إدمان

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cherry_55189 🇪🇬

منذ يومين

شعور متعب

متضايقه من نفسي اوي أو بمعنى أصح كرهاها ومش بعذب نفسي وخلاص بس انا فعلا بالرغم من اني الحمدلله فيا حاجات كتيره حلوه بس في لحظه بتغير لشخص اناني فعلا بحب اخد اللقطه دائما وبقيت بكذب بشكل كبير وبقول حوارات من دماغي وبكون مصدقاها لدرجه ان فعلا الكذب بقا يطلع مني تلقائي ومش قادره اتحكم في ده كل مره اتوب

Kiwi_51302 🇪🇬 جربي مره قولي الصراحه في موقف انتي عارفه انه هيحصلك مشكله كبيره بسبب الصراحه و لما تعدي من التجربه دي هتحسي ان الصراحه سهله و مش هتكدبي

عرض الكل 2 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Chilli_28837 🇪🇬

منذ 4 أيام

شعور وحيد

انا خاطب وحده مش عارف اوصفها ازاي بس في حجات منها مضايقاني جدا بتقضي يومها كله في اللعب ببجي ومش عدد ساعات قليل شفت تلفونها لقتها معديه أكثر من ١٢ ساعه لعب وانا خايف ده يأثر عليها وأنا بطبعي ماببقاش مرتاح ولا حاسس بالراحه الا لما اكون بتكلم معاها أو بشتغل فلما اكلمها مابتردش الا بعد بعد ساعتين اربعه

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا اسفه علي الي هقوله بس كنت مدمنه او انا لسا بتعافي مش هقدر اقول اني متعافيه اهلي عرفو اني مدمنه حاولو معايا كتير بس انا كنت بخيب ظنهم بس كان عصب عني انا عشت حاجات لو حد غيري عاشها ممكن يموت من وجع قلبه ملقتش حد جنبي كنت لوحدي ملقتش غير المنومات هس صاحبتي الوحيده لحد ما ادمنتها انا فضلت كدا ٤ سنين بس زهقت و اخيرا لاقيت حد بيحبني و بيحاول معايا عشان افضل مبطله بس المشكله بقي في اهلي اهلي معدش متقبلني خلاص كلامهم و نظرتهم ليا كانت بتموتني لدرجة اني قررت اني مخرجش من اوضتي تاني و لو خرجت يبقي علي القد اوي بس دي حاجة بقي اتقلبت ضدي بقيت ارحش الناس بنسبالهم مع اني اتغيرت ١٨٠ درجة بس خلاص الي حصل بيني و بينهم ميتصلحش حاولت انتحر كتير و ربنا يسامحني علي دا بس حقيقي مكنش ليا مكان في الدنيا خلاص .. دلوقتي هما بيتعاملو معايا اني طفله حتي كلامهم كله شتايم و تهزيق علي اي حاجة بعملها ياعني ممكن اكون قاعده ف البلاكونه ف بابا يدخل عشان يقعد يقولي بت بت غوري من وشي مش عايزه اشوف وشك الوسخ دا :) مع العلم يا جماعه انا بنت ناس جداً والله بابا و ماما قررو ميدفعوليش مصريف الجامعه ياعني انا عندي ٢٤ سنه و لسا في اولي جامعه ولما قررت اشتغل و ادفع مصاريف الجامعه قالولي لا احنا عايزين منك حق كل الدكاتره و الادويه الي جبنهالك عشان تتعالجي و حق المصحه و حق قعدتك في البيت انا حقيقي بقيت مدمره بفضل اشتغل طول الشهر و في الاخر باخد ملاليم ويارتني باخدها لا مثلا يخلوني انزل الكوافير اعمل شعري كدا ياعني دلوقتي الشخص الي انا بحبه دا قالي انهارده اني اتكلم معاهم اننا نقراء فاتحه عشان هما بينزلوني بالعافيه ف قولتلهم كان نفسي يفرحولي بجد بس محصلش طلعولي في ميليون عيب و كلام كتير من دا و انا حقيقي تعبت منهم هو ليه في حاجة اسمها بر الاباء و مفيش حاجة اسمها بر الابناء ولا هما الاهالي مبيغلطوش؟ "معلومه صغيره انا الي روحت اعترفتلهم اني مدمنه عشان يساعدوني " .💔 انا مليش صحاب خالص ولا ليا حد حتي لما كان ليا صحاب اذوني اذي وحش اوي .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Peanut_52995 🇪🇬

منذ 5 أيام

شعور خجلان

انا طالب في اخر سنه في الجامعه عندي ٢٢ سنه من خمس سنين بدأت شغل في مكان جمب بيتي واتصاحبت علي صاحب المكان هو حد محترم وبيعزني جدا لكن اتطورت صداقتنا لحد ما بقينا من ٣ سنين بنخرج سوا وهو كان بيشرب حشيش وخمرا وانا كنت الاول بخرج معاه بس عشان كنت يعتبر لوحدي في الدنيا بعدين شويه بقيت اشرب معاه نفسين تل

Orange_27820 🇪🇬

منذ 5 أيام

شعور ضاق ذرعًا

لو حد ليه تجربة مع تبطيل التدخين لأن انا فقدت السيطرة نهائيا على الموضوع دا ومابقتش قادر اتحكم فيه لدرجة ان فعلا بقا في اجزاء في جسمي بتخدل بالساعات واوقات كتير مش بقدر اتنفس.. ولو حد يعرف او جرب (عيادات فاسيلتس للاقلاع عن التدخين بالليزر) اللي في مصر الجديدة يفيدني الموضوع نفع ولا لا.. من فضلكم ا

French Fries_52811 🇪🇬

منذ أسبوع واحد

شعور محبط

ممكن حد يرد عليا ؟ بمناسبه أن العيد داخل والناس بتكون مع اهلها ومبسوطين وكدا ف انا كان نفسي يكون عندي أهل افرح معاهم ف العيد انا اهلي سبب كل مشاكلي وياريت يا جماعه محدش يجرح أو يدخل يقولي يعم دول اهلك ومتقولش كدا انا محتاج الي يساعدني ويفكر معايا وحد يكون فعلا مجرب الي انا بقول عليه دا ف طفولتي كنت

Cookies_54262 🇪🇬

منذ أسبوع واحد

شعور متعب

بمناسبه أن العيد داخل والناس بتكون مع اهلها ومبسوطين وكدا ف انا كان نفسي يكون عندي أهل افرح معاهم ف العيد انا اهلي سبب كل مشاكلي وياريت يا جماعه محدش يجرح أو يدخل يقولي يعم دول اهلك ومتقولش كدا انا محتاج الي يساعدني ويفكر معايا وحد يكون فعلا مجرب الي انا بقول عليه دا 💔 ف طفولتي كنت بتعرض لعنف شديد

Strawberry_54375 🇪🇬

منذ أسبوع واحد

شعور غاضب

Apple_54263 🇪🇬 مينفعش تكملي لاي سبب حرام عليكي نفسك لازم تبعدي لان بالشكل دا ف مره هتموتي واللله

عرض الكل 3 نصيحة

عبّر عن شعورك بشكل مجهول

انا متجوزة من ١٠ سنين عندي بنت وولد وبحب جوزي وجوزي بيحبني لأكن عمرنا ما عرفنا نحب بعض بالطريقه الي تناسب كل واحد فينا باختصار احنا مختلفين عن بعض اهتماماتنا والي لايف ستايل مختلف تماما أنا كبيره ف بيت اهلي شيلوني مسؤليه وفهمت كل المسؤليات الي ع الناس كلها واتعاملت مع تجار وعمال ف شغل والدي وهو كان اصغر أخواته الي بيطلبه بيحضر حالا وكلهم بصراحه بيحبوه لأكن المشكله ان هو بعد الجواز فاجأني ب شربه ل نوع من أنواع الدراجز وبعد ما حاولت معاه يبطل قولت اكلم أهله يساعدوني ومن ساعتها واهله معانا ف حياتنا ف كل خطوه مفيش حاجه غير وهما عارفينها بحجه أننا خايفين عليه حجمه الفلوس و كانت الطرق مختلفه كل فتره وف كل انتكاسه كنت ببقي أنا الي موقفي زي الزفت ليه لان بيتقال مكنش كده قبل الجواز و كمان هو بيشتكي منك وأنك بتقوليله اشتغل واعملك مشروع وأنتي بتضغطي عليه وع طول منكده عليه وده مش أسلوب تتكلمي بيه مع واحد مريض زيه وبقيت فجاه ف موقف دفاع عن نفسي من كلام قاله عليا عشان يبرر شربه وأغضب وامشي يلومه عليا إني سبته ف ظروفه افضل معاه بيضربني ويبهدلني  اروح زياره عند اهلي يقوله لا عيب تمشي من بيتك خالص طول ما جوزك بيتعالج 
رغم ان العلاج الي كانوا بيعالجوا بيه من نوع غريب يسكر ويسهر ويجي يرجع ويبهدل الدنيا ويعرف بنات ولما اشتكي يتقال مع أخواته احسن من الديلرات الي بيشوفهم وبعدين فتره يا ماما الست الاصيله تستحمل والصراحه كنت استحمل فتره وبعدها امشي تاني ع مدار سنين جوازنا عشت ف بيت بابا اكتر من بيته لحد ما بابا عملي شقه اغضب فيها مشاءالله وبما أني الكبيره محدش بيقررلي أنا الي بقرر ف محدش كان بيغصب عليا ارجع او لا لحد ما رجعنا من يوم ما رجعنا شرب نوع تاني أوحش نوع ف الكون واصبحت ست خاينه ورخيصه وحاجات معرفش عنها اي حاجه المهم بعد بهدله وضرب وكسر سناني وخرم القرنيه خرم صغنن كده صممت واطلقت 
اختفي بعد الطلاق تماما ٦ شهور وتم علاجه وطلب مني نرجع عشان ولادنا ورجعنا وبعد ٥ شهور من جوازنا تاني انتكس مره كمان واتفاجأ ت انه حاكي كل تفصيله صغيره بيني وبينه ل أخواته لان بيقول إني السبب ف رجوعه المشكله ان أخواته مقتنعين لأنه موصل كده ولما جينا نتجوز تاني كانوااا رافضين تماااما وهو اتحدي الكل واتجوزنا الكارثه بقا انه زي ما بيعمل معايا ويقول لاخواته عليا بيعمل معاهم ويقولي إنهم مصدر الغم ف حياته وأنهم كسرينه ب الفلوس الي بيصرفوها عليه ولازم يبعد عنهم لأنهم طريقتهم الي بتخليه يشرب مخدرات اعمل ايه وسط كل ده أنا مرهقه ومش قادره اغضب تاني وملوش لزوم أصلا أنا بغضب ب الشهور وبيحاول معايا وأفضل ارفض لحد ما بيتغير لأكن بيطلع دايما تغير مؤقت أتصرف ازاي لأنه ف انتكاسته الاخيره دي رجع يقولي كلام مش كويس تاني ومش مؤدب أنا صعبان عليا نفسي والي عملته فيها جدا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_51832 🇪🇬

منذ أسبوع واحد

شعور شاعر بالملل

عبّر عن شعورك بشكل مجهول

من سنه تقريبا كنت بعيدة عن ربنا وبقطع ف الصلاه ومدمنه اغاني وكانت نفسيتي متدمره بسبب دا وعشان كان فيه كذا دروب ف حياتي ودخلت ف دايره اكتئاب وبعدت عن الناس كلها ماعدا واحده صاحبتي  
ومكنتش عارفه اتخطى اي حاجه وحشه حصلتلي والموضوع كان صعب اووي بلص الاغاني ال كنت بسمعها كانت بتجيبلي خنقه وانا مش فاهمه ان الزعل دا كله منها وخلاص مبقتش حاجه ف الدنيا بتشدني 
وكنت سهرانه مره ومنهاره كالعاده فقمت صليت قيام(لأول مرة) وبجد هديت خالص وبقيت كل يوم بصلي القيام مع اني مش منتظمه ف الفروض التانيه 
ودعيت ربنا اني انتظم ف الصلاة وفعلاا انتظمت بس لسا مكمله ف الاغاني وكانت بتشغلني عن الصلاة كتير بس انا بحبها ومش عايزة ابطلها وبقول ان اكيد لما اكبر هتوب منها وشايفه برضو ان التوبه منها صعبه ، ولبسي اوفر سايز(مش حجاب اوي) وبرضو مش عايزه أحسنه 
بس بيجيلي افكار ان لو انا مت هعمل ايه وكنت بعمل سكيب كتيررررر لكل الأفكار دي عشان مش عايزه ابطل الذنوب دي 
لحد ما لقيت صحبتي بعتالي مسدج كاتبه فيها كل الأفكار ال بتيجي ف دماغي بالظبطط حرفيا اول مشوفت المسدج فضلت شويه مش مستوعبه 
ولقيتها كاتبه كل الحاجات ال بحس بيها بقالي فتره ومش عارفه اقولها لحد (هي كمان زيي)
وقالتلي انها عايزه ترجع لربنا وحاسه مفيش حاجه تستاهل نعصي ربنا بسببها 
قولتلها ايوا بجد وانا معاكي
ووقتها حسيت ان ربنا خلاها سبب ان ابطل الذنوب دي وبدأت ابطل اغاني ومسحتها بس كنت برجع بعد كام يوم اسمع واتوب لحد ما الحمدلله وقفتها ومش عارفه اوصف ازاي فيه هدوء وراحه ف حياتي رهيبهه بعد ما وقفتها وربنا وقف معايا ف حاجات كتير اوي ونسيت اي حاجه وحشه ومفيش حاجه بقت تضايقني بسهوله وقيت مدركه ان الدنيا مش مستاهله اي حاجه والله وطلع كل الضيق ال كان عندي دا بسبب البعد عن ربنا بجدد
ممكن البوست دا يكون إشارة لأي حد انه يرجع لربنا وربنا هيقبل توبته وهيفرح بيها (قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ"
بجدد حلاوه القرب من ربنا متتوصفش ومفيش حاجه ربنا حرمها علينا غير وهي بتاذينا فعلا♥️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Strawberry_54084 🇪🇬

منذ أسبوع واحد

شعور مكسور القلب

قعدت مرتبطة ٧ سنين كاملين ، ٣ خطوبة ، ٤ جواز ، كنت فاكرة اني اقرب حد ليه في الدنيا ، طلع خاين خانني في بيتي وفي اوضة نومي ، انفصلت وبعدين اكتشفت بعد الانفصال انه كمان طلع مدمن المشكلة انه بقاله سنة طلاق اهو ومش راضي يطلع من قلبي ، وبفتكر كل الذكريات بينا ، أنا حبيته حقيقي ، حزينة اوي بجد

التجربة أفضل عبر التطبيق

حمّل تطبيق توهيل على هاتفك لتجربة أسرع