صدمت من خيانة صاحبي والبنت اللي بحبها

Orange_74010 🇪🇬

منذ شهر واحد

شعور عاطفي

انا كنت مرتبط بواحدة وكنت بحبها جداا بس هيا جت فترة زعلت ومعدش بترد عليا المهم اتقابلنا وصالحتها وبعد فترة م الموضوع عده عليه كتير في واحد صحبي قالي دا البت كذا كذا انا بقيت يكلمها فنا انصدمت وقولتلو يا عم لا سيبك من الي انت بتقولو دا لغاية موراني الشات بعيني وبعتالو ريكوردات بقيت واقف مش عارف اقول اي اتعاملت مع الموضوع عادي واكني معرفش حاجة وفي الاخر طلعت بتكلم عليا ومقرطسانة احنا الثلاثة ومحدش يعرف والمشكلة أن انا تجاهلتها علي طول وقلت الله يصلح حالها تقوم ترن عليا وتقولو انا عملت اي قولتلها اسئلي فلان وفلان وفلان وقفات السكة في وشها عشان معرفش اذاي يكون في حد وحش كدا

خدعة من أقرب ناس لي وبطلت أثق في حد

اتعرفت علي واحده والامور كانت ماشيه تمام فاهمين دماغ بعض والعلاقه كانت بتتطور يوم عن الاول. واحده واحده اعترفت انها بتحبني اعترفتلها انا كمان اني بحبها وكنا 24 ساعه بنتكلم ف الاول كانت حكيالي ان في واحد جارهم كان متقدملها ومحصلش نصيب لسبب انه مش شبها والواد بيشرب ومكنوش متفاهمين والكلام ده كله وسابه بعض. وف يوم من الايام راجع من الشغل كلمتها قالتلي رايحه عند ستي! ك العاده قولتلها خدي بالك من نفسك ومتعوقيش ولو في حاجه اتصلي بيا الكلام الي كلنا عارفينه. المهم مروح بيتي واتفجاء المفاجأة الي مكنتش متخيلها لقيتها راكبه توكتوك والي كان خطيبها راكب جمبها وحاطت ايده علي كتفها طبعاً انا شوفت المنظر وانزهلت كنت بكدب عيني لاني مكنتش اتوقع منها حاجه زي كده خالص كنت بثق فيها لدرجة كبيره جداً لحسن حظي لقيت توكتوك معرفه قولتلو خليك ورا التوكتوك ده ودماغي عماله تودي وتجيب طول الفتره الي كنت ماشي وراهم فيها مش عارف اتحكم ف اعصابي المهم نزلو قعدو علي كافيه وضحك وهزار قمت مطلع فوني ومقرب الزووم ومصور اتصلت عليها مردتش فضلت اتصل لحد ماقامت من جمبه ردت عليا كلمتها عادي جدا ايه وصلتي ولا لسه قالتلي اه لسه واصله منش شويه طب مكنتيش بتردي ليه قالتلي كنت قاعده جمب ماما وتيتا معرفتش ارد عليك انت رجعت من الشغل ولا لسه قولتلها راجع اهو. فترة ما كنت بكلمها مصدوم م الي بيحصل طب انا فحلم؟ المهم روحت ومبقتش عارف اتصرف ازاي لحد ما قررت اني مردش عليها لمدة يومين تكون اعصابي هديت عشان مخربش الدنيا فوق دماغها اليوم الاول رنت عليا فوق ال 75 مره وتبعت واتس وانستا وانا ولا سائل فيها تاني يوم لقيت رقم غريب بيرن وكان عندي شك 50٪ انها هي رديت لقيتها واحده صاحبتها اذيك عامل ايه في ايه بينك وبين$$$$$ انا:مفيش حاجه اومال مبتردش عليها ليه قولتلها مكنتش فاضي قالتلي هصدقك مع اني واثقه ان في حاجه بينك وبينها قولتلها هيكون في ايه يعني قالتلي معرفش وفضلت بقي مش هتلاقي حد يحبك قد$$$$$ دي بتموت فيك وبتقعد تحكيلي عنك قولتلها انا كمان بحبها ومفيش حاجه بيني وبينها خلصت معاها المكالمه قمت داخل واتس ل $$$$$ فقامت متصله رديت لقيتها بتعيط حرام عليك الي انت بتعمله ده في ايه طب انت زعلان مني سيبتها تخلص قمت رادد عليها ببرود اعصاب وقايلها انتي مصدقه نفسك قالتلي مصدقه نفسي ازاي قولتلها تعالي واتس روحت بعتلها الصور الي كانت قاعده فيها علي الكافيه قالتلي هفهمك قولتلها مش عايز افهم انتي مش كويسه وكنتي حباني لاجل فلوسي وسمعتها كلام قد كده قمت عاملها بلوك فون ووتس وانستا وفيس ومسبتش مجال لانها تخش تكلمني الكلام ده عدي عليه ٨شهور لحد الان بتتصل علي الحظر ومش مبطله وتعمل اميلات فيك وتخش تكلمني واعرف ان هي وابلكها خلتني رافض اخش اي علاقه جديده ومبقتش عارف اثق ف حد من بعد الي عملته معايا لما الضربه تيجي من اقرب الناس ليك بتبقي صعبه مهما كنت قريب وواثق من الشخص الي قدامك حرص منه. ...عرض المزيد

5 الدعم

2 نصيحة

صاحبتي خانتني مع خطيبي وجرحت قلبي 💔

انا كنت مخطوبة عن حب و الخطوبة من اول ما ابتدت و انا كان ليا صاحبة بقالنا 5 سنين مع بعض كانت حاضرة معايا و انا بجيب فستاني و ف الخطوبة و كانت هي و اللي كان خطيبي قدامي طول الوقت بينكشو ف خناق بعض اللي هو غيرانين عليا .. مكنتش فاهمة ان ده فيه وراه إنه و انه مش طبيعي المهم مع الوقت صادفت مرة و كلمتها من عنده و فوجئت بعدها انه الاتنين سجلو الارقام و كل واحد فيهم بييجي يحكيلي هو قال اي و عاد اي مكدبش عليكو انا مكنتش ابدا مخونه حد فيهم ليه لانه هو انا مفيش واحده قابلها ولا هيقابلها هتعمل معاه ربع اللي عملته عمر ما في واحده كانت هتقبل ع نفسها اللي شوفته معاه و تبقي بتدعم و تكمل و تعدي و تفوت و تروح تعاتبه و بعد ما وقفت جمبه بكل حاجة ف الدنيا و كل الالتزامات خلصت اول واحده استغني عنها هي انا .. المهم نرجع للي كانت صحبتي دي انا طول مانا مخطوباله مشكتش ف حاجة لحد ما ربنا حط قدامي مواقف معينه كنت ابتديت اشك بقي و كذا حاجة بتأكد و كل ما اتلاشي الموضوع و اقول يارب بينلي يبانلي حاجات اكتر لحد ما ف يوم قررت اني مش هوتجهة بحاجة و روحت قابلته و اتلككتله ب واحده قريبته كان مكلمها واتس و قولتله متكلمش بنات خالص بما فيهم صحبتي عشان متقوليش صاحبتي لاء بلاش بنات خالص و جيت عملتله اختبار بسيط زي ما يكون ربنا الهمني اني اعمل كده بظبط مع ان دي مش طريقتي ولا تفكيري مبعرفش اتخابث زي البنات ولا فيا الطبع ده المهم كلمته و روحت سألته انه فيه واحده صحبتي مرتبطه و عاوزة تهادي اللي بتحبه و انت رأيك اي الهدايا اللي بتعجب الراجل وقتها هي صحبتي دي فعلا فعلا بتدور ع هدية تجيبها للي مرتبطه بيه ربنا الهمني اني اسألة فعلا و سألته اي الهدايا اللي من رأيك مناسبة و جاوبني و بعدها قولتله تعرف صحبتي دي مين قال مين قولتله اسمها ساعتها و كنت عايزة رد فعله بس هو اللي يجاوب حيرتي و اتفاجئ بكلامه و انفعاله و هو بيقول اي القرف ده و انه قد اي بيكره البنات دي و انفعل بشكل مبالغ فيه لما عرف ان هي مع انه منفعلش ان واحدة صحبتي و مرتبطه قبل ما يعرف هي مين انتو فاهميني اكيد ربنا ساعتها ثبتلي فعلا انه فيه حاجة غلط و مع ذلك و معرفش ازاي بكل سذاجة و عدم وعي مني كملت معاه و مكنتش بفكر ف الموضوع خالص و هي كانت صحبتي و مبفكرش فيها وحش و مكملة لحد ما فشكلت زي ما حكيت فوق لسبب تاني غير انهم بيكلمو و هي فضلت صحبتي عادي و مفيش حاجة و مش هقولكو انا كنت بعملها معاها اي والله و امي نفسها كانت بتعمل معاها كل خير و من ورايا كانت بتيجي بيتنا تقعد بينا و بيت اخواتي و اعتبرتها اقرب من اختي ليا عمري ما توقعت الاذي ده كله من حد عمري ما اذيته .. لحد ما الوقت عدي و لقيتها بتوقع بيني و بين صحبتي المقربة اللي هي صحبتنا التالته و هي اصلا صحبتي من قبل ما نعرفها نبقي متخانقين تخش تبعتلي الكلام الوحش اللي قالته صحبتي المقربة عليا و هكذا و تروح بردو تبعتلها لحد ما ف يوم المشاكل بينا بقت بتزيد و حوارات صحبتي الخاينه دي تكتر و نمت ف يوم حلمت برؤية هي فيها تفسير الرؤية ان هي بتلاحقني عشان تأذيني و ما زالت مش قادرة تتمكن مني و ان هي شخص وحش و كانت هيأتها وحشة ف الحلم اوي صحيت مقبوضة و من بعد الحلم فسرت كل حاجة لوحدي زي ما يكون ربنا نورلي بصيرتي اللي معرفش ليه كنت قافلة عيني عنها رتبت الاحداث و فهمت ان هي الوحيدة اللي كانت السبب ف اكبر مشاكلنا انا و اللي كان خطيبي و ان هي اوس المصايب ف حاجات كتيير اوي و ان هي كانت بتحور علينا ف كل حاجة حتي ابوها بتشوه صورته و هو راجل كويس لحد ما رتبت و فهمت هي ليه كانت بتخش تكلم علي صاحبتنا التالته معايا و انا كنت ي جماعة بجاريها ف الكلام عشان مش عاوزة اظلمها ولا اخونها ولا عاوزة اشيل ذنب اني ابقي حكمت عليها و عاوزة اعرف اخرها اي بعد ما فسرت و بعدت عنها تماما روحت لصحبتنا التالتة و حظرتها و حكتلها اللي حصل و وريتها بعنيها هي كانت بتتكلم عليها ازاي و بتقول اي و ورتها اني كنت برد عليها بنفس الردود اللي هي عاوزة تسمعها عشان تطمن و تحكي السواد اللي ف قلبها صحبتي المقربة دي تفهمت ف الاول و جت بعد كام يوم قالتلي انا مش قادرة اتخيل انك قبلتي تسمعيها بتغلط فيا و تجاريها ف الكلام اكتر من مرة و مترديش غيبتي حاولت افهمها كتير اوي انه مكنتش عاوزة اظلمها و اني كنت معميه عن حقي ف كل اللي عملته مع اللي كان خطيبي و اني لو وحشة كنت بعدت منغير ما احظرك منها و اني ازاي هفضل بعاملها زي اختي و انا عارفة عنها كل ده انا حقيقي والله العظيم كنت حاسة اني ف حلم حد رابط تفكيري و عقلي و متفتحش غير بعد الرؤية انا والله مظلومة و مكنتش حمل اني اخسر صحبتي المقربة دي عشان حاجة انا مليش ذنب فيها انا اللي مش عارفة افوق من الصدمة بقالي كام شهر بفكر اني تخطيت ده بس مبيحصلش قلبي تعبان اوي مش قادرة اصدق و استوعب صحبتي المقربة عملتلي بلوك ع فيس و ماسنجر و مسحت رقمي ع الواتس بس منغير ما تعمل بلوك بقيت مجرد رقم غريب ف شاشة محادثتها بعتلها اصالحها مردتش عليا 💔 فكرت اروحلها لحد عندها و هعمل كده انا صعبان عليا نفسي اوي بجاول ابقي مش مزعلة حد و انا اكتر حد بيزعلوة 💔💔💔مش عارفة انسي كل اللي حصل زودو عليهم انفصال ابويا و امي و دي مش محتاجة شرح💔 اسفة اني طولت اوي كده و شكرا ل اي حد قرا مشكلتي للاخر و حاول يساعد و لو بكلمه ...عرض المزيد

7 الدعم

5 نصيحة

كنت بحب واحد بيخوني مع بنات كتير

كنت بحب واحد وهو كان بتاع بنات و كان بيقنعني طول الوقت انه اتغير عشان حبني و اني دلوقتي الوحيده ف حياته لحد م لقيته بيكلمني ف مره بعد م كنا متخانقين و قالي ان صاحبتي لما راحت كلمته عشان يصالحني انه حاول يجر معاها كلام و قعد يقولها انه معجب بيها وهي داست معاها وقتها هينت صاحبتي دي وقولتلها كلام قذر و قعدنا فتره منتكلمش خالص بسببه و ف الاخر طلع بيخوني مع ٥ ولا ٦ كده غيرها وكذا حد كان يدخل يكلمني ويقولي ده صايع و زبالة و انا مكنتش بصدق لحد م ف يوم كلمني وهو كان شارب و قعد يقولي انه بيحبني بس مش عايزني و انه كان مع واحده دلوقتي و حتي مش فاكر اسمها من يومها و قررت ارجع اتعامل معاه عادي ب كل حب لحد م اتعلق بيا اكتر و سيبته من غير مقدمات و كان يفضل يكلمني و يتحايل نرجع و انا اقولة لما تفتكر اسم الي كانت معاك هبقي ارجعلك ...عرض المزيد

0 الدعم

8 نصيحة