ضغوط الثانوية وإدمان الأصحاب.. مش عارف أواصل

Question

أنا واحد في ثانوية عامة و عليا ضغوطات كتير من اهلي و المشكله اني مش عارف اعمل ايه كل صحابي بيدخنو الا انا بس بيقولولي اشرب علشان تهدي انت في جحيم من دماغك حتي لو مره بس علشان اواصل وانا بجد مش عارف و حاسس ممكن من مره مش تفرق كتير

Strawberry_56089 🇪🇬 · Answer

اوعي يا صديقي السجائر دي عامله زي المسكن هتفضل تاخدها وتحس انك مرتاح لغاية ما تتعود وتزود الجرعه وفي النهاية ما عدتش هتأثر اصلا ولا انت عالجت المشكله بس بالعكس هيجيلك فشل كلوي عموما السجائر دي اصل كل امراض الجهاز التنفسي وهتاخد ده في مديول الrespiratory إن شاء الله لو دخلت طب وهتعرف انها بتعمل مصائب سوده ما عدش كتير انت عديت كل ده وهتستلم في الآخر صلي وادعي وإن شاء الله ربنا هيكتبلك الخير

Lemon_50969 🇪🇬 · Answer

كلو بيقول مره مش هتفرق بس مره في مره كل ما تتزنق وتحس انك مضغوط تروح تشرب وتيجي بقا بعد ما تخلص امتحانات علي خير عايز تبطل خلاص مش هتعرف ف بلاش بجد لانها حرام وكمان مضره جدا بالصحه شويه ضغوطات هتعدي وهتبقي تمام بس السجاير هتفضل ملزماك طول الوقت وصحابك خلي معرفتك بيهم سطحيه نصيحه مني يعني مش لأنهم لو عايزين يجروك لحاجه زي كده ف هتبقي سهله يجروك لحاجات اسوء ربنا يريح قلبك ياخويا ويهديك ويبعدك عن ال

Strawberry_56089 🇪🇬 · Answer

كلنا كنا كده بس مافقدناش الامل وعدت وجت ايام في الكلية اصعب منها وعدت كل حاجه بتعدي والله

Pumpkin_56117 🇪🇬 · Answer

هقولك على حاجة
اولا ثانوية عامة ديه نصيب والله ممكن تتعب طول السنة متجبش وتتعب نص نص تصيب والكارير مش هو نهاية العالم فشيل فكرة الضغط من دماغك وطنش لاي حاحة بتحاول تضغطك

اما السجاير بالعكس هتسببلك توتر اكتر فاللي بيقولك كده عايز يجر رجلك للغلط عشان تبقى زيه متتخدعش
انا جبت صيدلة ومجبتش طب ولما بفكر ايه ممكن اكون عملته غلط هقلك اني كنت باخد الحاجة على اعصابي

Cherry_56121 🇪🇬 · Answer

بلاش بجد انا لسه مبطله قريب و كنت حريقه حرفيا و صحتي تعبت وانا زيك ثانويه برضو بس صدقني هي ممتعه ف الاول و مسكن مؤقت جدا بلاش الله يرضي عليك خدها مني نصيحه اهرب لربنا احسنلك

Popcorn_35182 🇪🇬 · Answer

قبل اي نصيحه اللي تخص السجائر لأن كل اللي قبلي قالو اللي ممكن أقوله و اكتر 
لكن هنصحك بخصوص اللي بتقول صحابك دول ميستحقوش كلمه صاحب 
الصاحب اللي بجد و بيحبك عمره ما هيجرك لسكه زى دى اشترى مني دولا لازم تبعد عنهم و تشوف ناس فعلا يستحقو كلمه صاحب