خيانة

Grape_53277 🇪🇬

منذ 4 ساعات

شعور مكسور القلب

بقيت بحاول اعزل نفسي عن الكل برتاح مع كوني وحيد بس مش بحب كده مش وحيد بس مش عارف ارتاح مع حد حتى البنت اللي حبيتها بجد في لحظه واحده استوعبت انه موضوعنا جد وداخلين رسمي مهمهاش انا ايه ولا هحس بإيه وسابتني منغير كلام ومنغير عتاب واهلي بعاد عني مش عارف اتكلم مع حد وكل ما اتكلم مع حد يقعد يقولي على حلو

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

من كتر الحيرة واللغبطة الي جوايا مش عايزة غير ان حد ينصحني اعمل ايه وانا هعمل من غير ما أفكر حتي .. 
أنا اتجوزت من ٤ سنين وانا كان عندي ٢٢ سنة وجوزي اكبر مني ب ٩ سنين ' مكنش مناسب من ناحية العيلة اوي لكن كانت وظيفته كويسة الي حد ما فا استخرت ربنا وقولت ادي لنفسي فرصة اعرفه كويس لحد ما  اتجوزنا ' وبعد الجواز اكتشفت ان عنده عيب او مرض او حالته الجنسيه مش افضل حاجة ' بعد ما قريت وثقفت نفسي عرفت ان الزوج الطبيعي بيبقي الإدخال عنده من ٣د الي ٩د .. أنا جوزي كان بيقعد ٥ ث وبيخلص تماما 
نصحته يروح لدكتور بعد ٦ شهور من جوازنا تقريبا عشان حاسة ان دا بدأ يأثر علي حياتنا ونفسيتنا بالسلب 
زي أني أنا ابقي محتجاه معايا او حد يبقي جمبي يطبطب عليا زي اي عروسة ف اول حياتها ومن ناحيته هو كان ينفر ويبعد بشكل مش مباشر زي انه يقضي اغلب يومه برة البيت او عالموبايل او ادام ماتش ' فا حسيت ان حياتي بتتسرق وشبابي ' وبعد سنة بالظبط من جوازي خلفت ولد ' وطبعا اي راجل حتي لو عنده عجز او عيب جنسي يقدر يخلف عادي ** المهم من بعد ما خلفت الراجل دا ضمنني تماما وبدات تظهر حقيقته معايا يتجاهلني ، يعاملني معامله مش لطيفه ، ميحبش وجودي داخل غرفة النوم بحجة ان الولد بيصحي بلليل ، بيتعامل معايا كخادمة فالبيت اشوف كل طلباته ، كلامه معايا بقي قليل ، ولما بيخرجني بحس انه بيعمل معايا كدة غصب عنه ، لو حاولت اخد اي خطوة كويسة ف حياتي يوقفلي فيها وميخليهاش تتم أبدا ، بحس انه بيغير مني او لما بهتم بنفسي شويه او لابسه حلو مثلا يديني كلام ف جنابي من تحت لتحت ، بيوقع بيني وبين اهلي بطريقه ملحوظة جدا ' لدرجة اني لما أقوله سر زي اي زوج وزوجة يروح يفتن لأهلي ويخون الامانه ' برغم اني لما بتكلم معاه بصراحة كدة بتبقي داخل اوضة النوم يعني سر ميصحش أبدا انه يخرج بيننا .. 
المهم انه شخص غير امين بالمرة + انه مش كريم عليا ولما بيديني فلوس بيعايرني بيها ويفضل فاكرهالي ومش عايزني اطلب منه حاجة واكتفي بالقرشين الي بيطلعولي من شغلي فقط 
المهم ان عدت الايام وقولت لنفسي يابت عيشي لنفسك ولابنك واهتمي بنفسك وصحتك النفسية ومتشغليش بالك بيه ' فا طبعا ركنت موضوع العلاقة دا علي جنب ومبقتش اطلب خالص فا أصبح الوضع ممكن نكمل شهر واكتر من غير ما يلمسني ' روحت لدكتورة تخسيس ونزلت من وزني ٢٨ ك وروحت الچيم وبقيت مهتميه جدا جدا بأكلي الصحي وتمريناتي واخد فيتاميناتي ف وقتها وأصحي بدري واهتم ببيتي وبأبني ومش بسيب فرض ربنا المهم اني كل يوم بتطور اكتر وببقي احلي وأحسن وشخصيتي اهدي وأجمل 
وهو علي النقيض وزنه زاد جدا وبقي مهمل ف نفسه ومش بيروح البيت كل يوم قبل ٢ بليل ' وانا انصحه واقوله يا حبيبي خد بالك من أكلك بلاش تاكل بليل اهتمّ بصحتك وهو بردو ميستحملش مني كلمة ويبعد عني تماما 
لحد آخر فترة قعد شهرين قاطع الفلوس عن البيت مش بيجبلي طلبات خالص وانا كنت مديونة ف جمعية وطلبت منه اكتر من ٥ مرات وهو مش راضي وبتحوج لاهلي وبطل يجيب حاجة لابني والي زاد وغطي انه قطع النت عن البيت ولما اشتكيت حلف بالدين ما في نت هيشتغل فالبيت تاني ' لأنه معاه خط في نت unlimited في نت علي طول بتاع شغله 
المهم اني تأكدت تماما انه بش بيحبني واتخانقنا مع بعض خناقة كبيرة ومد ايده عليا وخدت ٣ شرايط برشام عشان انهي حياتي او أستغيث لأهلي يخلصوني منه لأنهم رافضين عشان معانا ولد 
ومن بعد الموضوع دا فات اسبوعين علي خروجي من المستشفى لا اتصل ولا جه ولا سال عن ابنه ولا بعت فلوس 
وعايش حياته بيخرج وبيتصور وشال من صفحته انه متزوج وشال اسمي 
وانا طبعا طالبة الطلاق وقررت اني مش هعيش مع البني ادم دا تاني ولا هضيع شبابي معاه بعجزه دا بس مرعوبة من اني أشيل مسؤولية ابني لوحدي وابقي بطولي مرعوبة من الي جاي ومن نظرة الناس مرعوبة من نفسي لاتغير للاوحش مرعوبة من الدنيا ممكن توديني علي فين 
وهو هيكمل حياته ولا هيشتغل دماغه بيا أنا وابني 
ملحوظة ** أنا بشهادة الكل جميلة من جوا ومن برةونظيقة جدا  وأهلي ناس محترمين وهيعيشوني مرتاحة من الناحية المادية .. 
انصحوني اعمل ايه 
واسفة جدا جدا لو طولت عليكم 🤍

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_41308 🇪🇬

منذ 18 ساعة

شعور متوتر

هو ليه بجد ليه ناذي بعض ونكره بعض ونقطع في بعض ليه الإنسان بشع بالدرجه دي رغم أنه ارقي مخلوقات الأرض ليه بجد بقينا أقذر نسخ مننا ليه بنتكلم في عرض دي ونغتاب دا ونتنمر علي دول ونحكم علي دول ونقتل ونسرق وننهب بجد ليه تبقا مسلم قلبك وروحك في علاقه حب خطوبه جواز ونهين بعض ونوجع بعض انا مش لاقيه سبب واحد

Olive_18890 🇪🇬

منذ 20 ساعة

شعور عاطفي

عبّر عن شعورك بشكل مجهول

طب هي ليه عايزه تغدر بيا؟! 
ليه بتكنلي كل طاقة الكره دي بس مبينالي انها بتحبني و ان قلبها عليا و انها اول مره تحس ان الصحاب مش بالسنين و اني عوضها و سندها و كلام غريب كده لو خطيبي قالهولي هتقزز...! 
ليه بتحاول تخلص مني بس بطريقه خبيثه و لما اقول تخلص مني انا قصدي تخلص عليا..! 
و ليه بتحاول تأذي صحبتي اللي هي اكتر من اختي و بتحاول تضايقها بكل الاشكال؟! 
ليه بعد ما عشمتني انها صديقة كويسة و صالحة و دخلتني بيتها و روحت و جيت معاها جايه تحاول تتمادى ف اذيتها؟! 
عمومًا مش عارفه كده المفروض اروح و اجي من المدرسة لوحدي ولا هروح معاها و مش ضامنه ممكن تغدر بيا ف الطريق ولا لا؟ 
و مش عارفه حتى لو مروحناش سوا هروح مع مين بردو لانها هي الوحيده ( بعد بيستي)  اللي كانت بتشاركني نفس الڤايبس. 
عمومًا بردو مكنتش اتوقع اني اقابل صحاب توكسيك ف السن ده و يخلوني قاعده مشتته اصلًا و بسأل نفسي 100 سؤال ان طب ليه هي بتعملكده طب ليه بتحاول تفشلني طب ليه ف عز ما انا ببكي من كل قلبي ع درجات وحشة ف حبة امتحانات هي كان قاعده بتضحك و تقولي ده انا قفلتهم كلهم.. 
و من الكثير من المسابقات اللي كنا بنتفق نقدم فيها و راحت تقدم منغير.. 
و كورس الانجلش اللي قدمتلي فيه من ورايا و مقدمتش ل بيستي معاها عشان عايزه تبعدني عنها ب اي شكل من الاشكال.. 
لحد دلوقتي انا مش فاهمه انا اذيتها ف ايه عشان تعمل كل ده معايا.. 
يلا ربنا يبعد عني كل شخص بيكنلي حاجه وحشه جواه ❤️‍🩹✨

دمتم بخير 🎀✨

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_74616 🇪🇬

منذ 22 ساعة

شعور مكسور القلب

مرتبطه بشخص من اقل من سنه اتغير جدا في معملتو معايا بقيت احسو بيبعد وطول الوقت عندو حجج للبعد ده مع انها مكنتش موجوده الحجج دي قبل كده مع استمرار نفس الظروف بقا ديما بيشتكي انه مرهق معندوش وقت الشغل اصحابو تفاصيل ممنتش موجوده وحجج مش مقنعه وللاسف انا كنت هبعد وهو رفض واتمسك بيا وقالي اديني فرصه وبعد

Ice Cream_76629 🇪🇬

منذ يوم واحد

شعور محبط

Ice Cream_72134 🇪🇬 أنا اتمنه من ربنا وحده فى الحنيه داى

عرض الكل 8 نصيحة

عبّر عن شعورك بشكل مجهول

‏أنا متجوزة من حوالي سنتين وكان اتفقنا قبل الجواز إني أسافر لجوزي بره مصر واتفقنا إستفر بعد الجواز ب شهرين لأني بشتغل في وظيفة كويسة وكان عندي ترقيه كنت أخذها وبعد كده هستافر جوزي قاعد معايا 18يوم  بعد الفرح و بعد أسبوع واحد من الفرح ابتدأ اهله يقولوا إنه  مش  طبيعي برغم من انه كان كويس معايا من كثرة تعليقاتهم ابتدأ يتغير معايا وأحس أن هو متضايق جابوا شيخ في البيت وقال لي إنتو معمول لكم  عمل إن هو ما يخلفش منك أو انه يطلقك طبعا أنا مش  مقتنع بالكلام ده خالص وسافر  وبعد ما سافر   طلب مني أبيع الذهب عشان هيشتري قطعة أرض وفعلا بعت الذهب كله وبعد ما اشترى قطعة الأرض يتكلم معي وقال لي أني اقعد في مصر وهو ينزل  أجازات كل سنه او حسب شغله   طبعا أنا قلت له لا أنا كانت اتفاقي إني  أسافر معك وكنت هبيع دهبي  في مقابل أنا أمشي معك وكان وعدني إن الذهب ده ملوش علاقة بالسفر وفلوس  السفر على جنب زعلت نزل إجازة بعد خمس شهور من الجواز قاعد معي خمس ايام اتكلمت معاه في حوار السفر واني  محتاجه ليه  قال لي  مش هتسافري  إلا لما آخذ أهلي وهم ثلاث أفراد عرضت عليه إني أسافر أشتغل وياخذ دخلي  كامل مقابل انه هو يعرف يحوش اكثر ويجيب أهله فعلا رفض زعلت شوية تو صالحته قبل ما يسافر بيوم  قال لي قبل مركب الطيارة وأوصل البلد اللي أنا مسافر لها تكوني تخلصت من اي حاجه في  بطنك لو أنتي حامل تخلصي منه أنا مش مرتب أولوياتي وندمان  أني نزلت الأجازة دي كانت أسوأ أجازة في حياتي من صدمتي ما حكيتش لحد اللي حصل ما بيننا وعديت الموضوع على أساس انه وقت غضب مش أكثر وسافر جوزي وهو مش من النوع اللي بيهتم بي مكالمات ولا بيقول أي حاجة عاطفية وبعد  كده كلمني وقال لي أنت هتيجي عندي كان بعد مسافر بحوالي شهرين هروح  10 أيام فقط عنده عشان أغير جو بدل شهر العسل وسافرت فعلا وثلاث أيام ابتدأ  يبعد عني ومش طايق لمسة إيدي  وبعد كده اشتكيت لوالده من معاملته لي ولما قولت له ليه كده قال لي مكنتش عايز أتجوز حد أصلا ولما ترجعي مصر هتعرف انتي  عملتي ايه طبعا زعلت وكنت  في حالةصدمه  يعني بقيت أقول له اتزوجتني ليه  كلمت والده  اتدخل في الموضوع وصالحني قبل ما أنزل مصر  بيومين وبعد كده نزلت مصر على وعد أني هأسافر بعدها بشهر   وبعد كده أخذ أهله زياره  وقعدوا معه شهرين ورجعوا طبعا أنا زعلت جدا انه حتي معرضش عليا اروح معاهم وقال لي مش معاه فلوس وهما اولي و اهله بيقولوا لي إن أنتي مش عارفة تسيطري  عليه    و جرحني لما سابني  لوحدي   وبعدين سامحته وقولت  مش مشكلة طالما  حياخذني بعدهم  و بعد  ست شهور يعني 8  شهور  غياب بعت لي إن أنا أسافر لي وأخذت إجازة من شغلي سنة لأن شغلي مفهوش شهر أو شهرين وفعلا اخذت الأجازة وسافرت هو ثلاث أيام يعاملني  كويس  وبعد كده ابتدائي يهجرني  برضو  ولما تكلمت معي قال لي ماعنديش رغبة واستجابه لي وبعد كده  بقي  يقول لي أنتي ريحتك  وحشة أنا مش قابل  وجودك جاب لي الشيوخ قال  لي إن أنت معمول لك عمل ان  هو ينفر  منك طبعا أنا ماقتنعتش بالكلام ده كله وبعد كده اكتشفت إني أنا حامل ولما كنت حامل وقتها قال لي الولد منك أنتي وانتي  المسؤولة عنه أنا مش عايز منك حاجة وقلت لك قبل كده أنا ماعنديش رغبة فيكي أصلا   ملكيش  قعده معايا هنا  تاني  أنتي  تنزلي مصر ب المصيبة دي لحد ما أشوف  أنا عامل معاي  ايه طبعا أنا تضايقت قوي وبتدخل  من اهلي واهله اتصالحنا   عشان الولد اللي هيبقى موجود بعدها بأسبوع قال  لي أنت لازم تنزلي مصر عشان أنا مش معايا فلوس وهفتح  شركة والشركة دي هتاخد كل الفلوس اللي معايا  لأن أنا لو عملتش الشركة دلوقتي مش هقدر اعملها بعدين طبعا أنا قولت له أنت كده مش مقدرني  ومن كثر الضغط والحاله النفسيه  اللي كنت فيا  البيبي مات في بطني ونزلت مصر سقطت في  وهو فصل  حوالي شهر بدون مكالمات ويبعت  لي رسائل فقط  م عاملة ايه اخبارك ايه بس  وبعدها لغي اقامتي هناك وقال لي بعدين هعملها لما اوثق الشركه بتاعي وهيدخلني شريك  أنا قلت له أنا مش هينفع العلاقة دي  وأنا عايزة أتطلق انت مش مهتم بيا أصلا وبعد  شهرين  اهلي قال لي لا أنت لازم ترجعي وكده ومش هينفع خراب ال بيوت وكده وهو يعاملك كويس قوي وأنا اتعهد بكده كلمته فعلا قال لي أنا مش هاخد  معايا تاني أنا مش معايا  فلوس وانت تقعدي في مصر وأنا هروح وآجي لك فقط و شغلك مش مسؤول عنه وانتي اللي سبته أنا مطلبتش منك تجيلي و ترجعي شغلك ما ترجعيش  أنتي حره بعد ما رجعت شغلي كلمني وقال لي تعالي شهر أنا مش هينفع اروح  شهر قولت له مقولتش  ليه من الأول  قال لي أنت مش بيعجبك حاجه  وعمرك ما وقفتي جنبي بعد كل ده وأنا دلوقتي مش عايزة أرجع له لأن  هو مش عايزني بس عشان والده  بيقول لي  مستحيل تطلعي بره بيتنا أنتي تعيشي معانا وسيبك منه هو أكيد الأيام هتغيره 
عايزه أتطلق لان مفيش فايده فيه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_72497 🇪🇬

منذ يوم واحد

شعور مرهق

كانو دايما يحذرني من الناس الي في الشغل... وانا لا مستحيل حد يطلع وحش لان بطبيعتي دايما بفرض حسن النية الى ان يثبت العكس ....انا وحد تاني يعتبر متعينين في نفس الفترة بس هو أكبر مني بضعف عمري اد والدي ف بالتالي عنده خبرة حتى لو مش في مجالنا وانا على الله حكايتي ف بتكلم معاه بقوله انه انا معنديش خبرة

Cherry_76092 🇪🇬 هم الناس الكبار دول بهرية وصُفر بجد طنشي ومتلوميش نفسك على ذلة لسان، شغلك اللي هيثبت يا حبيبتي مين اللي فاهم

عرض الكل 5 نصيحة

Nutella_13726 🇮🇶

منذ يومين

شعور محبط

موضوع:

اكتر كلمه او موقف قفلك من شخص

صديقتي كلش قريبة عليا جنه اقسام داخلية نزلت لاهلي اسبوع لان ماعندي شي بالكلية ف لكيتها رابحه لغير غرفة ولغير بنات ومن رجعت اني هيه مارجعت للغرفة وصار اكلنه مو سوا ولا حتى تكعد ويانه ف اني من راسلتها وسالتها انو فعلا عافتنه كالت اي . هنا انتهى كلشي رغم حاووولت هواي تصالحني بس رفضت وبالأخير عاملتها كأ

Tofu_75389 🇪🇬

منذ يومين

شعور مكسور القلب

Carrot_52708 🇪🇬

منذ يومين

شعور مكسور القلب

بخون نفسي لما أفضّل أقعد في شغل بيمص روحي وأنا عارف إنه بيهلكني. وبخونها لما أحن لزميلة طلعت بتبيع أسراري للمدير من ورا ضهري. وبخونها كمان لما أدي ثقتي للي كسّرني، كإن الوجع ماكانش درس كفاية. وخنتها أكتر لما طلّعت نفسي ضحية… حساس وخواف، وسايب الدنيا تتحكم فيا.

Marshmallow_61247 🇪🇬

منذ يومين

شعور مزعوج

Carrot_71203 🇪🇬 حرام عليكى انك تتدبسى نفسك مع شخص زى ده ، انتى مقامك اعلى من كده واختارى لنفسك اللى يصونك وميبصش بره

عرض الكل 12 نصيحة

عبّر عن شعورك بشكل مجهول

عوزه اخد رايكم  اعتبروني اختكم مش هطول عليكم 
انا ارطبت بواحد عنده ٣٥ سنه تمام  نقدر نقول مشروع خطوبه فاشل  تمام هو ع قد حالو انا مش معترضه ع اي حاجه اللي مزعلني اني مش بحب الخيانه اول مره نزلت اقبله قالي انا معييش فلوس وتعالي تقعد ع البحر روحت وقعدت وتمام مفيش مشكله انا رعيت ظروفه حلو حلو تاني مره قعدنا مع بعض كان عامل تلفونه صامت قولت عادي مع ان قلبي مكنش مستريح جيت امسك التلفون اشوف اساعه كام اخد التلفون ولا اكني اخدت حاجه مهمه جدا بنسباله 🤔استغربت كده وسكت ولم روحت قولتله ليه بتعمل التلفون صامت انا مش هكون مضيقه انك تعرفني اي حاجه انا مش هزعل بس بلاش تخبي عليا المشكله انه كان خاطب وحده مطلقه ومعاها ولد عنده ١٣ سنه وانا انسه عندي ٢٦ سنه ف من كام يوم قالي اهل امي عندنا ومش هعرف اكلمك وكلام من ده ومعرفش اي ف انا شكيت بس بيني وبين نفسي مش بينت ف  المفروض يكلمني اقل ما فيها واتس شات كده قولتله ليه مش بتكلمني شات قالي انا مش عوز امسك التلفون علشان اهل امي عندهم اطفال وانا مش عوز حد يمسك الفون  تمام لحد هنا تمام جي امبارح يقولي اصل اهل امي مشيت ف تمام ارن ميردش والمشكله ام الفون ٢٤ ساعه صامت طب ليه وكان في يوم كان لسه قافل معايا برن عليه لقيته وويت طيب انت ويت ليه وانا لسه قفله معاك وقيلك اني هنام انت بتغفلني  ليه انهارده بقي من الساعه ١٢ بليل لحد ٢ونص وهو ويت وشايف رني الكتير ومردش  😭😭😭😭😭😭😭💔💔💔💔💔💔💔💔?انا مقهوره والله العظيم من كتر الغيظ حسبنت عليه وقولتله هتتردلك الخيانه 
هو  انا غلطانه مع ان في كذا حد من الاكسات عوزي يرجعلي وانا رفضت طيب ده جزات اللي يحافظ ع حد ومش يخون رد ع يتخان كده عااادي ليه فين الغلط عملتله اي لا والاخر يشك فيا انا ويشككني فنفسي ?

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_65823 🇪🇬

منذ يومين

شعور مكسور القلب

واحد كنت بعتبره اخويا راح كلم البنت القايله له اني بحبها و حتقدملها و قالها ان جايبلك عريس صاحب الشغل البشتغل فيه انا و هو و هي علشان ياخد من صاحب الشغل قرشين يبقى عمل له خدمة و صاحب الشغل ده بتاع جواز يعني مش أسرة و بيت زي لا ده شهرين و يطلق و حصل لبنت تانية بعد كده ال كان صحبي مش بحملة المسؤوليه

Carrot_71203 🇪🇬 يا راجل ده شخص نذل

عرض الكل 2 نصيحة

Chilli_63940 🇪🇬

منذ 3 أيام

شعور عاطفي

مش عارف زعلان بس بجد بحبكم كلكم بحب اي حد وكل حد بس المهم ميأذيش حد بالله عليكم محدش يكسر حد محدش يزعل حبو بعض لما حد يبين حبو متتكبروش عليه وتستغلوه ديه طيبه مش ضعف لو بنت اولد قرروا يجيبوا الطرف الثاني فصفح جميل او تسريح بإحسان والله البشر في منهم قلبهم صافيه حولوا متجوش عليهم بالله عليكم متجوش عل

Chilli_63940 🇪🇬

منذ 4 أيام

شعور عاطفي

بحب الناس اللي حوليه وباجي على نفسي عشانهم انا لو حد حبيته بحبه جدا وممكن اضحي بنفسي عشان ارضيه المقابل كان ان صحابي كلهم اتفقوا بإذوني عشان يتسلوا ودول كانوا اول صحاب لیا في حياتي والوحيدين على مدار سنين والبنت اللي حبتها بجد وعلى لسانها وهي بتسيبني اني اكثر حد ساعدها في حياتها هي في المقابل خانتني

Coconut_73870 🇪🇬

منذ 4 أيام

شعور منزعج

في واحده اعرفها شافتني منزله صوره لحد هى تعرفها والبنت اللي في الصورة دي صاحبتي دخلت بعتتلي إن البنت دي نفسيتها مش كويسه و انها مش بتحبها انا بقالي سنين عارفه البنت اللي في الصورة معايا شوفت حلوها ووحشها عيشنا اختلافات و عيشنا لحظات جميله يمكن اكتر واحده بتعرف تسمعني وتتواجد دايما وقت ازمتي أو مشك

Strawberry_75058 🇪🇬

وحيدة ومش عارفة أكبر من غير جواز

hi am 22 always i feel that am alone ديما بسحل نفسي في الشغل لكن انا معنديش حياة معنديش اصحاب i don’t have boyfriend معرفش ليه اصلا مبرتبطش ديما خايفة من نقطة اني ممكن اكبر و متجوزش انا في اجازة من شغلي حاليا و ده حسسني اكتر اني لوحدي معنديش حد اكلمو حتي الاحساس ده مضايقني اوي بقعد ادور مين ممكن انزل معاه بس مش بلاقي بكتشف كل يوم اني وحيدة ...عرض المزيد

1 الدعم

31 نصيحة

Pineapple_51779 🇪🇬

عندك مشكلة؟ تعالى افضفض وانا اساعدك

كل اللي عنده مشاكل وعايز يفضفض يتكلم حابة اساعد يمكن احل مشكلة اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

22 نصيحة

Onion_64725 🇪🇬

ليه بتعلق بسرعه وبيختفي الناس؟ مش فاهم حاجه!

هو لية انا لما بتعلق بحد بيختفي بدون سبب ولية انا بتعلق بالناس بسرعه يعني حرفیا اتکلم مع حد يومین احس ان دا شخص مهم جدا ومجرد ما يختفي ارجع اتاثر ولا كاني اعرفوا من سنین مش مجرد یومین هل دا طبيعي؟! ولا فعلا ف حاجه غلط ان بتعلق بسرعه جدا انا حقیقي مبقتش فاهم حاجة ؟؟! ...عرض المزيد

1 الدعم

19 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع