الناس خليه بعيد عنك 💗

Peanut_34311 🇲🇦 · Answer

انا اتحجبت لما كان عمري ١٣ سنة و كنت اتفرج كثير على فيديوهات عن الحجاب و الدين و بعد فترة بدأت اتهاون لسنين و سنين التهاون فالحجاب هو انه شعري مستور ولكن دراعي باينين و رجلي ف ما كان حجاب كامل الشروط لحد ما اللي حصل ف غزة السنة الماضية و شفت كثير ناس دخلوا الإسلام و اول شي بدأوا بيه الحجاب ف صفنت لمدة اقول احنا الله مَنَّ علينا الإسلام من صغرنا الحمدلله و ما ناخذ بتعاليم إسلامنا الحنيف زي اللي لسا داخل الإسلام ف عدت حسباتي مع نفسي و قررت اتنقب رغم اهلي و اقاربي و اصدقائي كلهم رافضين و ما في ولا منقبة بمحيطي و مرت سنة على لبسي النقاب ولله الحمد ادعوا لي اثبت عليه و اه حاجة حلوة عرفتها مؤخرا و هي تجديد النية اللي هو انا لابسة حجاب لرضى ربنا و تقربا منه .

Pineapple_33735 🇩🇿 · Answer

فكرتي انو فرض و واجب على كل مسلمة و راح اتحاسب عليه طبعا لأني مش لابسة الحجاب 
لكنو صعب جدا كقرار خصوصا انو 100% قراري وحدي 
و عدت عليا فترات كنت افكر فيه كثييير 
لا ارتديه لكني لا انشر صوري على صطوري و اقول انو عادي
لا ارتديه لكني لا احب ان اخرج كثيرا كي لا أُرى كثيرا 
لا ارتديه لكني اجاهد نفسي في لباسي 
ادعوووليييي ♡♡♡

Sugar_25534 🇪🇬 · Answer

مكنش اختياري كان العادي ان انا كده كده هتحجب واتحجبت وانا ١١ سنة (بابا اللي خلاني اتحجب) للاسف كنت رافضه الحجاب في الاول رغم ان كتير من صحابي كانوا محجبات ولكن مع مرور الوقت والسنين اتعودت عليه بل وبقى حاجة لا يمكن الاستغناء عنها ولو عندي الاختيار مش هقلعه وكلنا بييجي وقت ونحس ان الحجاب وحش او مخلي شكلنا وحش جنب البنات اللي بشعرهم ولكن هتكون فترة وخلاص بعدها بتبقي فخورة بالحجاب وسط اللي مش محجبات واهم من ده كله انو فرض والغرض منه كده كده اخفاء الجمال مش اظهاره

Chocolate_37307 🇪🇬 · Answer

انا كتت صغيره في خمسه ابتدائي ولبسوني الحجاب صح وقعدو يضربوني ويقولولي انتي كبرتي لاززم تلبسيه او انك متنزليش ملبيت تاني ف كنت لازم البسو او هتحرم من النزول وكانو بيزعقو وزعقو لاختي لما قالتلهم دي صغيره وبس لما كبرت حبيتو جدا ولبست حجاب شرعي بس قلعتو تاني لان ماما قالتلي مالو يعني لبستي جيبه يعني وفساتين وحسيت انها مش مبسوطه ف تعبت ومحدش كان بيشجعني عليه ولا بيقولي حلو ولا حاجه حرفيا ف حاليا بحجاب بس برقبتي وكنت بلبس فساتين فلصيف فحاليا هنزل كمان يومي اجيب هدوم وهختارها واسعه ادولي ربنا يهديني والبس الحجاب الشرعي او الخمار يعني

Mango_42964 🇪🇬 · Answer

ف البدايه أن أهلى اجبرونى البس الحجاب وانا عندى 10 سنين بعدين انا اتقبلت الموضوع وبقيت بحب نفسى وبالحجاب اوى بس بعدين قعدو يقولو مينفعش تلبسى بناطيل ولا لبس ضيق والحاجات دى بس انا مكنتش بسمع كلامهم قعدت من اولى اعدادي لحد تالته هما كل شويه يقولو مينفعش لازم يبقى لبسك حلو ومحترم كنت بقولهم انا معجبه بشكلى كدا بس ف هما زهقو منى وقالو براحتك المهم انا ف تالته اعدادى كنت ازهر ف درست وصف الحجاب الصحيح اللى هو الخمار ف انا اقتنعت بالحوار بس كنت بعاند فيهم وقولت لو اخدت الخطوة هتبقى برغبتى انا بعدين جيت يوم 12/2/2023 لبست الخمار ومن وقتها وانا كل يوم اقنع ماما انى انتقب بس مش موافقه بعدين قالت ف اولى ثانوي ابقى تلبسى النقاب المهم صدقتها وقعدت مختمره 6 شهور ولبسى كله اتغير حرفيا بعدين كنت بحجز دروس اولى ثانوي خلاص قولت لماما تانى قالت لا هيأثر عليكى وعلى تعليمك قعدت كل يوم اصحى اقولها النهار كله لحد ما قالتلى براحتك بس لو حصلت حاجه انتى حره وانتقبت يوم 30/7/2023 والحمدلله لحد دلوقتي وكمان يعنى لبسى اتغير اووووى مبرتحش غير ف اللبس الواسع اوى ف بسال الله الثبات يارب ❤️🍒

Chocolate_47777 🇪🇬 · Answer

ف الاول لبسته عشان بابا اجبرني و كنت متضايقه اوي و كمان مكنتش بعرف الف الطرحه و كان شكلي بيبقى وحش بس بعد كداا اخواتي علموني ازاي الفها و بقاا شكليي حلو اوي بيها و مبقتش اقدر استغنى عن الطرحه و بفكر اختمرر بس خايفه اخد الخطوه عشان مقلعش الخمار تاني و بسس