انا فشلت في كل حاجة حرفياً عارفين كلمة مالهاش لازمة اهو دا حالي دلوقت فشلت أني أعمل صحاب فشلت في الدراسة بقيت مش بذاكر ولا عارفة اي حاجة في المنهج فشلت أن يكون عندي اهل ينصحوني ويكونوا جنبي لما ابقى في مشكلة بس انا لقيت نفسي وسط عيلة اخواتي احسن مني في كل حاجة لو حد عمل حاجة غلط أنا اللي يتزعقلي بكون مرعوبة وانا بعمل اي حاجة لأن أقل غلطة فيها زعيق وضرب كان نفسي الاقي حد احكيله مشاكلي واحكليه عن اللي مضايقني بس عمري ما لقيت حد يفهمني ولا عمري حكيت لحد عن أي حاجة مضايقاني قولت صحابي هيعوضوني كسروني زيادة خلوني كرهت كل حياتي مش طايقة نفسي حرفياً كنت بستغرب ع الناس اللي بتقول همسح الواتس عشان تعبانة وعايزة ابعد عن الناس شوية لحد مانا بقيت بمسح كل حاجة تجمعني بالناس اكتر ما بنزلها كنت بستغرب برضو ع الناس اللي بتقول أن ملامحها اتغيرت من الزعل لحد ما شوفت شكلي بقى عامل ازاي حاولت كتير اوي بس في كل مره كنت بفشل وكل مره كانت بتكسرني عن المره اللي قبلها لحد ما فقدت الشغف في كل حاجة بقيت عايشة جسم من غير روح مستنية ضوري يجي واخلص من اللي انا فيه

7

1