علاقتي بقت سامة بعد تجاهله وإهانته ليا

Question

انا مرتبطه بواحد كويس ماديا وبيحبنى دايما كنت بحس كده لحد من شهر ونص بدأ يتجاهل رناتى وفي نفس الوقت لما اعبر عن غضبى ان الموضوع بيضايقنى كان بيقولى يوووه انا زهقت ويرجع يرن ويشوفنى فين بعد شويه حتى يوم عيد ميلادى قالى ده يوم عادى زى اى يوم مع انه قبلها بكام يوم جاب لى قطه وانا قولت له انى بحبهم لكن عندى حساسيه من الفرو وقتها قال تتك نيله وان انا هبقي ام فاشله وان انا علي طول مش قادره تعبانه وبدأ يضايقنى وبعدين رجع بكلمه بهزر 
المهم ان انا انهرت نفسيا بسبب كلمه عيد ميلادك يوم عادى زى اى يوم 
المهم اما بدأت اتجاهل مكالماته بدأ يتخانق كنت وقتها بعيط باستمرار 
وبدأ يهدى الرتم ويقولى سامحينى انا بحبك ولوسبتينى اموت 
وقال لى هو انتى مابقتيش تحبينى 
انا مش عارفة هل التزامى الصمت ده حل صح وانى ابعد ولا ايه مع العلم انه والله كان حنين عليا وبيراضينى

Cherry_56436 🇪🇬 · Answer

ممكن يكون مضغوط حاليا ف ده ناتج عن الضغط وطبعا مش مبرر صلى استخاره مره واتنين  وشوفي هترتاحي ولا لا مينفعش تفضلي ساكته مش عارفه انتي عايزه ايه

Cherry_56436 🇪🇬 · Answer

الارتباط لو كان خطوبه ده ردي لو ارتباط عادي حافظي على قلبك ومشاعرك

Banana_49508 🇺🇸 · Answer

عمتا الأولاد بيشوفو يوم الميلاد عادي جدا ف ليه بتكبرو موضوع عيد الميلاد

Avocado_53930 🇺🇸 · Answer

عشان مش الفكره في عيد الميلاد الفكره في الطريقه والمعامله
انا زمايلى في الشغل عملوا لى عيدميلادي وهو بدأ يضايقنى ليه نزلتى صور التيم وكتبتى شكرا جدا 
الموضوع تقديرى بحت

Banana_49508 🇺🇸 · Answer

أنا شايف اللي بيحب حد يعمل اللي يريحه ويرضيه مش يضايقه ويعاند فيه

Banana_46460 🇪🇬 · Answer

لا ما عدا الاولاد اللي بيحبوا بجد انا مثلا حبيبي على طول اصلا بيفاجئني بيه وبيحبه وبيحتفل معاه معايا قبلي اصلا وبيجهز لي كل حاجه في ساعتها بصي يا حبيبتي

Banana_46460 🇪🇬 · Answer

بصي هقول لك حاجه ممكن يكون مضغوط من الشغل وده الحل الاول الحل الثاني ان فيه حد مشغول معاه حد تاني وبيعيد كل اللي عمله معاكي من الاول وجديد والحل الثاني والثالث هو بياخدك رهان علشان يثبت نفسه ويروحوا نفسيته المريضه ان هو ان ما فيش اي بنت ترفضه ما تقوليش ان هو كويس ماديا ولا بيصلي ولا محترم كل الاولاد كده يا حبيبتي

Chocolate_58050 🇪🇬 · Answer

اعرفي منه ولو انت بقيتي رقم 2 فمش محتاج اقول لك ان انت تسيبيه بس حاولي تديه فرصه لانه ممكن يكون مضغوط او في اي حاجه